ᱮᱢ.ᱮᱞ.ᱮ ᱴᱷᱮᱱ ᱜᱟᱫᱮᱞ ᱰᱮᱯᱩᱴᱮᱥᱚᱱ ᱯᱟᱨᱜᱟᱱᱟ ᱢᱚᱦᱚᱞᱟᱜ

ᱮᱢ.ᱮᱞ.ᱮ ᱴᱷᱮᱱ ᱜᱟᱫᱮᱞ ᱰᱮᱯᱩᱴᱮᱥᱚᱱ ᱯᱟᱨᱜᱟᱱᱟ ᱢᱚᱦᱚᱞᱟᱜ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱵᱷᱟᱨᱚᱛ ᱡᱟᱠᱟᱛ ᱢᱟ.ᱡᱷᱤ ᱯᱟᱨᱜᱟᱱᱟ ᱢᱚᱦᱚᱞᱟᱜ ᱜᱚᱲᱵᱮᱛᱟ ᱠᱩᱢᱩᱴ ᱟ.ᱭᱩᱨᱛᱮ ᱪᱟᱞᱟᱣᱮᱱ ᱒᱘ ᱟᱜᱚᱥᱴ ᱰᱮᱯᱩᱴᱮᱥᱚᱱ ᱮᱢ ᱦᱩᱭᱮᱱᱟ ᱜᱚᱲᱵᱮᱛᱟ ᱨᱮᱱ ᱮᱢ.ᱮᱞ.ᱮ ᱟᱥᱤᱥ ᱪᱚᱠᱨᱚᱵᱚᱨᱛᱤ ᱜᱚᱢᱠᱮ ᱴᱷᱮᱱ ᱾ ᱫᱤᱥᱣᱟ. ᱠᱚᱣᱟᱜ ᱢᱮᱢᱮᱱ ᱞᱮᱠᱟᱛᱮ ᱜᱚᱲᱵᱮᱛᱟ ᱮᱞᱟᱠᱟ ᱨᱮ ᱯᱷᱟᱨᱪᱟ ᱧᱩ ᱫᱟᱜ , ᱱᱟᱯᱟᱭ ᱦᱚᱨ ᱰᱟᱦᱟᱨ, ᱥᱚᱨᱠᱟᱨᱤ ᱥᱩᱡᱳᱜᱽ ᱥᱩᱵᱤᱫᱷᱟ ᱧᱟᱢ ᱨᱮᱱᱟᱜ ᱟᱱᱟᱴ ᱟ.ᱰᱤ ᱫᱤᱱ ᱠᱷᱚᱱᱟᱜ ᱾ ᱥᱟᱱᱛᱟᱲᱤ ᱯᱟ.ᱨᱥᱤ ᱟᱨ ᱚᱞ ᱪᱤᱠᱤ ᱛᱮ ᱯᱚᱲᱦᱚᱱ ᱤᱫᱤ ᱠᱟᱛᱮᱜ ᱫᱟ.ᱵᱤ ᱠᱚ ᱦᱚᱸ ᱵᱟᱝ ᱯᱩᱨᱟ.ᱣ ᱠᱟᱱᱟ ᱾ ᱱᱚᱣᱟ ᱠᱚ ᱟᱱᱟᱴ ᱤᱫᱤ ᱠᱟᱛᱮᱜ ᱜᱮ ᱯᱟᱨᱜᱟᱱᱟ ᱢᱚᱦᱚᱞ ᱟ.ᱭᱩᱨᱛᱮ ᱜᱚᱲᱵᱮᱛᱟ ᱨᱮᱱ ᱫᱤᱥᱣᱟ. ᱠᱚ ᱜᱟᱫᱮᱞ ᱰᱮᱯᱩᱴᱮᱥᱚᱱ ᱠᱚ ᱮᱢ ᱠᱮᱫᱟ ᱮᱢ.ᱮᱞ.ᱮ ᱜᱚᱢᱠᱮ ᱴᱷᱮᱱ ᱾ ᱱᱚᱣᱟ ᱞᱟᱲᱟᱣᱱᱟ ᱨᱮ ᱥᱮᱞᱮᱫ ᱞᱮᱱᱟ ᱠᱚ ᱯᱮ-ᱜᱮᱥᱟᱭ ᱠᱷᱚᱱᱟᱜ ᱦᱚᱸ ᱡᱟ.ᱥᱛᱤ ᱫᱤᱥᱣᱟ. ᱾ ᱟ.ᱭᱩᱨᱤᱡ ᱞᱮᱠᱟᱛᱮ ᱥᱮᱴᱮᱨ ᱠᱚ ᱛᱟᱸᱦᱮ ᱠᱟᱱᱟ ᱢᱤᱫᱤᱱᱯᱩᱨ ᱥᱚᱫᱚᱨ ᱛᱚᱞᱞᱟᱴ ᱨᱮᱱ ᱯᱟᱨᱜᱟᱱᱟ ᱵᱟᱵᱟ ᱟᱨ ᱟᱡ ᱨᱤᱱ ᱜᱟᱱᱟ ᱠᱩᱢᱩᱴ ᱠᱚ ᱾ ᱱᱤᱭᱟ. ᱥᱟᱶ ᱢᱩᱞᱩᱠ ᱯᱟᱨᱜᱟᱱᱟ, ᱵᱩᱜᱽᱲᱤ-᱑ ᱨᱮᱱ ᱥᱟᱱᱟᱢ ᱢᱟ.ᱡᱷᱤ ᱵᱟᱵᱟ ᱥᱟᱶ ᱦᱚᱯᱚᱱ ᱠᱤᱢᱤᱱ ᱠᱚ, ᱢᱩᱞᱩᱠ ᱨᱮᱱ ᱯᱤᱲ ᱯᱟᱨᱜᱟᱱᱟ ᱟᱨ ᱥᱟᱯᱟᱵ ᱛᱟᱠᱚ ᱥᱮᱴᱮᱨ ᱠᱚ ᱛᱟᱸᱦᱮ ᱠᱟᱱᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱜᱚᱲᱵᱮᱛᱟ ᱨᱮ ᱯᱟᱨᱜᱟᱱᱟ ᱢᱚᱦᱚᱞᱟᱜ ᱚᱧᱪᱚᱞ ᱰᱮᱯᱩᱴᱮᱥᱚᱱ

ᱫᱟ.ᱵᱤ ᱥᱟᱠᱟᱢ ᱨᱮᱱᱟᱜ ᱥᱟᱠᱟᱢ ᱨᱮ ᱛᱟᱸᱦᱮ ᱠᱟᱱᱟ ᱜᱚᱲᱵᱮᱛᱟ-᱑ ᱵᱞᱚᱠ ᱨᱮ ᱧᱩ ᱫᱟᱜ ᱨᱮᱱᱟᱜ ᱵᱮᱵᱚᱥᱛᱟ ᱦᱩᱭᱩᱜ ᱢᱟ᱾ ᱱᱤᱨᱢᱚᱞ ᱵᱟᱝᱞᱟ ᱥᱳᱣᱪᱟᱞᱚᱭ, ᱤᱱᱫᱤᱨᱟ ᱟᱵᱟᱥ, ᱜᱤᱛᱟᱱᱡᱚᱞᱤ, ᱟᱢᱟᱨ ᱵᱟᱲᱤ ᱮᱢᱟᱱ ᱥᱚᱨᱠᱟᱨᱤ ᱥᱩᱵᱤᱫᱷᱟ ᱠᱚ ᱡᱚᱛᱷᱟᱛ ᱛᱚᱨᱟᱣ ᱨᱟᱠᱟᱵ ᱢᱟ ᱾ ᱠᱷᱮᱨᱣᱟᱲ ᱦᱚᱯᱚᱱ ᱦᱚᱛᱮᱡᱛᱮ ᱦᱟᱢᱮᱴ ᱟᱠᱟᱱ ᱠᱷᱟᱥ ᱦᱟᱸᱥᱟ ᱨᱮ ᱯᱟᱴᱴᱟ ᱮᱢ, ᱠᱷᱮᱨᱣᱟᱲ ᱠᱚᱣᱟᱜ ᱚᱛ ᱦᱟᱸᱥᱟ ᱦᱟᱢᱮᱴ ᱫᱚᱦᱚ ᱨᱟᱭᱚᱛ ᱦᱟᱸᱥᱟ ᱠᱷᱮᱨᱣᱟᱲ ᱠᱚ ᱮᱢ ᱨᱩᱣᱟ.ᱲ, ᱵᱤᱨ ᱟ.ᱱ ᱞᱮᱠᱟᱛᱮ ᱵᱤᱨ ᱨᱮ ᱢᱮᱱᱟᱜ ᱠᱚ ᱠᱷᱮᱨᱣᱟᱲ ᱠᱚ ᱯᱟᱴᱴᱟ ᱮᱢ ᱨᱮᱱᱟᱜ ᱠᱟᱛᱷᱟ ᱠᱚ ᱞᱟ.ᱭ ᱩᱪᱷᱟ.ᱱ ᱟᱠᱟᱱᱟ ᱾ ᱢᱤᱫ ᱤᱥᱤ ᱢᱤᱫ ᱜᱚᱴᱟᱝ ᱫᱟ.ᱵᱤ ᱟᱛᱮᱜ ᱰᱮᱯᱩᱴᱮᱥᱚᱱ ᱥᱟᱠᱟᱢ‌ ᱮᱢ.ᱮᱞ.ᱮ ᱜᱚᱢᱠᱮ ᱴᱷᱮᱱ ᱮᱢ ᱦᱩᱭ ᱟᱠᱟᱱᱟ ᱾ ᱯᱟᱨᱜᱟᱱᱟ ᱢᱚᱦᱚᱞ ᱨᱮᱱ ᱜᱚᱲᱵᱮᱛᱟ-᱑ ᱢᱩᱞᱩᱠ ᱥᱟᱠᱷᱟ ᱨᱮᱱ ᱥᱩᱛᱨᱮᱛ ᱢᱟ.ᱱ ᱯᱨᱚᱫᱤᱯ ᱦᱮᱢᱵᱽᱨᱚᱢ ᱟᱜ ᱢᱮᱢᱮᱱ ᱞᱮᱠᱟᱛᱮ – “ᱮᱢ.ᱮᱞ.ᱮ ᱜᱚᱢᱠᱮ ᱫᱟ.ᱵᱤ ᱥᱟᱠᱟᱢ ᱨᱮ ᱢᱮᱱᱟᱜ ᱟᱠᱟᱫ ᱫᱟ.ᱵᱤ ᱠᱚ ᱵᱟᱭ ᱢᱮᱫ ᱞᱩᱛᱩᱨᱟᱜ ᱠᱷᱟᱱ ᱫᱟᱨᱟᱭ ᱠᱟᱱ ᱫᱤᱱ ᱟᱨ ᱦᱚᱸ ᱡᱟ.ᱥᱛᱤ ᱫᱤᱥᱣᱟ. ᱟᱛᱮᱜ ᱮᱢ.ᱮᱞ.ᱮ ᱮᱥᱮᱫ ᱞᱟᱲᱟᱣᱱᱟ ᱥᱟᱯᱲᱟᱜ ᱟ ᱾ ᱯᱚᱱᱚᱛ ᱡᱟᱠᱟᱛ ᱟᱨ ᱦᱚᱸ ᱢᱟᱨᱟᱝ ᱞᱟᱲᱟᱣᱱᱟ ᱞᱟ.ᱜᱤᱫ ᱥᱟᱯᱲᱟᱜ ᱟᱭ ᱯᱟᱨᱜᱟᱱᱟ ᱢᱚᱦᱚᱞ ᱾”

ᱧᱮᱞ ᱛᱟᱵᱩᱱ ᱯᱮ ᱺ ᱵᱟᱛᱷᱟᱱᱛᱳᱲ ᱟ.ᱛᱩᱨᱮ ᱠᱷᱮᱨᱣᱟᱲ ᱠᱚᱣᱟᱜ ᱪᱟᱥ ᱦᱟᱸᱥᱟᱨᱮ ᱫᱟᱨᱮ ᱨᱚᱦᱚᱭ ᱯᱷᱚᱨᱮᱥᱴ ᱰᱤᱯᱟᱨᱴᱢᱮᱱᱴᱟᱜ

Posted by Santalinews.com on Saturday, August 29, 2020

ᱥᱮᱭᱟᱨ ᱛᱟᱵᱳᱱ ᱯᱮ
x