Naren Hansda Bengal Tiger Death Anniversary 25th June

ᱛᱮᱦᱮᱧ ᱫᱚ ᱵᱮᱝᱜᱚᱞ ᱴᱟᱭᱜᱟᱨ ᱡᱷᱟᱨᱠᱷᱚᱸᱰ ᱞᱟᱲᱟᱣᱱᱟ ᱟ.ᱭᱩᱨᱤᱡ ᱱᱚᱨᱮᱱ ᱦᱟᱸᱫᱟᱜ ᱣᱟᱜ ᱜᱩᱨ ᱢᱟᱦᱟ

ᱥᱮᱭᱟᱨ ᱛᱟᱵᱳᱱ ᱯᱮ

Image: Collected

ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱯᱚᱪᱷᱤᱢ ᱵᱟᱝᱞᱟ ᱡᱷᱟᱨᱠᱚᱸᱰ ᱞᱟᱲᱟᱣᱱᱟ ᱨᱮᱱ ᱮᱛᱚᱦᱚᱵ ᱟ.ᱭᱩᱨᱤᱡ ᱵᱮᱝᱜᱚᱞ ᱴᱟᱭᱜᱟᱨ ᱱᱚᱨᱮᱱ ᱦᱟᱸᱥᱫᱟᱜ ᱣᱟᱜ ᱛᱮᱦᱮᱧᱫᱚ ᱒᱒ ᱟᱱᱟᱜ ᱜᱩᱨ ᱢᱟᱦᱟ ᱠᱟᱱᱟ᱾ ᱑᱙᱙᱙ ᱥᱚᱱ ᱨᱮ ᱱᱩᱣ ᱧᱤᱛᱩᱢᱟᱱ ᱡᱷᱟᱨᱠᱷᱚᱸᱰ ᱱᱮᱛᱟ ᱒᱕ ᱡᱩᱱ ᱥᱮᱨᱢᱟ ᱯᱩᱨᱤᱛᱮᱭ ᱵᱚᱸᱜᱟ ᱛᱟᱞᱟ ᱞᱮᱱᱟ᱾
ᱱᱚᱨᱮᱱ ᱦᱟᱸᱥᱫᱟᱜ ᱫᱚ ᱯᱷᱟ.ᱴᱷᱩᱣᱟ. ᱩᱢᱮᱨ ᱠᱷᱚᱱᱜᱮ ᱥᱟᱶᱛᱟ ᱨᱮᱭᱟᱜ ᱟᱭᱢᱟ ᱜᱚᱱᱚᱴᱷᱚᱱ ᱥᱟᱞᱟᱜ ᱡᱚᱯᱚᱲᱟᱣ ᱮ ᱛᱟᱦᱮᱸ ᱠᱟᱱᱟ᱾ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱡᱷᱚᱛᱚᱠᱷᱚᱱ ᱢᱟᱨᱟᱝ ᱜᱚᱱᱚᱴᱷᱚᱱ ASECA ᱥᱮ ᱟ.ᱫᱤᱵᱟ.ᱥᱤ ᱥᱟᱶᱛᱟ ᱥᱮᱪᱚᱫ ᱞᱟᱠᱪᱟᱨ ᱥᱮᱢᱞᱮᱫ ᱥᱟᱞᱟᱜ ᱦᱚᱸ ᱡᱚᱯᱚᱲᱟᱣ ᱮ ᱛᱟᱦᱮᱸ ᱠᱟᱱᱟ᱾

ᱡᱷᱟᱨᱜᱨᱟᱢ ᱨᱮᱭᱟᱜ ᱵᱮᱛᱠᱩᱸᱫᱽᱨᱤ ᱰᱟ.ᱦᱤᱨᱮ ᱑᱙᱗᱗ ᱨᱮ ᱥᱟᱯᱲᱟᱣ ᱞᱮᱱ ᱫᱤᱥᱚᱢ ᱡᱟᱠᱟᱛ ᱥᱟᱱᱛᱟᱲ ᱠᱚᱣᱟᱜ ᱦᱮᱞᱢᱮᱞ ᱨᱮ ᱢᱟᱨᱟᱝ ᱟ:ᱜᱤᱵᱷᱟᱨ ᱮ ᱜᱚᱜ ᱞᱮᱫᱟ ᱱᱚᱨᱮᱱ ᱦᱟᱸᱥᱫᱟᱜ᱾ ᱥᱮᱢᱞᱮᱫ ᱦᱚᱛᱮᱛᱮ ᱥᱟᱯᱲᱟᱣ ᱱᱚᱣᱟ ᱢᱤᱫᱩᱱ ᱨᱮ ᱜᱩᱨᱩ ᱜᱚᱢᱠᱮ ᱯᱳᱸᱰᱮᱛ ᱨᱟ.ᱜᱷᱩᱱᱟᱛᱷ ᱢᱩᱨᱢᱩ ᱥᱟᱶᱛᱮ ᱢᱟᱨᱟᱝ ᱯᱮᱲᱟ ᱞᱮᱠᱟᱛᱮ ᱫᱤᱥᱚᱢ ᱜᱩᱨᱩ ᱥᱤᱵᱩ ᱥᱚᱨᱮᱱ ᱛᱮᱠᱤᱱ ᱥᱮᱴᱮᱨᱠᱤᱱ ᱛᱟᱦᱮᱸ ᱠᱟᱱᱟ᱾ ᱯᱟ.ᱦᱤᱞ ᱵᱷᱟᱨᱚᱛ ᱡᱟᱠᱟᱛ ᱢᱟ.ᱡᱷᱤ ᱢᱟᱰᱣᱟ ᱵᱮᱨᱮᱫ ᱨᱟᱠᱟᱵ ᱥᱟᱶᱛᱮ ᱢᱟᱰᱣᱟ ᱛᱚᱨᱟᱣ ᱨᱟᱠᱟᱵ ᱨᱮᱦᱚᱸ ᱟᱭᱢᱟ ᱮᱱᱮᱢ ᱛᱟᱦᱮᱸ ᱠᱟᱱ ᱛᱟᱭᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱛᱮᱜ ᱦᱮᱢᱚᱱᱛᱚ ᱴᱷᱮᱱ ᱫᱚᱨᱵᱟᱨ ᱨᱮ ᱟᱥᱮᱠᱟ

ᱮᱛᱚᱦᱚᱵ ᱨᱮ ᱡᱷᱟᱨᱠᱚᱸᱰ ᱯᱟᱨᱴᱤ ᱨᱮᱭ ᱥᱮᱞᱮᱫ ᱞᱮᱱ ᱨᱮᱦᱚᱸ ᱛᱟᱭᱚᱢ ᱛᱮ ᱟᱡ ᱛᱮ ᱡᱷᱟᱨᱠᱷᱚᱸᱰ ᱯᱟᱨᱴᱤ (ᱱᱚᱨᱮᱱ) ᱮ ᱵᱮᱨᱮᱫ ᱨᱟᱠᱟᱵ ᱞᱮᱫᱟ᱾ ᱡᱷᱟᱨᱜᱨᱟᱢ ᱵᱤᱱᱯᱩᱨ ᱠᱷᱚᱱ ᱵᱟᱨ ᱡᱮᱠᱷᱟ ᱮᱢ.ᱮᱞ.ᱮ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ᱾ ᱫᱤᱥᱚᱢ ᱦᱚᱲ ᱱᱚᱨᱮᱱ ᱦᱟᱸᱥᱫᱟᱜ ᱫᱚ ᱵᱮᱝᱜᱚᱞ ᱴᱟᱭᱜᱟᱨ ᱢᱮᱱᱛᱮᱠᱚ ᱧᱩᱢ ᱦᱟᱞᱟᱝ ᱞᱮᱫᱮᱭᱟ᱾ ᱢᱮᱱᱠᱷᱟᱱ ᱑᱙᱙᱙ ᱥᱚᱱ ᱨᱮᱭᱟᱜ ᱒᱕ ᱡᱩᱱ ᱱᱩᱭ ᱢᱚᱦᱚᱛ ᱡᱷᱟᱨᱠᱷᱚᱸᱰᱤ ᱱᱮᱛᱟᱣᱟᱜ ᱜᱩᱨ ᱛᱟᱭᱚᱢ ᱫᱟᱨᱟᱢ ᱵᱮᱝᱜᱚᱞ ᱯᱚᱱᱚᱛ ᱨᱮ ᱡᱷᱟᱨᱠᱷᱚᱸᱰ ᱞᱟᱲᱟᱣᱱᱟ ᱨᱮ ᱵᱟᱝ-ᱯᱩᱨᱩᱱ ᱠᱷᱚᱛᱤᱭ ᱧᱮᱞ ᱟᱠᱟᱫᱟ᱾ ᱱᱚᱨᱮᱱ ᱦᱟᱸᱥᱫᱟᱜ ᱜᱩᱨ ᱛᱟᱭᱚᱢ ᱯᱟᱨᱴᱤᱭᱟᱜ ᱟᱸᱜᱤᱵᱷᱟᱨ ᱫᱚ ᱟᱡ ᱚᱲᱟᱜ ᱜᱚᱢᱠᱮ ᱢᱟ.ᱱᱤ ᱪᱩᱱᱤᱵᱟᱞᱟ ᱦᱟᱸᱥᱫᱟᱜ ᱟᱨ ᱱᱟᱦᱟᱜ ᱟᱡ ᱦᱚᱯᱚᱱ ᱮᱨᱟ ᱵᱤᱨᱵᱟᱦᱟ ᱦᱟᱸᱥᱫᱟᱜ ᱛᱟᱨᱮᱱ ᱨᱮᱠᱤᱱ ᱜᱚᱜ ᱟᱠᱟᱫᱟ᱾

ᱚᱱᱚᱞ ᱮᱱᱮᱢ: ᱯᱨᱚᱫᱤᱯ ᱠᱩᱢᱟᱨ ᱦᱟᱸᱥᱫᱟᱜ

ᱧᱮᱞ ᱛᱟᱵᱩᱱ ᱯᱮ ᱺ ᱵᱷᱤᱞ ᱠᱚᱨᱮᱱ ᱱᱟᱦᱟᱜ ᱮᱠᱞᱚᱵᱵᱚ ᱣᱟᱜ ᱜᱩᱨ ᱢᱟᱦᱟ ᱑᱙ ᱡᱩᱱ


ᱥᱮᱭᱟᱨ ᱛᱟᱵᱳᱱ ᱯᱮ
x