Mithun Chakraborty & Santal Hul . How?

‘ᱥᱟᱱᱛᱟᱲ ᱦᱩᱞ’ ᱫᱤᱥᱟ. ᱮᱛᱚᱦᱚᱵ ᱥᱤᱱᱮᱢᱟ ‘ᱢᱨᱤᱜᱚᱭᱟ’ ᱛᱟᱞᱟᱛᱮ ᱢᱤᱴᱷᱩᱱᱟᱜ ᱳᱯᱮ.ᱞ

ᱥᱮᱭᱟᱨ ᱛᱟᱵᱳᱱ ᱯᱮ

ᱪᱤᱛᱟ.ᱨ ᱺ mrinalsen.org

ᱥᱟᱱᱛᱟᱲᱤ ᱱᱤᱩᱥ ᱰᱮᱥᱠ: ᱛᱮᱦᱮᱧ ᱫᱚ ᱥᱩᱯᱟᱨᱥᱴᱟᱨ ᱢᱤᱴᱷᱩᱟᱜ ᱡᱟᱱᱟᱢ ᱢᱟᱦᱟ, ᱧᱮᱞ ᱧᱮᱞ ᱛᱮ ᱗᱐ ᱥᱮᱨᱢᱟᱭ ᱞᱮᱵᱮᱫ ᱠᱮᱜ-ᱟ ᱢᱤᱴᱷᱩᱱ᱾ ᱢᱮᱱᱠᱷᱟᱱ ᱱᱚᱣᱟ ᱠᱟᱛᱷᱟ ᱟ.ᱰᱤ ᱦᱚᱲᱜᱮ ᱵᱟᱝᱵᱚᱱ ᱵᱟᱰᱟᱭᱟ ᱥᱚᱱ ᱑᱒᱗᱖ ᱨᱮ ᱯᱩᱭᱞᱩ ᱥᱤᱱᱮᱢᱟ ᱢᱨᱤᱜᱚᱭᱟ ᱛᱟᱞᱟᱛᱮ ᱳᱯᱮ.ᱞ ᱞᱮᱱᱟᱭ ᱥᱤᱱᱮ ᱫᱩᱱᱤᱭᱟ. ᱨᱮ ᱰᱤᱥᱠᱚ ᱰᱮᱱᱥᱟᱨ ᱥᱴᱟᱨ ᱢᱤᱴᱷᱩᱱ᱾ ᱧᱩᱛᱩᱢᱟᱱ ᱰᱟᱭᱨᱮᱠᱴᱟᱨ ᱢᱨᱤᱱᱟᱞ ᱥᱮᱱ ᱟᱜ ᱛᱤ ᱥᱟᱵ ᱠᱟᱛᱮᱫ ᱢᱨᱤᱜᱚᱭᱟ ᱯᱷᱞᱤᱢ ᱛᱟᱞᱟᱛᱮ, ᱡᱟᱸᱦᱟᱫᱚ ᱯᱩᱭᱞᱩ ᱫᱷᱟᱣ ᱨᱮᱜᱮ ᱡᱟ.ᱛᱤᱭᱟᱨᱤ ᱥᱤᱨᱯᱟ.ᱭ ᱮᱢᱟᱫᱮ ᱛᱟᱦᱮᱸᱫ ᱢᱤᱴᱷᱩᱱ ᱪᱚᱠᱨᱚᱵᱚᱨᱛᱤ᱾

ᱧᱮᱞ ᱛᱟᱵᱩᱱ ᱯᱮ ᱺ ᱫᱟᱨᱟᱭ ᱠᱟᱱᱟ ᱱᱟᱣᱟ ᱥᱟᱱᱛᱟᱲᱤ ᱥᱮᱴᱟᱞᱟᱭᱤᱴ ᱴᱤᱵᱷᱤ ᱪᱮᱱᱮᱞ “AdivasiTV”

ᱢᱨᱤᱜᱚᱭᱟ ᱪᱚᱞᱚᱛ ᱪᱤᱛᱟ.ᱨ ᱫᱚ ᱩᱰᱤᱭᱟ. ᱚᱱᱚᱞᱤᱭᱟ. ᱵᱷᱚᱜᱚᱵᱚᱛᱤ ᱪᱚᱨᱚᱱ ᱯᱟᱱᱤᱜᱨᱟᱦᱤᱭᱟᱜ ᱦᱩᱰᱤᱧ ᱠᱟ.ᱦᱱᱤ ‘ᱥᱤᱠᱟᱨ’ ᱪᱮᱛᱟᱱ ᱫᱚᱨᱥᱟᱣ ᱟᱠᱟᱱᱟ᱾ ᱑᱙᱓᱐ ᱥᱚᱱ ᱨᱮ ᱵᱨᱤᱴᱤᱥ ᱥᱟᱥᱚᱱ ᱵᱤᱨᱩᱫᱷ ᱥᱤᱧᱚᱛ ᱨᱮᱱ ᱫᱤᱥᱩᱣᱟ. ᱠᱚ ᱪᱤᱨᱜᱟ.ᱞ ᱚᱠᱛᱚ, ᱠᱟ.ᱦᱱᱤ ᱨᱮ ᱢᱤᱫ ᱟ.ᱫᱤᱢ ᱵᱤᱨᱟ.ᱫᱟ.ᱞᱤ ᱠᱚᱣᱟᱜ ᱡᱤᱣᱚᱱ ᱦᱚᱨᱟ ᱠᱟ.ᱦᱱᱤ ᱛᱟᱞᱟᱛᱮ ᱯᱷᱚᱴᱮᱞ ᱨᱟᱠᱟᱵ ᱟᱠᱟᱱᱟ ᱾ ᱱᱚᱣᱟ ᱠᱟ.ᱦᱱᱤ ᱫᱚ ᱑᱙᱓᱐ ᱥᱚᱱ ᱨᱮ ᱥᱮᱴ ᱟᱠᱟᱱ ᱨᱮᱦᱚᱸ ᱢᱩᱬᱩᱛ ᱠᱟ.ᱦᱱᱤ ᱫᱚ ᱑᱘᱕᱕ ᱥᱚᱱ ᱨᱮᱭᱟᱜ ᱥᱟᱱᱛᱟᱲ ᱦᱩᱞ ᱫᱤᱥᱟ.ᱛᱮ ᱫᱚᱨᱥᱟᱣ ᱟᱠᱟᱱᱟ᱾

ᱧᱮᱞ ᱛᱟᱵᱩᱱ ᱯᱮ : ᱥᱟᱱᱛᱟᱲᱤ ᱡᱷᱟᱲᱠᱷᱸᱰ ᱨᱮᱱᱟᱜ ᱨᱟᱡᱽ ᱵᱷᱟᱥᱟ ᱦᱩᱭᱩᱜ ᱢᱟ, ᱨᱟᱥᱴᱨᱚᱯᱚᱛᱤ ᱴᱷᱮᱱ ᱛᱚᱫᱽᱵᱤᱨ ᱥᱟᱞᱠᱷᱟᱱᱟᱜ

ᱪᱤᱛᱟ.ᱨ ᱺ mrinalsen.org

ᱢᱨᱤᱜᱚᱭᱟ ᱪᱤᱛᱟ.ᱨ ᱨᱮ ᱩᱫᱩᱜ, ᱩᱰᱤᱥᱟ ᱨᱮᱭᱟᱜ ᱢᱤᱫ ᱦᱩᱰᱤᱧ ᱢᱟᱪᱷᱟ ᱟ.ᱛᱩ ᱡᱟᱦᱟᱸᱨᱮ ᱟ.ᱫᱤᱢ ᱵᱤᱨᱟ.ᱫᱟ.ᱞᱤ ᱠᱚᱣᱟᱜ ᱵᱤᱨ ᱨᱤᱱ ᱠᱩᱞ ᱵᱟᱱᱟ ᱠᱚ, ᱥᱩᱠᱨᱤ ᱠᱚ ᱥᱟᱞᱟᱜ ᱵᱟᱥ᱾ ᱟᱨᱡᱟᱣ ᱦᱩᱲᱩ ᱪᱟᱣᱞᱮ ᱱᱟᱥᱟᱣ ᱡᱤᱣᱟ.ᱞᱤ ᱠᱚᱢᱟ ᱦᱮᱸ ᱜᱮ ᱥᱟᱶᱛᱮ ᱞᱩᱵᱷᱤ ᱢᱚᱦᱟᱡᱚᱱ ᱟᱨ ᱯᱩᱞᱤᱥ ᱫᱟᱨᱚᱜᱟ ᱠᱚᱣᱟᱜ ᱡᱩᱞᱩᱢ᱾ ᱱᱚᱣᱟ ᱚᱠᱛᱚ ᱨᱮᱜᱮ ᱦᱟᱞᱮᱜᱮ ᱯᱚᱥᱴᱤᱝ ᱧᱟᱢ ᱢᱤᱫ ᱤᱝᱨᱮᱡᱽ ᱥᱟᱦᱮᱵᱽ ᱚᱱᱟ ᱟ.ᱛᱩᱨᱮᱭ ᱥᱚᱦᱚᱨ ᱥᱮᱴᱮᱨᱚᱜ-ᱟ ᱡᱟᱦᱟᱸᱭ ᱫᱚ ᱥᱮᱸᱫᱽᱨᱟ ᱨᱮ ᱥᱟᱱᱟ ᱢᱮᱱᱟᱜ ᱛᱟᱭᱟ᱾ ᱩᱱᱤᱫᱚ ᱜᱷᱩᱱᱤᱭᱟ (ᱢᱤᱴᱦᱩᱱ ᱪᱚᱠᱨᱚᱵᱚᱨᱛᱤ) ᱥᱟᱞᱟᱜ ᱮ ᱧᱟᱯᱟᱢᱟ ᱟᱨ ᱮ ᱜᱟᱛᱮᱜ-ᱟ᱾ ᱜᱷᱩᱱᱤᱭᱟ ᱫᱚ ᱢᱤᱫ ᱟ.ᱫᱤᱢ ᱵᱤᱨᱟ.ᱫᱟ.ᱞᱤ ᱡᱩᱣᱟ.ᱱ ᱟᱨ ᱢᱚᱡᱽ ᱥᱤᱠᱟ.ᱨᱤᱭᱟ. ᱦᱚᱸ ᱵᱚᱴᱷᱮ᱾ ᱵᱟᱱᱟᱦᱚᱲ ᱢᱩᱫᱽ ᱨᱮᱠᱤᱱ ᱠᱟᱛᱷᱟᱜ-ᱟ ᱜᱷᱩᱱᱤᱭᱟ. ᱤᱠᱷᱟ.ᱱ ‘ᱢᱟᱨᱟᱝ ᱠᱷᱤᱸᱞᱚᱰ’ ᱮ ᱩᱫᱩᱜ ᱫᱟᱲᱮᱭᱟᱜ ᱠᱷᱟᱱ ᱥᱤᱨᱯᱷᱟ.ᱭ ᱪᱟᱞ ᱟᱭᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱯᱟᱨᱜᱟᱱᱟ ᱢᱚᱦᱚᱞᱟᱜ ᱥᱟ.ᱦᱤᱡᱩᱦᱤᱛᱮ ᱢᱟᱭᱟᱢ ᱫᱟᱱ ᱠᱟ.ᱢᱤ ᱦᱚᱨᱟ

ᱠᱟ.ᱦᱱᱤ ᱫᱚ ᱱᱤᱭᱟ. ᱛᱟᱭᱚᱢ ᱥᱟ.ᱞᱯᱷᱩ ᱫᱤᱥᱟ.ᱛᱮ ᱫᱚᱨᱥᱟᱜ-ᱟ, ᱢᱤᱫ ᱡᱩᱣᱟ.ᱱ ᱯᱷᱩᱨᱜᱟ.ᱞᱤᱭᱟ.᱾ ᱟᱡ ᱟᱭᱚ ᱥᱟᱶ ᱧᱟᱯᱟᱢ ᱟ.ᱛᱩ ᱚᱲᱟᱜ ᱮ ᱦᱟ.ᱡᱩᱜ-ᱟ, ᱯᱩᱞᱤᱥ ᱨᱮᱱ ᱠᱷᱚᱵᱚᱨᱤᱭᱟ. ᱥᱟ.ᱞᱯᱷᱩ ᱟᱠᱚ ᱚᱲᱟᱜ ᱫᱷᱟ.ᱵᱤᱡ ᱮ ᱯᱟᱸᱡᱟᱭᱮᱟ, ᱢᱮᱱᱠᱷᱟᱱ ᱩᱱᱤ ᱠᱷᱚᱵᱚᱨᱤᱭᱟ. ᱵᱤᱨᱩᱫᱽ ᱟ.ᱛᱩ ᱦᱚᱲ ᱡᱟᱸᱜᱮ ᱫᱟᱨᱟᱢ ᱨᱮᱠᱚ ᱛᱤᱸᱜᱩᱱ ᱠᱷᱟᱱ ᱠᱷᱚᱵᱚᱨᱤᱭᱟ.ᱭ ᱨᱩᱭᱟ.ᱨ ᱥᱮᱱᱚᱜ-ᱟ᱾ ᱢᱮᱱᱠᱷᱟᱱ ᱩᱱᱤ ᱠᱷᱚᱵᱚᱨᱤᱭᱟ. ᱥᱟ.ᱞᱯᱷᱩ ᱥᱟᱡᱟ ᱮᱢ ᱞᱟ.ᱜᱤᱫ ᱚᱠᱛᱚ ᱛᱟ:ᱜᱤ ᱛᱟᱸᱲᱟᱜ ᱨᱮᱭ ᱛᱟᱦᱮᱸᱱᱟ᱾ ᱱᱚᱝᱠᱟᱱ ᱢᱤᱫ ᱚᱠᱛᱚ ᱨᱮᱜᱮ ᱟ.ᱛᱩ ᱨᱮ ᱰᱟ.ᱠᱟ.ᱛᱤ ᱦᱩᱭᱩᱜ-ᱟ, ᱟᱨ ᱢᱤᱫ ᱯᱩᱞᱤᱥᱮ ᱜᱩᱡᱩᱜ-ᱟ᱾ ᱥᱟᱱᱟᱢ ᱫᱚᱥ ᱥᱟ.ᱞᱯᱷᱩᱣᱟᱜ ᱛᱟᱨᱮᱱ ᱪᱮᱛᱟᱱ ᱞᱟᱫᱮᱜ-ᱟ᱾ ᱯᱩᱞᱤᱥ ᱥᱟ.ᱞᱯᱷᱩᱣᱟᱜ ᱵᱚᱦᱚᱜ ᱫᱟᱢ ᱠᱚ ᱩᱪᱷᱟ.ᱱᱟ᱾ ᱚᱠᱛᱟ ᱵᱟᱲᱟᱭᱮᱫ ᱠᱷᱚᱵᱚᱨᱤᱭᱟ. ᱱᱚᱣᱟ ᱫᱟᱣ ᱜᱮ ᱠᱟ.ᱢᱤᱨᱮᱭ ᱞᱟᱜᱟᱣᱟ᱾ ᱠᱷᱚᱵᱚᱨᱤᱭᱟ. ᱥᱟ.ᱞᱯᱷᱩᱭ ᱜᱚᱡᱮᱛᱮ ᱯᱩᱞᱤᱥ ᱴᱷᱮᱱ ᱵᱚᱦᱚᱜ ᱥᱤᱨᱯᱷᱟ. ᱦᱟᱢᱮᱴᱮ ᱥᱮᱱᱚᱜ-ᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱡᱤᱛᱠᱟᱹᱨ ! ᱢᱤᱫ ᱥᱟ.ᱲᱤᱢ ᱩᱢᱩᱞ ᱨᱮ ᱥᱟᱱᱛᱟᱲᱤ ᱥᱤᱱᱮ ᱤᱱᱰᱟᱥᱴᱨᱤ

ᱪᱤᱛᱟ.ᱨ ᱺ mrinalsen.org

ᱥᱟ.ᱠᱞᱯᱩᱣᱟᱜ ᱜᱚᱡ ᱟ.ᱫᱤᱢᱠᱚ ᱟᱨ ᱪᱷᱟ.ᱛᱤᱠ ᱠᱚ ᱢᱩᱫᱽᱨᱮ ᱮᱯᱮᱨᱦᱮᱸᱰᱮᱡ ᱮ ᱥᱤᱨᱡᱟ.ᱣ-ᱟ᱾ ᱱᱤᱭᱟ. ᱚᱠᱛᱚ ᱜᱷᱩᱱᱤᱭᱟ. ᱮᱨᱟ ᱵᱩᱝᱨᱤ (Mamata Sankar) ᱢᱤᱫ ᱢᱚᱦᱟᱡᱚᱱᱮ ᱛᱩᱞ ᱟ.ᱛᱠᱤᱨᱮᱭᱟ᱾ ᱜᱷᱩᱱᱤᱭᱟ. ᱟᱡ ᱮᱨᱟᱛᱟᱭᱮ ᱩᱱᱤ ᱞᱩᱵᱷᱤ ᱢᱚᱦᱟᱡᱚᱱᱟᱜ ᱛᱤ ᱠᱷᱚᱱᱮ ᱵᱟᱧᱪᱟᱣᱮ ᱞᱟ.ᱜᱤᱫ ᱢᱚᱦᱟᱡᱚᱱᱮ ᱡᱚᱡᱮᱭᱟ᱾ “ᱢᱟᱨᱟᱝ ᱠᱷᱤᱞᱚᱸᱰ” ᱨᱮᱭᱟᱜ ᱫᱟᱣ ᱦᱮᱡ ᱟᱠᱟᱱᱟ ᱢᱮᱱᱛᱮ ᱜᱷᱩᱱᱤᱭᱟ ᱨᱟ.ᱥᱠᱟ.ᱛᱮ ᱥᱟᱦᱮᱵᱽ ᱴᱷᱮᱱᱮ ᱥᱚᱦᱚᱨ ᱥᱮᱴᱮᱨᱚᱜ-ᱟ᱾ ᱢᱮᱱᱠᱷᱟᱱ ᱥᱟᱦᱮᱵᱽ, ᱢᱚᱦᱟᱡᱚᱱ ᱜᱚᱡ ᱠᱟ.ᱭᱛᱮ ᱜᱷᱩᱱᱤᱭᱟ. ᱫᱚ ᱯᱷᱟ:ᱥᱤ ᱵᱟᱵᱮᱨ ᱨᱮᱠᱚ ᱟᱠᱟᱭ ᱮᱭᱟ᱾ ᱜᱷᱩᱱᱤᱭᱟ. ᱟᱡᱟᱜ ᱢᱚᱨᱚᱱ ᱞᱟᱦᱟ ᱫᱷᱟ.ᱵᱤᱡ ᱦᱚᱸ ᱱᱚᱣᱟ ᱵᱟᱭ ᱵᱩᱡᱷ ᱧᱟᱢ ᱫᱟᱲᱮᱭᱟᱫᱟ, ᱢᱤᱫ ᱞᱮᱠᱟᱱᱟᱜ ᱠᱟ.ᱢᱤ ᱠᱷᱟ.ᱛᱤᱨ ᱢᱤᱫ ᱦᱚᱲ ᱫᱚᱠᱚ ᱥᱟᱨᱦᱟᱣ ᱠᱮᱫᱮᱭᱟ ᱟᱨ ᱢᱤᱫ ᱦᱚᱲ ᱫᱚᱠᱚ ᱰᱟᱰᱚᱢ ᱠᱮᱫᱮᱭᱟ!

ᱧᱮᱞ ᱛᱟᱵᱩᱱ ᱯᱮ ᱺ ᱟᱵᱳᱣᱟᱜ ᱫᱟᱨᱮ ᱟᱵᱚᱣᱟᱜ ᱵᱤᱨ ; ᱳᱲᱤᱥᱟ ᱨᱮ ᱟᱨ ᱢᱤᱫ ᱪᱤᱯᱠᱳ

ᱢᱨᱤᱜᱚᱭᱟ ᱥᱤᱱᱮᱢᱟ ᱛᱟᱞᱟᱛᱮ ᱜᱚᱴᱟ ᱫᱤᱥᱚᱢ ᱡᱟᱠ ᱢᱤᱴᱷᱩᱱᱟᱜ ᱧᱤᱛᱩᱢ ᱫᱚ ᱪᱷᱟᱨᱟᱣ ᱞᱮᱱᱟ᱾ ᱯᱩᱭᱞᱩ ᱫᱷᱟᱣ ᱨᱮᱜᱮ ᱡᱟ.ᱛᱤᱭᱟ.ᱨᱤ ᱥᱤᱨᱯᱷᱟ.ᱭ ᱦᱟᱢᱮᱴ ᱞᱮᱫᱟ᱾ ᱱᱤᱭᱟ ᱛᱟᱭᱚᱢ ᱫᱚ ᱟᱯ ᱛᱟᱭᱱᱚᱢ ᱞᱮᱫ ᱠᱚᱭᱚᱜ ᱨᱩᱣᱟ.ᱲ ᱫᱚ ᱵᱟᱝ ᱦᱩᱭ ᱟᱠᱟᱱ ᱛᱟᱭᱟ᱾ ᱵᱚᱞᱤᱣᱩᱰ ᱨᱮᱱ ᱢᱤᱫ ᱢᱟᱨᱟᱝ ᱧᱤᱛᱩᱢᱟᱱ ᱥᱴᱟᱨ ᱞᱮᱠᱟᱛᱮ ᱱᱤᱛ ᱦᱚᱸᱭ ᱠᱟ.ᱢᱤ ᱠᱟᱱᱟ᱾ ᱦᱩᱞ ᱪᱟᱸᱫᱚ ᱢᱤᱴᱷᱩᱱᱟᱜ ᱡᱟᱱᱟᱢ ᱢᱟᱦᱟ ᱥᱟᱶ ᱦᱩᱞ ᱫᱤᱥᱟ. ᱛᱮᱭᱟᱨ ᱟᱡᱟᱜ ᱯᱩᱭᱞᱩ ᱪᱤᱛᱟ.ᱨ ᱢᱨᱤᱜᱚᱭᱟ, ᱢᱤᱴᱷᱩᱱᱟᱜ ᱯᱷᱤᱞᱢ ᱡᱤᱣᱚᱱ ᱨᱮᱭᱟᱜ ᱞᱟᱯᱷᱟᱝ ᱨᱮ ᱥᱮᱴᱮᱨᱚᱜ ᱞᱟ.ᱜᱤᱫ ᱯᱩᱭᱞᱩ ᱫᱷᱟᱯ ᱛᱟᱦᱮᱸ ᱠᱟᱱᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱠᱳᱨᱳᱱᱟ ᱟᱱᱟᱴ ᱟᱨ ᱞᱚᱠᱰᱟᱩᱱ ᱛᱮ ᱛᱷᱩᱠᱩᱢ ᱟᱠᱟᱱᱟ ᱪᱤᱠᱤ ᱯᱟᱥᱱᱟᱣ “Mission Ol Chiki 2025” ᱠᱟ.ᱢᱤ ᱦᱚᱨᱟ ᱦᱚᱸ


ᱥᱮᱭᱟᱨ ᱛᱟᱵᱳᱱ ᱯᱮ
x