Santali medium education student passed HS with Science

ᱱᱟᱜᱟᱢ ᱠᱚ ᱛᱮᱭᱟᱨ ᱠᱮᱫᱟ ᱥᱟᱬᱮᱥ ᱥᱟᱛᱟᱢ ᱟᱛᱮᱫ ᱥᱟᱱᱛᱟᱲᱤ ᱯᱟ.ᱴᱷᱣᱟ. ᱠᱚ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱭᱩᱡᱽ ᱰᱮᱥᱠ: ᱱᱟᱜᱟᱢ ᱨᱮ ᱥᱚᱱᱟ ᱟᱠᱷᱚᱨ ᱛᱮᱠᱚ ᱚᱞ ᱠᱮᱫᱟ ᱘ ᱜᱚᱴᱟᱝ ᱯᱟ.ᱴᱷᱣᱟ. ᱥᱟᱬᱮᱥ ᱥᱟᱛᱟᱢ ᱨᱮ ᱥᱟᱱᱛᱟᱲᱤ ᱯᱟ.ᱨᱥᱤᱭᱟᱜ ᱧᱩᱛᱩ᱾ ᱢᱱᱩᱠᱩ ᱫᱚᱠᱚ ᱦᱳᱭᱳᱜ ᱠᱟᱱᱟ ᱛᱟᱢᱟᱢ ᱫᱷᱟ.ᱨᱛᱤ ᱨᱮ ᱯᱳᱭᱞᱳ ᱥᱟᱱᱛᱟᱲᱤ ᱛᱟᱱᱟᱞᱟ ᱛᱮ ᱒᱐᱒᱐ ᱥᱟᱞ ᱨᱮᱱᱟᱜ H.S ᱵᱤᱱᱮ.ᱤᱰ ᱥᱟᱬᱮᱥ ᱥᱟᱛᱟᱢ ᱛᱮ, ᱵᱟ:ᱠᱩᱲᱟ ᱡᱮᱞᱟ ᱨᱮ ᱢᱮᱱᱟᱜ ᱪᱟᱸᱫᱽᱲᱟ ᱠ.ᱥ.ᱦ ᱦᱟᱭ ᱥᱠᱩᱞ ᱟᱨ ᱨᱟ.ᱱᱤᱵᱟᱸᱫᱷ ᱦᱟᱭ ᱥᱠᱩᱞ ᱠᱷᱚᱱ ᱯᱟᱥ ᱟᱠᱟᱫ ᱯᱟ.ᱴᱷᱣᱟ. ᱠᱚ l ᱡᱟᱸᱦᱟᱭ ᱠᱚᱫᱚ ᱥᱟᱱᱛᱟᱲᱤ ᱛᱮ ᱚᱞ ᱯᱩᱛᱷᱤ ᱠᱚ ᱪᱷᱟᱰᱟ ᱜᱮ ᱢᱟᱪᱮᱫ ᱠᱚᱣᱟᱜ ᱜᱚᱲᱚ ᱟᱨ ᱜᱟᱶᱛᱟ ᱥᱟᱶᱛᱮ ᱫᱤᱥᱚᱢ ᱦᱚᱲ ᱠᱚᱣᱟᱜ ᱫᱤᱞ ᱫᱟᱲᱮ ᱧᱟᱢ ᱠᱟᱛᱮ ᱟᱯᱱᱟᱨ ᱠᱩᱨᱩᱢᱩᱴᱩ ᱛᱮ ᱥᱟᱭᱠᱟᱲᱟ ᱗᱐ ᱪᱮᱛᱟᱱ ᱱᱚᱢᱵᱚᱨ ᱧᱟᱢ ᱠᱟᱛᱮ ᱛᱮᱦᱮᱧ ᱠᱚᱞᱮᱡ ᱜᱟᱱᱟᱰᱮ ᱠᱚ ᱞᱮᱵᱮᱫᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱢᱟᱫᱫᱷᱚᱢᱤᱠ ᱨᱮ ᱯᱩᱭᱞᱩ ᱴᱷᱟᱶ ᱮ ᱦᱟᱢᱮᱴ ᱟᱠᱟᱫᱟ ᱵᱟ:ᱠᱩᱲᱟ ᱠᱷᱚᱱ ᱵᱩᱫᱫᱷᱚᱫᱮᱵᱽ ᱢᱟᱱᱰᱤ

ᱢᱮᱱᱠᱷᱟᱱ ᱠᱩᱠᱞᱤ ᱥᱮᱴᱮᱨᱚᱜ ᱠᱟᱱᱟ ᱠᱚᱞᱮᱡᱽ ᱫᱚ ᱚᱠᱟᱨᱮ ? ᱛᱚᱵᱮ ᱟᱭᱢᱟ ᱦᱚᱲ ᱠᱚᱣᱟᱜ ᱢᱚᱱᱮᱨᱮ ᱡᱟᱦᱟ ᱠᱩᱠᱞᱤ ᱥᱮᱴᱮᱨᱚᱜ ᱠᱟᱱ ᱛᱟᱸᱦᱮᱫ ᱡᱮ ᱥᱟᱱᱛᱟᱲᱤ ᱛᱟᱱᱟᱞᱟ ᱛᱮ ᱪᱮᱫ ᱥᱟᱬᱮᱥ ᱯᱟᱲᱦᱟᱣ ᱜᱟᱱᱚᱜ -ᱟ ? ᱚᱱᱟ ᱠᱩᱠᱞᱤ ᱨᱮᱱᱟᱜ ᱛᱮᱞᱟ ᱫᱚ ᱱᱩᱠᱩ ᱯᱟ.ᱴᱷᱣᱟ. ᱜᱮ ᱥᱚᱱᱟ ᱟᱠᱷᱚᱨ ᱛᱮᱠᱚ ᱚᱞ ᱦᱚᱪᱚ ᱠᱮᱫᱟ ᱟᱨᱥᱤᱨᱮ ᱢᱟᱨᱥᱟᱞ ᱞᱮᱠᱟ ᱠᱚ ᱡᱷᱟᱞᱠᱟᱣ ᱟᱠᱟᱫᱟ l ᱱᱚᱣᱟ ᱫᱚ ᱢᱤᱫ ᱱᱟᱣᱟ ᱱᱟᱜᱟᱢ ᱠᱚ ᱛᱮᱭᱟᱨ ᱠᱮᱫᱟl ᱱᱩᱠᱩ ᱯᱟᱴᱷᱣᱟ. ᱛᱚ ᱢᱩᱫᱽᱨᱮ ᱗ ᱦᱚᱲ ᱫᱚ ᱯᱤᱭᱚᱨ ᱥᱟᱭᱮᱱᱥ ᱟᱨ ᱢᱤᱫ ᱦᱚᱲ ᱫᱚ ᱵᱟᱭᱚ ᱥᱟᱭᱮᱱᱥ ᱟᱛᱮ H.S ᱵᱤᱱᱤᱰ ᱨᱮᱠᱚ ᱩᱛᱨᱟ.ᱣ ᱟᱠᱟᱱᱟ᱾ ᱱᱚᱣᱟ ᱵᱟᱵᱚᱫᱽ ᱪᱟᱸᱫᱽᱲᱟ ᱠ.ᱥ.ᱦ ᱦᱟᱭ ᱥᱠᱩᱞ ᱨᱮᱱ ᱢᱟᱪᱮᱫ ᱫᱷᱚᱨᱚᱢᱫᱟᱥ ᱴᱩᱰᱩ ᱜᱚᱢᱠᱮᱭ ᱞᱟ.ᱭ ᱟᱠᱟᱫᱟ “ᱥᱟᱱᱟᱢ ᱯᱟ.ᱴᱷᱣᱟ. ᱠᱚ ᱥᱟᱭ ᱥᱟᱭ ᱥᱟᱨᱦᱟᱣ ᱟᱨ ᱫᱩᱞᱟ.ᱲ ᱛᱷᱩᱢ ᱥᱟᱱᱟᱢ ᱠᱚᱣᱟᱜ ᱚᱞᱚᱜ ᱡᱤᱭᱚᱱ ᱥᱟᱨ ᱠᱚᱜ ᱥᱟᱜᱩᱱ ᱠᱚᱜ ᱢᱟ ᱥᱟᱶᱛᱮ ᱱᱩᱠᱩ ᱨᱮᱱ ᱵᱚ’ᱜᱟ ᱵᱟᱨᱟᱵᱟᱨᱤ ᱜᱚ ᱵᱟᱵᱟ ᱠᱚ ᱚᱥᱟᱢᱵᱷᱮᱲ ᱥᱟᱨᱦᱟᱣ ᱟᱨ ᱡᱚᱦᱟᱨ”᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱜᱚᱴᱟ ᱠᱚᱞᱦᱟᱱ ᱢᱮᱴᱨᱤᱠ ᱴᱚᱯᱟᱨ ᱮᱱᱟᱭ ᱨᱟᱡᱮᱥ ᱦᱟᱸᱥᱫᱟᱜ, ᱡᱷᱟᱨᱠᱷᱚᱸᱰ ᱢᱮᱴᱨᱤᱠ ᱵᱤᱱᱤᱰ ᱒᱐᱒᱐ ᱨᱮ

ᱢᱮᱱᱠᱷᱟᱱ ᱢᱟᱨᱟᱝ ᱠᱩᱠᱞᱤ ᱥᱟᱬᱮᱥ ᱥᱟᱛᱟᱢ ᱟᱛᱮᱫ ᱱᱩᱠᱩ ᱯᱟ.ᱴᱷᱣᱟ. ᱠᱚᱣᱟᱜ ᱞᱟᱯᱷᱟᱝ ᱥᱮᱪᱮᱫ ᱦᱚᱨᱟ ᱫᱚ ᱚᱠᱟ ᱰᱟᱦᱟᱨ ᱛᱮ? ᱱᱤᱛ ᱫᱷᱟ.ᱵᱤᱡ ᱛᱮ ᱚᱠᱟ ᱠᱚᱞᱮᱡᱽ ᱨᱮᱠᱚ ᱵᱷᱚᱨᱛᱤᱜ-ᱟ ᱚᱱᱟᱜᱮ ᱵᱟᱝ ᱥᱟᱞᱟ ᱜᱚᱴᱟ ᱟᱠᱟᱱᱟ᱾ ᱢᱮᱱᱠᱷᱟᱱ ᱯᱟ.ᱴᱷᱣᱟ. ᱥᱟᱶᱛᱮ ᱢᱟᱪᱮᱫ ᱠᱚᱣᱟᱜ ᱟᱸᱥ ᱯᱟᱞᱮᱠᱷᱟᱱ ᱱᱚᱣᱟ ᱟᱸᱡᱷᱟᱴ ᱞᱚᱜᱚᱱ ᱥᱟ:ᱦᱤᱡ ᱜᱮ ᱥᱚᱦᱞᱮᱜ-ᱟ᱾ ᱱᱤᱛ ᱫᱚ ᱧᱮᱞ ᱨᱮᱭᱟᱜ ᱯᱚᱱᱚᱛ ᱞᱟᱯᱷᱟᱝ ᱥᱮᱪᱮᱫ ᱢᱟᱸᱰᱮᱨ ᱪᱮᱫ ᱯᱟ.ᱭᱲᱤᱭ ᱜᱤᱰᱤᱭᱟ ᱱᱩᱠᱩ ᱱᱟᱜᱟᱢ ᱛᱮᱭᱟᱨ ᱱᱟᱱᱛᱟᱲᱤ ᱯᱟ.ᱴᱷᱣᱟ. ᱠᱚ ᱞᱟ.ᱜᱤᱫ!


ᱥᱮᱭᱟᱨ ᱛᱟᱵᱳᱱ ᱯᱮ
x