G.C.Murmu resigned from Kashmir Governor post

ᱡᱚᱢᱢᱩ-ᱠᱟᱥᱢᱤᱨ ᱨᱮᱱ ᱞᱮᱯᱷᱴᱮᱱᱮᱱᱴ ᱜᱚᱵᱷᱚᱨᱱᱚᱨ ᱡᱤ. ᱥᱤ. ᱢᱩᱨᱢᱩᱣᱟᱜ ᱤᱥᱛᱚᱯᱷᱟ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱭᱩᱡᱽ ᱰᱮᱥᱠ: ᱵᱟᱞᱮ ᱢᱟᱦᱟ ᱵᱟᱰᱟᱭ ᱧᱟᱢ ᱟᱠᱟᱱᱟ ᱡᱚᱢᱢᱩ-ᱠᱟᱥᱢᱤᱨ ᱨᱮᱱ ᱮᱛᱚᱦᱚᱵ ᱞᱮᱯᱷᱴᱮᱱᱮᱱᱴ ᱜᱚᱵᱷᱚᱨᱱᱚᱨ ᱡᱤ. ᱥᱤ. ᱢᱩᱨᱢᱩ ᱤᱥᱛᱚᱯᱷᱟᱭ ᱮᱢ ᱟᱠᱟᱫᱟ᱾ ᱦᱚᱠᱤᱛ ᱨᱮᱱᱟᱜ ᱫᱷᱟᱨᱟ ᱓᱗᱐, ᱡᱟᱸᱦᱟ ᱠᱷᱟ.ᱛᱤᱨ ᱡᱚᱢᱢᱩ ᱠᱟᱥᱢᱤᱨ ᱡᱩᱫᱟ. ᱢᱚᱦᱚᱛ ᱮ ᱧᱟᱢ ᱛᱟᱸᱦᱮᱫ ᱦᱟ.ᱯᱤᱫ ᱯᱩᱭᱞᱩ ᱥᱮᱨᱢᱟ ᱠᱤᱭᱟ. ᱛᱟᱭᱚᱢ ᱜᱮ ᱢᱩᱨᱢᱩ ᱫᱚ ᱤᱥᱛᱯᱷᱟᱭ ᱮᱢ ᱠᱮᱫᱟ᱾

᱖᱐ ᱩᱢᱮᱨᱟᱱ IAS ᱚᱯᱤᱥᱟᱨ ᱢᱟᱱᱚᱛᱟᱱ ᱢᱩᱨᱢᱩ ᱜᱚᱢᱠᱮ ᱫᱚ ᱦᱚᱞ ᱠᱟᱞᱚᱢ ᱒᱙ ᱚᱠᱴᱚᱵᱚᱨ ᱯᱩᱭᱞᱩ ᱞᱮᱯᱷᱴᱮᱱᱮᱱᱴ ᱜᱚᱵᱷᱚᱨᱱᱚᱨ ᱞᱮᱠᱟᱛᱮ ᱡᱚᱢᱢᱩ ᱠᱟᱥᱢᱤᱨᱟᱜ ᱟ:ᱜᱤᱵᱷᱟᱨ ᱮ ᱜᱚᱜ ᱞᱮᱫᱟ᱾ ᱢᱮᱱᱠᱷᱟᱱ ᱥᱚᱨᱠᱟᱨ ᱯᱟᱦᱴᱟ ᱥᱮᱡ ᱠᱷᱚᱱ ᱱᱩᱨᱢᱩ ᱜᱚᱢᱠᱮᱭᱟᱜ ᱤᱥᱛᱟᱯᱷᱟ ᱨᱮᱭᱟᱜ ᱵᱩᱴᱟ. ᱚᱡᱮ ᱵᱟᱝ ᱞᱟ.ᱭ ᱥᱚᱫᱚᱨ ᱟᱠᱟᱱᱟ᱾ ᱢᱩᱨᱢᱩ ᱜᱚᱢᱠᱮ ᱫᱚ ᱑᱙᱘᱕ ᱥᱟ.ᱦᱤᱛ ᱨᱮᱱ IAS ᱚᱯᱤᱥᱟᱨ ᱠᱟᱱᱟᱭ, ᱡᱟᱸᱦᱟᱭ ᱜᱩᱡᱽᱨᱟᱴ ᱨᱮᱱ ᱥᱤᱨᱟ. ᱢᱩᱱᱛᱨᱤ ᱱᱚᱨᱮᱱᱫᱨᱚ ᱢᱩᱫᱤ ᱵᱤᱫᱟ.ᱞ ᱥᱚᱪᱤᱵᱽ ᱞᱮᱠᱟᱛᱮᱭ ᱠᱟ.ᱢᱤ ᱟᱠᱟᱫᱟ᱾ ᱞᱮᱯᱷᱴᱮᱱᱮᱱᱴ ᱜᱚᱵᱷᱚᱨᱱᱚᱨ ᱞᱮᱠᱟᱛᱮ ᱟ:ᱜᱤᱵᱷᱟᱨ ᱜᱚᱜ ᱢᱟᱬᱟᱝ ᱫᱚ ᱵᱷᱟᱨᱚᱛ ᱥᱚᱨᱠᱟᱨᱟᱜ ᱠᱟ.ᱣᱰᱤ ᱢᱚᱱᱛᱨᱚᱠ ᱨᱮ ᱥᱩᱛᱨᱮᱫ ᱠᱮᱠᱟᱛᱮ ᱵᱟᱦᱟᱞ ᱮ ᱛᱟᱸᱦᱮ ᱠᱟᱱᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱥᱤᱫᱷᱩ ᱠᱟᱱᱦᱩᱣᱟᱜ ᱢᱩᱴᱷᱟᱱ ᱥᱟᱢᱟᱝ ᱠᱷᱚᱱ ᱥᱟᱦᱟ ᱦᱩᱭᱮᱱᱟ ᱨᱟᱡᱽ ᱟᱨᱤ ᱪᱤᱨ

ᱦᱚᱞ ᱠᱟᱞᱚᱢ ᱫᱷᱟᱨᱟ ᱓᱗᱐ ᱦᱟ.ᱤᱫ ᱠᱟᱛᱮ ᱡᱚᱢᱢᱩ ᱠᱟᱥᱢᱤᱨ ᱨᱮᱱ ᱯᱩᱭᱞᱩ ᱞᱮᱯᱷᱴᱮᱱᱮᱱᱴ ᱜᱚᱵᱷᱚᱨᱱᱚᱨ ᱞᱮᱠᱟᱛᱮ ᱢᱩᱨᱢᱩ ᱜᱚᱢᱠᱮ ᱛᱟᱸᱦᱮᱱ ᱵᱤᱫᱟ.ᱞ ᱡᱚᱢᱢᱩ ᱠᱟᱥᱢᱤᱨ ᱨᱮ ᱞᱚᱞᱚᱦᱟᱛᱟᱝᱤᱭᱟ. ᱠᱚᱣᱟᱜ ᱠᱟᱢᱤᱦᱚᱨᱟ ᱠᱚᱢ ᱟᱠᱟᱱ ᱛᱟᱸᱦᱮᱫ᱾ ᱥᱟᱶᱛᱮ ᱠᱟᱥᱢᱤᱨ ᱨᱮ. ᱫᱷᱤᱨᱤ ᱪᱟᱯᱟᱫ ᱜᱷᱚᱴᱚᱱ ᱠᱚᱦᱚᱸ ᱠᱚᱢ ᱞᱮᱱᱟ᱾ ᱫᱤᱞᱞᱤᱨᱮ ᱡᱟᱸᱦᱟᱱ ᱱᱟᱣᱱᱟᱜ ᱟ:ᱜᱤᱵᱷᱟᱨ ᱜᱚᱜ ᱞᱟ.ᱜᱤᱫ ᱜᱮ ᱢᱩᱨᱢᱩ ᱜᱚᱢᱠᱮ ᱫᱚ ᱤᱥᱛᱯᱷᱟᱭ ᱮᱢ ᱟᱠᱟᱫᱟ ᱢᱮᱱᱛᱮ ᱟᱭ ᱩᱢᱟ.ᱱᱚᱜ ᱠᱟᱱᱟ᱾

ᱟᱨᱦᱚᱸ ᱯᱟᱲᱦᱟᱣ ᱛᱟᱵᱚᱱᱯᱮ: ᱨᱟᱢ ᱢᱚᱱᱫᱤᱨ ᱵᱮᱱᱟᱣ ᱨᱮ ᱠᱩᱞ ᱮᱱᱟ ᱡᱟᱦᱮᱨ ᱨᱮᱱᱟᱜ ᱦᱟᱸᱥᱟ ; ᱨᱟᱸᱜᱟᱣᱱᱟ ᱨᱮ ᱠᱷᱮᱨᱣᱟᱲ ᱦᱚᱯᱚᱱ


ᱥᱮᱭᱟᱨ ᱛᱟᱵᱳᱱ ᱯᱮ
x