Lockdown 4.0 rules

ᱞᱚᱠᱰᱟᱣᱩᱱ ᱔.᱐ ᱨᱮᱭᱟᱜ ᱱᱟᱣᱟ ᱟ.ᱨᱤ ᱠᱚ

ᱥᱮᱭᱟᱨ ᱛᱟᱵᱳᱱ ᱯᱮ

ᱟᱯᱱᱟᱨ ᱠᱷᱚᱵᱚᱨᱺ ᱞᱚᱠᱰᱟᱣᱩᱱ ᱱᱤᱛᱚᱜ ᱯᱩᱱ ᱫᱷᱟᱯ ᱨᱮ ᱧᱩᱨᱩᱭᱮᱱᱟ, ᱪᱟᱞᱟᱜ ᱟ ᱓᱑ ᱢᱮ ᱦᱟ.ᱵᱤᱡ ᱾ ᱱᱚᱭᱟ ᱫᱷᱟᱯ ᱨᱮ ᱟᱭᱢᱟ ᱱᱟᱣᱟ ᱟ.ᱨᱤ ᱜᱚᱴᱟ ᱟᱠᱟᱱᱟ ᱾

ᱞᱟᱦᱟᱛᱮᱫᱚ ᱟᱨᱟᱜ, ᱜᱤᱨᱩ ᱟᱨ ᱦᱟ.ᱨᱭᱟ.ᱲ ᱱᱚᱣᱟ ᱯᱩᱱᱭᱟ ᱨᱚᱝ ᱛᱮ ᱮᱨᱤᱭᱟ ᱠᱚ ᱵᱷᱟᱜᱷ ᱛᱟᱸᱦᱮ ᱠᱟᱱᱟ ᱾ ᱯᱩᱱ ᱟᱱᱟᱜ ᱫᱷᱟᱯ ᱨᱮᱫᱚ ᱚᱱᱟ ᱠᱚᱜᱮ ᱦᱳᱭ ᱮᱱᱟᱼ “ᱮᱯᱷᱮᱠᱴᱮᱰ (ᱠᱮᱴᱟᱜᱚᱨᱤ ᱮ)”, “ᱵᱟᱯᱷᱟᱨ (ᱠᱮᱴᱟᱜᱚᱨᱤ ᱵᱤ)” ᱟᱨ “ᱠᱞᱤᱱ (ᱠᱮᱴᱟᱜᱚᱨᱤ ᱥᱤ)” ᱮᱨᱤᱭᱟ ᱨᱮ ᱾

ᱱᱚᱣᱟ ᱯᱩᱱ ᱟᱱᱟᱜ ᱞᱚᱠᱰᱟᱣᱩᱱ ᱨᱮᱦᱚᱸ ᱵᱤᱨᱫᱟ.ᱜᱟᱲ, ᱠᱚᱞᱮᱡᱽ, ᱢᱮᱴᱨᱳ ᱨᱮᱞ, ᱥᱤᱱᱮᱢᱟ ᱦᱚᱞ, ᱞᱟᱪᱟᱨ ᱟᱠᱷᱲᱟ ᱡᱚᱢᱮᱞᱟᱭ, ᱫᱷᱚᱨᱚᱢ ᱡᱚᱢᱮᱞᱟᱭ ᱮᱢᱟᱱ ᱠᱚᱫᱚ ᱞᱟᱦᱟ ᱞᱮᱠᱟ ᱜᱮ ᱦᱟ.ᱯᱤᱫ ᱛᱟᱸᱦᱮᱱᱟ ᱾ ᱖᱕ ᱩᱢᱮᱨᱟᱱ ᱵᱚᱭᱚᱥ ᱠᱚ ᱟᱨ ᱑᱐ ᱩᱢᱮᱨᱟᱱ ᱠᱷᱚᱱ ᱞᱟᱛᱟᱨ ᱩᱢᱮᱨᱟᱱ ᱨᱮᱱ ᱵᱟᱵᱩᱼᱢᱟ.ᱭ ᱠᱚ ᱫᱚ ᱚᱲᱟᱜ ᱠᱷᱚᱱ ᱚᱰᱚᱠ ᱫᱚ ᱢᱟᱱᱟ ᱜᱮᱭᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱵᱟᱝᱞᱟ ᱯᱚᱱᱚᱛ ᱨᱮ ᱵᱟᱲᱛᱤᱭᱮᱱᱟ ᱞᱚᱠᱰᱟᱩᱱ , ᱪᱟᱞᱟᱜᱼᱟ ᱓᱑ ᱢᱮ ᱫᱷᱟᱵᱤᱡ

ᱧᱤᱫᱟ. ᱗ ᱴᱟᱲᱟᱝ ᱠᱷᱚᱱ ᱥᱮᱛᱟᱜ ᱗ ᱴᱟᱲᱟᱝ ᱦᱟ.ᱵᱤᱡ ᱮᱠᱟᱞ ᱞᱟ.ᱛᱤᱭᱟᱱ ᱫᱩᱨᱤᱵᱽ ᱥᱟᱜᱟᱲ ᱢᱚᱴᱚᱨ ᱜᱟᱲᱤ ᱵᱮᱜᱚᱨ, ᱥᱟᱱᱟᱢ ᱜᱟᱲᱤ ᱜᱮ ᱞᱟᱜᱟ ᱵᱟᱝ ᱜᱟᱱᱚᱜ ᱟ, ᱵᱤᱦᱟ.ᱼᱵᱟᱯᱞᱟ, ᱥᱮ, ᱵᱷᱟᱸᱰᱟᱱ ᱠᱚᱨᱮ ᱜᱮᱢᱚᱬ ᱠᱷᱚᱱ ᱡᱟ.ᱥᱛᱤ ᱯᱮᱲᱟ ᱵᱟᱝ ᱱᱮᱣᱛᱟ ᱜᱟᱱᱚᱜ ᱟ, ᱯᱟ.ᱣᱨᱟ., ᱯᱟᱱ, ᱛᱟᱢᱵᱽᱟᱠᱩᱨ ᱠᱚ ᱵᱟᱢᱟᱨ ᱠᱚᱨᱮ ᱵᱟᱝ ᱜᱮ ᱡᱚᱢ ᱥᱮ, ᱧᱩᱸ ᱜᱟᱱᱚᱜ ᱟ ᱾

ᱠᱮᱴᱟᱜᱚᱨᱤ ᱥᱤ, ᱥᱮ, ᱠᱞᱤᱱ ᱮᱨᱤᱭᱟ ᱠᱚᱨᱮ ᱫᱚ ᱦᱩᱰᱤᱧ ᱢᱟᱨᱟᱝ ᱠᱟᱨᱠᱷᱟᱱᱟ ᱟᱨ ᱤᱴᱟ. ᱵᱷᱟᱴᱟ ᱠᱚᱫᱚ ᱢᱚᱬᱮ ᱜᱮᱞ ᱥᱟᱭᱠᱟᱲᱟ ᱦᱚᱲ ᱥᱟᱶᱛᱮ ᱪᱟᱞᱩ ᱜᱟᱱᱚᱜ ᱟ ᱾ ᱵᱟᱡᱟᱨ ᱨᱮ ᱫᱚᱠᱟᱱ ᱥᱟᱢᱟᱝ ᱨᱮ ᱡᱟᱛᱮ ᱢᱚᱬᱮ ᱦᱚᱲ ᱠᱷᱚᱱ ᱡᱟᱥᱛᱤ ᱵᱟᱝᱠᱚ ᱛᱟᱸᱦᱮᱱ ᱢᱟ, ᱚᱱᱟ ᱫᱚ ᱫᱚᱠᱟᱱᱤ ᱜᱮ ᱧᱮᱞ ᱦᱳᱭᱳᱜ ᱛᱟᱭᱟ ᱾ ᱩᱱᱠᱩ ᱛᱟᱞᱟᱨᱮ ᱛᱩᱨᱩᱭ ᱯᱷᱩᱴ ᱯᱷᱟᱨᱟᱠ ᱦᱚᱸ ᱛᱟᱸᱦᱮᱱ ᱫᱚ ᱞᱟᱠᱛᱤᱭᱟ ᱾ ᱫᱚᱠᱟᱱᱫᱟᱨ ᱦᱚᱸ ᱢᱟᱥᱠ, ᱜᱞᱟᱵᱷᱥ, ᱥᱮᱱᱤᱴᱟᱭᱡᱟᱨ ᱵᱮᱵᱽᱦᱟᱨ ᱦᱳᱭᱳᱜ ᱛᱟᱭᱟ ᱾ ᱡᱩᱞᱩᱯ ᱫᱚᱠᱟᱱ ᱦᱚᱸ ᱡᱷᱤᱡ ᱜᱟᱱᱚᱜ ᱟ, ᱛᱚᱵᱮ, ᱡᱩᱞᱩᱯ ᱟᱨ ᱮᱴᱟᱜ ᱮᱴᱟᱜ ᱞᱟᱠᱛᱤᱭᱟᱱ ᱡᱤᱱᱤᱥ ᱠᱚᱦᱚᱸ ᱵᱩᱜᱤ ᱞᱮᱠᱟᱛᱮ ᱥᱮᱱᱤᱴᱟᱭᱤᱡᱽ ᱦᱳᱭᱳᱜ ᱟ ᱾ ᱞᱟᱠᱛᱤᱭᱟᱱ ᱵᱟᱝ ᱞᱟᱠᱛᱤᱭᱟᱱ ᱥᱟᱜᱟᱲ ᱜᱟ.ᱰᱤ ᱠᱚᱦᱚᱸ ᱪᱟᱞᱩ ᱛᱟᱸᱦᱮᱱᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱵᱟᱝᱞᱟ ᱵᱟᱦᱨᱮ ᱠᱷᱚᱱ ᱨᱣᱟᱲᱚᱜ ᱥᱟᱱᱟᱢ ᱱᱟᱢᱟᱞ ᱠᱟᱢᱤᱭᱟ. ᱠᱚᱣᱟᱜ ᱠᱷᱚᱨᱚᱪᱟᱜ ᱟ:ᱜᱤᱵᱷᱟᱨ ᱯᱚᱱᱚᱛ ᱥᱚᱨᱠᱟᱨᱟᱜ


ᱥᱮᱭᱟᱨ ᱛᱟᱵᱳᱱ ᱯᱮ
x