Bjmpm give memorandum on PSC non-st candidate issue

ᱯᱤ.ᱮᱥ.ᱥᱤ ᱞᱤᱥᱴ ᱨᱮ ᱱᱚᱱ ᱮᱥ.ᱴᱤ – ᱯᱟᱨᱜᱟᱱᱟ ᱢᱚᱦᱚᱞᱟᱜ ᱢᱮᱢᱳᱨᱮᱱᱰᱟᱢ

ᱥᱮᱭᱟᱨ ᱛᱟᱵᱳᱱ ᱯᱮ

ᱪᱤᱛᱟ.ᱨ ᱺ ᱯᱷᱮᱥᱵᱩᱠ

ᱥᱟᱱᱛᱟᱲᱤ ᱱᱤᱩᱡ ᱰᱮᱥᱠ ᱺ ᱯᱤ.ᱮᱥ.ᱥᱤ ᱮᱥ.ᱴᱤ ᱞᱤᱥᱴ ᱨᱮ ᱱᱚᱱ-ᱮᱥ.ᱴᱤ ᱠᱮᱱᱰᱤᱰᱮᱴ ᱯᱟᱥ ᱵᱤᱨᱩᱫᱷᱛᱮ ᱵᱷᱟᱨᱚᱛ ᱡᱟᱠᱟᱛ ᱡᱟ.ᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ (ᱦᱮᱰ ᱟᱯᱤᱥ ᱡᱷᱟᱲᱜᱟᱨᱟᱢ) ᱯᱟᱦᱴᱟ ᱠᱷᱚᱱ ᱥᱟ.ᱜᱩᱱ ᱢᱟᱦᱟ ᱯᱤ‌.ᱮᱥ.ᱮᱤ ᱪᱮᱭᱟᱨᱢᱮᱱ ᱴᱷᱮᱱ ᱪᱤᱴᱷᱤ ᱥᱟᱠᱟᱢ ᱪᱟᱞ ᱦᱩᱭᱮᱱᱟ ᱾ ᱯᱩᱪᱷᱤᱢ ᱢᱮᱫᱤᱱᱯᱩᱨ ᱡᱤᱞᱟ. ᱜᱚᱲᱵᱮᱛᱟ-᱑ ᱵᱩᱜᱽᱲᱤ ᱢᱩᱞᱩᱠ ᱯᱟᱦᱴᱟ ᱠᱷᱚᱱ ᱜᱚᱲᱵᱮᱛᱟ-᱑ ᱵᱤ.ᱰᱤ‌.ᱳ ᱥᱟᱦᱮᱵᱽ ᱛᱟᱞᱟᱛᱮ ᱯᱤ.ᱮᱥ.ᱥᱤ ᱪᱮᱭᱟᱨᱢᱮᱱ ᱴᱷᱮᱱ ᱱᱚᱣᱟ ᱪᱤᱴᱷᱤ ᱥᱟᱠᱟᱢ ᱪᱟᱞ ᱦᱩᱭ ᱠᱟᱱᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱠᱚᱨᱳᱱᱟ ᱟᱱᱟᱴ ᱛᱟᱞᱟ SC ST OBC ᱠᱚᱣᱟᱜ ᱵᱤᱨᱩᱫᱷ Hate Speech ᱛᱮ ᱯᱮᱨᱮᱡ ᱥᱚᱥᱟᱞ ᱢᱤᱰᱤᱭᱟ, ᱫᱤᱥᱩᱣᱟ.ᱠᱚ ᱢᱩᱫᱽᱨᱮ ᱨᱟᱜᱟᱶᱱᱟ

ᱜᱷᱚᱴᱚᱱ ᱨᱮᱱᱟᱜ ᱮᱛᱚᱦᱚᱵ ᱫᱚ ᱯᱤ.ᱮᱥ.ᱥᱤ ᱢᱤᱥᱞᱮᱱᱤᱭᱟᱥ ᱵᱤᱱᱤᱰ ᱮᱰᱵ-᱒0᱑᱘ ᱤᱫᱤ ᱠᱟᱛᱮᱜ ᱾ ᱪᱟᱞᱟᱣᱮᱱ ᱔-ᱡᱩᱱ ᱱᱚᱣᱟ ᱵᱤᱱᱤᱰ ᱨᱮᱭᱟᱜ ᱢᱮᱤᱱᱥ ᱨᱮᱱᱟᱜ ᱚᱨᱡᱚ ᱯᱟᱨᱥᱟᱞ ᱟᱠᱟᱱᱟ ᱾ ᱡᱟᱸᱦᱟᱨᱮ ᱮᱥ.ᱴᱤ ᱞᱤᱥᱴ ᱨᱮ ᱮᱥ-ᱴᱤ ᱵᱮᱜᱚᱨ ᱱᱚᱱ-ᱮᱥ.ᱴᱤ ᱢᱮᱱᱟᱜ ᱠᱚᱣᱟ ᱢᱮᱱᱛᱮ ᱚᱵᱤᱡᱳᱜᱽ ᱾ ᱮᱥ.ᱴᱤ ᱞᱤᱥᱴ ᱨᱮ ᱢᱮᱱᱟᱜ ᱟᱠᱟᱱ ᱥᱚ, ᱫᱤᱱ, ᱥᱟᱦ, ᱥᱤᱝᱜᱷᱚ, ᱫᱟᱥ , ᱨᱟᱭ, ᱵᱤᱥ-ᱥᱟᱥ, ᱜᱩᱯᱛᱟ , ᱢᱤᱛᱨᱚ, ᱥᱚᱨᱢᱟ , ᱴᱷᱟᱠᱩᱨ, ᱵᱷᱟᱨᱢᱟ ᱮᱢᱟᱱ ᱯᱟ.ᱨᱤᱥ ᱠᱚ ᱤᱫᱤ ᱠᱟᱛᱮᱜ ᱜᱮ ᱯᱟᱨᱜᱟᱱᱟ ᱢᱚᱦᱚᱞᱟᱜ ᱢᱮᱢᱮᱱ ᱫᱚ ᱾ ᱑᱒᱑᱑, ᱑᱒᱙᱗, ᱑᱓᱕᱗, ᱑᱓᱖᱓, ᱒᱒᱗᱓, ᱓᱓᱖᱔, ᱓᱓᱖᱗, ᱓᱓᱖᱙, ᱓᱙᱗᱒ ᱮᱢᱟᱱ ᱥᱤᱨᱤᱭᱟᱞ ᱱᱟᱢᱵᱟᱨ ᱟᱛᱮᱜ ᱠᱩᱠᱞᱤ ᱪᱤᱱᱦᱟ. ᱨᱟᱠᱟᱵ ᱠᱟᱱᱟ ᱾

ᱯᱟᱨᱜᱟᱱᱟ ᱢᱚᱦᱚᱞᱟᱜ ᱢᱮᱱ ᱞᱮᱠᱟᱛᱮ ᱱᱚᱣᱟ ᱠᱚ ᱯᱟ.ᱨᱥᱤᱭᱟᱱᱟᱜ ᱦᱚᱲ ᱫᱚ ᱡᱮᱱᱟᱨᱮᱞ ᱵᱟᱠᱷᱟᱱ , ᱳ.ᱵᱤ.ᱥᱤ ᱵᱟᱠᱷᱟᱱ ᱮᱥ.ᱥᱤ ᱞᱮᱠᱟᱛᱮ ᱢᱮᱱᱟᱜ ᱠᱚᱣᱟ ᱤᱱᱟ.ᱛᱮ ᱱᱩᱠᱩ ᱫᱚ ᱪᱮᱠᱟᱛᱮ ᱮᱥ.ᱴᱤ ᱞᱮᱠᱟᱛᱮ ᱠᱚ ᱯᱟᱥ ᱠᱮᱫᱟ? ᱢᱩᱲ ᱨᱮ ᱮᱥ.ᱴᱤ ᱠᱮᱱᱰᱤᱰᱮᱴ ᱠᱚᱣᱟᱜ ᱙᱒ ᱜᱚᱴᱟᱝ ᱥᱤᱴ ᱞᱟ.ᱜᱤᱫ ᱵᱟᱨ ᱥᱟᱭ ᱞᱮᱠᱟ ᱠᱮᱱᱰᱤᱰᱮᱴ ᱠᱚ ᱯᱟᱥ ᱟᱠᱟᱫᱟ ᱾ ᱚᱱᱟ ᱛᱟᱞᱟ ᱨᱮ ᱡᱩᱫᱤ ᱟᱨ ᱦᱚᱸ ᱮᱥ.ᱴᱤ ᱵᱮᱜᱚᱨ ᱮᱴᱟᱜ ᱠᱚ ᱠᱚ ᱛᱟᱸᱦᱮᱱᱟ ᱮᱱᱮ ᱠᱷᱟᱱ ᱮᱥ.ᱴᱤ ᱠᱮᱱᱰᱤᱰᱮᱴ ᱠᱚ ᱮᱲᱮ ᱚᱪᱚᱜ ᱟᱠᱳ ᱾ ᱱᱚᱣᱟ ᱤᱫᱤ ᱠᱟᱛᱮᱜ ᱱᱮᱴᱤᱡᱮᱱ ᱠᱚᱦᱚᱸ ᱥᱳᱥᱟᱞ ᱢᱤᱰᱤᱭᱟ ᱨᱮ ᱨᱟᱸᱜᱟᱣᱱᱟ ᱠᱚ ᱥᱚᱫᱚᱨ ᱟᱠᱟᱫᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱯᱟᱨᱜᱟᱱᱟ ᱢᱚᱦᱚᱞᱟᱜ ᱥᱟ.ᱦᱤᱡᱩᱦᱤᱛᱮ ᱢᱟᱭᱟᱢ ᱫᱟᱱ ᱠᱟ.ᱢᱤ ᱦᱚᱨᱟ


ᱥᱮᱭᱟᱨ ᱛᱟᱵᱳᱱ ᱯᱮ
x