Santali Translation must required for Language progress

ᱥᱟᱱᱛᱟᱲᱤ ᱛᱮ ᱛᱚᱨᱡᱚᱢᱟ ᱯᱟ.ᱨᱥᱤ ᱞᱟᱦᱟᱱᱛᱤᱨᱮ ᱱᱟᱣᱟ ᱦᱚᱨ ᱰᱟᱦᱟᱨᱮ ᱩᱫᱤᱩᱜ ᱟᱵᱚᱱᱟ

ᱥᱮᱭᱟᱨ ᱛᱟᱵᱳᱱ ᱯᱮ

ᱯᱨᱚᱥᱟᱱᱛᱚ ᱦᱮᱢᱵᱨᱚᱢ: ᱥᱟᱱᱛᱟᱲᱤ ᱥᱚᱢᱟᱡᱽ ᱨᱮᱭᱟᱜ ᱯᱟᱹᱨᱥᱤ ᱚᱠ ᱢᱟ ᱵᱚᱱ ᱜᱟᱱ ᱠᱮᱜᱼᱟ, ᱱᱤᱛᱚᱜ ᱚᱱᱟ ᱯᱟᱥᱱᱟᱣ ᱫᱚᱨᱠᱟᱨᱚᱜ ᱠᱟᱱᱟ᱾ ᱟᱵᱚ ᱥᱟᱱᱛᱟᱲᱤ ᱫᱤᱱ ᱜᱮ ᱵᱟᱵᱚ ᱚᱞ ᱯᱟᱲᱦᱟᱣ ᱠᱷᱟᱱ ᱦᱤᱲᱤᱧ ᱟᱵᱚᱱ ᱾ ᱟᱞᱚ ᱦᱤᱲᱤᱧ ᱞᱟᱹᱜᱤᱫ ᱚᱞ ᱪᱤᱠᱤ ᱫᱤᱱ ᱜᱮ ᱵᱮᱵᱷᱟᱨ ᱞᱟ.ᱠᱛᱤᱭᱟ ᱾ ᱥᱟᱱᱛᱟᱲᱤ ᱣᱤᱠᱤᱯᱮᱰᱤᱭᱟ ᱞᱮᱠᱟ ᱵᱮᱥ ᱯᱞᱮᱴᱯᱷᱚᱨᱢ ᱢᱮᱱᱟᱜᱼᱟ, ᱡᱟᱸᱦᱟ ᱨᱮ ᱡᱟᱸᱦᱟᱭᱜᱮ ᱡᱟᱸᱦᱟᱱᱟᱜ ᱚᱞ ᱠᱟᱛᱮᱭ ᱯᱟᱨᱥᱟᱞ ᱫᱟᱲᱮᱭᱟᱜᱼᱟᱭ ᱾ ᱚᱱᱠᱟ ᱜᱮ ᱛᱚᱨᱡᱚᱢᱟ ᱡᱮᱜᱮᱛ ᱨᱮᱦᱚᱸ ᱡᱟᱸᱦᱟᱭ ᱜᱮ ᱯᱟ.ᱨᱥᱤ ᱛᱚᱨᱡᱚᱢᱟ ᱨᱮ ᱜᱚᱲᱚᱭ ᱮᱢ ᱫᱟᱲᱮᱭᱟᱜᱼᱟ ᱾ ᱚᱱᱟ ᱦᱚᱨᱟ ᱛᱮᱜᱮ MultiLingual Calculator ᱥᱟᱱᱛᱟᱲᱤ ᱛᱮ ᱛᱚᱨᱡᱚᱢᱟ ᱦᱩᱭ ᱫᱟᱲᱮᱟᱭᱟ ᱠᱟᱣᱚᱜ-ᱟ ᱾ ᱤᱧ ᱠᱚᱰᱤᱧ ᱵᱟᱝ ᱵᱟᱰᱟᱭ ᱠᱟᱛᱮ ᱨᱮᱦᱚᱸ ᱯᱟᱹᱨᱥᱤᱧ ᱵᱟᱰᱟᱭ ᱫᱤᱭᱟ.ᱛᱮ ᱛᱚᱨᱡᱚᱢᱟ ᱫᱟᱲᱮᱭᱟᱜᱼᱟᱹᱧ ᱾ ᱠᱷᱟᱹᱞᱤ ᱯᱟᱲᱦᱟᱣ ᱜᱤᱰᱤ ᱵᱟᱭ ᱜᱟᱱᱚᱜᱼᱟ, ᱟᱵᱚ ᱱᱤᱡᱮ ᱛᱮ ᱚᱞ ᱯᱟᱲᱦᱟᱣ ᱞᱮᱱ ᱨᱮᱵᱚ ᱯᱟ.ᱨᱥᱤ ᱵᱟᱭ ᱦᱤᱲᱤᱧᱚᱜᱼᱟ ᱾ ᱤᱝᱨᱟᱡᱤ, ᱦᱤᱱᱫᱤ, ᱳᱰᱤᱭᱟᱹ, ᱵᱟᱝᱞᱟ ᱡᱷᱚᱛᱚ ᱥᱟᱱᱛᱟᱲᱤ ᱥᱟᱞᱟᱜ ᱵᱚᱱ ᱥᱚᱲᱮ ᱢᱮᱥᱟᱭᱮᱫᱟ, ᱚᱠᱟᱫᱚ ᱟ.ᱰᱤᱜᱮ ᱵᱷᱟᱵᱽᱱᱟᱜ ᱨᱮᱭᱟᱜ ᱠᱟᱛᱷᱟ ᱠᱟᱱᱟ ᱾ ᱚᱱᱟᱛᱮ ᱯᱟ.ᱨᱥᱤ ᱪᱤᱠᱤ ᱵᱟᱵᱚ ᱵᱮᱵᱷᱟᱨ ᱞᱮᱠᱷᱟᱱ ᱢᱤᱫ ᱫᱤᱱ ᱦᱟᱹᱡᱩᱜ-ᱟ, ᱯᱚᱛᱚᱵ ᱢᱟ ᱛᱟᱦᱮᱸᱱᱟ ᱢᱮᱱᱠᱷᱟᱱ ᱡᱟᱸᱦᱟᱭ ᱯᱟᱲᱦᱟᱣᱤᱡ ᱵᱟᱭ ᱛᱟᱦᱮᱸᱱᱟ ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱚᱞ ᱤᱛᱩᱱ, ᱥᱟᱱᱛᱟᱲᱤ ᱪᱤᱠᱤ ᱪᱮᱢᱮᱫ ᱞᱟ.ᱜᱤᱫ ᱱᱟᱣᱟ ᱮᱯ ᱮ ᱩᱨᱮ.ᱞ ᱠᱮᱫᱟ ᱟᱠᱷᱲᱟ ᱢᱤᱰᱤᱭᱟ

ᱱᱮᱛᱟᱨ ᱨᱤᱱ ᱡᱩᱣᱟ.ᱱ ᱢᱚᱵᱟᱭᱤᱞ ᱨᱮ ᱥᱮᱨᱮᱧ, ᱠᱷᱮᱞ, ᱴᱤᱠᱼᱤᱚᱠ ᱮᱯ ᱠᱚᱨᱮ ᱡᱤᱣᱚᱱ ᱠᱚ ᱵᱤᱛᱟᱹᱣᱮᱫᱟ᱾ ᱚᱱᱟ ᱠᱚ ᱮᱯᱯ ᱠᱚᱨᱮ ᱥᱟᱱᱛᱟᱲᱤ ᱛᱮ ᱛᱚᱨᱡᱚᱢᱟ ᱞᱮᱠᱷᱟᱱ, ᱮᱴᱟᱜ ᱦᱚᱲ ᱟᱵᱚ ᱠᱚ ᱪᱤᱦᱱᱟ.ᱣ ᱵᱚᱱᱟ, ᱟᱵᱚ ᱥᱟᱱᱛᱟᱲᱤ ᱡᱩᱣᱟ.ᱱ ᱠᱚ ᱵᱟᱠᱚ ᱞᱟᱡᱟᱣᱜᱼᱟ᱾

ᱮᱯ ᱨᱮᱭᱟᱜ ᱵᱷᱟᱵᱽᱱᱟ: ᱤᱧ ᱫᱚ devloper ᱵᱟᱝ ᱠᱟᱹᱱᱟᱹᱧ, ᱠᱷᱟᱹᱞᱤ ᱯᱤ. ᱡᱤ (ᱡᱤᱣᱚᱱ ᱥᱟᱮᱬᱥ) ᱜᱤᱫᱨᱟᱹ ᱯᱟᱴᱷᱣᱟ. ᱠᱟ.ᱱᱟ.ᱧ ᱾ ᱤᱧᱟᱜ ᱢᱚᱱᱮ ᱨᱮ ᱦᱮᱡ ᱞᱮᱱᱟ ᱪᱮᱫᱟᱜ ᱵᱟᱝ ᱥᱟᱱᱛᱟᱲᱤ ᱛᱮ ᱠᱮᱞᱠᱩᱞᱮᱴᱚᱨ ᱛᱮᱭᱟᱨ ᱠᱟᱛᱮᱵᱚ ᱧᱮᱞ ᱵᱤᱰᱟᱹᱣ ᱢᱟ, ᱤᱱᱴᱚᱨᱱᱮᱴ ᱠᱚᱨᱮ ᱟᱹᱰᱤᱜᱟᱱ ᱯᱟᱱᱛᱮ ᱠᱮᱜᱼᱟᱧ, ᱵᱟᱹᱧ ᱧᱟᱢ ᱞᱮᱫᱟ ᱾ ᱟᱹᱰᱤᱜᱟᱱ ᱯᱟᱱᱛᱮ ᱟᱹᱪᱩᱨ ᱠᱟᱛᱮᱫ ᱢᱤᱫᱦᱚᱲ ᱰᱮᱵᱷᱞᱚᱯᱟᱨ Shiv Pujan Yadav ᱥᱟᱞᱟᱜ ᱤᱼᱢᱮᱞ ᱛᱮᱧ ᱨᱚᱯᱚᱲ ᱮᱱᱟ᱾ ᱩᱱᱭᱟᱜ ᱮᱯ ᱫᱚ ᱢᱟᱬᱟᱝ ᱦᱤᱱᱫᱤ, ᱥᱟᱞᱟᱜ ᱕ ᱜᱚᱴᱟᱝ ᱟᱲᱟᱝ ᱛᱮ ᱛᱚᱨᱡᱚᱢᱟ ᱞᱮᱱᱟ᱾ ᱚᱱᱟ ᱮᱯ ᱨᱮ ᱟᱵᱚᱣᱟᱜ ᱯᱟᱹᱨᱥᱤ ᱵᱟᱹᱱᱩᱜ-ᱟ ᱧᱮᱞ ᱠᱟᱛᱮ, ᱤᱧ ᱩᱱᱤᱭᱟᱜ Playstore ᱨᱮ ᱮᱢ ᱢᱮᱱᱟᱜ ᱤ-ᱢᱮᱞ ᱵᱩᱴᱟ. ᱨᱮ ᱥᱟᱸᱫᱮᱥ ᱤᱧ ᱠᱳᱞ ᱟᱫᱮᱭᱟ ᱾ ᱩᱱᱠᱤᱱ ᱴᱷᱮᱱ ᱠᱷᱚᱱ ᱛᱮᱞᱟ ᱨᱩᱣᱟ.ᱲ ᱞᱚᱜᱚᱱ ᱜᱮ ᱦᱮᱡ ᱮᱱᱟ, ᱟᱨ ᱞᱚᱜᱚᱱ ᱜᱮ ᱮᱯ ᱨᱮ ᱥᱟᱱᱛᱟᱲᱤ ᱛᱮᱦᱚᱸ ᱛᱚᱨᱡᱚᱢᱟ ᱮᱱᱟ ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱥᱟᱱᱛᱟᱲᱤ ᱮᱱᱰᱨᱚᱭᱮᱰ ᱰᱤᱠᱥᱱᱟᱨᱤ ᱩᱪᱷᱟᱹᱱ ᱮᱱᱟ, Google Play ᱠᱷᱚᱱ ᱞᱚᱜᱚᱱ ᱰᱟᱩᱱᱞᱳᱰ ᱯᱮ

Shiv Pujan ᱫᱚ devloper ᱠᱟᱱᱟᱭ᱾ ᱩᱱᱤ ᱫᱚ ᱴᱩᱭᱤᱴᱟᱨ ᱨᱮ ᱡᱟᱹᱥᱛᱤ ᱮᱠᱴᱤᱵᱷ ᱠᱮ ᱛᱟᱦᱮᱸᱱᱟ᱾ᱩᱱᱤ ᱧᱮᱞᱮᱯᱮ, ᱥᱟᱱᱛᱲᱤ ᱵᱟᱝ ᱵᱟᱰᱟᱭ ᱠᱟᱛᱮ ᱨᱮᱦᱚᱸ ᱩᱱᱤ ᱚᱱᱟ ᱮᱯ ᱨᱮ ᱥᱟᱱᱛᱟᱲᱤ ᱥᱮᱞᱮᱫ ᱠᱮᱜᱼᱟᱭ ᱾ ᱩᱱᱤ ᱥᱟᱱᱛᱟᱲᱤ ᱮᱞ ᱠᱚ ᱤᱼᱢᱮᱞ ᱟᱫᱮᱭᱟᱹᱧ ᱟᱨ ᱩᱱᱤ ᱚᱱᱟ ᱠᱚ ᱚᱱᱟ ᱟᱯ ᱨᱮ ᱟᱹᱯᱰᱮᱴ ᱠᱮᱫᱟᱭ᱾ ᱩᱱᱤ ᱡᱚᱫᱤ ᱠᱚᱨᱟᱣ ᱫᱟᱲᱮᱭᱟᱜᱼᱟᱭ ᱟᱵᱚ ᱢᱟ ᱵᱚᱱ ᱯᱟ.ᱨᱠᱷᱤᱭᱟ.ᱣᱟ ᱥᱟᱱᱛᱟᱲᱤ ᱨᱮ᱾

ᱫᱟᱨᱟᱭ ᱩᱭᱦᱟ.ᱨ ᱥᱟᱱᱛᱟᱲᱤ ᱛᱚᱨᱡᱚᱢᱟ ᱮᱯ ᱞᱟ.ᱜᱤᱱ: ᱥᱟᱱᱛᱟᱲᱤ ᱛᱮ ᱛᱚᱨᱡᱚᱢᱟ ᱫᱚ ᱱᱮᱛᱟᱨ ᱟᱹᱰᱤ ᱟᱞᱜᱟ ᱤᱫᱤᱜ ᱠᱟᱱᱟ ᱮᱠᱷᱮᱱ ᱥᱟᱱᱟ ᱫᱟᱲᱮ ᱞᱟ.ᱠᱛᱤᱭᱟ᱾ ᱡᱟᱸᱦᱟᱱᱟᱜ ᱮᱯ ᱜᱮ ᱛᱚᱨᱡᱚᱢᱟ ᱞᱟᱹᱜᱤᱫ ᱟᱵᱚ Developer ᱵᱚ ᱢᱮᱱ ᱫᱟᱲᱮᱟᱭᱟ, ᱟᱨ ᱟᱯᱱᱟᱨ ᱛᱮ ᱛᱟᱨᱡᱚᱢᱟ ᱠᱟᱛᱮᱵᱚ ᱵᱷᱮᱡᱟ ᱫᱟᱲᱮᱟᱭᱟ᱾ ᱱᱚᱠᱟ ᱜᱮ ᱛᱚᱨᱡᱚᱢᱟ ᱤᱫᱤ ᱞᱮᱠᱷᱟᱱ ᱟᱵᱚᱣᱟᱜ ᱥᱟᱱᱛᱟᱲᱤ ᱟᱹᱰᱤ ᱞᱚᱜᱟᱱ ᱞᱟᱦᱟᱜ-ᱟ, ᱟᱨ ᱱᱟᱦᱟᱜ ᱡᱩᱣᱟ.ᱱ ᱠᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱠᱚ ᱦᱟᱛᱟᱣ ᱛᱟᱵᱚᱱᱟ ᱟᱨ ᱵᱟᱠᱚ ᱞᱟᱡᱟᱜᱼᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ:ᱱᱟᱜᱟᱢ ᱠᱚ ᱛᱮᱭᱟᱨ ᱠᱮᱫᱟ ᱥᱟᱬᱮᱥ ᱥᱟᱛᱟᱢ ᱟᱛᱮᱫ ᱥᱟᱱᱛᱟᱲᱤ ᱯᱟ.ᱴᱷᱣᱟ. ᱠᱚ

ᱵᱤᱱᱟᱹ ᱠᱚᱰᱤᱝ ᱵᱟᱰᱟᱭ ᱠᱟᱛᱮ ᱨᱮᱦᱚᱸ ᱤᱧᱤᱧ ᱪᱷᱩᱴᱟᱹᱣ ᱟᱠᱟᱱ ᱛᱟᱵᱚᱱᱟ, github ᱨᱮ ᱮᱯ‌ ᱠᱚᱣᱟᱜ ᱞᱤᱥᱴᱤ ᱟᱠᱟᱫᱟᱹᱧ ᱾ ᱡᱟᱸᱦᱟ ᱠᱷᱚᱱᱜᱮ ᱡᱟᱸᱦᱟᱭ ᱜᱮᱯᱮ ᱛᱚᱨᱡᱚᱢᱟ ᱫᱟᱲᱮᱭᱟᱜ-ᱟ᱾ ᱟᱨ ᱵᱟᱠᱷᱟᱱ ᱤᱼᱢᱮᱞ ᱞᱮᱠᱷᱟᱱ ᱜᱚᱲᱚ ᱮᱢᱚᱜ ᱜᱮᱭᱟᱹᱧ ᱾ ᱫᱚᱭᱟᱠᱟᱛᱮ ᱚᱞ ᱪᱤᱠᱤ ᱛᱮ ᱵᱚᱱ ᱛᱚᱨᱡᱚᱢᱟᱭ ᱢᱟ, ᱟᱹᱰᱤᱜᱟᱱ ᱡᱤᱱᱡᱥ ᱠᱚ ᱱᱮᱛᱟᱨ ᱦᱤᱱᱫᱤ ᱛᱮ ᱚᱞ ᱦᱩᱭᱩᱜ ᱠᱟᱱᱟ ᱾ ᱟᱵᱚ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩᱭ ᱢᱮᱱ ᱟᱠᱟᱫ ᱠᱟᱛᱷᱟ ᱜᱟᱞᱟᱝ ᱵᱚᱱ ᱩᱭᱦᱟᱹᱨ ᱢᱟ᱾

“ᱚᱞ ᱢᱮᱱᱟᱜ ᱛᱟᱢᱟ ᱨᱚᱲ ᱢᱮᱱᱟᱜ ᱛᱟᱢᱟ ᱫᱷᱚᱨᱚᱢ ᱢᱮᱱᱟᱜ ᱛᱟᱢᱟ ᱟᱢ ᱦᱚᱸ ᱢᱮᱱᱟᱢ, ᱮᱞ ᱮᱢ ᱟᱫ ᱞᱮᱨᱮ ᱨᱚᱲᱮᱢ ᱟᱫ ᱞᱮᱨᱮ ᱫᱷᱚᱨᱚᱢᱮᱢ ᱟᱫ ᱞᱮᱨᱮ ᱟᱢ ᱦᱚᱸᱢ ᱟᱫᱚᱜ᱾”

ᱥᱟᱱᱛᱟᱲᱤ ᱛᱚᱨᱡᱚᱢᱟ ᱞᱤᱥᱴ ᱠᱚ ᱼ https://github.com/Prasanta-Hembram/Translation-work-list-for-Santali-language

ᱠᱚᱞᱚᱢᱨᱮ: ᱯᱨᱚᱥᱟᱱᱛᱚ ᱦᱮᱢᱵᱨᱚᱢ, ᱡᱷᱟ.ᱲᱥᱩᱜᱳᱰᱟ, ᱩᱰᱤᱥᱟ, e-mail: prasantahembram720@gmail.com


ᱥᱮᱭᱟᱨ ᱛᱟᱵᱳᱱ ᱯᱮ
x