Santali cine industry give message

ᱡᱤᱛᱠᱟᱹᱨ ! ᱢᱤᱫ ᱥᱟ.ᱲᱤᱢ ᱩᱢᱩᱞ ᱨᱮ ᱥᱟᱱᱛᱟᱲᱤ ᱥᱤᱱᱮ ᱤᱱᱰᱟᱥᱴᱨᱤ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱞᱚᱠᱰᱟᱩᱱ ᱟᱨ ᱠᱚᱨᱳᱱᱟ ᱛᱟᱞᱟ ᱨᱮ ᱟᱨ ᱦᱚᱸ ᱢᱤᱫ ᱥᱟ.ᱲᱤᱢ ᱞᱟᱛᱟᱨ ᱨᱮ ᱥᱤᱱᱮ ᱥᱴᱟᱨ ᱠᱚ ᱾ ᱤᱭᱩᱴᱤᱭᱩᱵᱽ ᱯᱞᱟᱴᱯᱷᱚᱨᱢ ᱨᱮ ᱖.᱕᱐ ᱴᱤᱲᱤᱡᱟᱜ ᱢᱤᱫ ᱵᱷᱤᱰᱤᱣᱳ ᱛᱟᱞᱟᱛᱮ AISHMAA (All India Santal Ho Munda Artist Association) ᱯᱟᱦᱴᱟ ᱠᱷᱚᱱ ᱟᱨ ᱦᱚᱸ ᱛᱤᱸᱜᱩ ᱠᱮᱴᱮᱡᱚᱜ ᱨᱮᱱᱟᱜ ᱫᱤᱞ ᱫᱟᱲᱮ ᱠᱚ ᱪᱟᱞ ᱠᱮᱫᱟ ᱥᱤᱱᱮ ᱟᱨᱴᱤᱥᱴ ᱠᱚ ᱾ ᱠᱚᱨᱳᱱᱟ , ᱞᱚᱠᱰᱟᱩᱱ; ᱛᱤᱦᱤᱧ ᱜᱟᱯᱟ ᱥᱮᱛᱟᱜ ᱟ.ᱭᱩᱵ ᱧᱩᱢ ᱧᱟᱯᱟᱢ ᱠᱟᱛᱷᱟ ᱾ ᱵᱚᱫᱚᱞ ᱟᱠᱟᱫ ᱛᱟᱵᱚᱱᱟᱭ ᱟᱵᱳᱣᱟᱜ ᱫᱤᱱᱟ.ᱢ ᱫᱤᱱ ᱵᱟᱧᱟᱜ ᱨᱮᱱᱟᱜ ᱡᱤᱭᱚᱱ ᱰᱟᱦᱟᱨ ᱾ ᱵᱚᱫᱚᱞ ᱟᱠᱟᱫ ᱛᱟᱵᱚᱱᱟᱭ ᱫᱤᱱᱟ.ᱢ ᱫᱤᱱ ᱫᱩᱲᱩᱵ -ᱛᱤᱸᱜᱩ ᱡᱚᱢ -ᱧᱩ ᱥᱤᱵᱤᱞ- ᱥᱚᱲᱚᱢ ᱨᱮᱱᱟᱜ ᱦᱮᱣᱟ ᱾ ᱡᱤᱭᱚᱱ ᱫᱚ ᱛᱤᱦᱤᱧ ᱚᱲᱟᱜ ᱨᱮ ᱫᱷᱤᱨᱤ ᱜᱟᱲ ᱠᱟᱯᱟᱴ ᱞᱟᱛᱟᱨ ᱨᱮ ᱨᱟᱛᱟᱢ ᱞᱮᱠᱟ ᱟ.ᱭᱠᱟ.ᱜ ᱠᱟᱱᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱡᱟᱱᱟᱢ ᱢᱟᱦᱟ ᱨᱮ ᱧᱟᱢ ᱠᱮᱫᱟᱭ ᱜᱤᱯᱷᱴ ! ᱨᱟ.ᱥᱠᱟ.ᱛᱮ ᱥᱟᱨᱦᱟᱣ ᱠᱮᱫᱮᱭᱟ ᱰᱚᱜᱚᱨ ᱴᱩᱰᱩ

ᱛᱚᱵᱮ ᱞᱚᱠᱰᱟᱩᱱ ᱠᱤ ᱮᱠᱮᱱ ᱵᱟ.ᱲᱤᱡ ᱥᱟᱸᱫᱮᱥ ᱜᱮ ᱜᱚᱸᱦᱚᱲ ᱟ.ᱜᱩᱣ ᱠᱟᱫᱟᱭ ? ᱯᱟᱞᱮᱱ ᱵᱟᱝ ! ᱫᱩᱠᱷ ᱦᱟᱨᱠᱮᱛ ᱛᱟᱞᱟᱨᱮ ᱢᱟ.ᱱᱢᱤ ᱠᱚ ᱩᱭᱦᱟᱹᱨ ᱫᱟ ᱢᱟᱨᱥᱟᱞ ᱟᱜᱟᱢ ᱨᱮᱱᱟᱜ ᱠᱟᱛᱷᱟ ᱾ ᱩᱭᱦᱟᱨ ᱫᱟᱠᱚ ᱧᱩᱛ ᱧᱤᱫᱟ. ᱯᱟᱨᱚᱢ ᱠᱟᱛᱮᱜ ᱥᱤᱢᱨᱟᱜ ᱫᱚ ᱦᱤᱡᱩᱜ ᱜᱮᱭᱟ ᱾ ᱥᱮᱨᱮᱧ ᱨᱩᱥᱤᱠᱟ.ᱣᱟᱜ ᱥᱮᱨᱮᱧ ᱨᱮ ᱜᱟᱵᱟᱱ ᱠᱟᱱᱟ – “ᱡᱟᱸᱦᱟ ᱛᱤᱱᱟ.ᱜ ᱥᱮᱬᱟᱜ ᱨᱮᱦᱚᱸ ᱧᱤᱫᱟ. ᱫᱚ ᱟᱸᱜᱟᱜ ᱜᱨᱭᱟ ᱾” ᱜᱟᱵᱟᱱ ᱟᱠᱟᱱᱟ – “ᱪᱷᱟᱢᱰᱟ ᱞᱟᱛᱟᱨ ᱢᱟᱰᱣᱟ ᱵᱩᱴᱟ. ᱥᱟᱰᱮ ᱟᱨ ᱦᱚᱸ ᱥᱟ.ᱜᱩᱱ, ᱛᱩᱢᱫᱟᱜ ᱴᱟᱢᱟᱠ ” ᱾ ᱱᱚᱣᱟ ᱥᱟᱛᱟᱢ ᱟᱛᱮᱜ ᱜᱮ ᱜᱟᱵᱟᱱ ᱟᱠᱟᱱᱟ ᱥᱮᱨᱮᱧ ‘ᱡᱤᱛᱠᱟᱹᱨ’ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱔ ᱴᱤᱲᱤᱡ ᱵᱷᱤᱰᱤᱣᱳ ᱨᱮ ᱔᱙ ᱟᱨᱴᱤᱥᱴ! ᱛᱤᱸᱜᱩ ᱠᱮᱴᱮᱡᱚᱜ ᱨᱮᱱᱟᱜ ᱦᱚᱨ ᱫᱤᱥᱟ. ᱥᱟᱱᱛᱟᱲᱤ ᱥᱤᱱᱮ ᱟᱨᱴᱤᱥᱴ ᱠᱚᱣᱟᱜ

ᱥᱮᱨᱮᱧ ᱨᱮᱱᱟᱜ ᱮᱛᱚᱦᱚᱵ ᱫᱚ ᱱᱟᱦᱟᱜ ᱥᱮᱨᱮᱧ ᱨᱮᱱᱟᱜ ᱨᱟ.ᱲ ᱞᱮᱠᱟ ᱛᱮ ᱾ ᱛᱚᱵᱮ ᱵᱟ.ᱭ ᱵᱟ.ᱭ ᱛᱮ ᱚᱠᱟᱨᱮᱪᱚᱝ ᱛᱟᱨᱠᱚ ᱥᱮᱞᱮᱫ ᱠᱟᱱᱟ ᱞᱟᱠᱪᱟᱨ ᱨᱟ.ᱲ ᱾ ᱥᱚᱲᱮ ᱥᱮᱞᱮᱫ ᱠᱟᱱᱟ ᱱᱟᱜᱟᱢ ᱟᱨ ᱱᱟᱦᱟᱜ ᱨᱟ.ᱲ ᱾ ᱥᱚᱲᱮ ᱥᱮᱞᱮᱫ ᱠᱟᱱᱟ ᱠᱚ ᱢᱟᱨᱮᱱ ᱟᱨᱴᱤᱥᱴ ᱠᱚ ᱥᱟᱶ ᱱᱟᱦᱟᱜ ᱠᱚ ᱾ ᱱᱚᱣᱟ ᱜᱮᱛᱚ ᱡᱩᱢᱤᱫ, ᱱᱚᱣᱟ ᱜᱮᱛᱚ ᱫᱟᱲᱮ ᱾ ᱦᱟᱞᱮ ᱰᱟᱞᱮ ᱢᱩᱦᱤᱢ ᱚᱠᱛᱚ ᱨᱮ ᱱᱚᱣᱟ ᱜᱮ ᱥᱟᱱᱛᱟᱲᱤ ᱥᱤᱱᱮ ᱤᱱᱰᱟᱥᱴᱨᱤᱭᱟᱜ ᱡᱤᱛᱠᱟᱹᱨ ! ᱢᱤᱫ ᱯᱷᱨᱮᱢ ᱞᱟᱛᱟᱨ ᱨᱮ ᱘᱙ ᱦᱚᱲ ᱟᱨᱴᱤᱥᱴ ᱧᱮᱯᱮᱞ ᱧᱟᱯᱟᱢ ᱨᱮᱱᱟᱜ ᱠᱟᱛᱷᱟ ᱚᱠᱚᱭ ᱜᱮ ᱵᱟᱝ ᱵᱚ ᱩᱭᱦᱟ.ᱨ ᱞᱮᱫ ᱛᱟᱸᱦᱮᱱ ᱾ ᱚᱠᱚᱭ ᱦᱚᱸ ᱵᱟᱝ ᱵᱚ ᱩᱭᱦᱟ.ᱨ ᱞᱮᱫ ᱛᱟᱸᱦᱮᱱ ᱞᱟᱭᱤᱴ ᱠᱮᱢᱮᱨᱟ ᱮᱠᱥᱮᱱ ᱵᱮᱜᱚᱨ ᱦᱚᱸ ᱢᱚᱡᱽ ᱚᱠᱚᱡ ᱥᱟᱛᱟᱢ ᱛᱮ ᱪᱟᱞᱟᱜ ᱪᱤᱛᱟᱹᱨ ᱜᱚᱲᱦᱚᱱ-ᱚᱜ ᱟ ᱾ ᱱᱚᱣᱟ ᱜᱮ ᱡᱤᱛᱠᱟᱹᱨ ! ᱠᱚᱨᱳᱱᱟ ᱵᱟᱭ ᱛᱟᱦᱮᱱ ᱠᱷᱟᱱ ᱡᱩᱢᱤᱫ ᱡᱤᱛᱠᱟᱹᱨ ᱦᱚᱸ ᱯᱟᱞᱮᱱ ᱵᱟᱝ ᱦᱮᱡ ᱠᱚᱣᱟ ᱾ ᱠᱚᱨᱳᱱᱟ ᱢᱤᱫ ᱫᱤᱱ ᱵᱟᱭ ᱛᱟᱸᱦᱮᱱᱟ ᱛᱚᱵᱮ ᱡᱤᱛᱠᱟᱹᱨ ᱨᱮᱱᱟᱜ ᱨᱟ.ᱲ ᱛᱚᱞ ᱛᱟᱸᱦᱮᱱ ᱜᱮᱭᱟ ᱱᱟᱜᱟᱢ ᱨᱮᱭᱟᱜ ᱯᱤᱨᱤᱞ ᱥᱟᱠᱟᱢ ᱨᱮ ᱾

ᱧᱮᱞ ᱛᱟᱵᱩᱱ ᱯᱮ ᱡᱤᱛᱠᱟᱹᱨ ᱥᱮᱨᱮᱧ

ᱥᱮᱭᱟᱨ ᱛᱟᱵᱳᱱ ᱯᱮ
x