ᱢᱤᱫ ᱯᱟ.ᱨᱥᱤ ᱢᱤᱫ ᱪᱤᱠᱤ, ᱦᱚᱨᱮ ᱩᱫᱩᱜᱽ ᱚᱞᱪᱤᱠᱤ, ᱡᱚᱥ ᱥᱟᱭ ᱥᱮᱨᱢᱟ ᱚᱞ ᱪᱤᱠᱤ ᱒᱐᱒᱕

ᱢᱤᱫ ᱯᱟ.ᱨᱥᱤ ᱢᱤᱫ ᱪᱤᱠᱤ, ᱦᱚᱨᱮ ᱩᱫᱩᱜᱽ ᱚᱞᱪᱤᱠᱤ, ᱡᱚᱥ ᱥᱟᱭ ᱥᱮᱨᱢᱟ ᱚᱞ ᱪᱤᱠᱤ ᱒᱐᱒᱕

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱩᱠᱩ ᱢᱩᱨᱢᱩ

ᱵᱟᱝᱞᱟ,ᱦᱤᱱᱫᱤ, ᱨᱳᱢᱟᱱ ᱟᱨ ᱫᱮᱵᱽᱱᱚᱜᱚᱨᱤ ᱞᱤᱯᱤ ᱛᱮ ᱥᱟᱱᱛᱟᱲᱤ ᱟᱲᱟᱝ ᱚᱞ ᱠᱟᱛᱮ ᱥᱟᱱᱛᱟᱲᱤ ᱟᱲᱟᱝ ᱨᱮᱭᱟᱜ ᱟ.ᱲᱟ. ᱵᱚᱱ ᱵᱟ.ᱲᱤᱡ ᱪᱟᱵᱟᱭ ᱠᱷᱚᱱ ᱫᱚ ᱟᱞᱯᱷᱟᱵᱮᱴ ᱛᱮᱫᱚ ᱤᱝᱞᱤᱥ ᱨᱚᱲ ᱜᱮᱵᱚᱱ ᱚᱞ ᱢᱟ, ᱫᱮᱵᱽᱱᱚᱜᱚᱨᱤ ᱞᱤᱯᱤ ᱛᱮᱫᱚ ᱦᱤᱱᱫᱤ ᱨᱚᱲ ᱟᱲᱟᱝ ᱜᱮᱵᱚᱱ ᱚᱞ ᱢᱟ ᱟᱨ ᱵᱟᱝᱞᱟ ᱞᱤᱯᱤ ᱛᱮᱫᱚ ᱵᱟᱝᱞᱟ ᱟᱨ ᱥᱟᱱᱛᱟᱲᱤ ᱨᱚᱲ ᱟᱲᱟᱝ ᱞᱟ.ᱜᱤᱫ ᱫᱚ ᱚᱞ ᱪᱤᱠᱤ ᱜᱮ ᱵᱮᱵᱷᱟᱨ ᱡᱚᱛᱚ ᱠᱷᱚᱱ ᱱᱟᱯᱟᱭᱟ ᱾

ᱡᱚᱛᱚ ᱞᱤᱯᱤ ᱛᱮ ᱥᱟᱱᱛᱟᱲᱤ ᱟᱲᱟᱝ ᱥᱩᱢᱩᱝ ᱵᱟᱝ ᱚᱞ ᱠᱟᱛᱮ ᱞᱤᱯᱤ ᱡᱟ.ᱱᱤ ᱨᱚᱲ ᱟᱲᱟᱝ ᱦᱚᱸ ᱥᱮᱬᱟ ᱡᱚᱝ ᱟ.ᱰᱤ ᱜᱮ ᱞᱟ.ᱠᱛᱤ ᱥᱮᱴᱮᱨ ᱟᱠᱟᱱᱟ ᱾ ᱪᱮᱫᱟᱜ ᱥᱮ ᱟᱵᱚᱣᱟᱜ ᱥᱟᱶᱛᱟ ᱠᱷᱚᱱ ᱵᱟᱦᱨᱮ ᱚᱰᱚᱠ ᱠᱟᱛᱮ ᱱᱤᱛᱚᱜ ᱮᱴᱟᱜ ᱥᱟᱶᱛᱟ ᱛᱟᱞᱟᱨᱮ ᱥᱟᱶᱛᱟ/ᱥᱟᱶᱦᱮᱫ ᱞᱟ.ᱜᱤᱫ ᱫᱤᱠᱩ ᱠᱚ ᱥᱟᱶ ᱫᱩᱲᱩᱵ ᱛᱤᱸᱜᱩ ᱦᱩᱭ ᱟᱵᱚᱱ ᱠᱟᱱᱟ ᱾ ᱚᱱᱟᱛᱮ ᱤᱝᱞᱤᱥ ᱟᱨ ᱦᱤᱱᱫᱤ ᱞᱤᱯᱤ ᱟᱡᱟᱜ ᱨᱚᱲ ᱟᱲᱟᱝ ᱞᱟ.ᱜᱤᱫ ᱜᱮ ᱵᱮᱵᱷᱟᱨ ᱠᱟᱛᱮ ᱚᱱᱟ ᱚᱞ ᱨᱚᱲ ᱨᱮᱭᱟᱜ ᱥᱚᱨᱮᱥ ᱜᱮᱭᱟᱱ (ᱟ.ᱠᱤᱞ)ᱦᱚᱸ ᱵᱚᱱ ᱟᱨᱡᱟᱣ ᱡᱚᱝᱼᱟ ᱾ ᱥᱟᱱᱛᱟᱲᱤ ᱟᱲᱟᱝ ᱫᱚ ᱮᱴᱟᱜ ᱞᱤᱯᱤ ᱛᱮᱫᱚ ᱵᱟᱝ ᱴᱷᱟ.ᱣᱠᱟ.ᱜᱼᱟ᱾

ᱵᱟᱦᱨᱮ ᱫᱤᱥᱚᱢ ᱠᱷᱚᱱ ᱢᱤᱥᱚᱱᱟᱨᱤ ᱠᱚ ᱦᱮᱡ ᱮᱱᱟ ᱥᱟᱱᱛᱟᱲᱤ ᱯᱟ.ᱨᱥᱤ ᱠᱚ ᱪᱮᱫ ᱠᱮᱫᱟ ᱥᱟᱶᱛᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱟᱨ ᱥᱮᱪᱮᱫ ᱨᱮᱱᱟᱜ ᱵᱩᱱᱭᱟ.ᱫᱽ ᱠᱚ ᱨᱟᱠᱟᱵ ᱦᱚᱴᱚ ᱠᱟᱫᱟ᱾ ᱩᱱᱠᱩ ᱠᱚ ᱵᱟᱲᱟᱭ ᱞᱮᱫᱟ ᱥᱟᱱᱛᱟᱲᱤ ᱞᱟ.ᱜᱤᱫ ᱡᱩᱫᱟ. ᱪᱤᱠᱤ ᱡᱟ.ᱨᱩᱲ ᱢᱮᱱᱟᱜ-ᱟ ᱾ᱟᱨ ᱚᱱᱟᱛᱮ ᱡᱩᱫᱟ. ᱪᱤᱠᱤ ᱦᱚᱸᱠᱚ ᱵᱮᱱᱟᱣ ᱞᱮᱫᱟ ᱢᱮᱱᱠᱷᱟᱱ ᱚᱱᱟᱛᱮᱦᱸ ᱟᱵᱚ ᱥᱟᱱᱛᱟᱲᱤ ᱱᱟᱯᱟᱭ ᱵᱟᱝ ᱜᱟᱵᱟᱱ ᱞᱮᱱᱟ ᱾ ᱱᱤᱛ ᱫᱚ ᱥᱟᱬᱮᱥ ᱟ.ᱨᱤ ᱪᱤᱠᱤ ‘ᱚᱞᱪᱤᱠᱤ’ ᱧᱟᱢ ᱠᱟᱛᱮ ᱦᱚᱸ ᱟᱵᱚ ᱢᱟ ᱪᱤᱠᱤᱡ ᱛᱩᱸᱵᱩᱫᱚᱜ ᱠᱟᱱᱟ ᱵᱚᱱ ᱾ ᱥᱟᱱᱛᱟᱲᱤ ᱪᱤᱠᱤ ᱥᱟᱭ ᱥᱮᱨᱢᱟ(᱒᱐᱒᱕) ᱦᱳᱭ ᱜᱚᱫᱚᱜ ᱨᱮᱦᱚᱸ ᱮᱴᱟᱜ ᱪᱤᱠᱤ ᱨᱮ ᱮᱦᱮᱨ ᱡᱤᱠᱤ ᱫᱚ ᱯᱟᱞᱮᱱ ᱵᱟᱵᱚᱱ ᱵᱟ.ᱜᱤᱭᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱠᱳᱨᱳᱱᱟ ᱟᱱᱟᱴ ᱟᱨ ᱞᱚᱠᱰᱟᱩᱱ ᱛᱮ ᱛᱷᱩᱠᱩᱢ ᱟᱠᱟᱱᱟ ᱪᱤᱠᱤ ᱯᱟᱥᱱᱟᱣ “Mission Ol Chiki 2025” ᱠᱟ.ᱢᱤ ᱦᱚᱨᱟ ᱦᱚᱸ

ᱚᱱᱚᱞᱤᱭᱟ. ᱦᱮ.ᱞ ᱢᱮ.ᱞ ᱠᱚᱨᱮᱧ ᱟᱸᱡᱚᱢ ᱵᱟᱲᱟ ᱟᱠᱟᱫᱟ ᱵᱟᱝᱢᱟ ᱥᱟᱱᱟᱢ ᱠᱚ ᱜᱮ ᱢᱤᱫ ᱯᱟ.ᱨᱥᱤ ᱢᱤᱫ ᱪᱤᱠᱤ ᱛᱮᱵᱚᱱ ᱛᱚᱞᱚᱜ ᱢᱟ ᱾ ᱚᱱᱟᱛᱮ ᱯᱩᱸᱛᱷᱤ ᱯᱚᱛᱚᱵ ᱠᱚᱫᱚ ᱚᱞᱪᱤᱠᱤ ᱛᱮᱱᱟᱜ ᱜᱮ ᱯᱟᱨᱥᱟᱞᱚᱜ-ᱟ ᱠᱚ ᱞᱟ.ᱭᱟ ᱾ ᱱᱟᱯᱟᱭ ᱠᱟᱛᱷᱟ ᱜᱮ ᱾ ᱛᱚᱵᱮ ᱦᱮ.ᱞᱢᱮ.ᱞ ᱢᱩᱪᱟ.ᱫ ᱮᱱᱟ ᱟᱫᱚ ᱟᱭᱢᱟ ᱠᱚ ᱜᱮ ᱟᱯᱟᱱ ᱟ.ᱯᱤᱱ ᱪᱤᱠᱤ ᱛᱮᱵᱚᱱ ᱦᱮᱞᱟᱣ ᱮᱱᱟ ᱾ ᱪᱮᱫᱟᱜ ᱵᱟᱝ ᱢᱟ ᱯᱟᱯᱟᱲᱦᱟᱣ ᱠᱚ ᱵᱟ.ᱱᱩᱜ ᱠᱚᱣᱟ ᱢᱮᱱᱛᱮᱵᱚᱱ ᱢᱮᱱ ᱮᱫᱟ ᱾ ᱟᱫᱚ ᱦᱮᱸ ᱵᱟᱯᱫᱷᱚᱱ ᱩᱱᱟ.ᱜ ᱠᱟ.ᱣᱰᱤ ᱠᱷᱚᱨᱪᱟ ᱠᱟᱛᱮ ᱡᱟᱸᱦᱟᱢ ᱛᱮᱭᱟᱨ ᱠᱮᱫᱟ ᱚᱱᱟ ᱫᱚ ᱚᱠᱚᱭᱮ ᱯᱟᱲᱦᱟᱣᱼᱟ ? ᱛᱚᱵᱮ ᱪᱮᱫ ᱵᱮᱠᱟᱨ ᱜᱮ ᱚᱱᱟ ᱠᱚ ᱫᱚ ᱥᱮ ᱚᱱᱟ ᱠᱚ ᱫᱚ ᱯᱟᱨᱥᱟᱞ ᱞᱟ.ᱜᱤᱫ ᱪᱟᱠᱷᱟ ᱥᱩᱢᱩᱝ ᱜᱮ? ᱢᱟᱨᱟᱝ ᱢᱟᱨᱟᱝ ᱚᱱᱚᱞᱤᱭᱟ. ᱠᱚ ᱦᱚᱸ ᱢᱤᱫ ᱵᱟᱨ ᱫᱚ ᱱᱚᱝᱠᱟ ᱜᱮ᱾ ᱟᱯᱮ ᱢᱟ ᱰᱟᱦᱟᱨ ᱩᱫᱩᱜ ᱦᱚᱲ ᱠᱟᱱᱟᱯᱮ ᱜᱚᱢᱠᱮ. ᱟᱫᱚ ᱟᱞᱮ ᱫᱚ ᱚᱠᱟ ᱰᱟᱦᱟᱨ ᱛᱮᱯᱮ ᱥᱳᱛᱳᱜ ᱮᱫ ᱞᱮᱭᱟ ?

ᱪᱤᱠᱤ ᱩᱨᱩᱢ ᱦᱚᱪᱚ ᱠᱚ ᱞᱟ.ᱜᱤᱫ ᱥᱟᱱᱟᱢ ᱠᱚᱣᱟᱜ ᱨᱤᱠᱟ. ᱞᱟ.ᱠ ᱠᱟᱱᱟ ᱾ ᱢᱤᱥᱚᱱᱟ.ᱨᱤ ᱠᱚ ᱩᱱᱟ.ᱜ ᱠᱚ ᱠᱟ.ᱢᱤ ᱦᱚᱴᱚ ᱟᱠᱟᱫᱟ ᱟᱵᱚ ᱫᱚ ᱪᱮᱫᱟᱜ ᱵᱟᱵᱚᱱ ᱫᱟᱲᱮ.ᱭᱟᱜ–ᱟ ???
ᱥᱟᱱᱟᱢ ᱠᱚ ᱢᱟ ᱟᱦᱤᱵᱷᱟ.ᱵᱤ ᱢᱟᱵᱚᱱ ᱟᱨ ᱢᱤᱫ ᱯᱟ.ᱨᱥᱤ ᱢᱤᱫ ᱪᱤᱠᱤ ᱛᱮᱵᱚᱱ ᱛᱚᱞᱚᱜ-ᱟ ᱾
“ᱢᱤᱫ ᱯᱟ‌ᱹᱨᱥᱤ ᱢᱤᱫ ᱪᱤᱠᱤ ᱦᱚᱨᱮ ᱩᱫᱩᱜᱽ ᱚᱞ ᱪᱤᱠᱤ”

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱥᱟᱱᱛᱟᱲᱤ ᱨᱟᱡᱽᱵᱷᱟᱥᱟᱣᱟᱜ ᱫᱟ.ᱵᱤ ᱥᱟᱞᱠᱷᱚᱱᱟᱜ ᱡᱷᱟᱨᱠᱷᱚᱸᱰ ᱦᱮᱢᱚᱱᱛ ᱥᱚᱨᱠᱟᱨ ᱴᱷᱮᱱ


ᱥᱮᱭᱟᱨ ᱛᱟᱵᱳᱱ ᱯᱮ
x