Kukli get award from Cosmo film festival

ᱠᱚᱥᱢᱚ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ‘ᱠᱩᱠᱞᱤ’ᱭᱟᱜ ᱵᱷᱟᱨᱚᱛ ᱨᱮᱱᱟᱜ ᱥᱚᱨᱮᱥ ᱥᱚᱨᱴᱯᱷᱤᱞᱢ ᱥᱤᱨᱯᱷᱟ.

ᱥᱮᱭᱟᱨ ᱛᱟᱵᱳᱱ ᱯᱮ

ᱪᱤᱛᱟ.ᱨ – ᱢᱢ ᱯᱨᱚᱰᱟᱠᱥᱚᱱ

ᱥᱟᱱᱛᱟᱲᱤ ᱱᱤᱣᱩᱥ ᱰᱮᱥᱠ: ᱱᱚᱣᱟ ᱫᱚ ᱥᱟᱱᱟᱢ ᱥᱟᱱᱛᱟᱲ ᱥᱟᱶᱛᱟ ᱟᱨ ᱥᱟᱱᱛᱟᱲᱤ ᱥᱤᱱᱮ ᱤᱱᱰᱚᱥᱴᱨᱤ ᱞᱟ.ᱜᱤᱫ ᱟ.ᱰᱤ ᱜᱚᱨᱚᱵ ᱨᱮᱱᱟᱝ ᱠᱟᱛᱷᱟ ᱠᱩᱠᱞᱤ ᱢᱤᱫ ᱥᱟᱱᱛᱟᱲᱤ ᱠᱷᱟᱴᱚ ᱯᱷᱤᱞᱢ, ᱛᱟ.ᱢᱤᱞᱱᱟ.ᱰᱩ ᱨᱮᱱᱟᱜ ᱠᱚᱥᱢᱚ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱥᱚᱨᱮᱥ ᱠᱷᱟᱴᱚ ᱯᱷᱤᱞᱢ ᱨᱮᱭᱟᱜ ᱥᱤᱨᱯᱷᱟ.ᱭ ᱦᱟᱢᱮᱴ ᱟᱠᱟᱫᱟ᱾ ᱱᱚᱣᱟ ᱞᱟᱦᱟᱨᱮ ᱡᱮᱜᱮᱛ ᱯᱷᱤᱞᱢ ᱯᱷᱮᱴᱤᱵᱷᱮᱞ ᱥᱟᱶᱛᱮ ᱫᱤᱥᱚᱢ ᱨᱮᱭᱟᱜ ᱟᱭᱢᱟ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮᱜᱮ ᱠᱩᱠᱞᱤ ᱮᱢᱟᱱ ᱮᱢᱟᱱ ᱠᱮᱴᱟᱜᱚᱨᱤ ᱨᱮ ᱥᱤᱨᱯᱷᱟ.ᱭ ᱦᱟᱢᱮᱴ ᱟᱠᱟᱫᱟ᱾ ᱟᱭᱢᱟ ᱥᱤᱨᱯᱷᱟ. ᱠᱚ ᱥᱟᱞᱟᱜ ᱱᱚᱣᱟ ᱠᱚᱥᱢᱚ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮᱭᱟᱜ ᱥᱤᱨᱯᱷᱟ., ᱠᱩᱠᱞᱤ ᱟᱡᱟᱜ ᱦᱟᱢᱮᱴ ᱥᱤᱨᱯᱷᱟ.ᱠᱚ ᱨᱮᱭᱟᱜ ᱱᱟᱣᱟ ᱞᱤᱥᱴ ᱨᱮᱭ ᱡᱩᱴᱤᱡ ᱟᱱᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ:‘ᱥᱟᱥᱟᱝ ᱥᱟᱲᱤᱛᱮ ᱥᱚᱲᱚᱜ ᱩᱨᱜᱩᱢ’ ᱥᱳᱥᱟᱞ ᱢᱤᱰᱤᱭᱟᱨᱮ ᱥᱮᱞᱮᱵᱽ ᱯᱨᱤᱛᱤ ᱵᱟᱞᱟ

ᱢᱢ ᱯᱨᱚᱰᱟᱠᱥᱟᱱ ᱫᱟᱨᱟᱭ ᱵᱮᱱᱟᱣ ᱱᱚᱣᱟ ᱠᱷᱟᱴᱚ ᱯᱷᱤᱞᱢ ᱨᱮᱭᱟᱜ ᱠᱟ.ᱦᱱᱤ ᱫᱚᱨᱥᱟᱣ ᱟᱠᱟᱱᱟ ᱯᱩᱠᱞᱤ ᱧᱤᱛᱩᱢᱟᱱ ᱢᱤᱫ ᱥᱟᱱᱛᱟᱲ ᱟ.ᱛᱩ ᱠᱩᱲᱤ ᱜᱤᱫᱽᱨᱟ. ᱪᱮᱛᱟᱱ᱾ ᱡᱟᱦᱟᱸᱭᱟᱜ ᱟ.ᱛᱩ ᱚᱲᱟᱜ ᱢᱤᱫ ᱜᱩᱦᱤᱱ ᱫᱟᱲᱮ ᱱᱟ.ᱲᱤ ᱵᱤᱨᱛᱮ ᱜᱚᱴᱟ ᱮᱥᱮᱫ ᱟᱠᱟᱱᱟ, ᱡᱟᱦᱟᱸᱫᱚ ᱱᱟᱦᱟᱜ ᱵᱟᱡᱟᱨ ᱱᱟᱜᱟᱨ ᱠᱷᱚᱱ ᱮᱠᱟᱞᱜᱮ ᱪᱷᱟᱰᱟ ᱜᱮᱭᱟ᱾ ᱯᱩᱠᱞᱤᱭᱟᱜ ᱦᱩᱰᱤᱧ ᱢᱟᱪᱷᱟ ᱫᱟᱷᱟ.ᱨᱛᱤ ᱥᱟᱶ ᱱᱟᱜᱟᱨ-ᱵᱟᱡᱟᱨ ᱨᱮᱭᱟᱜ ᱵᱷᱮᱯᱮᱜᱮᱫ ᱢᱩᱫᱽ ᱨᱮ ᱯᱩᱠᱞᱤᱭᱟᱜ ᱢᱚᱱᱮ ᱚᱱᱛᱚᱨ ᱨᱮᱭᱟᱜ ᱵᱟᱝ ᱵᱟᱰᱟᱭ ᱧᱟᱢ ᱠᱩᱠᱞᱤ ᱨᱮᱭᱟᱜ ᱛᱮᱞᱟ ᱚᱠᱟᱨᱮᱪᱚ ᱢᱤᱫ ᱴᱷᱮᱱ ᱢᱮᱥᱟ ᱢᱤᱫᱳᱜ ᱠᱟᱱᱟ᱾ ᱱᱚᱝᱠᱟᱱ ᱪᱮᱫ ᱠᱩᱠᱞᱤ ᱯᱩᱠᱞᱤᱭᱟᱜ ᱢᱚᱱᱮ ᱨᱮ ᱥᱤᱨᱡᱟ.ᱜ ᱠᱟᱱᱟ? ᱠᱩᱠᱞᱤ ᱨᱮᱭᱟᱜ ᱡᱚᱛᱷᱟᱛ ᱛᱮᱞᱟ ᱵᱩᱡᱟ.ᱣ ᱧᱟᱢᱛᱮ ᱪᱮᱫ ᱯᱩᱠᱞᱤᱭᱟᱜ ᱢᱚᱱᱮᱨᱮ ᱮᱴᱠᱮᱴᱚᱬᱮ ᱥᱤᱨᱡᱟ.ᱜ ᱛᱟᱭᱟ᱾ ᱯᱩᱠᱞᱤᱭᱟᱜ ᱱᱚᱣᱟ ᱜᱩᱦᱤᱱ ᱢᱚᱱᱮ ᱨᱮᱭᱟᱜ ᱠᱩᱠᱞᱤ ᱟᱨ ᱚᱱᱟ ᱨᱮᱭᱟᱜ ᱛᱮᱞᱟ ᱯᱟᱱᱛᱮ ᱧᱟᱢ ᱪᱮᱛᱟᱱ ᱜᱮ ᱱᱚᱣᱟ ᱠᱷᱟᱴᱚ ᱯᱷᱤᱞᱢ ᱫᱚ ᱛᱮᱭᱟᱨ ᱟᱠᱟᱱᱟ᱾ ᱱᱚᱣᱟ ᱠᱷᱟᱴᱚ ᱪᱚᱞᱚᱛ ᱪᱤᱛᱟ.ᱨ ᱨᱮᱱ ᱜᱟᱭᱱᱟᱦᱟᱨ ᱠᱚᱫᱚᱠᱚ ᱠᱟᱱᱟ, ᱫᱮᱵᱣᱚᱡᱚᱛᱤ ᱢᱟᱨᱱᱰᱤ, ᱥᱚᱝᱠᱚᱨ ᱢᱟ.ᱡᱷᱤ, ᱨᱟᱭᱢᱩᱱᱤ ᱢᱟ.ᱡᱷᱤ., ᱟ.ᱨᱡᱩᱱᱨᱟᱡᱽ ᱢᱩᱨᱢᱩ, ᱥᱭᱟᱢ ᱥᱩᱱᱫᱚᱨ ᱢᱟ.ᱡᱷᱤ ᱮᱢᱟᱱ᱾ ᱠᱩᱠᱞᱤ ᱨᱮᱭᱟ ᱠᱟ.ᱦᱱᱤ, ᱫᱤᱥᱟ. ᱩᱫᱩᱜ, ᱥᱠᱨᱤᱱᱯᱞᱮ ᱨᱮ ᱫᱚ ᱢᱮᱱᱟᱭᱟ ᱥᱭᱟᱢ ᱥᱩᱱᱫᱚᱨ ᱢᱟ.ᱡᱷᱤ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱫᱟᱨᱟᱭ ᱠᱟᱱᱟ ᱱᱟᱣᱟ ᱥᱟᱱᱛᱟᱲᱤ ᱥᱮᱴᱟᱞᱟᱭᱤᱴ ᱴᱤᱵᱷᱤ ᱪᱮᱱᱮᱞ “AdivasiTV”

ᱱᱚᱣᱟ ᱯᱷᱤᱞᱢ ᱨᱮᱱ ᱰᱟᱭᱨᱮᱠᱴᱚᱨ ᱥᱭᱟᱢ ᱥᱩᱱᱫᱚᱨ ᱢᱟ.ᱡᱷᱤ ᱜᱚᱢᱠᱮ ᱱᱚᱣᱟ ᱥᱤᱨᱯᱷᱟ. ᱧᱟᱢ ᱵᱟᱠᱷᱨᱟᱭ ᱢᱮᱱ ᱟᱠᱟᱫᱟ “ᱤᱱᱴᱟᱨ ᱱᱮᱥᱱᱟᱞ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱫᱟᱣ ᱦᱟᱛᱟᱣ ᱡᱚᱷᱜ ᱫᱚ ‘ᱠᱩᱠᱞᱤ ᱵᱷᱟᱨᱚᱛ ᱨᱮᱱᱟᱜ ᱢᱤᱫᱴᱟᱝ ᱯᱷᱤᱞᱤᱢ’ ᱢᱮᱱᱛᱮ ᱠᱚ ᱚᱞ ᱮᱫᱟ ᱾ ᱟᱨ ᱱᱮᱥᱱᱟᱞ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱫᱚ ᱠᱩᱠᱞᱤ ‘ᱩᱰᱤᱥᱟ ᱨᱮᱱᱟᱜ ᱢᱤᱫᱴᱟᱝ ᱯᱷᱤᱞᱤᱢ’ ᱢᱮᱱᱛᱮ ᱠᱚ ᱚᱞ ᱮᱫᱟ ᱾ ᱱᱮᱥᱱᱟᱞ ᱥᱮ ᱤᱱᱴᱟᱨ ᱱᱮᱥᱱᱟᱞ ᱛᱷᱚᱠ ᱨᱮᱱᱟᱝ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ – ᱤᱠᱷᱟ.ᱱ ᱥᱟᱱᱟᱢ ᱦᱟᱛᱟᱝ ᱟᱱ ᱧᱮᱧᱮᱞᱤᱭᱟ. ᱥᱟᱶᱛᱮ ᱵᱟᱪᱷᱚᱱᱤᱭᱟ. ᱠᱚ ᱟᱵᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱝ ᱟ.ᱨᱤᱪᱟ.ᱞᱤ ᱨᱟᱭ ᱨᱤᱛ ᱥᱟᱶᱛᱮ ᱥᱟᱶᱛᱟ ᱨᱮᱱᱟᱜ ᱦᱟᱬᱟᱜ ᱵᱩᱪᱟ.ᱜ ᱢᱚᱷᱛᱚ ᱠᱚ ᱵᱟᱰᱟᱭ ᱡᱚᱝ ᱠᱟᱱᱟ᱾”

ᱵᱮᱣᱨᱟ ᱮᱱᱮᱢ: ᱥᱭᱟᱢ ᱥᱩᱱᱫᱚᱨ ᱢᱟ.ᱡᱷᱤ

ᱟᱨᱦᱚᱸ ᱯᱟᱲᱦᱟᱣ ᱢᱮ: ‘ᱥᱟᱱᱛᱟᱲ ᱦᱩᱞ’ ᱫᱤᱥᱟ. ᱮᱛᱚᱦᱚᱵ ᱥᱤᱱᱮᱢᱟ ‘ᱢᱨᱤᱜᱚᱭᱟ’ ᱛᱟᱞᱟᱛᱮ ᱢᱤᱴᱷᱩᱱᱟᱜ ᱳᱯᱮ.ᱞ


ᱥᱮᱭᱟᱨ ᱛᱟᱵᱳᱱ ᱯᱮ
x