Santali to English Dictionary app in Google Play Store

ᱥᱟᱱᱛᱟᱲᱤ ᱮᱱᱰᱨᱚᱭᱮᱰ ᱰᱤᱠᱥᱱᱟᱨᱤ ᱩᱪᱷᱟᱹᱱ ᱮᱱᱟ, Google Play ᱠᱷᱚᱱ ᱞᱚᱜᱚᱱ ᱰᱟᱩᱱᱞᱳᱰ ᱯᱮ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱰᱤᱡᱤᱴᱟᱞ ᱰᱮᱥᱠ: ᱪᱟᱞᱟᱣᱮᱱ ᱒ ᱡᱩᱞᱟᱭ ᱜᱩᱜᱚᱞ ᱯᱞᱮᱥᱴᱚᱨ ᱨᱮ ᱩᱪᱷᱟᱹᱱ ᱥᱚᱫᱚᱨ ᱮᱱᱟ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱱᱟᱜ ᱯᱩᱭᱞᱩ ᱮᱱᱰᱨᱚᱭᱮᱰ ᱰᱤᱠᱥᱱᱟᱨᱤ ᱥᱮ ᱟ.ᱲᱟ. ᱵᱟ:ᱫᱤ᱾ ᱱᱤᱭᱟᱹ ᱰᱤᱠᱥᱚᱱᱟᱨᱤ ᱵᱮᱱᱟᱣ ᱟᱨ ᱰᱮᱵᱽᱞᱚᱯ ᱞᱟᱹᱜᱤᱫ ᱵᱟᱝᱞᱟᱫᱤᱥᱚᱢ ᱟᱨ ᱵᱷᱟᱨᱚᱛ ᱫᱤᱥᱚᱢ ᱠᱷᱚᱱ ᱢᱤᱫ ᱥᱟᱶ ᱛᱮ ᱠᱚ ᱠᱟᱹᱢᱤᱭᱮᱫᱟ᱾ ᱱᱤᱭᱟ. ᱰᱤᱠᱥᱚᱱᱟᱨᱤ ᱫᱚᱭ ᱰᱮᱵᱽᱞᱚᱯ ᱟᱠᱟᱫᱟ ᱯᱚᱸᱰᱮᱛ ᱨᱟ.ᱜᱷᱩᱱᱟᱛᱷ ᱢᱩᱨᱢᱩᱣᱟᱜ ᱡᱟᱱᱟᱢ ᱫᱤᱥᱚᱢ ᱵᱷᱟᱨᱚᱛ ᱨᱮᱱᱟᱜ ᱩᱰᱤᱥᱟᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱧᱡᱽ ᱵᱟ.ᱨᱯᱚᱫᱟ ᱨᱮᱱ ᱵᱟᱞᱚᱠᱨᱟᱢ ᱴᱩᱰᱩ᱾ ᱟᱨ ᱜᱚᱲᱚ ᱨᱮ ᱢᱮᱱᱟᱜ ᱠᱚᱣᱟ ᱵᱷᱟᱨᱚᱛ ᱨᱮᱱᱟᱜ ᱯᱟᱹᱪᱷᱤᱢ ᱵᱟᱝᱞᱟ ᱠᱷᱚᱱ ᱚᱢᱚᱨ ᱢᱩᱨᱢᱩ, ᱟᱥᱟᱢ ᱠᱷᱚᱱ ᱞᱚᱠᱷᱤᱨᱟᱢ ᱢᱩᱨᱢᱩ ᱟᱨ ᱵᱟᱝᱞᱟᱫᱤᱥᱚᱢ ᱠᱷᱚᱱ ᱥᱩᱵᱟᱥ ᱢᱩᱨᱢᱩ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱚᱞ ᱤᱛᱩᱱ, ᱥᱟᱱᱛᱟᱲᱤ ᱪᱤᱠᱤ ᱪᱮᱢᱮᱫ ᱞᱟ.ᱜᱤᱫ ᱱᱟᱣᱟ ᱮᱯ ᱮ ᱩᱨᱮ.ᱞ ᱠᱮᱫᱟ ᱟᱠᱷᱲᱟ ᱢᱤᱰᱤᱭᱟ

᱑᱙᱒᱕ ᱥᱮᱨᱢᱟ ᱨᱮ ᱯᱚᱸᱰᱮᱛ ᱨᱟ.ᱜᱷᱩᱱᱟᱛᱷ ᱢᱩᱨᱢᱩ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞ ᱞᱟᱹᱜᱤᱫ ᱛᱮ ᱚᱞᱪᱤᱠᱤᱭ ᱵᱮᱱᱟᱣ ᱞᱮᱫᱟ᱾ ᱒᱒ ᱰᱤᱥᱮᱢᱵᱚᱨᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱦᱚᱠᱤᱛ ᱨᱮᱱᱟᱜ ᱤᱨᱟ.ᱞ ᱛᱷᱚᱠ ᱨᱮᱭ ᱥᱮᱞᱮᱫ ᱟᱠᱟᱫᱟ᱾ ᱒᱐᱐᱘ ᱥᱮᱨᱢᱟ ᱨᱮ ᱚᱞᱪᱤᱠᱤ ᱫᱚ ᱭᱩᱱᱤᱠᱳᱰ ᱨᱮ ᱥᱮᱞᱮᱫ ᱮᱱᱟ᱾ ᱒᱐᱑᱗ ᱥᱮᱨᱢᱟ ᱨᱮ ᱜᱩᱜᱚᱞ ᱠᱤᱵᱳᱨᱰ ᱨᱮ ᱚᱞᱪᱤᱠᱤ ᱛᱮ ᱥᱟᱱᱛᱟᱲᱤ ᱠᱤᱵᱳᱨᱰ ᱥᱮᱞᱮᱫ ᱮᱱᱟ᱾ ᱒᱐᱑᱘ ᱥᱮᱨᱢᱟ ᱨᱮᱱᱟᱜ ᱗ ᱟᱜᱚᱥᱴ ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱪᱟᱹᱞᱩᱭᱮᱱᱟ᱾ ᱢᱮᱱᱠᱷᱟᱱ ᱰᱤᱠᱥᱚᱱᱟᱨᱤ ᱥᱚᱯᱷᱴᱚᱭᱮᱨ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ᱾ ᱒ ᱡᱩᱞᱟᱭ ᱥᱟᱱᱛᱟᱞᱤ ᱰᱤᱠᱥᱚᱱᱟᱨᱤ ᱩᱪᱷᱟᱹᱱ ᱦᱚᱛᱮ ᱛᱮ ᱚᱱᱟ ᱩᱭᱦᱟ.ᱨ ᱠᱩᱠᱢᱩ ᱜᱷᱟᱹᱴᱛᱤ ᱦᱚᱸ ᱯᱩᱨᱟᱹᱣ ᱮᱱᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ:ᱰᱚ. ᱥᱳᱱᱟᱡᱷᱟᱨᱤᱭᱟ. ᱥᱟᱶ ᱫᱩᱯᱲᱩᱵ ᱨᱮ ᱟᱥᱮᱠᱟ ᱾ ᱜᱟᱞᱢᱟᱨᱟᱣ ᱨᱮ ᱥᱟᱱᱛᱟᱲᱤ ᱛᱟᱱᱟᱞᱟ ᱯᱚᱲᱦᱚᱱ

ᱰᱮᱵᱽᱞᱚᱯᱟᱨ ᱵᱟᱞᱚᱠᱨᱟᱢ ᱴᱩᱰᱩ ᱭᱮ ᱞᱟᱹᱭ ᱠᱮᱫᱟ, “ᱱᱤᱭᱟᱹ ᱰᱤᱠᱥᱚᱱᱟᱨᱤ ᱫᱚ ᱥᱟᱱᱛᱟᱞ ᱦᱩᱞ ᱢᱟᱦᱟ ᱓᱐ ᱡᱩᱱ ᱦᱤᱞᱚᱹᱜ ᱩᱪᱷᱟᱱ ᱥᱚᱫᱚᱨ ᱟᱠᱟᱱᱟ᱾ ᱢᱮᱱᱠᱷᱟᱱ ᱜᱩᱜᱚᱞ ᱯᱞᱮᱥᱴᱚᱨ ᱨᱮ ᱴᱮᱠᱱᱤᱠᱟᱞ ᱮᱴᱠᱮᱴᱚᱬᱮ ᱠᱷᱟᱹᱛᱤᱨ ᱒ ᱡᱩᱞᱟᱹᱭ ᱭᱮᱱᱟ ᱮᱯᱨᱩᱵᱽ ᱧᱟᱢ ᱟᱠᱟᱱᱟ᱾ ᱱᱤᱭᱟᱹ ᱰᱤᱠᱥᱚᱱᱟᱨᱤ ᱨᱮ ᱥᱟᱱᱛᱟᱲᱤ ᱠᱷᱚᱱ ᱤᱝᱞᱤᱥ ᱟᱨ ᱤᱝᱞᱤᱥ ᱠᱷᱚᱱ ᱥᱟᱱᱛᱟᱲᱤ ᱟᱹᱲᱟᱹ ᱥᱮᱸᱫᱽᱨᱟ ᱜᱟᱱᱚᱜᱼᱟ᱾ ᱱᱤᱭᱟᱹᱜᱷᱟᱹᱲᱤᱡ ᱫᱚ ᱱᱤᱭᱟᱹ ᱰᱤᱠᱥᱚᱱᱟᱨᱤ ᱚᱱᱞᱟᱭᱤᱱ ᱨᱮᱭ ᱠᱟᱹᱢᱤᱭᱟ᱾ ᱛᱟᱭᱚᱢ ᱫᱟᱨᱟᱢ ᱚᱯᱷᱞᱟᱭᱤᱱ ᱨᱮ ᱫᱚᱦᱚ ᱨᱮᱱᱟᱜ ᱩᱭᱦᱟᱹᱨ ᱦᱚᱸ ᱢᱮᱱᱟᱜᱼᱟ᱾” ᱚᱱᱟ ᱥᱟᱶ ᱡᱚᱛᱚ ᱦᱚᱲ ᱱᱤᱭᱟᱹ ᱰᱤᱠᱥᱚᱱᱟᱨᱤ ᱟ.ᱛᱩᱨ ᱟᱬᱜᱚ ᱠᱟᱛᱮ ᱥᱟᱱᱟᱢ ᱰᱤᱵᱷᱟᱭᱤᱥ ᱨᱮ ᱤᱱᱥᱴᱚᱞ ᱥᱟᱶ ᱢᱚᱬᱮ ᱤᱯᱤᱞ ᱨᱮᱴᱤᱝ ᱮᱢ ᱨᱮᱱᱟᱜᱼᱮ ᱱᱮᱸᱦᱚᱨ ᱠᱮᱫᱟ᱾

ᱱᱤᱭᱟᱹ ᱰᱤᱠᱥᱚᱱᱟᱨᱤ ᱧᱟᱢᱚᱜ ᱞᱤᱝᱠ ᱫᱚ ᱞᱟᱛᱟᱨ ᱨᱮ ᱮᱢ ᱟᱠᱟᱱᱟ ᱾ ᱚᱛᱟ ᱥᱟᱢᱴᱟᱣ ᱛᱟᱵᱚᱱ ᱯᱮ ᱵᱟᱲᱮ᱾

Download here : ᱥᱟᱱᱛᱟᱲᱤ ᱮᱱᱰᱨᱚᱭᱰ ᱰᱤᱠᱥᱱᱟᱨᱤ

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱥᱟᱱᱛᱟᱲᱤ ᱯᱟᱹᱨᱥᱤ ᱤᱫᱤ ᱠᱟᱛᱮᱫ ᱦᱟᱯᱮᱱ ᱫᱤᱱ ᱟᱥᱮᱠᱟ, AISWA ᱢᱤᱫ ᱛᱮᱠᱤᱱ ᱠᱟ.ᱢᱤᱭᱟ


ᱥᱮᱭᱟᱨ ᱛᱟᱵᱳᱱ ᱯᱮ
x