Adivasi Gaonta always stood beside Sidhu Kanhu Family

ᱥᱤᱫᱳ ᱠᱟ.ᱱᱦᱩ ᱜᱷᱟᱨᱚᱧᱡᱽ ᱯᱟᱱᱛᱮ ᱛᱤᱸᱜᱩ ᱨᱮ ᱟ.ᱫᱤᱵᱟ.ᱥᱤ ᱜᱟᱶᱛᱟ, ᱡᱟᱜᱽᱣᱟᱨᱚᱜ ᱡᱩᱢᱤᱫ ᱥᱟᱸᱫᱮᱥ ᱟᱛᱮ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱩᱥ ᱰᱮᱥᱠ: ᱜᱚᱴᱟ ᱫᱤᱥᱤᱢ ᱢᱤᱫ ᱴᱟ.ᱝ ᱟᱲᱟᱝ ᱜᱮ ᱨᱟᱶᱟᱜ ᱠᱟᱱᱟ, ᱥᱤᱫᱳ ᱠᱟ.ᱱᱦᱩ ᱜᱟᱬᱟ ᱨᱟᱢᱮᱥᱥᱚᱨ ᱢᱩᱨᱢᱩᱣᱟᱜ ᱜᱩᱨ ᱟᱨ ᱱᱚᱣᱟ ᱜᱷᱚᱴᱚᱱ ᱛᱟᱭᱚᱢ ᱠᱟ.ᱭᱫᱷᱤᱭᱟᱜ ᱵᱤᱪᱟ.ᱨ ᱦᱩᱭᱩᱜ ᱢᱟ ᱢᱮᱢᱛᱮ᱾ ᱜᱚᱴᱟ ᱫᱤᱥᱚᱢ ᱦᱚᱲ ᱦᱩᱞᱜᱟ.ᱨᱤᱭᱟ. ᱜᱷᱟᱨᱚᱧᱡᱽ ᱛᱩᱞᱩᱡ ᱯᱟᱱᱛᱮ ᱨᱮ ᱢᱮᱱᱟᱜ ᱠᱚᱣᱟ᱾ ᱱᱚᱣᱟ ᱥᱟᱸᱫᱮᱥ ᱟᱛᱚᱜᱮ ᱦᱩᱞᱜᱟ.ᱨᱤᱭᱟ. ᱜᱷᱟᱨᱚᱧᱡᱽ ᱥᱩᱨ ᱠᱚ ᱛᱤᱸᱜᱩᱭᱮᱱᱟ ᱟ.ᱫᱤᱵᱟᱥᱤ ᱜᱟᱶᱛᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱜᱟ.ᱠᱷᱩᱲᱤᱭᱟ. ᱢᱚᱨᱩᱱᱟ ᱢᱩᱨᱢᱩᱣᱟᱜ ᱫᱟᱨᱮ ᱨᱚᱦᱚᱭ ᱦᱩᱞᱜᱟ.ᱲᱤᱭᱟ. ᱯᱷᱩᱞᱚ ᱡᱷᱟᱱᱚ ᱩᱭᱦᱟ.ᱨᱛᱮ

ᱯᱟᱨᱚᱢᱮᱱ ᱑᱓ ᱡᱩᱱ ᱦᱤᱞᱚᱜ ᱨᱟᱢᱮᱥᱥᱚᱨ ᱢᱩᱨᱢᱩᱣᱟᱜ ᱜᱚᱡ ᱦᱚᱲᱢᱚ ᱧᱟᱢ ᱟᱠᱟᱱ ᱛᱟᱦᱮᱸᱫ ᱵᱟ.ᱫᱽ ᱟᱲᱮ ᱠᱷᱚᱱ᱾ ᱱᱚᱣᱟ ᱛᱟᱭᱚᱢ ᱥᱤᱫᱳ ᱠᱟᱱᱦᱩ ᱚᱲᱟᱜ ᱦᱚᱲ ᱑᱖ ᱡᱩᱱ FIR ᱠᱚ ᱠᱚᱨᱟᱣ ᱟᱠᱟᱫ ᱨᱮᱦᱚᱸ ᱑᱑ ᱢᱟᱦᱟ ᱛᱟᱭᱚᱢ ᱠᱟ.ᱭᱫᱷᱤ ᱯᱩᱞᱤᱥ ᱴᱷᱮᱱ ᱮ ᱥᱟᱨᱮᱱᱰᱟᱨ ᱟᱠᱟᱫᱟ᱾ ᱨᱟᱢᱮᱥᱥᱚᱨ ᱢᱩᱨᱢᱩᱣᱟᱜ ᱯᱳᱥᱴᱢᱚᱨᱴᱟᱢ ᱨᱤᱯᱳᱨᱴ ᱦᱚᱸ ᱵᱟᱝ ᱡᱚᱛᱷᱟᱛᱟ ᱢᱮᱱᱛᱮ ᱜᱷᱟᱨᱚᱧᱡᱽ ᱦᱚᱲᱠᱚ ᱢᱮᱱ ᱦᱚᱪᱚ ᱮᱫᱟ᱾ ᱱᱚᱣᱟ ᱠᱚ ᱜᱷᱚᱴᱚᱱ ᱠᱚ ᱥᱟᱶ ᱜᱮ ᱥᱩᱨ ᱦᱮᱡ ᱮᱱ ᱦᱩᱞ ᱢᱟᱦᱟ ᱢᱟᱯᱟᱱᱟᱣ ᱤᱫᱤ ᱠᱟᱛᱮ ᱥᱟᱱᱟᱢ ᱫᱤᱥᱚᱢ ᱦᱚᱲ ᱴᱷᱮᱱ ᱵᱷᱤᱰᱤᱳ ᱥᱟᱸᱫᱮᱥ ᱦᱚᱸ ᱪᱟᱞ ᱟᱠᱟᱱᱟ ᱦᱩᱞᱜᱟ.ᱨᱤᱭᱟ. ᱜᱷᱟᱨᱚᱧᱡᱽ ᱯᱟᱦᱴᱟ ᱠᱷᱚᱱ᱾ ᱡᱟᱦᱟᱸ ᱫᱚ ᱥᱚᱥᱟᱞ ᱢᱤᱰᱤᱭᱟ ᱛᱟᱞᱟᱛᱮ ᱵᱷᱟᱭᱨᱟᱞ ᱟᱠᱟᱱᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱤᱫᱳ-ᱠᱟ.ᱱᱦᱩ ᱱᱟᱦᱟᱜ ᱯᱤᱲᱦᱤ ᱜᱚᱜᱚᱡᱤᱡ ᱟᱜ ᱯᱷᱟ:ᱥᱤ ᱫᱟ.ᱵᱤᱛᱮ ASA ᱣᱟᱜ ᱫᱷᱚᱨᱱᱟ ᱩᱱᱩᱫᱩᱜ

ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱥᱩᱨᱡᱤᱛ ᱥᱤᱝ ᱦᱟᱸᱥᱫᱟᱜ ᱟᱨ ᱵᱩᱵᱩᱱ ᱢᱟᱱᱰᱤ ᱛᱤᱠᱤᱱ ᱦᱩᱞᱜᱟ.ᱨᱤᱭᱟ. ᱜᱷᱟᱨᱚᱧᱡᱽ ᱥᱟᱶ ᱧᱮᱯᱮᱞ ᱨᱚᱯᱚᱨ ᱨᱮ ᱟᱨ ᱦᱚᱸ ᱚᱱᱟ ᱢᱟᱬᱟᱝ ᱛᱮᱭᱟᱜ ᱥᱟᱸᱫᱮᱥ ᱜᱮᱭ ᱪᱟᱞ ᱨᱩᱣᱟ.ᱲ ᱠᱮᱫᱟ ᱢᱚᱱᱰᱚᱞ ᱢᱩᱨᱢᱩ ᱜᱚᱢᱠᱮ᱾ ᱢᱚᱱᱰᱚᱞ ᱢᱩᱨᱢᱩ ᱥᱟᱱᱟᱢ ᱫᱤᱥᱚᱢ ᱦᱚᱲ ᱴᱷᱮᱱ ᱟᱨᱫᱟᱥ ᱮ ᱫᱚᱦᱚᱣᱟᱠᱟᱫᱟ ᱱᱤᱭᱟ. ᱥᱮᱨᱢᱟ ᱫᱚ ᱵᱟᱦᱟ ᱢᱟᱞᱟ ᱵᱚᱸᱜᱟ ᱵᱩᱨᱩᱠᱚ ᱟᱛᱮ ᱫᱚ ᱦᱩᱞᱜᱟ.ᱨᱤᱭᱟ. ᱠᱚᱫᱚ ᱚᱦᱚᱵᱚ ᱧᱩᱢ ᱦᱟᱞᱟᱝ ᱠᱚᱢᱟ᱾ ᱪᱮᱫᱟᱜ ᱥᱮ, ᱦᱩᱞᱜᱟ.ᱨᱤᱭᱟ. ᱜᱷᱟᱨᱚᱧᱡᱽ ᱨᱮ ᱱᱤᱛ ᱦᱚᱸ ᱨᱟᱢᱮᱥᱥᱚᱨ ᱢᱩᱨᱢᱩᱣᱟᱜ ᱵᱷᱟᱱᱰᱟᱱ ᱠᱟ.ᱢᱤ ᱟ.ᱣᱨᱤᱭᱟᱜ-ᱟ᱾ ᱚᱱᱟᱛᱮ ᱥᱟᱱᱛᱟᱲᱤ ᱱᱮᱢᱟᱪᱟᱨ ᱞᱮᱠᱟᱛᱮ ᱱᱮᱥ ᱫᱚ ᱦᱩᱞ ᱢᱟᱦᱟ ᱢᱟᱯᱟᱱᱟᱣ ᱨᱮ ᱫᱤᱥᱟ. ᱦᱩᱫᱤᱥ ᱵᱚ ᱫᱚᱦᱚᱭ ᱢᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱦᱩᱞ ᱢᱟᱦᱟ ᱢᱟᱱᱟᱜ ᱟᱥᱮ ᱵᱟᱝ ?? 2020 year of Exception

ᱱᱚᱛᱮ ᱵᱩᱵᱩᱱ ᱢᱟᱱᱰᱤ ᱟᱨ ᱥᱩᱨᱡᱤᱛ ᱥᱤᱝ ᱦᱟᱸᱥᱫᱟᱜ ᱜᱚᱢᱠᱮ ᱜᱟᱶᱛᱟ ᱯᱟᱦᱴᱟ ᱜᱷᱟᱨᱚᱧᱡᱽ ᱨᱮᱱ ᱦᱚᱲᱠᱚ ᱫᱤᱞ ᱫᱟᱲᱮ ᱠᱤᱱ ᱪᱟᱞ ᱟᱠᱟᱣᱟᱫ ᱠᱚᱣᱟ ᱥᱟᱶᱛᱮ ᱫᱤᱥᱚᱢ ᱦᱚᱲ ᱡᱟᱜᱽᱣᱟᱨ ᱠᱟᱛᱮ ᱱᱚᱣᱟ ᱜᱚᱡ ᱜᱷᱚᱴᱚᱱ ᱤᱫᱤ ᱠᱟᱛᱮ ᱥᱤᱫᱳ ᱠᱟ.ᱱᱦᱩ ᱜᱟᱬᱟ ᱠᱚᱣᱟᱜ ᱡᱟᱦᱟᱸ ᱫᱟ.ᱵᱤ ᱚᱱᱟ ᱛᱩᱞᱩᱡ ᱦᱚᱸ ᱯᱟᱱᱛᱮ ᱨᱮ ᱛᱤᱸᱜᱩ ᱨᱮᱭᱟᱜ ᱥᱟᱸᱫᱮᱥ ᱠᱤᱱ ᱪᱟᱞ ᱟᱠᱟᱫᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱤᱫᱳ-ᱠᱟ.ᱱᱷᱩ ᱢᱤᱥᱚᱱᱟᱜ ᱦᱚᱢᱚᱨ ᱦᱟᱞᱟᱝ ᱥᱤᱫᱳ-ᱠᱟᱱᱷᱩ ᱱᱟᱦᱟᱜ ᱯᱤᱲᱦᱤ ᱵᱚᱸᱜᱟᱛᱟᱞᱟ ᱨᱟᱢᱮᱥᱥᱚᱨᱟᱜ ᱩᱭᱦᱟ.ᱨᱛᱮ


ᱥᱮᱭᱟᱨ ᱛᱟᱵᱳᱱ ᱯᱮ
x