ᱵᱟᱝᱞᱟᱫᱤᱥᱚᱢ ᱨᱮ ᱚᱛ ᱦᱟᱸᱥᱟ ᱠᱚ ᱨᱮᱨᱮᱡ ᱠᱟᱱᱟ ᱤᱥᱟ.ᱭ ᱢᱤᱥᱚᱱᱟᱨᱤ; ᱫᱷᱟᱸᱫᱚᱥ ᱨᱮ ᱟ.ᱫᱤᱵᱟ.ᱥᱤᱠᱚ

ᱵᱟᱝᱞᱟᱫᱤᱥᱚᱢ ᱨᱮ ᱚᱛ ᱦᱟᱸᱥᱟ ᱠᱚ ᱨᱮᱨᱮᱡ ᱠᱟᱱᱟ ᱤᱥᱟ.ᱭ ᱢᱤᱥᱚᱱᱟᱨᱤ; ᱫᱷᱟᱸᱫᱚᱥ ᱨᱮ ᱟ.ᱫᱤᱵᱟ.ᱥᱤᱠᱚ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱭᱩᱡᱽ ᱰᱮᱥᱠ: ᱵᱟᱝᱞᱟᱫᱤᱥᱚᱢ ᱨᱟᱡᱽᱥᱟᱦᱤᱨᱮ ᱯᱤᱢᱚ ᱯᱷᱟᱫᱟᱨ ᱧᱩᱛᱩᱢᱟᱱᱤᱡ ᱢᱤᱫ ᱤᱛᱟᱞᱤᱭᱟ.ᱱ ᱨᱮᱸᱜᱮᱡ ᱱᱟᱪᱟᱨ ᱟ.ᱫᱤᱵᱟ.ᱥᱤ ᱠᱚ ᱞᱟ.ᱜᱤᱫ ᱛᱟᱦᱮᱸᱱ ᱦᱟᱸᱥᱟᱭ ᱠᱤᱨᱤᱧ ᱞᱮᱫᱟ᱾ ᱱᱚᱣᱟ ᱡᱟᱭᱜᱟ ᱨᱮᱜᱮ ᱑᱓᱐ ᱜᱚᱴᱟᱝ ᱜᱷᱟᱸᱨᱚᱧᱡᱽ ᱒᱐ ᱥᱮᱨᱢᱟ ᱫᱷᱚᱨᱤᱭᱟ. ᱜᱤᱨᱟ.ᱵᱟ.ᱥᱤ ᱠᱟᱛᱮᱫ ᱟᱠᱚ ᱛᱮᱫ ᱛᱮ ᱚᱲᱟᱜ ᱫᱩᱣᱟ.ᱨ ᱛᱮᱭᱟᱨ ᱠᱟᱛᱮᱫ ᱢᱮᱱᱟᱜ ᱠᱚᱣᱟ᱾ ᱢᱮᱱᱠᱷᱟᱱ, ᱟᱪᱠᱟᱜᱮ ᱫᱟ ᱨᱟᱡᱽᱥᱟᱦᱤ ᱠᱷᱨᱤᱥᱴᱟᱱ ᱠᱳ-ᱳᱯᱟᱨᱮᱴᱤᱵᱷ ᱦᱟᱣᱥᱤᱝ ᱥᱚᱥᱟᱭᱴᱤ ᱞᱤᱢᱤᱴᱮᱰ ᱓᱐ ᱠᱟᱴᱷᱟ ᱦᱟᱸᱥᱟ ᱟ.ᱠᱨᱤᱧ ᱨᱮᱭᱟᱜ ᱠᱚ ᱨᱤᱠᱟ. ᱟᱠᱟᱫᱟ᱾ ᱡᱟᱸᱦᱟ ᱠᱷᱟ.ᱛᱤᱨ ᱱᱚᱸᱰᱮ ᱛᱷᱟᱢᱜᱟ.ᱰᱤ ᱠᱟᱛᱮᱫ ᱢᱮᱢᱟᱜ ᱠᱚ ᱑᱓᱐ ᱜᱷᱟᱸᱨᱚᱧᱡᱽ ᱫᱷᱟᱸᱫᱚᱥᱛᱮ ᱫᱤᱱ ᱪᱟᱞᱟᱜ ᱠᱟᱱ ᱛᱟᱠᱚᱣᱟ᱾ ᱛᱷᱟᱢᱜᱟ.ᱰᱤ ᱚᱛ ᱦᱟᱸᱥᱟ ᱠᱷᱚᱱ ᱵᱮᱫᱚᱠᱷᱚᱞᱚᱜ ᱨᱮᱭᱟᱜ ᱵᱚᱛᱚᱨ ᱢᱚᱱᱮᱨᱮ ᱦᱩᱰᱩᱨᱚᱜ ᱠᱟᱱ ᱛᱟᱠᱚᱣᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱡᱷᱟᱨᱠᱷᱚᱸᱰ ᱨᱮ ᱱᱟᱞᱤᱱ ᱥᱚᱨᱮᱱᱟᱜ ᱯᱩᱛᱲᱟ. ᱡᱮᱨᱮᱫ ASA ᱫᱟᱨᱟᱭ; ᱨᱳᱢᱟᱱ ᱨᱮᱭᱟᱜ ᱵᱤᱨᱳᱫᱷ

ᱨᱟᱡᱽᱥᱟᱦᱤ ᱵᱤᱥᱚᱯ ᱡᱮᱵᱷᱟᱨᱥ ᱨᱚᱡᱟᱨᱤᱣᱚᱭ ᱢᱮᱢᱮᱱ ᱠᱟᱱᱟ᱾ ᱱᱚᱣᱟ ᱚᱛ ᱦᱟᱸᱥᱟ ᱠᱷᱚᱱ ᱫᱚ ᱟ.ᱫᱤᱵᱟ.ᱥᱤ ᱠᱚᱫᱚ ᱵᱟᱞᱮ ᱞᱟᱜᱟᱭᱮᱫ ᱠᱚᱣᱟ᱾ ᱟᱠᱚᱛᱮᱫ ᱛᱮ ᱢᱟ.ᱱ ᱥᱟᱞᱟᱜ ᱱᱚᱣᱟ ᱡᱟᱭᱜᱟ ᱪᱮᱛᱟᱱ ᱛᱟᱸᱦᱮᱱ ᱫᱟᱣ ᱮᱢᱚᱜ ᱨᱮᱭᱟᱜ ᱞᱮ ᱨᱤᱠᱟ. ᱟᱠᱟᱫᱟ᱾ ᱚᱱᱟᱛᱮ ᱱᱚᱣᱟ ᱚᱛ ᱦᱟᱸᱥᱟ ᱠᱷᱟᱴᱷᱟ ᱯᱤᱪᱷᱤ ᱒᱘᱐᱐᱐᱐ ᱴᱟᱠᱟ ᱠᱟ.ᱣᱰᱤ ᱜᱚᱱᱚᱝ ᱮᱢ ᱠᱟᱛᱮ ᱠᱤᱨᱤᱧ ᱞᱮᱠᱷᱟᱱ ᱜᱮ ᱱᱚᱣᱟ ᱡᱟᱭᱜᱟᱨᱮ ᱛᱟᱦᱮᱸᱱ ᱫᱟᱣ ᱠᱚ ᱧᱟᱢᱟ᱾

ᱱᱚᱸᱰᱮ ᱛᱷᱟᱢᱜᱟ.ᱰᱤ ᱢᱮᱱᱟᱜ ᱠᱚ ᱟ.ᱫᱤᱵᱟ.ᱥᱤ ᱠᱚ ᱢᱮᱢᱮᱱ ᱠᱟᱱᱟ “ᱟᱞᱮ ᱫᱚ ᱱᱚᱣᱟ ᱚᱛ ᱦᱟᱸᱥᱟ ᱟ.ᱠᱨᱤᱧᱚᱜ-ᱟ ᱢᱮᱱᱛᱮ ᱪᱮᱫ ᱦᱚᱸᱜᱮ ᱵᱟᱞᱮ ᱵᱟᱰᱟᱭ ᱧᱟᱢ ᱟᱠᱟᱫᱟ᱾ ᱢᱮᱱᱠᱷᱟᱱ ᱢᱤᱥᱚᱱ ᱨᱮᱱ ᱜᱟ.ᱞᱤᱢ ᱠᱚ ᱱᱚᱣᱟ ᱦᱟᱸᱥᱟ ᱠᱤᱨᱤᱧ ᱨᱩᱣᱟ.ᱲ ᱨᱮᱭᱟᱜ ᱠᱟᱛᱷᱟ ᱠᱚ ᱢᱮᱢᱮᱱ ᱠᱟᱱᱟ᱾ ᱱᱩᱱᱟ.ᱜ ᱠᱟ.ᱣᱰᱤ ᱫᱚ ᱚᱠᱟᱨᱮᱞᱮ ᱧᱟᱢ ᱛᱮ? ᱟᱨ ᱵᱟᱠᱷᱟᱱ ᱠᱟ.ᱣᱰᱤ ᱛᱟᱦᱮᱸ ᱠᱚᱜ ᱛᱟᱞᱮᱠᱷᱟᱱ ᱢᱟ ᱟᱞᱮᱛᱮᱜᱮ ᱚᱛ ᱦᱟᱸᱥᱟ ᱠᱤᱨᱤᱧ ᱠᱟᱛᱮ ᱚᱲᱟᱜ ᱫᱩᱣᱟ.ᱨ ᱠᱮᱭᱟᱞᱮ ᱦᱩᱱᱟᱝ᱾”

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱮᱢ.ᱮᱞ.ᱮ ᱴᱷᱮᱱ ᱜᱟᱫᱮᱞ ᱰᱮᱯᱩᱴᱮᱥᱚᱱ ᱯᱟᱨᱜᱟᱱᱟ ᱢᱚᱦᱚᱞᱟᱜ

ᱱᱚᱣᱟ ᱚᱛ ᱦᱟᱸᱥᱟ ᱠᱷᱚᱱ ᱪᱷᱩᱰᱟ.ᱨᱚᱜ ᱨᱮᱭᱟᱜ ᱵᱚᱛᱚᱨ ᱟᱨ ᱫᱷᱟᱸᱫᱚᱥᱛᱮ ᱢᱮᱱᱟᱜ ᱟᱠᱟᱫᱠᱚ ᱱᱩᱠᱩ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱟᱜᱟᱢ ᱫᱚ ᱢᱤᱥᱚᱱ ᱪᱮᱛᱟᱱ ᱨᱮᱜᱮ ᱢᱮᱱᱟᱜ ᱟᱠᱟᱫᱟ᱾ ᱜᱟ.ᱠᱷᱩᱲᱤᱭᱟ. ᱠᱚᱣᱟᱜ ᱢᱮᱱ ᱱᱚᱣᱟ ᱦᱟᱸᱥᱟ ᱫᱚ ᱨᱮᱸᱜᱮᱡ ᱟ.ᱫᱤᱵᱟ.ᱥᱤ ᱠᱚ ᱞᱟ.ᱜᱤᱫ ᱜᱮ ᱠᱤᱨᱤᱧ ᱞᱮᱱᱟ ᱚᱱᱟᱛᱮ ᱱᱚᱣᱟ ᱨᱮᱱᱟᱜ ᱯᱳᱭᱞᱳ ᱦᱚᱠ ᱟ.ᱭᱫᱟ.ᱨᱤ ᱫᱚ ᱱᱩᱠᱩ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱜᱮ᱾ ᱱᱤᱛ ᱱᱚᱣᱟ ᱢᱚᱱᱚᱛ ᱢᱤᱥᱚᱱ ᱵᱟᱭ ᱵᱚᱫᱚᱞ ᱞᱮᱠᱷᱟᱱ, ᱟ.ᱫᱤᱵᱟ.ᱥᱤ ᱠᱚ ᱟᱠᱚᱣᱟᱜ ᱦᱟᱸᱥᱟ ᱵᱟᱧᱪᱟᱣ ᱞᱟ.ᱜᱤᱫ ᱞᱟᱲᱟᱣᱱᱟ ᱨᱮᱠᱚ ᱟᱬᱜᱚᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱵᱤᱫᱽᱞᱟ.ᱭᱤᱡ-ᱟᱜ ᱜᱮ ᱡᱤᱛᱠᱟ.ᱨ ᱦᱩᱭᱩᱜᱼᱟ; ᱳᱰᱤᱥᱟ ᱨᱮᱭᱟᱜ ᱢᱤᱫ ᱟ.ᱫᱤᱵᱟ.ᱥᱤ ᱟ.ᱛᱩ ᱠᱷᱚᱱ ᱡᱟᱛᱤᱥᱚᱝᱜᱷᱚ ᱫᱷᱟ.ᱵᱤᱡ ᱛᱮᱭᱟᱜ ᱥᱟᱸᱜᱷᱟᱨ


ᱥᱮᱭᱟᱨ ᱛᱟᱵᱳᱱ ᱯᱮ
x