Basen Murmu death condolence by Marisa Sena

ᱵᱚᱥᱮᱱ ᱢᱩᱨᱢᱩ ᱫᱤᱥᱟᱹ ᱩᱭᱦᱟ.ᱨ ᱛᱮ ᱦᱚᱢᱚᱨ ᱦᱟᱞᱟᱝ ᱢᱟᱨᱤᱥᱟ ᱟᱜ

ᱥᱮᱭᱟᱨ ᱛᱟᱵᱳᱱ ᱯᱮ

ᱨᱟ.ᱜᱷᱩᱱᱟᱛᱷ ᱢᱩᱨᱢᱩ, ᱵᱟ.ᱨᱯᱟᱫᱟ: ᱢᱚᱭᱩᱨᱵᱷᱚᱸᱡᱽ ᱟ.ᱫᱤᱵᱟ.ᱥᱤ ᱦᱩᱞᱜᱟ.ᱨᱤᱭᱟ ᱡᱩᱣᱟᱱ ᱯᱟ.ᱴᱷᱩᱣᱟ. ᱜᱟᱶᱛᱟ (ᱢᱟᱨᱤᱥᱟ ᱥᱮᱱᱟ) ᱯᱟᱦᱴᱟ ᱠᱷᱚᱱ ᱵᱚᱸᱜᱟ ᱛᱟᱞᱟᱭᱮᱱ ᱧᱩᱛᱩᱢᱟᱱ ᱥᱮᱨᱮᱧ ᱨᱩᱥᱤᱠᱟ. ᱵᱚᱥᱮᱱ ᱢᱩᱨᱢᱩᱣᱟᱜ ᱦᱚᱢᱚᱨ ᱦᱟᱞᱟᱝ ᱠᱟ.ᱢᱤ ᱦᱚᱨᱟ ᱦᱩᱭ ᱥᱟ.ᱛ ᱮᱱᱟ ᱾ ᱵᱟᱝᱨᱤᱯᱚᱥᱤ ᱜᱚᱨᱟᱢ ᱯᱚᱸᱪᱟᱛ ᱠᱷᱚᱰᱟᱰᱮᱨᱟ ᱟ.ᱛᱩ ᱨᱮ ᱱᱚᱣᱟ ᱠᱟᱛᱷᱟ.ᱢᱤ ᱦᱚᱨᱟ ᱫᱚ ᱫᱚᱦᱚ ᱦᱩᱭ ᱞᱮᱱᱟ ᱾ ᱢᱟᱨᱤᱥᱟ ᱥᱮᱱᱟ ᱯᱟᱨᱥᱮᱛ ᱢᱟ.ᱱ ᱚᱨᱡᱩᱱ ᱢᱩᱨᱢᱩ, ᱡᱚᱜᱚ ᱯᱟᱨᱥᱮᱛ ᱢᱟ.ᱱ ᱨᱟ.ᱜᱷᱩᱱᱟᱛᱷ ᱢᱩᱨᱢᱩ ᱛᱤᱠᱤᱱᱟᱜ ᱟᱭᱩᱨ ᱛᱮ ᱱᱚᱣᱟ ᱠᱟ.ᱢᱤ ᱦᱚᱨᱟ ᱥᱟᱵ ᱦᱩᱭ ᱞᱮᱱᱟ ᱾ ᱱᱚᱣᱟ ᱨᱮ ᱠᱷᱚᱰᱟᱰᱮᱨᱟ ᱟ.ᱛᱩ ᱠᱩᱢᱩᱴ ᱨᱤᱱ ᱢᱟᱨᱤᱥᱟ ᱥᱮᱱᱟ ᱨᱤᱱ ᱠᱟ.ᱢᱤᱭᱟ ᱠᱚᱲᱟ ᱠᱚ ᱟ.ᱰᱤ ᱫᱩᱠᱷ ᱥᱟᱛᱟᱞᱟᱜ ᱠᱟ.ᱢᱤ ᱦᱚᱨᱟ ᱠᱚ ᱯᱩᱨᱟᱣ ᱞᱮᱜ ᱟ ᱾ ᱱᱚᱣᱟ ᱨᱮ ᱢᱟ.ᱱ ᱥᱚᱝᱠᱚᱨ ᱵᱟᱥᱠᱮ, ᱫᱤᱱᱮᱥ ᱱᱟᱭᱮᱠ, ᱨᱟᱠᱮᱥ ᱱᱟᱭᱮᱠ, ᱚᱝᱠᱩᱨ ᱱᱟᱭᱮᱠ, ᱨᱟᱡᱽᱠᱤᱥᱳᱨ ᱦᱟᱸᱥᱫᱟᱜ, ᱨᱟᱦᱩᱞ ᱴᱩᱰᱩ, ᱡᱚᱫᱩ ᱴᱩᱰᱩ, ᱯᱷᱚᱠᱤᱨᱟ ᱱᱟᱭᱮᱠ ᱟᱨ ᱟᱥᱤᱥ ᱱᱟᱭᱮᱠ ᱠᱚ ᱮᱢᱟᱱ ᱜᱟᱶᱛᱟ ᱥᱚᱦᱮᱫ ᱠᱚ ᱥᱮᱞᱮᱫ ᱞᱮᱱᱟ ᱾

ᱧᱮᱞ ᱛᱟᱵᱩᱱ ᱯᱮ : ᱥᱟᱱᱛᱟᱲᱤ ᱥᱮᱨᱮᱧ ᱨᱩᱥᱤᱠᱟ ᱵᱟᱥᱮᱱ ᱢᱩᱨᱢᱩ ᱫᱚᱭ ᱵᱟ.ᱜᱤᱭᱟᱫ ᱵᱚᱱᱟ

ᱢᱟᱨᱤᱥᱟ ᱥᱮᱱᱟ ᱦᱚᱛᱮᱡ ᱛᱮ ᱦᱚᱢᱚᱨ ᱦᱟᱞᱟᱝ ᱠᱟ.ᱢᱤ ᱦᱚᱨᱟ

ᱥᱮᱨᱮᱧ ᱨᱩᱥᱤᱠᱟ. ᱵᱚᱥᱮᱱ ᱢᱩᱨᱢᱩᱣᱟᱜ ᱵᱚᱸᱜᱟ ᱛᱟᱞᱟᱛᱮ ᱫᱩᱠᱷ ᱨᱮᱱᱟᱜ ᱥᱟᱪᱟᱨᱦᱮᱸ ᱥᱟᱱᱟᱢ ᱴᱚᱞᱟ ᱯᱟᱲᱟ ᱜᱮ ᱾ ᱥᱳᱥᱟᱞ ᱢᱤᱰᱤᱭᱟ ᱠᱚᱨᱮ ᱯᱷᱮᱱ ᱠᱚᱣᱟᱜ ᱦᱚᱢᱚᱨ ᱦᱟᱞᱟᱝ ᱡᱟᱶ ᱜᱮ ᱧᱮᱞ ᱧᱟᱢ ᱠᱟᱱᱟ ᱾ ᱥᱤᱱᱮ ᱟᱨᱴᱤᱥᱴ ᱥᱩᱨᱮᱱᱫᱨᱚ ᱴᱩᱰᱩ ᱟᱡᱟᱜ ᱥᱳᱥᱟᱞ ᱯᱨᱳᱯᱷᱟᱭᱤᱞ ᱨᱮ ᱚᱞ ᱠᱟᱫᱟᱭ – ‘ᱵᱚᱥᱮᱱ ᱫᱟ ᱡᱟᱦᱟᱸ ᱨᱮᱜᱮᱢ ᱛᱟᱦᱮᱱ ᱟᱵᱳᱣᱟᱜ ᱚᱱᱛᱚᱨ ᱢᱚᱱᱮ ᱡᱤᱣᱤ ᱠᱷᱚᱱ ᱫᱚ ᱛᱤᱥ ᱦᱚᱸ ᱵᱟᱢ ᱪᱩᱰᱟ.ᱨᱚᱜ ᱟ.’ ᱾ ᱤᱱᱟ.ᱛᱮ ᱥᱟᱱᱛᱟᱲᱤ ᱤᱱᱰᱟᱥᱴᱨᱤ ᱨᱮ ᱦᱚᱸ ᱫᱩᱠ ᱦᱚᱢᱚᱨ ᱨᱮᱱᱟᱜ ᱪᱤᱛᱟ.ᱨ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱫᱟᱨᱟᱭ ᱠᱟᱱᱟ ᱱᱟᱣᱟ ᱥᱟᱱᱛᱟᱲᱤ ᱥᱮᱴᱟᱞᱟᱭᱤᱴ ᱴᱤᱵᱷᱤ ᱪᱮᱱᱮᱞ “AdivasiTV”

santalinews.com ᱯᱷᱮᱥᱵᱩᱠ ᱯᱳᱥᱴ ᱨᱮ ᱯᱷᱮᱱ ᱠᱚᱣᱟᱜ ᱠᱚᱢᱮᱱᱴ

ᱟᱰᱤ ᱠᱚᱢ ᱩᱢᱮᱨ ᱨᱮ ᱜᱮ ᱡᱮᱞᱮᱧ ᱰᱟᱦᱟᱨ ᱮ ᱛᱟᱲᱟᱢ ᱠᱮᱫᱟᱭ ᱥᱮᱨᱮᱧ ᱨᱩᱥᱤᱠᱟ. ᱵᱟᱥᱮᱱ ᱢᱩᱨᱢᱩ ᱜᱚᱢᱠᱮ ᱾ ᱠᱩᱞᱢᱤ ᱫᱟᱨᱮ , ᱟᱞᱟᱠ ᱡᱟ.ᱲᱤ ᱱᱟ.ᱲᱤ ᱞᱮᱠᱟ ᱮᱢᱟᱱ ᱦᱤᱴ ᱥᱮᱨᱮᱧ ᱠᱚ ᱛᱟᱞᱟᱨᱮ ᱥᱚᱨᱮᱥ ᱥᱮᱨᱮᱧ ᱠᱚᱨᱮ ᱨᱟᱦᱟ ᱠᱚ ᱨᱟᱶᱟᱜ ᱛᱟᱭᱟ ᱾ ᱛᱵᱮ ᱠᱮᱨᱤᱭᱟᱨ ᱨᱮᱱᱟᱜ ᱨᱟᱠᱟᱵ ᱜᱚᱫᱚᱜ ᱨᱮ ᱱᱚᱝᱠᱟ ᱟᱫ ᱜᱚᱫᱚᱜ ᱫᱚ ᱚᱠᱚᱭ ᱜᱮ ᱵᱟᱝ ᱠᱚ ᱢᱟᱱᱟᱣ ᱫᱟᱲᱮᱭᱟᱜ ᱠᱟᱱᱟ ᱾ ᱯᱟᱞᱮᱱ ᱟᱨ ᱦᱚᱸ ᱥᱚᱨᱮᱥ ᱥᱮᱨᱮᱧ ᱠᱚ ᱫᱚ ᱜᱟᱵᱟᱱ ᱜᱮ ᱛᱟᱦᱮᱸᱭᱮᱱ ᱛᱟᱭᱟ, ᱨᱟᱦᱟ ᱫᱚ ᱵᱟᱭ ᱧᱟᱢ ᱞᱮᱫᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱡᱤᱛᱠᱟᱹᱨ ! ᱢᱤᱫ ᱥᱟ.ᱲᱤᱢ ᱩᱢᱩᱞ ᱨᱮ ᱥᱟᱱᱛᱟᱲᱤ ᱥᱤᱱᱮ ᱤᱱᱰᱟᱥᱴᱨᱤ

Santhali film industry superhit singer "BASEN MURMU"

Posted by Sagar Tudu on Monday, June 8, 2020
ᱢᱤᱫ ᱯᱷᱮᱱᱟᱜ ᱯᱷᱮᱥᱵᱩᱠ ‌‌‌‌‌ᱳᱣᱟᱞ ᱠᱷᱚᱱ

ᱥᱮᱭᱟᱨ ᱛᱟᱵᱳᱱ ᱯᱮ
x