Kherwal Santal protest at kalna

ᱠᱷᱮᱨᱣᱟᱲ ᱠᱚ ᱪᱮᱛᱟᱱ ᱞᱮᱛᱟᱲ ᱱᱟᱦᱟᱪᱟᱨ ᱵᱤᱨᱩᱫᱷ ᱠᱟᱞᱱᱟᱨᱮ ᱩᱛᱱᱟ.ᱣ ᱜᱟᱶᱛᱟᱣᱟᱜ ᱨᱟᱜᱟᱶᱱᱟ ᱩᱱᱩᱫᱩᱜ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱭᱩᱡᱽ ᱰᱮᱥᱠ: ᱫᱤᱱ ᱠᱮ ᱫᱤᱱ ᱩᱛᱚᱨ ᱠᱷᱚᱱ ᱮᱭᱦᱚᱵ ᱠᱟᱛᱮ ᱫᱩᱠᱷᱤᱱ ᱵᱟᱝᱞᱟ ᱞᱮᱛᱟᱲᱜᱮ ᱠᱷᱮᱨᱣᱟᱲ ᱠᱚ ᱪᱮᱛᱟᱱ ᱵᱟ.ᱲᱛᱤᱜ ᱱᱟᱦᱟᱪᱟᱨ ᱵᱤᱨᱩᱫᱷ ᱛᱮ ᱨᱟᱜᱟᱶᱱᱟ ᱠᱚ ᱩᱫᱩᱜ ᱠᱮᱫᱟ ᱠᱷᱮᱨᱣᱟᱲ ᱩᱛᱱᱟ.ᱣ ᱜᱟᱶᱛᱟ᱾ ᱯᱟᱨᱚᱢᱮᱱ ᱚᱛᱮ ᱢᱟᱦᱟ ᱑᱓ ᱡᱩᱞᱟᱭ ᱢᱟ.ᱦᱤᱛ ᱦᱤᱞᱚᱜ ᱠᱟᱞᱱᱟ ᱛᱷᱟᱱᱟᱨᱮ ᱮᱭᱟᱭ ᱜᱚᱴᱟᱝ ᱜᱟᱛᱮ ᱜᱟᱶᱛᱟ ᱠᱚ ᱢᱤᱫ ᱛᱮ ᱱᱚᱣᱟ ᱨᱟᱜᱟᱶᱱᱟ ᱩᱱᱩᱫᱩᱜ ᱨᱮᱠᱚ ᱥᱮᱞᱮᱫ ᱞᱮᱱᱟ᱾

ᱦᱟᱞᱮᱜᱮ ᱦᱩᱞᱜᱟ.ᱨᱤᱭᱟ. ᱜᱟᱬᱟ ᱨᱟᱢᱮᱥᱥᱚᱨ ᱢᱩᱨᱢᱩᱣᱟᱜ ᱜᱩᱨ, ᱚᱱᱟ ᱛᱟᱭᱱᱚᱢ ᱯᱩᱨᱩᱞᱤᱭᱟ. ᱨᱮᱭᱟᱜ ᱢᱟᱱᱵᱟᱡᱟᱨ ᱨᱮ ᱢᱮᱱᱟᱜ ᱠᱟᱫᱽᱞᱟᱜᱚᱲᱟ ᱟ.ᱛᱩᱨᱮ ᱦᱩᱞ ᱢᱟᱦᱟ ᱫᱚᱥᱟᱨ ᱦᱩᱞᱜᱟ.ᱨᱤᱭᱟ. ᱥᱤᱫᱳ ᱠᱟ.ᱱᱦᱩ ᱛᱮᱠᱤᱱᱟᱜ ᱢᱩᱴᱷᱟ.ᱱ ᱪᱮᱛᱟᱱ ᱵᱮ ᱵᱟ.ᱲᱤᱡ ᱜᱷᱚᱴᱚᱱ, ᱠᱟᱸᱠᱥᱟ ᱜᱚᱯᱟᱞᱯᱩᱨ ᱟ.ᱛᱩ ᱯᱚᱧᱪᱟᱭᱮᱛ ᱨᱮ ᱠᱷᱮᱨᱣᱟᱲ ᱠᱚ ᱪᱮᱛᱟᱱ ᱫᱟᱞ-ᱛᱚᱞ, ᱜᱩᱲᱟᱯ ᱨᱮ ᱢᱤᱫ ᱠᱷᱮᱨᱣᱟᱲ ᱢᱟ.ᱭ ᱪᱮᱛᱟᱱ ᱱᱟᱦᱟᱪᱟᱨ ᱱᱚᱝᱠᱟ ᱠᱟᱛᱮ ᱞᱮᱛᱟᱲᱜᱮ ᱵᱟ.ᱲᱛᱤ ᱤᱫᱤᱜ ᱠᱟᱱᱟ ᱠᱷᱮᱨᱣᱟᱲ ᱠᱚ ᱪᱮᱛᱟᱱ ᱱᱟᱦᱟᱪᱟᱨ ᱨᱮᱭᱟᱜ ᱮᱞ᱾ ᱱᱚᱣᱟ ᱱᱟᱦᱟᱪᱟᱨ ᱵᱤᱨᱩᱫᱷ ᱥᱟᱭ ᱜᱮ ᱥᱟᱭ ᱠᱷᱮᱨᱣᱟᱲ ᱠᱚ ᱠᱟᱞᱱᱟ ᱛᱷᱟᱱᱟ ᱨᱮ ᱨᱟᱜᱟᱶ ᱩᱱᱩᱫᱩᱜ ᱛᱟᱞᱟᱛᱮ ᱰᱮᱯᱩᱴᱮᱥᱚᱱ ᱠᱚ ᱪᱟᱞ ᱠᱮᱫᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱠᱟᱸᱠᱥᱟ ᱨᱮ ᱠᱷᱮᱨᱣᱟᱲ ᱠᱚ ᱪᱮᱛᱟᱱ ᱱᱟᱦᱟᱪᱟᱨ ᱵᱤᱨᱩᱫᱷ ᱛᱮ ᱜᱟᱶᱛᱟᱣᱟᱜ ᱫᱤᱥᱚᱢ ᱥᱚᱲᱚᱠ ᱟᱠᱚᱴ

ᱱᱚᱣᱟ ᱨᱟᱜᱟᱶᱱᱟ ᱩᱱᱩᱫᱚᱜ ᱨᱮ ᱯᱩᱨᱩᱵᱽ ᱵᱚᱨᱫᱷᱚᱢᱟᱱ ᱨᱮᱱ ᱥᱟᱱᱟᱢ ᱠᱚᱪᱟ ᱠᱷᱚᱱ ᱦᱚᱲ ᱠᱚ ᱮᱢᱟᱱ ᱜᱟᱶᱛᱟ ᱟᱨ ᱜᱚᱱᱚᱴᱷᱚᱱᱟᱜ ᱪᱟᱛᱚᱢ ᱩᱢᱩᱞ ᱛᱟᱞᱟᱛᱮ ᱥᱮᱴᱮᱨ ᱠᱚ ᱛᱟᱦᱮᱸᱭᱟ᱾ ᱱᱚᱣᱟ ᱨᱟᱜᱟᱶᱱᱟ ᱩᱱᱩᱫᱩᱜ ᱨᱮ ᱥᱮᱞᱮᱫ ᱜᱟᱶᱛᱟ ᱜᱚᱱᱚᱴᱷᱚᱱ ᱠᱚ ᱢᱩᱫᱽ ᱨᱮᱠᱚ ᱛᱟᱦᱮᱸᱭᱟ, ᱥᱮᱢᱮᱞ,ᱫᱤᱥᱚᱢ ᱟ.ᱫᱤᱵᱟ.ᱥᱤ ᱥᱩᱥᱟ.ᱨ ᱜᱟᱶᱛᱟ, ᱢᱟ.ᱡᱷᱤ ᱦᱚᱯᱚᱱ ᱚᱨᱜᱟᱱᱟᱭᱡᱮᱥᱚᱱ, ᱵᱷᱟᱨᱚᱛ ᱡᱟᱠᱟᱛ ᱢᱟ.ᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ, ᱚᱠᱷᱤᱞ ᱵᱷᱟᱨᱚᱛᱤᱭᱚ ᱵᱤᱠᱟᱥ ᱯᱚᱨᱤᱥᱚᱫᱽ, ᱵᱤᱥᱥᱚ ᱟᱫᱤᱵᱟᱥᱤ ᱫᱤᱵᱚᱥ ᱩᱫᱽᱡᱟᱯᱚᱱ ᱠᱚᱢᱤᱴᱤ, ᱵᱚᱨᱫᱷᱚᱢᱟᱱ ᱡᱮᱞᱟ ᱡᱟᱦᱮᱨ ᱟᱨᱦᱚᱸ ᱮᱢᱟᱱ ᱜᱟᱶᱛᱟᱠᱚ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱵᱟᱸᱥᱲᱟ ᱨᱮ ᱰᱮᱵᱷᱞᱚᱯᱢᱮᱱᱴ ᱠᱞᱟᱵᱟᱜ ᱰᱟᱦᱟᱨ ᱡᱟᱸᱜᱮ ᱩᱱᱩᱫᱩᱜ ᱦᱩᱞ ᱢᱟᱦᱟ ᱢᱟᱯᱟᱱᱟᱣ


ᱥᱮᱭᱟᱨ ᱛᱟᱵᱳᱱ ᱯᱮ
x