Sonajharia Minj first tribal lady recruit as a VC

ᱯᱩᱭᱞᱩ ᱴᱨᱟᱭᱵᱮᱞ ᱵᱷᱤ.ᱥᱤ ᱞᱮᱠᱟᱛᱮ ᱵᱟᱦᱟᱞ ᱮᱱᱟᱭ ᱥᱳᱱᱟᱡᱷᱟᱨᱤᱭᱟ ᱢᱤᱱᱡᱽ

ᱥᱮᱭᱟᱨ ᱛᱟᱵᱳᱱ ᱯᱮ

ᱢᱟᱱᱚᱛᱤᱭᱟ. ᱱᱤᱱᱡᱽ. ᱪᱤᱛᱟ.ᱨ-ᱯᱷ.ᱵᱩ

ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱯᱷᱩᱨᱜᱟᱹᱞ ᱵᱷᱟᱨᱚᱛ ᱨᱮᱱ ᱯᱩᱭᱞᱩ ᱴᱨᱟᱭᱵᱮᱞ ᱟᱭᱳ ᱦᱚᱲ ᱵᱷᱟᱭᱤᱥ ᱪᱮᱱᱥᱮᱞᱟᱨ ᱞᱮᱠᱟᱛᱮ ᱡᱷᱟᱲᱠᱷᱸᱰ ᱥᱤᱫᱷᱩ ᱠᱟᱱᱦᱩ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱵᱟᱦᱟᱞ ᱮᱱᱟᱭ ᱯᱨᱚᱯᱷᱮᱥᱟᱨ ᱥᱳᱱᱟᱡᱷᱟᱨᱤᱭᱟ ᱢᱤᱱᱡᱽ ᱾ ᱪᱟᱞᱟᱣᱮᱱ ᱥᱟ.ᱨᱫᱤ ᱢᱟᱦᱟ ᱦᱤᱞᱳᱜ ᱡᱷᱟᱲᱠᱷᱸᱰ ᱨᱤᱱ ᱯᱚᱱᱚᱛ ᱜᱚᱢᱠᱮ ᱫᱨᱳᱯᱚᱫᱤ ᱢᱩᱨᱢᱩ ᱟ.ᱭᱩᱨᱛᱮ ᱱᱚᱣᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱵᱟᱦᱟᱞ ᱮᱱᱟᱭ ᱢᱟᱱᱚᱛᱟᱱᱤ ᱢᱤᱱᱡᱽ ᱾ ᱯᱚᱱᱚᱛ ᱥᱤᱨᱟ. ᱢᱩᱱᱛᱨᱤ ᱢᱟᱱᱚᱛᱟᱱ ᱦᱮᱢᱱᱛᱚ ᱥᱚᱨᱮᱱ ᱦᱚᱸ ᱱᱚᱣᱟ ᱠᱟ.ᱢᱤᱦᱚᱨᱟ ᱨᱮ ᱜᱚᱲᱚᱭ ᱮᱢ ᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱠᱟᱱᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱠᱳᱨᱳᱱᱟ ᱟᱱᱟᱴ ᱟᱨ ᱞᱚᱠᱰᱟᱩᱱ ᱛᱮ ᱛᱷᱩᱠᱩᱢ ᱟᱠᱟᱱᱟ ᱪᱤᱠᱤ ᱯᱟᱥᱱᱟᱣ “Mission Ol Chiki 2025” ᱠᱟ.ᱢᱤ ᱦᱚᱨᱟ ᱦᱚᱸ

ᱚᱲᱟᱜ ᱦᱚᱨ ᱥᱟᱶ ᱢᱟᱱᱚᱛᱤᱭᱟ. ᱢᱤᱱᱡᱽ. ᱪᱤᱛᱟ.ᱨ-ᱯᱷ.ᱵᱚ

ᱯᱨᱚᱯᱷᱮᱥᱟᱨ ᱢᱤᱱᱡᱽ ᱫᱚ ᱫᱤᱞᱞᱤ ᱡᱚᱦᱚᱨᱞᱟᱞ ᱱᱮᱦᱮᱨᱩ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮᱱ ᱡᱠᱩᱞ ᱚᱯᱷ ᱠᱚᱢᱯᱤᱭᱩᱴᱟᱨ ᱮᱱᱰ ᱥᱤᱥᱴᱮᱢ ᱥᱟᱭᱮᱱᱥ ᱨᱮᱱ ᱯᱨᱚᱯᱷᱮᱥᱟᱨ ᱮ ᱛᱟᱸᱦᱮ ᱠᱟᱱᱟ ᱾ ᱥᱳᱱᱟᱡᱷᱟᱨᱤᱭᱟ ᱢᱤᱱᱡᱽ ᱟᱜ ᱚᱞᱚᱜ ᱯᱚᱲᱦᱚᱱ ᱱᱟᱜᱟᱢ ᱦᱚᱸ ᱟ.ᱰᱤ ᱥᱮᱬᱟ ᱜᱮᱛᱟᱭᱟ ᱾ ᱢᱟᱱᱚᱛᱟᱱᱤ ᱢᱤᱱᱡᱽ ᱫᱚ ᱮᱞᱠᱷᱟ ᱥᱟᱛᱟᱢ ᱟᱛᱮᱜ ᱳᱢᱮᱱ ᱠᱨᱤᱥᱪᱟᱱ ᱠᱚᱞᱮᱡᱽ ᱪᱮᱱᱱᱟᱭ ᱠᱷᱚᱱ ᱯᱟᱲᱦᱟᱣ ᱟᱠᱟᱱᱟᱭ ; ᱮᱢ.ᱮᱥ.ᱥᱤ ᱫᱚ ᱢᱟᱫᱽᱨᱟᱥ ᱠᱨᱤᱥᱪᱟᱱ ᱠᱚᱞᱮᱡᱽ ᱠᱷᱚᱱ ᱾ ᱛᱚᱵᱮ ᱢᱟᱱᱚᱛᱟᱱᱤ ᱢᱤᱱᱡᱽ ᱟᱜ ᱮᱞᱠᱷᱟ ᱤᱫᱤ ᱠᱟᱛᱮᱜ ᱯᱟᱲᱦᱟᱜ ᱨᱮᱱᱟᱜ ᱢᱤᱫ ᱱᱟᱜᱟᱢ ᱢᱮᱱᱟᱜ ᱟ ᱾ ᱨᱟᱸᱪᱤ ᱨᱮ ᱯᱟᱲᱦᱟᱜ ᱚᱠᱛᱚ ᱵᱤᱨᱫᱟ.ᱜᱟᱲ ᱨᱮᱱ ᱮᱞᱠᱷᱟ ᱢᱟᱪᱮᱫ ᱢᱮᱛᱟᱫᱮ ᱛᱟᱸᱦᱮᱱ – ᱛᱩᱢ ᱥᱮ ᱱᱟ ᱦᱳ ᱯᱟᱭᱮᱜᱟ (ᱟᱢ ᱫᱟᱨᱟᱭ ᱛᱮᱫᱚ ᱵᱟᱝ ᱦᱩᱭᱩᱜ ᱟ) ᱾ ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮᱜ ᱜᱮ ᱢᱟᱱᱚᱛᱟᱱᱤ ᱢᱤᱱᱡᱽ ᱮᱞᱠᱷᱟ ᱤᱫᱤ ᱠᱟᱛᱮᱜ ᱯᱟᱲᱦᱟᱜ ᱞᱟ.ᱜᱤᱫ ᱢᱚᱱᱮ ᱢᱩᱨᱩᱠᱷ ᱞᱮᱫᱟᱭ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱚᱞ ᱤᱛᱩᱱ, ᱥᱟᱱᱛᱟᱲᱤ ᱪᱤᱠᱤ ᱪᱮᱢᱮᱫ ᱞᱟ.ᱜᱤᱫ ᱱᱟᱣᱟ ᱮᱯ ᱮ ᱩᱨᱮ.ᱞ ᱠᱮᱫᱟ ᱟᱠᱷᱲᱟ ᱢᱤᱰᱤᱭᱟ

᱑᱙᱘᱖ ᱥᱚᱱ ᱨᱮ ᱢᱤᱱᱡᱽ ᱫᱚ ᱡᱮ.ᱮᱱ.ᱤᱭᱩ ᱨᱮ ᱠᱚᱢᱯᱤᱭᱩᱴᱟᱨ ᱤᱫᱤ ᱠᱟᱛᱮᱜ ᱯᱟᱲᱦᱟᱜ ᱨᱮ ᱥᱮᱞᱮᱫ ᱮᱱᱟᱭ ᱾ ᱱᱚᱰᱮ ᱠᱷᱚᱱ ᱜᱮ ᱠᱚᱢᱯᱤᱭᱩᱴᱟᱨ ᱥᱟᱛᱟᱢ ᱟᱛᱮᱜ ᱮᱢ.ᱯᱷᱤᱞ ᱟᱨ ᱯᱤ.ᱮᱭᱤᱪ.ᱰᱤ ᱯᱩᱨᱟ.ᱣ ᱠᱟᱫᱟᱭ ᱾ ᱤᱱᱟ. ᱛᱟᱭᱚᱢ ᱚᱸᱰᱮ ᱞᱮᱛᱟᱲ ᱜᱮ ᱒᱘ ᱥᱮᱨᱢᱟ ᱯᱨᱚᱯᱷᱮᱥᱟᱨ ᱞᱮᱠᱟᱛᱮ ᱵᱟᱦᱟᱞ ᱞᱮᱱ ᱛᱟᱸᱦᱮᱫ ᱾ ᱢᱟᱱᱚᱛᱟᱱᱤ ᱢᱤᱱᱡᱽ ᱟᱜ ᱵᱷᱤᱥᱤ ᱞᱮᱠᱟᱛᱮ ᱵᱟᱦᱟᱞ ᱫᱚ ᱱᱟᱯᱟᱭ ᱢᱮᱫ ᱛᱮᱜᱮ ᱠᱚ ᱧᱮᱞ ᱮᱫᱟ ᱠᱷᱮᱨᱣᱟᱲ ᱥᱮᱪᱮᱫ ᱢᱚᱦᱚᱞ ᱾ ᱟᱜᱟᱢ ᱫᱤᱱ ᱨᱮ ᱠᱷᱮᱨᱣᱟᱲ ᱠᱚ ᱥᱟᱶ ᱫᱤᱥᱚᱢ ᱡᱟᱠᱟᱛ ᱠᱩᱲᱤ ᱦᱚᱯᱚᱱ ᱠᱚ ᱢᱟᱱᱚᱛᱟᱱᱤ ᱢᱤᱱᱡ ᱧᱮᱞ ᱛᱮ ᱟᱨᱦᱚᱸ ᱱᱟᱯᱟᱭ ᱥᱟᱦᱤᱡ ᱚᱞᱚᱜ ᱯᱚᱲᱦᱚᱱᱟᱠᱳ ᱢᱮᱱᱛᱮ ᱢᱚᱱᱮᱭ ᱫᱟ ᱠᱚ ᱱᱮᱴᱤᱡᱮᱱ ᱢᱚᱦᱚᱞ ᱾

ᱧᱮᱞ ᱛᱟᱵᱩᱱ ᱯᱮ ᱺ “ᱢᱤᱥᱚᱱ ᱟᱭᱮ-ᱮᱥ ᱒᱐᱒᱑” ᱥᱤ ᱦᱛᱮᱛᱮ ᱱᱟᱣᱟ ᱡᱳᱥ ᱠᱟ.ᱢᱤᱦᱚᱨᱟ


ᱥᱮᱭᱟᱨ ᱛᱟᱵᱳᱱ ᱯᱮ
x