Hemant Soren Meet with Aseca in issue of Santali Language

ᱥᱟᱱᱛᱟᱲᱤ ᱯᱟᱹᱨᱥᱤ ᱟᱛᱮᱜ ᱦᱮᱢᱚᱱᱛᱚ ᱴᱷᱮᱱ ᱫᱚᱨᱵᱟᱨ ᱨᱮ ᱟᱥᱮᱠᱟ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱡᱷᱟᱲᱠᱷᱸᱰ ᱨᱮ ᱥᱟᱱᱛᱟᱲᱤ ᱯᱟ.ᱨᱥᱤᱭᱟᱜ ᱞᱟᱦᱟᱱᱛᱤ ᱤᱫᱤ ᱠᱟᱛᱮᱜ ᱥᱤᱨᱟ. ᱢᱩᱱᱛᱨᱤ ᱦᱮᱢᱚᱱᱛ ᱥᱚᱨᱮᱱ ᱴᱷᱮᱱ ᱫᱚᱨᱵᱟᱨ ᱠᱮᱫᱟᱭ ᱟᱥᱮᱠᱟ ᱾ ᱚᱛᱮ ᱢᱟᱦᱟ ᱛᱤᱠᱤᱱ ᱵᱟᱨ ᱵᱟᱡᱟᱜ ᱚᱠᱛᱮ ᱱᱚᱣᱟ ᱫᱩᱯᱲᱩᱵ ᱠᱟ.ᱢᱤ ᱦᱚᱨᱟ ᱫᱚ ᱦᱩᱭ ᱥᱟ.ᱛ ᱟᱠᱟᱱᱟ ᱾ ᱡᱷᱟᱲᱠᱷᱸᱰ ᱨᱮ ᱥᱟᱱᱛᱟᱲᱤ ᱯᱟ.ᱨᱥᱤᱛᱮ ᱚᱞᱚᱜ ᱯᱚᱲᱦᱚᱱ , ᱥᱚᱠᱟᱨᱤ ᱠᱟ.ᱢᱤ ᱠᱚᱨᱮ ᱥᱟᱱᱛᱟᱲᱤ ᱵᱮᱣᱦᱟᱨ ᱠᱚᱨᱮ ᱟ.ᱰᱤ ᱟᱢᱫᱟ ᱟᱱᱟᱴ ᱢᱮᱱᱟᱜ ᱟ ᱾ ᱚᱱᱟ ᱠᱚ ᱥᱚᱞᱦᱮ ᱤᱫᱤ ᱠᱟᱛᱮᱜ ᱜᱮ ᱱᱚᱣᱟ ᱫᱩᱯᱲᱩᱵ ᱫᱚ ᱛᱟᱸᱦᱮᱠᱟᱱᱟ᱾ ᱡᱟᱦᱟᱸ ᱨᱮ ᱟᱥᱮᱠᱟ ᱯᱟᱦᱴᱟ ᱠᱷᱚᱱ ᱥᱤᱨᱟ. ᱢᱩᱱᱛᱨᱤ ᱴᱷᱮᱱ – ᱥᱟᱱᱛᱟᱲᱤ ᱮᱠᱟᱰᱮᱢᱤ ᱵᱮᱱᱟᱜ ᱢᱟ, ᱨᱟᱡᱽ ᱵᱷᱟᱥᱟ ᱞᱮᱠᱟᱛᱮ ᱥᱟᱱᱛᱟᱲᱤ ᱞᱮᱠᱷᱟᱜ ᱢᱟ , ᱥᱟᱱᱛᱟᱲᱤ ᱚᱞ ᱪᱤᱠᱤ ᱢᱟᱪᱮᱫ ᱠᱚ ᱵᱟᱦᱟᱞᱚᱜ ᱢᱟ , ᱢᱤᱫ ᱠᱷᱚᱱ ᱡᱮᱜᱮᱫ ᱵᱤᱨᱫᱟ.ᱜᱟᱲ ᱫᱷᱟ.ᱵᱤᱡ ᱥᱟᱱᱛᱟᱲᱤ ᱯᱚᱲᱦᱚᱱ ᱛᱟᱱᱟᱞᱟ ᱛᱮᱭᱟᱨ ᱨᱟᱠᱟᱵᱜ ᱢᱟ , ᱮᱢᱟᱱ ᱫᱟᱢᱟᱱ ᱫᱟ.ᱵᱤ ᱠᱚ ᱪᱟᱞ ᱦᱩᱭ ᱠᱟᱱᱟ ᱾

ᱧᱮᱞ ᱛᱟᱵᱩᱱ ᱯᱮᱺ ᱠᱳᱨᱳᱱᱟ ᱵᱤᱨᱩᱫᱷ ᱞᱟ.ᱲᱦᱟᱭ ᱨᱮ ᱡᱷᱟᱨᱠᱷᱚᱸᱰᱨᱮ ᱢᱚᱦᱚᱛ ᱮᱱᱮᱢ ᱦᱮᱢᱚᱱᱛᱚ ᱣᱟᱜ : ᱟᱥᱮᱠᱟ

ᱟᱥᱮᱠᱟ ᱯᱟᱦᱴᱟ ᱠᱷᱚᱱ ᱵᱟᱰᱟᱭ ᱚᱪ ᱦᱩᱭ ᱠᱟᱱᱟ ᱥᱮᱢᱞᱮᱫ ᱯᱟᱦᱟᱴᱟ ᱠᱷᱚᱱ ᱥᱤᱨᱟ. ᱢᱩᱱᱛᱨᱤ ᱨᱟᱜᱷᱩ ᱜᱩᱨᱩᱣᱟᱜ ᱟᱲᱟᱝ ᱢᱮᱱᱛᱮ ᱢᱤᱫ ᱯᱩᱸᱛᱷᱤ ᱪᱟᱞ ᱦᱩᱭ ᱠᱟᱱᱟ ; ᱥᱟᱶᱛᱮ ᱦᱮᱢᱚᱱᱛ ᱥᱚᱨᱮᱱ ᱒᱐᱑᱓ᱼ᱑᱔ ᱚᱠᱛᱚᱨᱮ ᱥᱤᱨᱟ. ᱢᱩᱱᱛᱨᱤ ᱛᱟᱸᱦᱮ ᱡᱚᱦᱚᱜ ᱟᱨ ᱱᱤᱛᱚᱜ ᱡᱟᱸᱦᱟ ᱞᱮᱠᱟ ᱵᱷᱟ.ᱞᱟ.ᱭ ᱮ ᱠᱟ.ᱢᱤᱭᱫᱟ ᱚᱱᱟ ᱤᱫᱤ ᱠᱟᱛᱮᱜ ᱢᱟ.ᱱ ᱥᱟᱠᱟᱢ ᱪᱟᱞ ᱦᱩᱭ ᱠᱟᱱᱟ ᱾ ᱜᱟᱞᱚᱪ ᱨᱮᱱᱟᱜ ᱯᱩᱭᱞᱩ ᱛᱷᱚᱠ ᱫᱚ ᱛᱟᱸᱦᱮ ᱠᱟᱱᱟ ᱠᱚᱨᱳᱱᱟ ᱨᱮ ᱥᱤᱨᱟ. ᱢᱩᱱᱛᱨᱤ ᱦᱮᱢᱚᱱᱛ ᱥᱚᱨᱮᱱ ᱡᱷᱟᱲᱠᱷᱸᱰ ᱨᱮᱱ ᱦᱚᱲ ᱞᱟ.ᱜᱤᱫ ᱪᱮᱫ ᱞᱮᱠᱟ ᱱᱟᱯᱟᱭ ᱮ ᱠᱟ.ᱢᱤ ᱠᱟᱫᱟ ᱚᱱᱟ ᱠᱚ ᱟᱛᱮᱜ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱤᱫᱷᱩ ᱠᱟ.ᱱᱷᱩ ᱵᱚᱝᱥᱚ ᱨᱟᱢᱮᱥᱥᱚᱨᱟᱜ ᱜᱩᱨ; ᱪᱮᱛᱟᱱ ᱛᱷᱚᱠᱟᱜ ᱪᱷᱟᱱᱵᱤᱱ ᱡᱟ.ᱨᱩᱲᱟ: ᱥᱟᱞᱠᱷᱚᱱ

ᱫᱚᱥᱟᱨ ᱨᱮ ᱫᱚ ᱛᱟᱸᱦᱮ ᱠᱟᱱᱟ ᱥᱟᱱᱛᱟᱲᱤ ᱯᱟ.ᱨᱥᱤ ᱨᱮᱱᱟᱜ ᱡᱷᱟᱲᱠᱷᱸᱰ ᱨᱮ ᱪᱮᱫ ᱢᱟ.ᱱ ᱨᱮ ᱛᱟᱸᱦᱮᱱ ᱞᱟ.ᱠᱛᱤ ᱠᱟᱱᱟ ᱚᱱᱟ ᱨᱮᱱᱟᱜ ᱜᱟᱞᱚᱪ ᱾ ᱥᱟᱱᱛᱟᱲᱤ ᱛᱟᱱᱟᱞᱟ ᱛᱮ ᱚᱞᱚᱜ ᱯᱚᱲᱦᱚᱱ ᱱᱤᱛ ᱫᱷᱟ.ᱵᱤᱡ ᱡᱷᱟᱲᱠᱷᱸᱰ ᱨᱮ ᱵᱟᱝ ᱮᱛᱚᱦᱚᱵ ᱠᱟᱱᱟ ᱾ ᱱᱤᱭᱟ. ᱞᱟᱦᱟ ᱨᱤᱱᱤᱡ ᱥᱚᱨᱠᱟᱨ ᱥᱤᱞᱮᱵᱟᱥ ᱠᱚᱨᱮᱱᱟᱜ ᱯᱚᱛᱚᱵ ᱪᱷᱟᱯᱟ ᱞᱮ ᱨᱮᱦᱚᱸ ᱚᱱᱟ ᱠ‌ᱚ ᱡᱚᱛᱷᱟᱛ ᱦᱚᱨ ᱫᱤᱥᱟᱹ ᱵᱟᱭ ᱧᱟᱢ ᱟᱠᱟᱫᱟ ᱾ ᱚᱱᱟ ᱠᱚ ᱯᱚᱛᱚᱵ ᱟ.ᱨᱩ ᱯᱷᱮᱨᱟᱣ ᱠᱟᱛᱮᱜ ᱡᱚᱛᱷᱟᱛ ᱞᱮᱠᱟᱛᱮ ᱯᱟᱨᱥᱟᱞᱚᱜ ᱢᱟ ᱚᱱᱟ ᱫᱟ.ᱵᱤ ᱠᱟᱫᱟᱭ ᱟᱥᱮᱠᱟ ᱾ ᱱᱤᱭᱟ. ᱥᱟᱶ ᱢᱟᱪᱮᱫ ᱵᱟᱦᱟᱞ ᱟᱨ ᱩᱱᱠᱩ ᱡᱚᱛᱷᱟᱛ ᱚᱠᱛᱚ ᱨᱮ ᱠᱟ.ᱣᱰᱤ ᱠᱚ ᱧᱟᱢ ᱢᱟ ᱚᱱᱟ ᱤᱫᱤ ᱠᱟᱛᱮᱜ ᱦᱚᱸ ᱜᱟᱞᱢᱟᱨᱟᱣ ᱦᱩᱭ ᱠᱟᱱᱟ ᱾

ᱧᱮᱞ ᱛᱟᱵᱩᱱ ᱯᱮᱺ ᱥᱤᱫᱷᱩ ᱠᱟ.ᱱᱷᱩ ᱵᱚᱝᱥᱚ ᱨᱟᱢᱮᱥᱥᱚᱨᱟᱜ ᱜᱩᱨ; ᱪᱮᱛᱟᱱ ᱛᱷᱚᱠᱟᱜ ᱪᱷᱟᱱᱵᱤᱱ ᱡᱟ.ᱨᱩᱲᱟ: ᱥᱟᱞᱠᱷᱚᱱ

ᱢᱮᱱᱫᱚ ᱱᱚᱣᱟ ᱠᱚ ᱫᱟ.ᱵᱤ ᱟᱛᱮᱜ ᱒᱕ ᱯᱷᱮᱵᱨᱩᱣᱟᱨᱤ ᱒᱐᱒᱐ ᱨᱟᱸᱪᱤ ᱯᱨᱳᱡᱮᱠᱴ ᱵᱷᱚᱵᱚᱱ ᱨᱮ ᱥᱤᱨᱟ. ᱢᱩᱱᱛᱨᱤ ᱥᱟᱶ ᱠᱚ ᱫᱩᱲᱩᱵ ᱞᱮᱱᱟᱭ ᱟᱥᱮᱠᱟ ᱾ ᱚᱱᱟ ᱥᱟᱛᱟᱢ ᱛᱮ ᱜᱮ ᱟᱨ ᱦᱚᱸ ᱜᱟᱞᱚᱪ ᱦᱚᱛᱮᱡ ᱛᱮ ᱱᱚᱣᱟ ᱫᱚᱨᱵᱟᱨ ᱫᱚ ᱫᱚᱦᱚ ᱦᱩᱭ ᱞᱮᱱᱟ ᱾ ᱟᱥᱮᱠᱟ ᱯᱟᱦᱴᱟ ᱵᱟᱰᱟᱭ ᱧᱟᱢ ᱠᱟᱱᱟ ᱥᱤᱨᱟ. ᱢᱩᱱᱛᱨᱤ ᱯᱟᱦᱴᱟ ᱠᱷᱚᱱ ᱦᱮᱸ-ᱭᱟᱱᱟᱜ ᱛᱮᱞᱟ ᱨᱩᱣᱟ.ᱲ ᱧᱟᱢ ᱠᱟᱱᱟ ᱾ ᱡᱷᱟᱲᱠᱷᱸᱰ ᱨᱮ ᱟ.ᱰᱤ ᱩᱛᱟ.ᱨ ᱟ.ᱫᱤᱵᱟ.ᱥᱤ ᱜᱟᱸᱛᱟᱠ ᱢᱮᱱᱟᱜ ᱠᱚᱣᱟ ᱾ᱤᱱᱟ.ᱛᱮ ᱥᱟᱱᱟᱢ ᱟ.ᱫᱤᱵᱟ.ᱥᱤ ᱠᱚ ᱟᱛᱮᱜ ᱨᱟᱡᱽ ᱟ.ᱨᱤ ᱛᱟᱲᱟᱢ, ᱤᱫᱤ ᱟᱛᱮᱜ ᱦᱚᱸ ᱠᱟᱛᱷᱟ ᱪᱟᱯᱟᱞ‌ ᱟᱠᱟᱱᱟ ᱜᱟᱞᱚᱪ ᱟᱠᱷᱲᱟ ᱨᱮ ᱾ ᱡᱷᱟᱲᱠᱷᱸᱰ ᱟᱥᱮᱠᱟ ᱨᱮᱱ ᱢᱟᱬᱛᱮ ᱥᱩᱛᱨᱮᱛ ᱥᱚᱝᱠᱚᱨ ᱥᱚᱨᱮᱱᱟᱜ ᱢᱮᱢᱮᱱ ᱼ ‘ ᱟᱞᱮ ᱫᱚ ᱥᱤᱨᱟ. ᱢᱩᱱᱛᱨᱤ ᱞᱮ ᱥᱟᱨᱦᱟᱣ ᱮ ᱟᱠᱟᱱᱟ ᱾ ᱱᱤᱛᱚᱜ ᱫᱚ ᱟᱵᱳᱭᱤᱡ ᱥᱤ.ᱮᱢ ᱠᱟᱱᱟᱭ , ᱚᱱᱟᱛᱮ ᱱᱤᱭᱟ. ᱚᱠᱛᱚ ᱫᱚ ᱟᱵᱚ ᱞᱟ.ᱜᱤᱫ ᱱᱟᱯᱟᱭ ᱚᱠᱛᱚ ᱠᱟᱱᱟ ᱾ ᱟᱵᱚ ᱦᱚᱸᱵᱚᱱ ᱜᱚᱲᱚ ᱟᱭᱟ, ᱟᱡ ᱦᱚᱸᱭ ᱜᱚᱲ ᱟᱵᱳᱱᱟ ᱾ ᱡᱚᱛᱚ ᱦᱚᱲ ᱡᱩᱢᱤᱫ ᱛᱮ ᱜᱚᱲ ᱜᱚᱯᱲᱚ ᱛᱮ ᱠᱟ.ᱢᱤ ᱤᱫᱤ ᱞᱟᱜᱟᱣ ᱵᱚᱱᱟ ᱾ ‘

ᱧᱮᱞ ᱛᱟᱵᱩᱱ ᱯᱮ ᱺ ᱡᱷᱟᱨᱠᱷᱚᱸᱰ ᱨᱤᱱ ᱥᱤᱨᱟ.ᱢᱚᱱᱛᱨᱤ ᱦᱮᱢᱚᱱᱛ ᱑᱒ ᱟᱱᱟᱜ ᱴᱷᱟᱶᱨᱮ , ᱯᱷᱮᱢ ᱤᱱᱰᱤᱭᱟᱦᱟᱜ ᱥᱟᱨᱵᱷᱮ


ᱥᱮᱭᱟᱨ ᱛᱟᱵᱳᱱ ᱯᱮ
x