Gomha Parab and Karam Myth celebration from Jharkhand written by Majhi Baba

ᱢᱟ.ᱡᱷᱤ ᱵᱟᱵᱟᱣᱟᱜ ᱚᱞᱨᱮ ᱛᱟᱞᱥᱟ ᱟᱛᱳ ᱜᱚᱢᱦᱟ ᱯᱚᱨᱚᱵ ᱟᱨ ᱱᱟᱜᱟᱢ ᱥᱟᱸᱜᱷᱟᱨ

ᱥᱮᱭᱟᱨ ᱛᱟᱵᱳᱱ ᱯᱮ

ᱴᱷᱟᱶ- ᱟᱛᱳ ᱛᱟᱞᱥᱟ ; ᱡᱷᱟᱲᱠᱷᱚᱸᱰ
ᱢᱟ.ᱡᱷᱤ ᱵᱟᱵᱟ- ᱫᱩᱨᱜᱟ ᱪᱚᱨᱚᱱ ᱢᱩᱨᱢᱩ , ᱱᱟᱭᱠᱮ ᱵᱟᱵᱟ- ᱫᱷᱟ.ᱱᱤ ᱨᱟᱢ ᱯᱩᱨᱢᱩ

ᱯᱨᱮᱥ ᱩᱪᱷᱟ.ᱱ ; ᱛᱟᱞᱥᱟ ᱢᱟ.ᱡᱷᱤ ᱵᱟᱵᱟ; ᱔ ᱟᱜᱚᱥᱴ ᱺ ᱡᱟᱢᱥᱮᱫᱽᱯᱩᱨ ᱥᱩᱨ ᱥᱩᱯᱩᱨ ᱛᱟᱞᱥᱟ ᱟᱛᱳ ᱥᱟᱶ ᱥᱟᱱᱟᱢ ᱠᱷᱮᱨᱣᱟᱲ ᱟᱛᱳ ᱨᱮᱜᱮ ᱜᱚᱢᱦᱟ ᱯᱚᱨᱚᱵᱽ ᱢᱟ.ᱱ ᱥᱟᱞᱟᱜ ᱢᱟᱱᱟᱣ ᱢᱟᱯᱱᱟᱣ ᱦᱩᱭ ᱮᱱᱟ ᱾ ᱵᱟᱨ ᱢᱟᱦᱟᱨᱤ ᱱᱚᱣᱟ ᱠᱟ.ᱢᱤᱦᱚᱨᱟ ᱨᱮ ᱥᱟᱶᱛᱟ ᱨᱮᱱ ᱦᱚᱲ ᱠᱟᱨᱟᱢ ᱜᱚᱸᱥᱟᱷ ᱴᱷᱮᱱ ᱥᱩᱠᱷ ᱥᱟᱶᱟᱨ, ᱥᱟᱶᱟᱭ ᱡᱟᱬᱤ, ᱦᱩᱲᱩ ᱪᱟᱣᱞᱮ ᱮᱢᱟᱱ ᱠᱚ ᱢᱚᱡᱽ ᱛᱮ ᱦᱩᱭ ᱠᱚᱜ ᱢᱟ ᱨᱚᱜ ᱵᱤᱜᱷᱤᱱ ᱠᱚ ᱥᱟᱜᱤᱧ ᱠᱚᱜ ᱢᱟ ; ᱱᱚᱣᱟ ᱠᱚ ᱤᱫᱤ ᱠᱟᱛᱮᱜ ᱵᱚᱸᱜᱟ ᱥᱟᱠᱮᱛ ᱪᱟᱯᱟᱞ ᱟᱠᱟᱫᱟ ᱠᱚ ᱾ ᱱᱚᱣᱟ ᱜᱚᱢᱦᱟ ᱯᱚᱨᱚᱵᱽ ᱫᱚ ᱦᱩᱲᱩ ᱨᱚᱦᱚᱭ ᱛᱟᱭᱚᱢ ᱥᱚᱨᱟᱵᱚᱱ ᱨᱮᱱᱟᱜ ᱢᱩᱞᱩᱜ ᱪᱟᱸᱫᱚ ᱨᱮ ᱢᱟᱱᱟᱣ ᱦᱩᱭᱩᱜ ᱟ ᱾

ᱵᱤᱱᱛᱤ ᱠᱟᱛᱷᱟ ᱞᱮᱠᱟᱛᱮ ᱯᱟ.ᱦᱤᱞ‌ ᱫᱚ ᱫᱷᱟ.ᱨᱛᱤ ᱫᱚ ᱡᱚᱞᱟᱠᱟᱨ ᱜᱮ ᱛᱟᱸᱦᱮ ᱠᱟᱱᱟ ᱾ ᱢᱟᱨᱟᱝ ᱵᱩᱨᱩ ᱥᱩᱱ ᱟᱠᱟᱱ ᱢᱚᱧᱪᱚ ᱯᱩᱨᱤ ᱨᱮ ᱥᱚᱝᱥᱟᱨ ᱡᱤᱭᱚᱱ ᱵᱮᱨᱮᱫ ᱨᱟᱠᱟᱵ ᱞᱟ.ᱜᱤᱫ ᱦᱚᱨᱚ ᱨᱟᱡᱽ ᱟᱜ ᱫᱮᱭᱟᱨᱮ ᱡᱤᱵᱽ ᱡᱤᱭᱟ.ᱞᱤ ᱠᱚᱣᱟᱜ ᱫᱟᱲᱮ ᱛᱮ ᱡᱚᱞᱟᱠᱟᱨ ᱠᱷᱚᱱᱟᱜ ᱦᱟᱸᱥᱟ ᱪᱟᱯᱮ ᱨᱟᱠᱟᱵ ᱠᱮᱫᱟᱭ ᱾ ᱚᱱᱟ ᱦᱟᱸᱥᱟ ᱪᱮᱛᱟᱱ ᱨᱮ ᱢᱟᱨᱟᱝ ᱵᱩᱨᱩ ᱫᱚ ᱢᱤᱫ ᱫᱟᱨᱮᱭ ᱚᱢᱚᱱ ᱚᱪᱚ ᱠᱮᱫᱟ, ᱚᱱᱟ ᱜᱮ ᱥᱟᱨᱡᱚᱢ ᱫᱟᱨᱮ ᱫᱚ ᱾ ᱚᱱᱟ ᱫᱟᱨᱮ ᱨᱮ ᱨᱮᱜᱮ ᱦᱟᱸᱥ-ᱦᱟᱸᱥᱤᱞ ᱛᱩᱠᱟ. ᱜᱷᱟᱨᱚᱸᱡ ᱠᱤᱱ ᱛᱚᱞ ᱠᱮᱫᱟ ᱾ ᱚᱱᱟ ᱜᱷᱟᱨᱚᱸᱡ ᱨᱮᱜᱮ ᱡᱟᱱᱟᱢ ᱮᱱᱟᱠᱤᱱ ᱢᱟ.ᱱᱢᱤ ᱡᱤᱭᱚᱱ , ᱡᱟᱸᱦᱟᱭ ᱫᱚ ᱯᱤᱞᱪᱩ ᱦᱟᱲᱟᱢ ᱟᱨ ᱯᱤᱞᱪᱩ ᱵᱩᱰᱷᱤ ᱢᱮᱛᱟ ᱠᱤᱱ ᱠᱟᱱᱟ ᱠᱚ ᱾ ᱠᱟᱨᱟᱢ ᱫᱟᱨᱮ ᱫᱚ ᱵᱚᱸᱜᱟ ᱨᱩᱯᱛᱮᱜᱮ ᱩᱱᱠᱤᱱ ᱢᱟ.ᱱᱢᱤ ᱡᱤᱣᱤ ᱥᱩᱛᱩᱜ ᱠᱟᱛᱮᱜ ᱦᱟᱨᱟ ᱵᱩᱨᱩ ᱠᱮᱫ ᱠᱤᱱᱟᱭ ᱾ ᱱᱚᱣᱟ ᱦᱚᱛᱮᱡ ᱛᱮᱜᱮ ᱠᱷᱮᱨᱣᱟᱲ ᱦᱚᱯᱚᱱ ᱠᱟᱨᱟᱢ ᱫᱟᱨᱮ ᱫᱚ ᱵᱚᱱ ᱵᱚᱸᱜᱟᱣᱟᱜᱼᱟ ᱟᱨ ᱫᱩᱠ ᱥᱩᱠ ᱨᱮ ᱠᱟᱨᱟᱢ ᱜᱚᱸᱥᱟᱭ ᱫᱚ ᱧᱩᱢ ᱟ.ᱪᱩᱨᱮᱭᱟ ᱵᱚᱱ ᱾

ᱧᱮᱞ ᱛᱟᱵᱩᱱ ᱯᱮ ᱺ The story of an orphaned sibling karo and Kuili and “Gomha” the festival of kherwar community

ᱦᱩᱲᱩ ᱨᱚᱦᱚᱭ ᱛᱟᱭᱚᱢ ᱰᱟ.ᱝᱨᱤ ᱠᱟᱰᱟ ᱟᱨ ᱪᱟᱥ ᱠᱟ.ᱢᱤᱭᱟ. ᱠᱚ ᱛᱷᱟᱠᱟᱣ ᱡᱤᱨᱟ.ᱣ ᱦᱚᱛᱮᱡ ᱛᱮ ᱱᱚᱣᱟ ᱜᱚᱢᱦᱟ ᱯᱚᱨᱚᱵᱽ ᱫᱚ ᱢᱟᱱᱟᱜ ᱟ ᱾ ᱜᱚᱢᱦᱟ ᱯᱚᱨᱚᱵᱽ ᱦᱤᱞᱚᱜ ᱫᱚ ᱚᱠᱚᱭ ᱜᱮ ᱠᱷᱮᱛ ᱵᱟ.ᱫᱽ ᱵᱟᱝ ᱠᱚ ᱪᱟᱞᱟᱜ ᱟ ; ᱱᱟᱦᱮᱞ, ᱠᱩᱰᱤ ᱦᱚᱸ ᱵᱟᱝ ᱠᱚ ᱡᱚᱴᱮᱫᱟ ᱾ ᱱᱤᱭᱟ. ᱫᱤᱱ ᱫᱚ ᱦᱚᱲ ᱦᱚᱯᱚᱱ ᱚᱲᱟᱜ ᱨᱮ ᱞᱮᱴᱚᱭᱟᱠᱚ ᱯᱤᱴᱷᱟ.ᱭᱟᱠᱚ ᱾ ᱟ.ᱛᱩ ᱡᱟ.ᱱᱤ ᱠᱟᱨᱟᱢ ᱰᱟ.ᱨ ᱵᱤᱫ ᱠᱟᱛᱮᱜ ᱠᱟᱨᱟᱢ ᱜᱚᱸᱥᱟᱭ ᱨᱟ.ᱥᱠᱟ. ᱚᱪᱚ ᱞᱟ.ᱜᱤᱫ ᱛᱩᱢᱫᱟᱜ ᱴᱟᱢᱟᱠ ᱥᱟᱡᱽ ᱥᱟᱯᱟᱵ ᱟᱛᱮᱜ ᱟᱠᱷᱲᱟ ᱠᱚ ᱵᱚᱞᱚᱱᱟ ᱟᱨ ᱨᱤᱸᱡᱟ. ᱠᱚ ᱮᱱᱮᱡ ᱟ ᱾ ᱱᱚᱣᱟ ᱨᱤᱸᱡᱟ ᱮᱱᱮᱡ ᱛᱟᱞᱟᱛᱮ ᱠᱟᱨᱟᱢ ᱜᱚᱸᱥᱟᱭ ᱠᱚ ᱵᱮᱨᱮᱫ ᱨᱟᱠᱟᱵᱮᱭᱟ ᱥᱟᱶᱛᱮ ᱦᱩᱲᱩ ᱨᱚᱦᱚᱭ, ᱪᱮᱬᱮ ᱴᱩᱴᱤ, ᱦᱟᱠᱩ ᱥᱟᱵ , ᱡᱤᱟ.ᱞᱤ ᱥᱮᱸᱫᱽᱨᱟ, ᱮᱢᱟᱱ ᱱᱟᱱᱟ ᱦᱩᱱᱟ.ᱨ ᱡᱟᱶᱛᱟ ᱪᱤᱛᱟ.ᱨ ᱜᱚᱲᱦᱚᱱ ᱜᱟᱵᱟᱱᱚᱜ ᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱨᱟᱢ ᱢᱚᱱᱫᱤᱨ ᱵᱮᱱᱟᱣ ᱨᱮ ᱠᱩᱞ ᱮᱱᱟ ᱡᱟᱦᱮᱨ ᱨᱮᱱᱟᱜ ᱦᱟᱸᱥᱟ ; ᱨᱟᱸᱜᱟᱣᱱᱟ ᱨᱮ ᱠᱷᱮᱨᱣᱟᱲ ᱦᱚᱯᱚᱱ

ᱛᱤᱦᱤᱧ ᱫᱚ ᱟᱞᱮ ᱛᱟᱞᱥᱟ ᱟᱛᱳ ᱨᱮ ᱜᱚᱢᱦᱟ ᱯᱚᱨᱚᱵᱽ ᱢᱟᱱᱟᱣ ᱫᱚᱥᱟᱨ ᱥᱮ ᱢᱩᱪᱟ.ᱫ ᱫᱤᱱ ᱠᱟᱱᱟ ᱾ ᱡᱚᱜ-ᱢᱟ.ᱡᱷᱤᱣᱟᱜ ᱫᱮᱞᱟ ᱛᱮ ᱢᱟ.ᱡᱷᱤ ᱵᱟᱵᱟ , ᱱᱟᱭᱠᱮ ᱵᱟᱵᱟ, ᱜᱳᱰᱮᱛ, ᱯᱟᱨᱟᱱᱤᱠ ᱟᱨ ᱟ.ᱛᱩ ᱦᱚᱲᱟᱜ ᱥᱟ.ᱦᱤ ᱡᱩᱦᱤᱛᱮ ᱫᱷᱚᱨᱚᱢ ᱜᱚᱸᱥᱟᱭ ᱠᱟᱨᱟᱢ ᱰᱟ.ᱨ ᱟ.ᱛᱩ ᱢᱟᱰᱮᱨ ᱨᱮ ᱵᱤᱫ ᱠᱟᱛᱮᱜ ᱵᱚᱸᱜᱟ ᱵᱩᱨᱩ ᱟᱫᱮᱭᱟᱞᱮ ᱾ ᱨᱤᱸᱡᱟ. ᱮᱱᱮᱡ ᱟᱨ ᱛᱩᱢᱫᱟᱜ ᱴᱟᱢᱟᱠ ᱟᱛᱮᱜ ᱟᱠᱷᱲᱟ ᱠᱚ ᱥᱟ.ᱠᱷᱤ ᱥᱚᱵᱷᱟ ᱠᱮᱫᱟ ᱟ.ᱛᱩ ᱦᱚᱲ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱨᱱᱟ ᱫᱷᱚᱨᱚᱢ ᱪᱮᱢᱮᱫ ᱟᱥᱲᱟ ᱫᱟᱨᱟᱭ ᱦᱟ.ᱲᱭᱟ.ᱲ ᱵᱚᱸᱜᱟ ᱵᱳᱨᱳl ᱚᱞ ᱟᱠᱟᱫᱟᱭ ᱨᱟᱢᱡᱤᱛ ᱴᱩᱰᱩ


ᱥᱮᱭᱟᱨ ᱛᱟᱵᱳᱱ ᱯᱮ
x