Common Eligibility Test ᱵᱟᱨᱮᱛᱮ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱢᱚᱱᱚᱛ ᱟᱨ ᱟᱜᱟᱢ

Common Eligibility Test ᱵᱟᱨᱮᱛᱮ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱢᱚᱱᱚᱛ ᱟᱨ ᱟᱜᱟᱢ

ᱥᱮᱭᱟᱨ ᱛᱟᱵᱳᱱ ᱯᱮ

ᱨᱟᱢᱪᱚᱱᱫᱨᱚ ᱥᱚᱨᱮᱱ

ᱵᱷᱟᱨᱚᱛ ᱨᱮᱭᱟᱜ ᱥᱟᱱᱟᱢ ᱥᱚᱨᱠᱟ.ᱨᱤ ᱪᱟ.ᱠᱨᱤ ᱵᱟᱦᱟᱞ ᱞᱟ.ᱜᱤᱱ ᱵᱮᱱᱟᱣ ᱠᱟᱱ ᱟ.ᱱᱟ.ᱨᱤ ᱠᱚᱢᱚᱱ ᱮᱞᱤᱡᱤᱵᱤᱞᱤᱴᱤ ᱴᱮᱥᱴ (Common Eligibility Test) ᱵᱟᱨᱮᱛᱮ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱢᱚᱱᱚᱛ ᱾

ᱢᱳᱫᱤ ᱥᱚᱨᱠᱟᱨᱟᱜ ᱠᱮᱵᱤᱱᱮᱴ ᱯᱟᱦᱴᱟ ᱠᱷᱚᱱ ᱢᱟ.ᱦᱤᱛ ᱑᱙/᱐᱘/᱒᱐᱒᱐ ᱦᱤᱞᱚᱜ ᱢᱤᱫ ᱱᱟᱣᱟ ᱟ.ᱱᱟ.ᱨᱤ ᱫᱟᱣ ᱮ ᱧᱟᱢ ᱟᱠᱟᱫᱟ ᱾ ᱱᱚᱣᱟ ᱟ.ᱱᱟ.ᱨᱤ ᱞᱮᱠᱟᱛᱮ ᱥᱤᱧᱚᱛ ᱨᱮᱭᱟᱜ ᱥᱟᱱᱟᱢ ᱥᱚᱨᱠᱟ.ᱨᱤ ᱪᱟ.ᱠᱨᱤ ᱵᱟᱦᱟᱞ ᱨᱮ ᱢᱤᱫ ᱠᱚᱢᱚᱱ ᱮᱞᱤᱡᱤᱵᱤᱞᱤᱴᱤ ᱴᱮᱥᱴ (Common Eligibility Test) ᱧᱩᱛᱩᱢᱟᱱ ᱢᱤᱫ ᱴᱟ.ᱝ ᱜᱮ ᱵᱤᱱᱤᱰ ᱫᱤᱥᱚᱢ ᱡᱟᱠ ᱨᱮ ᱦᱩᱭᱩᱜᱼᱟ ᱾ ᱱᱚᱣᱟ ᱵᱤᱱᱤᱰ ᱦᱮᱯᱮᱨᱟᱣ ᱞᱟ.ᱜᱤᱫ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱱᱮᱥᱱᱟᱞ ᱨᱤᱠᱣᱟᱨᱢᱮᱸᱴ ᱮᱡᱮᱱᱥᱤ(National Recruitment Agency) ᱛᱷᱟᱯᱚᱱ ᱨᱮᱭᱟᱜ ᱠᱟᱛᱷᱟ ᱜᱚᱴᱟᱞ ᱟᱠᱟᱱᱟ ᱾

ᱱᱮᱥᱱᱟᱞ ᱨᱤᱠᱣᱟᱨᱢᱮᱸᱴ ᱮᱡᱮᱱᱥᱤ(National Recruitment Agency) ᱯᱟᱦᱴᱟ ᱠᱷᱚᱱ ᱟ.ᱛᱩ ᱫᱤᱥᱚᱢ ᱨᱮᱱ ᱯᱟ.ᱴᱷᱩᱣᱟ. ᱟᱨ ᱛᱤᱨᱞᱟ. ᱠᱚ ᱞᱟ.ᱜᱤᱫ ᱱᱟᱯᱟᱭ ᱨᱤᱞᱤᱯᱷ(Relief) ᱛᱟᱦᱮᱸᱱᱟ ᱢᱮᱱᱛᱮ ᱴᱷᱟ.ᱣᱠᱟ. ᱜᱚᱴᱟ ᱟᱠᱟᱱᱟ ᱾ ᱥᱚᱨᱠᱟᱨᱟᱜ ᱞᱟ.ᱭ ᱞᱮᱠᱟᱛᱮ ᱱᱤᱛ ᱵᱷᱩᱨ ᱦᱩᱭᱩᱜ ᱠᱟᱱ ᱵᱟᱪᱷᱚᱱ ᱦᱚᱨᱟ (Recruitment process) ᱨᱮ ᱯᱟ.ᱴᱷᱩᱣᱟ. ᱠᱚ ᱟ.ᱰᱤᱞᱮᱠᱟᱱ ᱵᱤᱱᱤᱰ ᱮᱢ ᱦᱩᱭ ᱟᱠᱚ ᱠᱟᱱᱟ ᱾ ᱚᱱᱟᱛᱮ ᱠᱚᱢᱚᱱ ᱮᱞᱤᱡᱤᱵᱤᱞᱤᱴᱤ ᱴᱮᱥᱴ (Common Eligibility Test) ᱫᱚ ᱞᱟ.ᱜᱩ ᱮᱫᱟᱠᱚ ᱾

ᱟ.ᱱᱟ.ᱨᱤ ᱞᱮᱠᱟᱛᱮ ᱱᱚᱣᱟ ᱴᱮᱥᱴ(Test) ᱠᱣᱟᱞᱤᱯᱷᱟᱭ ᱞᱮᱠᱷᱟᱱ ᱯᱮ ᱥᱮᱨᱢᱟ ᱦᱟ.ᱵᱤᱡ ᱵᱷᱮᱞᱤᱰ (Valid) ᱛᱟᱦᱮᱸᱱᱟ ᱾ ᱢᱮᱱᱠᱷᱟᱱ ᱠᱚᱢᱚᱱ ᱮᱞᱤᱡᱤᱵᱤᱞᱤᱴᱤ ᱴᱮᱥᱴ (Common Eligibility Test) ᱵᱤᱱᱤᱰ ᱮᱢ ᱨᱮᱭᱟᱜ ᱞᱤᱢᱤᱴ(Limit) ᱫᱚ ᱵᱟ.ᱱᱩᱜ-ᱟ ᱾

ᱛᱚᱵᱮ ᱱᱚᱣᱟ ᱵᱟᱨᱮᱛᱮ ᱨᱟᱢ ᱪᱚᱸᱫᱽᱨᱚ ᱥᱚᱨᱮᱱ ᱜᱚᱢᱠᱮ ᱛᱤᱠᱤᱱᱟᱜ ᱢᱚᱱᱚᱛ —

ᱵᱷᱟᱨᱚᱛ ᱥᱚᱨᱠᱟᱨ-ᱟᱜ ᱱᱚᱣᱟ ᱱᱟᱣᱟ ᱟ.ᱱᱟ.ᱨᱤ ᱞᱮᱠᱟᱛᱮ ᱠᱚᱢᱚᱱ ᱮᱞᱤᱡᱤᱵᱤᱞᱤᱴᱤ ᱴᱮᱥᱴ(ᱠ.ᱮ.ᱴ.)/COMMON ELIGIBILITY TEST (CET) ᱦᱩᱭᱩᱜ-ᱟ ᱾ ᱢᱮᱱᱠᱷᱟᱱ ᱪᱮᱫ ᱱᱚᱣᱟ ᱟ.ᱱᱟ.ᱨᱤ ᱨᱮᱸᱜᱮᱡ ᱱᱟᱪᱟᱨ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱦᱤᱛ ᱨᱮ ᱞᱟᱜᱟᱜ-ᱟ ? ᱛᱤᱥᱚᱜ ᱦᱚᱸ ᱵᱟᱝ, ᱪᱮᱫᱟᱜ ᱥᱮ ᱵᱷᱟᱨᱚᱛ ᱫᱤᱥᱚᱢ ᱨᱮ ᱥᱮᱪᱮᱫ ᱵᱮᱵᱚᱥᱛᱟ ᱜᱮ ᱵᱮᱥ ᱵᱟᱱᱩᱜ-ᱟ ᱾ ᱟᱭᱢᱟ ᱥᱚᱨᱠᱟ.ᱨᱤ ᱚᱞ ᱤᱛᱩᱱ ᱟᱥᱲᱟ ᱥᱮ ᱵᱤᱨᱫᱟ.ᱜᱟᱲ ᱠᱚᱨᱮ ᱢᱟᱪᱮᱫ ᱠᱚᱣᱟᱜ ᱚᱵᱷᱟᱵᱽ ᱧᱮᱞᱚᱜ ᱠᱟᱱᱟ ᱾ ᱱᱚᱣᱟ ᱠᱚ ᱪᱮᱛᱟᱱ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱵᱟᱭ ᱢᱮᱫ-ᱞᱩᱛᱩᱨᱟᱜ ᱠᱟᱱᱟ ᱾ ᱡᱟᱦᱟᱸ ᱞᱟ.ᱜᱤᱫ ᱥᱚᱨᱠᱟ.ᱨᱤ ᱟᱥᱲᱟ/ᱵᱤᱨᱫᱟ.ᱜᱟᱲ ᱠᱚᱨᱮ ᱯᱚᱲᱦᱚᱱ ᱵᱟᱝ ᱥᱟ.ᱛᱚᱜ ᱠᱟᱱᱟ ᱾ ᱟᱨ ᱨᱮᱸᱜᱮᱡ ᱱᱟᱪᱟᱨ ᱟ.ᱫᱤᱵᱟ.ᱥᱤ ᱜᱤᱫᱽᱨᱟ. ᱯᱨᱟᱭᱵᱷᱮᱴ ᱵᱤᱨᱫᱟ.ᱜᱟᱲ (Private Institutions) ᱠᱚᱨᱮ ᱯᱟᱲᱦᱟᱣ ᱫᱚ ᱵᱟᱝᱠᱚ ᱫᱟᱲᱮᱭᱟᱜ ᱟ ᱾

ᱡᱩᱫᱤ ᱠᱷᱮᱨᱣᱟᱲ ᱜᱤᱫᱽᱨᱟ. ᱠᱚ ᱵᱮᱥ ᱥᱤᱠᱷᱱᱟ.ᱛ ᱵᱟᱝᱠᱚ ᱧᱟᱢ-ᱟ, ᱮᱱᱠᱷᱟᱱ ᱠᱚᱢᱚᱱ ᱮᱞᱤᱡᱤᱵᱤᱞᱤᱴᱤ ᱴᱮᱥᱴ(ᱠ.ᱮ.ᱴ.) ᱨᱮ ᱪᱮᱠᱟᱛᱮ ᱠᱚ ᱠᱣᱟᱞᱤᱯᱷᱟᱭ ᱠᱮᱭᱟ ? ᱟᱨ ᱵᱟᱝᱠᱚ ᱠᱣᱟᱞᱤᱯᱷᱟᱭ ᱞᱮᱠᱷᱟᱱ ᱪᱟ.ᱠᱨᱤ ᱦᱚᱸ ᱵᱟᱝ ᱠᱚ ᱧᱟᱢ ᱠᱮᱭᱟ ᱾ ᱭᱩ.ᱯᱤ.ᱮᱥ.ᱥᱤ.(UPSC) ᱨᱮᱱᱟᱜ ᱚᱨᱡᱚ ᱠᱚᱢᱟ ᱵᱚᱱ ᱧᱮᱞᱮᱫᱽ ᱜᱮᱭᱟ ᱾ ᱨᱮᱸᱜᱮᱡ ᱱᱟᱪᱟᱨ ᱚᱲᱟᱜ ᱨᱤᱱᱤᱡ ᱜᱤᱫᱽᱨᱟ. ᱫᱚ ᱭᱩ.ᱯᱤ.ᱮᱥ.ᱥᱤ.(UPSC) ᱠᱣᱟᱞᱤᱯᱷᱟᱭ ᱫᱚ ᱟ.ᱰᱤᱜᱮ ᱢᱩᱥᱠᱤᱞ-ᱟ ᱾ ᱟᱨ ᱱᱚᱣᱟ ᱠᱚᱢᱚᱱ ᱮᱞᱤᱡᱤᱵᱤᱞᱤᱴᱤ ᱴᱮᱥᱴ(ᱠ.ᱮ.ᱴ.)/COMMON ELIGIBILITY TEST (CET) ᱦᱚᱸ ᱭᱩ.ᱯᱤ.ᱮᱥ.ᱥᱤ.(UPSC) ᱵᱤᱱᱤᱰ ᱞᱮᱠᱟᱱᱟᱜ ᱜᱮ ᱦᱩᱭᱩᱜ-ᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱢᱮᱰᱤᱭᱟᱢ D.EI.Ed. Course ᱵᱟᱨ ᱥᱮᱨᱢᱟ ᱨᱮᱱᱟᱜ ᱥᱮᱞᱮᱫ ᱮᱛᱚᱦᱚᱵ ᱮᱱᱟ

ᱟᱜᱟᱢ ᱫᱤᱱ ᱨᱮ ᱨᱮᱸᱜᱮᱡᱽ ᱟ.ᱫᱤᱵᱟ.ᱥᱤ ᱠᱚ ᱟᱨᱦᱚᱸ ᱱᱟᱜᱪᱟᱨ ᱥᱮᱫ ᱜᱮᱵᱚ ᱵᱚᱞᱦᱮ-ᱟ ᱾ ᱚᱱᱟᱛᱮ ᱟᱞᱤᱧ-ᱟᱜ ᱩᱭᱦᱟ.ᱨ ᱞᱮᱠᱟᱛᱮ ᱱᱚᱣᱟ ᱵᱷᱟᱨᱚᱛ ᱫᱤᱥᱚᱢ ᱨᱮ ᱮᱡᱩᱠᱮᱥᱚᱱ ᱥᱤᱥᱴᱚᱢ(Education system) ᱦᱚᱸ ᱢᱤᱫ ᱞᱮᱠᱟ ᱦᱩᱭᱩᱜ ᱫᱚᱨᱠᱟᱨ ᱾ ᱡᱚᱛᱚ ᱟᱪᱮᱛᱤᱭᱟ./ᱟᱪᱮᱛᱟ.ᱱᱤ ᱠᱚ ᱢᱤᱫ ᱞᱮᱠᱟ ᱥᱤᱠᱷᱱᱟ.ᱛ ᱠᱚ ᱧᱟᱢ ᱠᱮᱢᱟ ᱾ ᱨᱮᱸᱜᱮᱡᱽ ᱱᱟᱪᱟᱨ ᱜᱤᱫᱽᱨᱟ ᱦᱚᱸ ᱠᱤᱥᱟ.ᱬ ᱚᱲᱟᱜ ᱨᱤᱱ ᱜᱤᱫᱽᱨᱟ. ᱞᱮᱠᱟᱜᱮ ᱢᱤᱫᱽ ᱞᱮᱠᱟ ᱥᱮᱪᱮᱫ/ᱥᱤᱠᱷᱱᱟ.ᱛ ᱠᱚ ᱧᱟᱢ ᱠᱮᱢᱟ ᱾ ᱮᱱᱠᱷᱟᱱ ᱩᱱᱠᱩ ᱨᱮᱸᱜᱮᱡ ᱱᱟᱪᱟᱨ ᱚᱲᱟᱜ ᱨᱤᱱ ᱜᱤᱫᱽᱨᱟ. ᱦᱚᱸ ᱦᱟᱯᱮᱱ ᱫᱤᱱ ᱨᱮ /ᱟᱜᱟᱢ ᱫᱤᱱ ᱨᱮ ᱠᱚᱢᱚᱱ ᱮᱞᱤᱡᱤᱵᱤᱞᱤᱴᱤ ᱴᱮᱥᱴ(ᱠ.ᱮ.ᱴ.)/COMMON ELIGIBILITY TEST (CET) ᱞᱮᱠᱟᱱ ᱵᱤᱱᱤᱰ ᱨᱮ ᱠᱣᱟᱞᱤᱯᱷᱟᱭ(Qualify) ᱠᱮᱭᱟ ᱠᱚ ᱾

ᱧᱮᱞ‌ ᱛᱟᱵᱩᱱ ᱯᱮ ᱺ ᱢᱤᱫ ᱯᱟ.ᱨᱥᱤ ᱢᱤᱫ ᱪᱤᱠᱤ, ᱦᱚᱨᱮ ᱩᱫᱩᱜᱽ ᱚᱞᱪᱤᱠᱤ, ᱡᱚᱥ ᱥᱟᱭ ᱥᱮᱨᱢᱟ ᱚᱞ ᱪᱤᱠᱤ ᱒᱐᱒᱕

ᱟᱨ ᱥᱚᱨᱠᱟ.ᱨᱤ ᱱᱩᱠᱨᱤ ᱠᱚᱨᱮᱠᱚ ᱵᱟᱦᱟᱞ ᱠᱚᱜ-ᱟ ᱦᱩᱱᱟ.ᱝ ᱾ ᱚᱱᱟᱞᱟ.ᱜᱤᱱ ᱟ.ᱞᱤᱧᱟᱜ ᱢᱮᱱ ᱫᱚ ᱵᱷᱟᱨᱚᱛ ᱡᱟᱠᱟᱛ ᱨᱮ ᱢᱤᱫ ᱞᱮᱠᱟᱱ ᱥᱤᱠᱷᱱᱟ.ᱛ ᱵᱮᱵᱚᱥᱛᱟ (Common Education System) ᱞᱟ.ᱜᱩ ᱫᱚᱨᱠᱟᱨᱚᱜ ᱠᱟᱱᱟ ᱾ ᱢᱮᱱᱠᱷᱟᱱ ᱱᱚᱣᱟ ᱠᱟᱛᱷᱟ ᱠᱚ ᱧᱮᱞ ᱠᱟᱛᱮ ᱟᱵᱚᱨᱤᱱ ᱥᱤᱠᱷᱱᱟ.ᱛ ᱜᱟ.ᱠᱷᱩᱲᱤᱭᱟ. ᱜᱚᱢᱠᱮ ᱠᱚ ᱟᱨ ᱯᱚᱞᱤᱴᱤᱥᱤᱭᱟᱱ ᱠᱚ ᱪᱮᱫᱟᱜ ᱠᱚ ᱛᱷᱤᱨ ᱟᱠᱟᱱᱟ ? ᱟᱵᱚ ᱛᱤᱥᱚᱜ ᱵᱚᱱ ᱪᱷᱮᱸᱜᱷᱟ-ᱟ ? ᱱᱚᱝᱠᱟ ᱜᱮ ᱡᱩᱫᱤ ᱟᱵᱚ ᱱᱤᱛ ᱦᱚᱸ ᱵᱚᱱ ᱛᱷᱤᱨ ᱠᱚᱣᱟ ᱮᱱᱠᱷᱟᱱ ᱟᱜᱟᱢ ᱫᱤᱱ ᱨᱮ ᱟᱵᱚ ᱟ.ᱫᱤᱵᱟ.ᱥᱤ ᱥᱟᱶᱛᱟ ᱥᱚᱢᱟᱡᱽ ᱫᱚ ᱢᱟᱞᱚᱴᱚᱜ-ᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ West Bengal Council of Rabindra Open Schooling (WBCROS) ᱥᱮᱞᱮᱫ ᱪᱟᱞᱟᱜ ᱠᱟᱱᱟ

ᱟ.ᱰᱤ ᱞᱚᱜᱚᱱ ᱟᱵᱚ ᱟ.ᱫᱤᱵᱟ.ᱥᱤ ᱥᱟᱶᱛᱟ ᱥᱚᱢᱟᱡᱽ ᱪᱷᱮᱸᱜᱷᱟ ᱫᱚᱨᱠᱟᱨᱚᱜ ᱠᱟᱱᱟ ᱾ ᱜᱟᱺᱦᱤᱨ ᱢᱚᱱᱮ ᱛᱮ ᱩᱭᱦᱟᱨ ᱞᱮᱠᱷᱟᱱ ᱱᱚᱠᱟ ᱵᱩᱡᱷᱟ.ᱜ ᱠᱟᱱᱟ ᱡᱮ ᱢᱟᱨᱟᱝ ᱠᱤᱥᱟ.ᱬ ᱦᱚᱲ (Rich person) ᱠᱚᱫᱚ ᱟᱵᱚᱣᱟᱜ ᱵᱷᱟ.ᱞᱟ.ᱭ/ᱱᱟᱯᱟᱭ ᱫᱚ ᱵᱟᱝ ᱠᱚ ᱪᱟᱦᱟᱶ ᱮᱫᱟ ᱾ ᱢᱮᱱ ᱜᱟᱱᱚᱜ-ᱟ ᱟ.ᱫᱤᱵᱟ.ᱥᱤ ᱠᱚ ᱪᱮᱛᱟᱱ ᱨᱮ ᱱᱚᱣᱟ ᱟ.ᱱᱟ.ᱨᱤ ᱫᱚ ᱨᱚᱰᱚᱡ ᱠᱚᱪᱞᱚᱱ ᱠᱟᱱᱟ ᱾

ᱧᱮᱞ‌ ᱛᱟᱵᱩᱱ ᱯᱮ ᱺ ᱵᱟ:ᱠᱩᱲᱟ ᱡᱮᱜᱮᱫ ᱵᱤᱨᱫᱟ.ᱜᱟᱲᱨᱮ ᱥᱟᱱᱛᱟᱲᱤ ᱛᱟᱞᱢᱟ ᱛᱮ ᱥᱮᱞᱮᱫ ᱮᱱᱟ ᱢᱚᱬᱮ ᱜᱚᱴᱟᱝ ᱥᱟᱛᱟᱢ


ᱥᱮᱭᱟᱨ ᱛᱟᱵᱳᱱ ᱯᱮ
x