Elephant attack in Baripada

ᱵᱟ.ᱨᱯᱟᱫᱟᱨᱮ ᱦᱟ.ᱛᱤᱭᱟᱜ ᱦᱟᱢᱞᱟ, ᱢᱤᱫ ᱦᱚᱲᱟᱜ ᱜᱚᱡ

ᱥᱮᱭᱟᱨ ᱛᱟᱵᱳᱱ ᱯᱮ

ᱨᱟ.ᱜᱷᱩᱱᱟᱛᱷ ᱢᱩᱨᱢᱩ, ᱵᱟ.ᱨᱯᱟᱫᱟ: ᱛᱤᱢᱤᱱ ᱫᱤᱱ ᱠᱷᱚᱱᱜᱮ ᱵᱟ.ᱨᱯᱟᱫᱟ ᱥᱩᱨ ᱨᱟᱡᱟᱵᱟᱥᱟ ᱮᱞᱟ.ᱠᱟᱨᱮ ᱢᱚᱬᱮ ᱜᱚᱴᱟᱝ ᱦᱟ.ᱛᱤᱨᱤᱱ ᱜᱩᱴ ᱠᱚ ᱟ.ᱪᱩᱨ ᱵᱟᱲᱟᱭ ᱠᱟᱱ ᱛᱟᱦᱮᱸᱫ ᱢᱮᱱᱛᱮ ᱠᱷᱚᱵᱚᱨ ᱵᱟᱰᱟᱭ ᱟᱠᱟᱱᱟ᱾ ᱱᱩᱠᱩ ᱦᱟ.ᱛᱤ ᱨᱤᱱ ᱜᱩᱴ ᱜᱮ ᱵᱟ.ᱨᱯᱟᱫᱟ ᱠᱩᱠᱩᱰᱟᱡᱚᱰᱤ ᱟ.ᱛᱩ ᱨᱤᱱᱤᱡ ᱢᱤᱫ ᱖᱐ ᱩᱢᱮᱨᱟᱱ ᱦᱚᱲ ᱠᱚ ᱞᱮᱵᱮᱫ ᱜᱚᱡ ᱟᱠᱟᱫᱮᱭᱟ᱾ ᱦᱟ.ᱛᱤ ᱦᱟᱢᱞᱟ ᱛᱮ ᱜᱚᱡ ᱟᱠᱟᱱ ᱦᱚᱲᱟᱜ ᱧᱤᱛᱩᱢ ᱫᱚ ᱛᱟᱭ ᱪᱚᱛᱩᱨᱵᱷᱩᱡᱽ ᱱᱟᱭᱮᱠ᱾

ᱧᱮᱞ ᱛᱟᱵᱩᱱ ᱯᱮ ᱺ ᱟᱵᱳᱣᱟᱜ ᱫᱟᱨᱮ ᱟᱵᱚᱣᱟᱜ ᱵᱤᱨ ; ᱳᱲᱤᱥᱟ ᱨᱮ ᱟᱨ ᱢᱤᱫ ᱪᱤᱯᱠᱳ

ᱪᱚᱛᱩᱨᱵᱷᱩᱡᱽ ᱱᱟᱭᱮᱠ ᱫᱤᱱᱠᱟᱨ ᱞᱮᱠᱟ ᱥᱮᱛᱟᱜ ᱨᱮ ᱜᱟᱡᱟᱲ ᱥᱮᱫ ᱫᱟᱜ ᱥᱮᱫ ᱮ ᱪᱟᱞᱟᱣ ᱞᱮᱱᱟ᱾ ᱚᱱᱟ ᱚᱠᱛᱚ ᱨᱮ ᱢᱚᱬᱮ ᱜᱚᱴᱟᱝ ᱦᱟ.ᱛᱤ ᱚᱠᱟᱥᱮᱫ ᱠᱷᱚᱱ ᱪᱚᱠᱚ ᱦᱮᱡ ᱮᱱᱛᱮ ᱠᱚ ᱞᱮᱵᱮᱫ ᱜᱚᱡ ᱟᱠᱟᱫᱮᱭᱟ ᱞᱮᱠᱟᱜᱮ ᱚᱸᱰᱮᱱ ᱛᱷᱟᱢᱜᱟ.ᱰᱤ ᱦᱚᱲᱠᱚᱠᱚ ᱢᱮᱢᱮᱱ ᱠᱟᱱᱟ᱾ ᱥᱮᱛᱟᱜ ᱯᱟᱭᱟᱨ ᱨᱮ ᱜᱷᱚᱴᱚᱱ ᱫᱚ ᱦᱩᱭ ᱟᱠᱟᱱᱟ, ᱤᱱᱟ. ᱛᱟᱭᱚᱢ ᱟ.ᱛᱩ ᱦᱚᱲ ᱪᱚᱛᱩᱨᱵᱷᱩᱡᱽ ᱱᱟᱭᱮᱠᱟᱜ ᱜᱚᱡ ᱦᱚᱲᱢᱚ ᱠᱚ ᱧᱟᱢ ᱟᱠᱟᱫ ᱛᱟᱭᱟ᱾ ᱱᱤᱣᱟ ᱛᱟᱭᱚᱢ ᱜᱚᱡ ᱦᱚᱲᱢᱚ ᱫᱚ ᱯᱚᱥᱴᱢᱚᱨᱴᱟᱢ ᱠᱷᱟ.ᱛᱤᱨ ᱠᱩᱞ ᱦᱩᱭ ᱟᱠᱟᱱᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱛᱮᱦᱮᱧᱟᱜ ᱢᱟ.ᱦᱤᱛ ᱨᱮᱜᱮ ᱵᱩᱱᱤᱭᱟ.ᱫᱽ ᱫᱷᱤᱨᱤ ᱵᱤᱫ ᱞᱮᱱᱟ ᱯᱳᱸᱰᱮᱛ ᱢᱩᱨᱢᱩ ᱧᱤᱛᱩᱢᱛᱮ ᱢᱮᱰᱤᱠᱮᱞ ᱠᱚᱞᱮᱡᱽ ᱟᱨ ᱦᱟᱥᱯᱟᱛᱟᱞᱟᱜl

ᱠᱩᱠᱩᱰᱟᱡᱚᱰᱤ ᱟ.ᱛᱩ ᱨᱮ ᱦᱟ.ᱛᱤ

ᱢᱟᱡᱟᱱᱚᱜ ᱫᱷᱟ.ᱵᱤᱡ ᱦᱚᱸ ᱦᱟ.ᱛᱤ ᱠᱚ ᱟ.ᱛᱩ ᱥᱩᱨ ᱥᱩᱯᱩᱨ ᱵᱤᱨ ᱠᱚᱨᱮ ᱠᱚ ᱢᱟᱰᱨᱟᱣ ᱵᱟᱲᱟᱭ ᱠᱟᱱᱟ᱾ ᱱᱤᱛ ᱫᱷᱟ.ᱵᱤᱡ ᱦᱟ.ᱛᱤ ᱠᱚ ᱞᱟᱜᱟ ᱥᱟᱦᱟ ᱵᱟᱝ ᱜᱟᱱ ᱟᱠᱟᱱᱟ᱾ ᱥᱮᱛᱟᱜ ᱨᱮᱭᱟᱜ ᱜᱷᱚᱴᱚᱱ ᱟᱨ ᱟ.ᱛᱩ ᱟᱲᱮᱯᱟᱥᱮ ᱦᱟ.ᱛᱤ ᱠᱚᱣᱟᱜ ᱪᱚᱞᱚᱱᱛᱮ, ᱱᱤᱛ ᱦᱚᱸ ᱠᱩᱠᱩᱰᱟᱡᱚᱰᱤ ᱟ.ᱛᱩ ᱦᱚᱲ ᱵᱚᱛᱚᱨᱛᱮ ᱪᱩᱢᱩᱞ ᱪᱩᱢᱩᱞ ᱢᱮᱱᱟᱜ ᱠᱚᱣᱟ᱾ ᱱᱩᱠᱩ ᱦᱟ.ᱛᱤ ᱫᱚ ᱵᱮᱝᱜᱚᱞ ᱥᱮᱡ ᱠᱷᱚᱱ ᱠᱚ ᱯᱟᱨᱚᱢ ᱦᱮᱡ ᱟᱠᱟᱱᱟ ᱢᱮᱱᱛᱮ ᱟᱭ ᱩᱢᱟ.ᱱᱚᱜ ᱠᱟᱱᱟ᱾


ᱥᱮᱭᱟᱨ ᱛᱟᱵᱳᱱ ᱯᱮ
x