Can ant chutney fight corona virus?

ᱦᱟᱣ ᱨᱮ Covid-19 ᱟᱜ ᱨᱟᱱ, ᱱᱟᱣᱟ ᱫᱤᱥᱟ.ᱨᱮ ᱥᱟᱬᱮᱥᱤᱭᱟ. ᱠᱚ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱩᱥ, ᱵᱟ.ᱨᱯᱟᱫᱟ: ᱦᱟᱣ ᱯᱚᱴᱚᱢ ᱟᱸᱡᱚᱢ ᱞᱮᱠᱷᱟᱱ ᱜᱮ ᱦᱚᱲ ᱦᱚᱯᱚᱱᱟᱜ ᱩᱞᱤᱫᱟᱜ ᱥᱟᱨᱥᱟᱜ ᱛᱟᱠᱚᱣᱟ᱾ ᱱᱤᱛᱚᱜ ᱱᱚᱣᱟ ᱦᱟᱣ ᱪᱟ.ᱴᱱᱤ ᱜᱮ Covid-19 ᱟᱡᱟᱨ ᱠᱷᱚᱱ ᱫᱚᱭ ᱫᱳᱜ ᱫᱟᱨᱟᱢ ᱵᱚᱱᱟ ᱢᱮᱱᱛᱮᱭ ᱫᱟ.ᱵᱤ ᱠᱮᱜ-ᱟ ᱵᱟ.ᱨᱯᱟᱫᱟ ᱨᱮᱱ ᱤᱱᱡᱤᱱᱤᱭᱟᱨ ᱱᱚᱭᱟᱫᱷᱚᱨ ᱯᱚᱰᱷᱤᱭᱟᱞ᱾ ᱥᱟᱱᱟᱢ ᱜᱮᱵᱚᱱ ᱵᱟᱰᱟᱭᱟ ᱱᱩᱠᱩ ᱦᱟᱣ, ᱥᱮ, ᱨᱮᱰ ᱮᱱᱴ, ᱟᱥᱟᱢ ᱠᱷᱚᱱ ᱮᱭᱦᱚᱵ ᱠᱟᱛᱮ ᱵᱤᱦᱟᱨ ᱵᱮᱝᱜᱚᱞ ᱩᱰᱤᱥᱟ ᱥᱟᱶᱛᱮ ᱪᱷᱚᱛᱛᱤᱥ ᱜᱟᱲ ᱫᱷᱟ.ᱵᱤᱡ ᱥᱟᱱᱟᱢ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱟ.ᱰᱤ ᱩᱯᱨᱩᱢᱟᱱ ᱡᱚᱢᱟᱜ ᱠᱟᱱᱟ᱾ ᱢᱩᱬᱩᱛ ᱱᱚᱣᱟ ᱦᱟᱣ ᱪᱟ.ᱴᱱᱤ ᱨᱩᱣᱟ. ᱢᱟᱸᱫᱟ, ᱠᱷᱳᱜ, ᱱᱟᱱᱟ ᱦᱩᱱᱟ.ᱨ ᱤᱱᱯᱯᱷᱞᱩᱭᱮᱱᱡᱟ ᱟᱡᱟᱨ ᱠᱚ ᱠᱷᱚᱱ ᱫᱳᱜ ᱫᱟᱨᱟᱢ ᱞᱟ.ᱜᱤᱫ ᱡᱩᱜᱽ ᱡᱩᱜᱽ ᱫᱷᱚᱨᱤᱭᱟ ᱟ.ᱫᱤᱵᱟ.ᱥᱤ ᱠᱚ ᱡᱚᱢ ᱟᱜᱩᱭᱮᱫᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱱᱤᱛ ᱫᱚ ᱵᱤᱱ ᱠᱳᱨᱳᱱᱟ ᱡᱤᱞᱟ. ᱞᱮᱠᱷᱟ ᱴᱷᱟᱶᱨᱮ ᱡᱷᱟᱨᱜᱨᱟᱢ

ᱤᱱᱡᱤᱱᱤᱭᱟᱨ ᱯᱚᱰᱷᱤᱭᱟᱞ ᱱᱚᱣᱟ ᱠᱟᱛᱷᱟ ᱜᱮ ᱪᱤᱴᱷᱤ ᱥᱟᱠᱟᱢ ᱛᱟᱞᱟᱛᱮ ᱤᱱᱰᱤᱭᱟᱱ ᱠᱟᱣᱩᱱᱥᱤᱞ ᱚᱯᱷ ᱢᱮᱰᱤᱠᱮᱞ ᱨᱤᱥᱟᱨᱪ (ᱟᱭ.ᱥᱤ.ᱮᱢ.ᱟᱨ) ᱮ ᱵᱟᱰᱟᱭ ᱦᱚᱪᱚ ᱟᱠᱟᱫᱮᱭᱟ᱾ ᱱᱚᱣᱟ ᱪᱤᱴᱷᱤ ᱥᱟᱠᱟᱢ ᱧᱟᱢ ᱛᱟᱭᱚᱢ ᱟᱭ.ᱥᱤ.ᱮᱢ.ᱟᱨ ᱯᱟᱦᱴᱟ ᱠᱷᱚᱱ ᱯᱚᱰᱷᱤᱭᱟᱞ ᱜᱚᱢᱠᱮ ᱟᱡᱟᱜ ᱱᱚᱣᱟ ᱦᱟᱣ ᱪᱮᱛᱟᱱ ᱠᱷᱚᱸᱫᱨᱚᱸᱫᱽ ᱠᱷᱟ.ᱛᱤᱨ ᱥᱟᱨᱦᱟᱣ ᱠᱚ ᱪᱟᱞ ᱟᱠᱟᱣ ᱫᱮᱭᱟ᱾ ᱱᱚᱣᱟ ᱥᱟᱶᱛᱮ ᱱᱚᱣᱟ ᱵᱟᱵᱚᱛ ᱵᱷᱟᱨᱚᱛ ᱨᱮᱭᱟᱜ ᱟᱭᱩᱥ ᱫᱚᱯᱷᱛᱚᱨ ᱟᱨ ᱠᱟᱣᱩᱱᱥᱤᱞ ᱚᱯᱷ ᱥᱟᱭᱤᱱᱴᱤᱯᱷᱤᱠ ᱮᱱᱰ ᱤᱱᱰᱟᱥᱴᱨᱤᱭᱟᱞ ᱨᱤᱥᱟᱨᱪ (ᱥᱤ.ᱮᱥ.ᱟᱭ.ᱟᱨ) ᱴᱷᱮᱱ ᱦᱚᱸ ᱱᱚᱣᱟ ᱵᱟᱵᱚᱫᱽ ᱛᱚᱫᱽᱵᱤᱨ ᱞᱟ.ᱜᱤᱫ ᱵᱮᱣᱨᱟ ᱠᱚ ᱠᱩᱞ ᱟᱠᱟᱫᱟ᱾ ᱟᱭ.ᱥᱤ.ᱮᱢ.ᱟᱨ ᱴᱷᱮᱱ ᱫᱤᱥᱤ ᱨᱟᱱ ᱢᱩᱨᱜᱟ.ᱱ ᱨᱮ ᱜᱚᱲᱚᱥᱚᱯᱚᱦᱚᱫ ᱮᱢ ᱨᱮᱭᱟᱜ ᱟ.ᱱᱟ.ᱨᱤ ᱵᱟ.ᱱᱩᱜ ᱛᱚ ᱟᱭᱩᱥ ᱫᱚᱯᱷᱛᱨ ᱴᱷᱮᱱ ᱛᱚᱫᱽᱵᱤᱨ ᱞᱟ.ᱜᱤᱫ ᱵᱷᱮᱡᱟ ᱟᱠᱟᱱᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲ ᱦᱚᱯᱚᱱ ᱥᱟᱬᱮᱥᱤᱭᱟ. ᱣᱟᱜ ᱠᱟ.ᱨᱫᱷᱟ.ᱱᱤ, ᱠᱳᱨᱳᱱᱟ ᱡᱚᱵᱚᱛ ᱞᱟ.ᱜᱤᱫ ᱢᱟᱥᱠ ᱟᱜ ᱚᱫᱽᱜᱮᱞ

ᱯᱚᱰᱷᱤᱭᱟᱞᱟᱜ ᱢᱮᱢᱮᱱ ” ᱵᱟᱱᱟᱨ ᱫᱚᱯᱷᱛᱚᱨ ᱴᱷᱮᱱ ᱜᱮ ᱤᱧᱟᱜ ᱠᱟᱛᱷᱟᱧ ᱢᱮᱱ ᱥᱚᱫᱚᱨ ᱟᱠᱟᱫᱟ, ᱞᱚᱜᱚᱱ ᱜᱮ ᱱᱚᱣᱟ ᱵᱟᱵᱚᱛ ᱟᱣᱩᱥ ᱫᱚᱯᱷᱛᱚᱨ ᱯᱟᱦᱴᱟ ᱠᱷᱚᱱ ᱠᱟ.ᱢᱤᱦᱚᱨᱟ ᱥᱟᱵᱚᱜᱚᱜ-ᱟ᱾” ᱯᱚᱰᱷᱤᱭᱟᱞᱟᱜ ᱢᱮᱱ ᱞᱮᱠᱟᱛᱮ ᱦᱟᱣ ᱨᱮ ᱯᱷᱚᱨᱢᱤᱠ ᱮᱥᱤᱰ, ᱯᱨᱳᱴᱤᱱ, ᱠᱮᱞᱥᱤᱭᱟᱢ, ᱵᱷᱤᱴᱟᱢᱤᱱ ᱵᱤ᱑᱒, ᱡᱤᱱᱠ ᱟᱨ ᱢᱮᱬᱦᱮᱫ ᱛᱟᱦᱮᱸᱱᱟ, ᱡᱟᱦᱟᱸ ᱠᱚᱫᱚ ᱦᱚᱲᱢᱚ ᱨᱮ ᱟᱡᱟᱨ ᱫᱳᱜ ᱫᱟᱲᱮᱭ ᱠᱮᱴᱮᱡᱟ᱾ “ᱯᱚᱪᱷᱤᱢ ᱵᱟᱝᱞᱟ, ᱩᱰᱤᱥᱟ, ᱵᱤᱦᱟᱨ, ᱪᱷᱚᱛᱛᱤᱥ ᱜᱚᱲ, ᱟᱥᱟᱢ, ᱢᱚᱱᱤᱯᱩᱨ, ᱱᱟᱜᱟᱞᱮᱱᱰ ᱥᱟᱶᱛᱮ ᱟᱭᱢᱟ ᱯᱚᱱᱚᱛ ᱨᱮᱱ ᱟ.ᱫᱤᱵᱟ.ᱥᱤ ᱦᱚᱲᱜᱮ ᱱᱩᱠᱩ ᱦᱟᱣᱠᱚ ᱡᱚᱢ ᱠᱚᱣᱟ, ᱚᱱᱟᱛᱮ ᱯᱟᱞᱮᱠᱷᱟᱱ ᱟ.ᱫᱤᱵᱟ.ᱥᱤ ᱠᱚ ᱢᱩᱫᱽᱨᱮ ᱠᱳᱵᱷᱤᱰ-᱑᱙ ᱟᱡᱟᱨ ᱨᱮᱭᱟᱜ ᱚᱨᱥᱚᱝ ᱩᱱᱟ.ᱜ ᱠᱟᱡᱟᱠ ᱵᱟᱝ ᱧᱩᱨ ᱟᱠᱟᱱᱟ, ᱱᱚᱣᱟ ᱠᱷᱚᱸᱫᱨᱚᱸᱫᱽ ᱡᱟ.ᱨᱩᱲᱟ ᱠᱟᱱᱟ᱾ ᱱᱤᱛᱚᱜ ᱦᱟᱣ ᱧᱮᱞ ᱛᱮ ᱦᱤᱨᱠᱟ. ᱵᱩᱡᱷᱟ.ᱣᱟᱱ ᱦᱚᱲᱠᱚ ᱞᱟ.ᱜᱤᱫ ᱫᱤᱥᱚᱢ ᱨᱮᱱ ᱟ.ᱫᱤᱢ ᱠᱚᱣᱟᱜ ᱡᱤᱣᱚᱱ ᱪᱩᱨᱤᱛ ᱱᱟᱦᱟᱜ ᱥᱟᱬᱮᱥ ᱛᱟᱞᱟᱛᱮ ᱱᱟᱣᱟ ᱥᱟᱸᱫᱮᱥ ᱮ ᱟ.ᱜᱩᱭᱮᱫᱟ ᱢᱮᱱ ᱜᱟᱱᱚᱜ-ᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱥᱮᱨᱮᱧ ᱨᱩᱥᱤᱠᱟ ᱵᱟᱥᱮᱱ ᱢᱩᱨᱢᱩ ᱫᱚᱭ ᱵᱟ.ᱜᱤᱭᱟᱫ ᱵᱚᱱᱟ


ᱥᱮᱭᱟᱨ ᱛᱟᱵᱳᱱ ᱯᱮ
x