ᱵᱤᱫᱽᱞᱟ.ᱭᱤᱡ-ᱟᱜ ᱜᱮ ᱡᱤᱛᱠᱟ.ᱨ ᱦᱩᱭᱩᱜᱼᱟ; ᱳᱰᱤᱥᱟ ᱨᱮᱭᱟᱜ ᱢᱤᱫ ᱟ.ᱫᱤᱵᱟ.ᱥᱤ ᱟ.ᱛᱩ ᱠᱷᱚᱱ ᱡᱟᱛᱤᱥᱚᱝᱜᱷᱚ ᱫᱷᱟ.ᱵᱤᱡ ᱛᱮᱭᱟᱜ ᱥᱟᱸᱜᱷᱟᱨ

ᱵᱤᱫᱽᱞᱟ.ᱭᱤᱡ-ᱟᱜ ᱜᱮ ᱡᱤᱛᱠᱟ.ᱨ ᱦᱩᱭᱩᱜᱼᱟ; ᱳᱰᱤᱥᱟ ᱨᱮᱭᱟᱜ ᱢᱤᱫ ᱟ.ᱫᱤᱵᱟ.ᱥᱤ ᱟ.ᱛᱩ ᱠᱷᱚᱱ ᱡᱟᱛᱤᱥᱚᱝᱜᱷᱚ ᱫᱷᱟ.ᱵᱤᱡ ᱛᱮᱭᱟᱜ ᱥᱟᱸᱜᱷᱟᱨ

ᱥᱮᱭᱟᱨ ᱛᱟᱵᱳᱱ ᱯᱮ

ᱟᱨᱭᱟᱱ ᱢᱩᱨᱢᱩ, ᱵᱟᱞᱮᱥᱚᱨ: ᱳᱰᱤᱥᱟ ᱨᱮᱭᱟᱜ ᱢᱤᱫ ᱨᱮᱸᱜᱮᱡ ᱱᱟᱪᱟᱨ ᱟ.ᱛᱩ ᱠᱷᱚᱱ ᱡᱟᱛᱤᱥᱚᱝᱜᱷᱚ ᱥᱮ ᱭᱩᱱᱟᱭᱴᱮᱰ ᱱᱮᱥᱚᱱ(United Nations) ᱛᱮ ᱵᱟᱪᱷᱚᱱ ᱥᱮᱴᱮᱨᱠᱟᱱ ᱒᱔ ᱵᱚᱪᱷᱚᱨ ᱨᱤᱱᱤᱡ ᱟ.ᱫᱤᱵᱟ.ᱥᱤ ᱦᱚᱯᱚᱱ ᱮᱨᱟ, ᱚᱨᱪᱚᱱᱟ ᱥᱳᱨᱮᱝ-ᱟᱜ ᱠᱟᱛᱷᱟ ᱫᱷᱟ.ᱨᱛᱤ ᱡᱟᱠᱟᱛ ᱪᱟᱨᱪᱟ ᱟᱸᱫᱚᱲ ᱠᱟᱱᱟ᱾ ᱯᱚᱞᱚᱢᱮᱱ ᱥᱩᱨ ᱫᱤᱱ ᱨᱮᱜᱮ ᱚᱨᱪᱚᱱᱟ ᱫᱚ, ᱡᱟᱛᱤᱥᱚᱝᱜᱷᱚ ᱟᱨᱵᱟᱝ ᱭᱩᱱᱟᱭᱴᱮᱰ ᱱᱮᱥᱚᱱ(United Nations) ᱨᱮᱭᱟᱜ ᱮᱭᱟᱭ ᱜᱚᱴᱮᱡ ᱥᱟᱪᱟᱨᱦᱮ ᱯᱷᱟᱨᱟ.ᱣ ᱡᱩᱣᱟ.ᱱ ᱫᱤᱥᱟ. ᱩᱫᱩᱜᱠᱩᱫ ᱥᱚᱦᱮᱛ ᱛᱟᱞᱟᱛᱮ ᱠᱚ ᱵᱟᱪᱷᱚᱱ ᱦᱟᱞᱟᱝ ᱠᱟᱫᱮᱭᱟ᱾ ᱛᱚᱵᱮ ᱞᱟ.ᱭ ᱥᱚᱫᱚᱨ ᱠᱟᱜ ᱠᱟᱱᱟᱞᱮ, ᱚᱨᱪᱚᱱᱟ ᱫᱚ ᱟᱭᱢᱟ ᱫᱤᱱ ᱠᱷᱚᱱ ᱥᱟᱪᱟᱨᱦᱮ ᱦᱮᱨ ᱯᱷᱮᱨᱟᱣ ᱛᱟᱞᱟᱛᱮ ᱠᱟ.ᱢᱤ ᱟ.ᱜᱩᱭᱮᱫ ᱛᱟᱦᱮᱸᱫ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱮᱢ.ᱮᱞ.ᱮ ᱴᱷᱮᱱ ᱜᱟᱫᱮᱞ ᱰᱮᱯᱩᱴᱮᱥᱚᱱ ᱯᱟᱨᱜᱟᱱᱟ ᱢᱚᱦᱚᱞᱟᱜ

ᱚᱨᱪᱚᱱᱟ ᱫᱚ ᱳᱰᱤᱥᱟ ᱨᱤᱱᱤᱡ ᱠᱷᱚᱰᱤᱭᱟ ᱟ.ᱫᱤᱵᱟ.ᱥᱤ ᱦᱚᱯᱚᱱ ᱮᱨᱟ ᱠᱟᱱᱟᱭ, ᱱᱩᱭ ᱫᱚ ᱟᱠᱚ ᱟ.ᱛᱩ ᱵᱤᱦᱟᱵᱚᱸᱫᱷ ᱠᱷᱚᱱ ᱟᱥᱲᱟ ᱡᱤᱭᱚᱱ ᱢᱩᱪᱟ.ᱫ ᱠᱟᱛᱮ ᱨᱟᱣᱞᱠᱮᱞᱟ ᱠᱷᱚᱱ ᱜᱮᱞᱵᱟᱨ ᱪᱟᱱᱟᱪ ᱥᱮᱪᱮᱫ ᱞᱮᱱᱟᱭ᱾ ᱚᱱᱟ ᱫᱚᱥᱟᱨ ᱱᱩᱭ ᱫᱚ ᱯᱟᱴᱚᱬᱟ ᱛᱤᱨᱞᱟ. ᱞᱟᱯᱷᱟᱝ ᱵᱤᱨᱫᱟ.ᱜᱟᱲ ᱠᱷᱚᱱ ᱥᱚᱱᱮᱨ ᱥᱮᱪᱮᱫ ᱦᱟᱛᱟᱣᱟᱱ ᱛᱟᱦᱮᱸᱫ᱾ ᱒᱐᱑᱘ ᱨᱮ ᱚᱨᱪᱚᱱᱟ ᱢᱩᱢᱵᱟᱭ ᱨᱮᱭᱟᱜ ᱴᱟᱴᱟ ᱤᱱᱥᱴᱤᱪᱭᱩᱴ ᱚᱯᱷ ᱥᱳᱥᱤᱭᱟᱞ ᱥᱟᱭᱤᱱᱥ(Tata Institute of Social Sciences/TISS) ᱠᱷᱚᱱ ᱨᱮᱜᱳᱞᱮᱴᱳᱨᱤ ᱜᱚᱵᱷᱚᱨᱱᱟᱱᱥ(Regulatory Governance) ᱮ ᱯᱚᱲᱦᱚᱱ ᱮᱱᱟᱭ᱾ ᱚᱨᱪᱚᱱᱟᱭ ᱞᱟ.ᱭ-ᱟ ᱡᱮ; ᱟᱡᱟᱜ ᱵᱤᱫᱤᱞ ᱨᱮᱭᱟᱜ ᱢᱮᱱᱮᱛ ᱫᱚ ᱟᱠᱚ ᱜᱷᱟᱨᱚᱸᱡᱽ ᱨᱮᱭᱟᱜ ᱵᱤᱫᱤᱞ ᱠᱟᱱᱟ ᱟᱨᱵᱟᱝ ᱢᱟ ᱜᱚᱴᱟ ᱟ.ᱫᱤᱵᱟ.ᱥᱤ ᱥᱟᱶᱛᱟ ᱨᱮᱭᱟᱜ ᱵᱤᱫᱤᱞ ᱢᱮᱱᱛᱮ ᱦᱚᱸ ᱢᱮᱱ ᱜᱟᱱᱚᱜᱼᱟ᱾ ᱱᱩᱠᱩ ᱞᱟ.ᱜᱤᱱ ᱜᱮ ᱤᱧ ᱚᱞ ᱯᱟᱲᱦᱟᱣ ᱨᱮᱭᱟᱜ ᱨᱤᱠᱟ. ᱫᱚᱦᱚ ᱞᱮᱫ-ᱟ, ᱱᱩᱠᱩ ᱵᱮᱜᱚᱨ ᱤᱧ ᱫᱚ ᱪᱤᱞᱤ ᱦᱚᱸ ᱵᱟᱝ ᱠᱟ.ᱱᱟ.ᱧ ᱟᱨ ᱱᱩᱱᱟ.ᱜ ᱥᱟᱺᱜᱤᱧ ᱢᱟ ᱠᱩᱠᱢᱩ ᱛᱮᱦᱚᱸ ᱵᱟᱝ ᱩᱭᱦᱟ.ᱨᱚᱜ-ᱟ᱾ ᱚᱠᱛᱚ ᱛᱟᱦᱮᱸᱞᱮᱱᱟ ᱟᱞᱮ ᱜᱚᱲᱚᱢ ᱦᱟᱲᱟᱢ ᱛᱮᱠᱚ ᱴᱷᱮᱱ ᱡᱚᱢᱟᱜ ᱵᱟᱝ ᱛᱟᱦᱮᱸ ᱠᱟᱱᱟ ᱟᱨ ᱤᱧ ᱵᱟᱵᱟ ᱦᱚᱸ ᱠᱮᱱᱥᱚᱨ ᱨᱳᱜᱽ ᱛᱮ ᱑᱐᱒᱗ ᱨᱮ ᱜᱚᱡ ᱵᱟ.ᱜᱤᱭᱟᱫ ᱞᱮᱭ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱵᱟᱸᱠᱩᱲᱟ ᱡᱮᱸᱜᱮᱫ ᱵᱤᱨᱫᱟ.ᱜᱟᱲ ᱨᱮᱱ VC ᱥᱟᱶᱛᱮ Santali Medium ᱠᱚᱞᱮᱡᱽ ᱛᱚᱨᱟᱣ ᱨᱟᱠᱟᱵ ᱵᱟᱠᱷᱨᱟ ᱢᱚᱧᱪᱚᱣᱟᱜ ᱧᱟᱯᱟᱢ ᱨᱚᱯᱚᱲ

ᱚᱨᱪᱚᱱᱟᱭ ᱞᱟ.ᱭ-ᱟ, ᱡᱚᱠᱷᱚᱱ ᱟᱢ ᱢᱤᱫ ᱟ.ᱛᱩ ᱫᱤᱥᱚᱢ ᱠᱷᱚᱱ ᱩᱰᱩᱠ ᱠᱟᱛᱮ ᱥᱮᱬᱟ ᱵᱟᱡᱟᱨ ᱚᱞᱚᱜ ᱮᱢ ᱥᱮᱱᱚᱜ-ᱟ, ᱟ.ᱰᱤ ᱜᱟᱱ ᱦᱚᱲ ᱟ.ᱰᱤ ᱞᱮᱠᱟᱱ ᱠᱟᱛᱷᱟ ᱠᱚ ᱢᱮᱛᱟᱢᱟ, ᱚᱱᱟᱠᱚ ᱟᱸᱡᱚᱢ, ᱵᱟᱛᱟᱣ, ᱥᱟᱦᱟᱣ ᱛᱮ ᱦᱩᱭᱟᱢᱟ᱾ ᱤᱧᱢᱟ ᱵᱷᱟᱜᱮ ᱞᱮᱠᱟ ᱤᱝᱞᱤᱥ ᱦᱚᱸ ᱵᱟ.ᱧ ᱵᱟᱰᱟᱭ ᱛᱟᱦᱮᱱ, ᱨᱟᱣᱞᱠᱮᱞᱟ ᱨᱮ +2 ᱚᱞᱚᱜ ᱚᱠᱛᱚ ᱤᱝᱞᱤᱥ ᱛᱮ ᱟ.ᱰᱤᱜᱟᱱ ᱮᱴᱠᱮᱴᱚᱬᱮ ᱥᱟᱢᱱᱟ ᱦᱩᱭ ᱠᱟᱱᱟ᱾

ᱩᱱᱤᱭᱟᱜ ᱞᱟ.ᱭ ᱚᱢᱥᱟᱨ ᱟ.ᱫᱤᱵᱟ.ᱫᱤ ᱠᱚᱣᱟᱜ ᱞᱟ.ᱭ,ᱞᱟᱠᱪᱟᱨ ᱫᱚ ᱛᱮᱦᱮᱧ ᱜᱟᱯᱟ ᱵᱚᱱ ᱚᱞᱚᱜ ᱠᱟᱱ ᱥᱟᱪᱟᱨᱦᱮ, ᱫᱟᱜ ᱡᱟ.ᱯᱩᱫ ᱥᱟᱶ ᱵᱷᱮᱫᱽ ᱵᱷᱟᱣ ᱥᱮ ᱛᱟᱞᱢᱮᱞ ᱢᱮᱱᱟᱜ ᱦᱤᱡᱩᱜ-ᱟ᱾ ᱟᱨ ᱥᱟᱪᱟᱨᱦᱮ ᱨᱩᱠᱷᱭᱟ. ᱠᱟ.ᱢᱤ ᱫᱚ ᱟᱞᱮ ᱥᱟᱶᱛᱟ ᱠᱩᱡ ᱟᱭᱢᱟ ᱵᱚᱪᱷᱚᱨ ᱞᱟᱦᱟ ᱠᱷᱚᱱ ᱠᱚ ᱡᱚᱜᱚᱣ ᱫᱚᱦᱚ ᱟᱠᱟᱫᱟ᱾ ᱚᱱᱟ ᱛᱟᱞᱟᱛᱮ ᱜᱮ ᱱᱩᱭ ᱫᱚ ᱠᱷᱚᱡᱽ ᱟᱨᱵᱟᱝ ᱨᱤᱥᱚᱨᱪ ᱮᱫᱟᱭ ᱢᱮᱱᱛᱮ ᱞᱟ.ᱭ ᱜᱟᱱᱚᱜᱼᱟ, ᱟᱨ ᱚᱱᱟ ᱠᱷᱟ.ᱛᱤᱨ ᱜᱮ ᱡᱟᱛᱤᱥᱚᱝᱜᱷᱚ ᱱᱩᱭᱮ ᱵᱟᱪᱷᱚᱱ ᱠᱟᱫᱮᱭᱟ ᱾ ᱵᱤᱨ ᱵᱩᱨᱩ ᱨᱮᱭᱟᱜ ᱦᱟᱥᱟᱢᱟ.ᱴᱤ ᱥᱟᱶ ᱱᱩᱭ ᱫᱚ ᱵᱟᱞᱚᱠ ᱩᱢᱮᱨ ᱠᱷᱚᱱ ᱡᱚᱲᱟᱣ ᱢᱮᱱᱟᱭᱟ, ᱚᱱᱟ ᱠᱷᱟ.ᱛᱤᱨ ᱜᱮ ᱱᱩᱭ ᱡᱟᱣᱜᱮ ᱥᱳᱥᱟᱞ ᱢᱤᱰᱤᱭᱟ ᱟᱨ ᱢᱤᱰᱤᱭᱟ ᱠᱚᱨᱮ ᱜᱷᱟᱱᱮ ᱡᱤᱭᱟ.ᱲ ᱛᱟᱦᱮᱸ ᱠᱚᱜ-ᱟᱭ᱾ ᱴᱟᱴᱟ ᱤᱱᱥᱴᱤᱪᱭᱩᱴ ᱚᱯᱷ ᱥᱳᱥᱤᱭᱟᱞ ᱥᱟᱭᱤᱱᱥ ᱠᱷᱚᱱ ᱱᱩᱭ ᱨᱮᱜᱳᱞᱮᱴᱳᱨᱤ ᱜᱚᱵᱷᱚᱨᱱᱟᱱᱥ ᱛᱮ ᱟ.ᱠᱤᱞᱢᱟᱱ ᱦᱟᱛᱟᱣ ᱟᱠᱟᱫᱟᱭ ᱾ ᱟᱨ ᱚᱱᱟ ᱤᱱᱥᱴᱤᱪᱭᱩᱥᱚᱱ ᱨᱮᱭᱟᱜ ᱢᱟᱨᱮ ᱪᱮᱫᱮᱛ ᱢᱟᱰᱣᱟ ᱨᱤᱱᱤᱡ ᱥᱩᱛᱨᱮᱛ ᱠᱟᱱᱟᱭ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱡᱷᱟᱨᱠᱷᱚᱸᱰ ᱨᱮ ᱱᱟᱞᱤᱱ ᱥᱚᱨᱮᱱᱟᱜ ᱯᱩᱛᱲᱟ. ᱡᱮᱨᱮᱫ ASA ᱫᱟᱨᱟᱭ; ᱨᱳᱢᱟᱱ ᱨᱮᱭᱟᱜ ᱵᱤᱨᱳᱫᱷ

ᱚᱨᱪᱚᱱᱟ ᱥᱳᱨᱮᱝ ᱞᱟ.ᱭ ᱟᱠᱟᱫᱟᱭ ᱡᱮ ᱟᱵᱚ ᱢᱟᱨᱮ ᱦᱟᱯᱲᱟᱢ ᱠᱚ, ᱟᱠᱚᱣᱟᱜ ᱥᱮᱫᱟᱭ ᱪᱮᱛᱱᱟ,ᱜᱮᱭᱟᱱ ᱟᱠᱟᱨ ᱛᱮ ᱵᱩᱨ ᱵᱩᱨᱩ ᱠᱚ ᱵᱟᱧᱪᱟᱣ ᱫᱚᱦᱚ ᱞᱮᱫ-ᱟ᱾ ᱛᱚᱵᱮ ᱱᱤᱛᱚᱜ ᱫᱚ ᱟᱵᱚᱞᱚᱣᱟᱜ ᱚᱠᱛᱚ ᱥᱮᱴᱮᱨ ᱠᱟᱱᱟ, ᱟᱵᱚ ᱚᱞ ᱯᱟᱲᱟᱦ ᱫᱤᱥᱟ. ᱦᱩᱫᱤᱥ ᱛᱮ ᱚᱱᱟ ᱨᱩᱠᱷᱭᱟ ᱞᱟ.ᱜᱤᱫ ᱵᱚᱱ ᱨᱤᱠᱟ.ᱢᱟ᱾ ᱟ.ᱫᱤᱵᱟ.ᱥᱤ ᱥᱚᱢᱯᱨᱚᱫᱟᱭ ᱠᱚᱣᱟᱜ ᱥᱟᱪᱟᱨᱦᱮ ᱥᱟᱶ ᱵᱷᱟ.ᱜᱤ ᱱᱟᱛᱟ ᱢᱮᱱᱟᱜ ᱟ.ᱜᱩᱣᱟ ᱢᱮᱱᱛᱮ ᱟᱡᱟᱜ ᱢᱚᱱᱚᱛ ᱠᱟᱱᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: Common Eligibility Test ᱵᱟᱨᱮᱛᱮ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱢᱚᱱᱚᱛ ᱟᱨ ᱟᱜᱟᱢ


ᱥᱮᱭᱟᱨ ᱛᱟᱵᱳᱱ ᱯᱮ
x