Santali Film Sandhayni won best script award in Dhaka international youth film festival

ᱰᱷᱟᱠᱟ ᱤᱱᱴᱟᱨᱱᱮᱥᱱᱟᱞ ᱭᱩᱛᱷ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱥᱚᱸᱫᱷᱟᱭᱱᱤᱭᱟᱜ ᱥᱚᱨᱮᱥ ᱥᱠᱨᱤᱯᱴ ᱥᱤᱨᱯᱷᱟ.

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱭᱩᱡᱽ ᱰᱮᱥᱠ: ᱰᱷᱟᱠᱟ ᱤᱱᱴᱟᱨᱱᱮᱥᱱᱟᱞ ᱭᱩᱛᱷ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱥᱟᱱᱛᱟᱲᱤ ᱯᱷᱤᱞᱢ ᱥᱚᱸᱫᱷᱟᱭᱱᱤ ᱡᱚᱲᱛᱮ ᱵᱮᱥᱴ ᱥᱠᱨᱤᱯᱴ ᱨᱮᱭᱟᱜ ᱥᱤᱨᱯᱷᱟ.ᱭ ᱦᱟᱢᱮᱪ ᱟᱠᱟᱫᱟ᱾ ᱱᱚᱣᱟ ᱢᱟᱬᱟᱝ ᱦᱚᱸ ᱫᱤᱥᱚᱢ ᱨᱮᱭᱟᱜ ᱟᱭᱢᱟ ᱯᱷᱮᱥᱴᱤᱵᱷᱮᱞ ᱨᱮᱜᱮ ᱱᱚᱣᱟ ᱯᱷᱤᱞᱢ ᱩᱫᱩᱜ ᱟᱠᱟᱱᱟ᱾ ᱒᱕ ᱴᱤᱬᱤᱡ ᱨᱮᱭᱟᱜ ᱱᱚᱣᱟ ᱯᱷᱤᱞᱢ ᱨᱮ ᱠᱷᱮᱨᱣᱟᱲ ᱠᱚᱣᱟᱜ ᱞᱟᱭᱞᱟᱠᱪᱟᱨ ᱟᱨ ᱩᱱᱠᱩᱣᱟᱜ ᱟᱱᱟᱴ ᱟᱸᱡᱷᱟᱴ ᱤᱫᱤ ᱠᱟᱛᱮ ᱫᱚᱨᱥᱟᱣ ᱟᱠᱟᱱᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱠᱚᱥᱢᱚ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ‘ᱠᱩᱠᱞᱤ’ᱭᱟᱜ ᱵᱷᱟᱨᱚᱛ ᱨᱮᱱᱟᱜ ᱥᱚᱨᱮᱥ ᱥᱚᱨᱴᱯᱷᱤᱞᱢ ᱥᱤᱨᱯᱷᱟ.

ᱯᱷᱤᱞᱢ ᱨᱮᱭᱟᱜ ᱠᱟ.ᱦᱱᱤ ᱨᱮ ᱢᱤᱫ ᱵᱩᱰᱷᱤ ᱦᱚᱲ ᱢᱤᱫ ᱥᱟᱸᱜᱷᱟᱨᱤᱭᱟ.ᱭ ᱢᱤᱫ ᱠᱟ.ᱦᱱᱤᱭ ᱟᱸᱡᱚᱢ ᱟᱭᱟ᱾ ᱡᱟᱸᱦᱟᱨᱮ ᱵᱤᱨ ᱨᱮ ᱥᱮᱴᱮᱨ ᱡᱤᱣᱚᱞᱚᱡᱤᱥᱴ ᱴᱤᱢ ᱟᱨ ᱚᱱᱟ ᱴᱤᱢ ᱪᱮᱛᱟᱱ ᱪᱮᱬᱮ ᱠᱚᱣᱟᱜ ᱦᱟᱞᱟ ᱨᱩᱣᱟ.ᱲᱟᱜ ᱠᱟᱛᱷᱟ ᱢᱮᱱᱟᱜ-ᱟ᱾ ᱡᱤᱣᱚᱞᱚᱡᱤᱥᱴ ᱴᱤᱢ ᱫᱟᱨᱟᱭ ᱢᱤᱫ ᱴᱟᱝ ᱪᱮᱬᱮᱭᱟᱜ ᱜᱚᱡ ᱟᱨ ᱚᱱᱟ ᱦᱟᱞᱟ ᱨᱩᱣᱟ.ᱲ ᱠᱷᱟ.ᱛᱤᱨ ᱮᱴᱟᱜ ᱪᱮᱬᱮ ᱠᱚᱣᱟᱜ ᱠᱟ.ᱦᱱᱤ ᱜᱮ ᱱᱚᱣᱟ ᱯᱷᱤᱞᱢ ᱨᱮ ᱩᱫᱩᱜ ᱟᱠᱟᱱᱟ᱾ “ᱢᱟᱱᱚᱣᱟ ᱫᱚ ᱱᱚᱣᱟ ᱯᱟᱠᱟᱲ ᱨᱮᱱ ᱢᱟ.ᱞᱤᱠ ᱫᱚᱠᱚ ᱵᱟᱝ ᱠᱟᱱᱟ᱾ ᱯᱟᱠᱟᱲ ᱜᱮ ᱢᱟᱱᱣᱟ ᱠᱚᱨᱮᱱ ᱢᱟᱞᱤᱠ ᱠᱟᱱᱟᱭ” ᱱᱚᱣᱟ ᱥᱟᱸᱫᱮᱥ ᱪᱟᱞ ᱦᱳᱭ ᱟᱠᱟᱱᱟ᱾

ᱱᱚᱣᱟ ᱯᱷᱤᱞᱢ ᱨᱮᱱ ᱰᱟᱭᱨᱮᱠᱴᱚᱨ ᱥᱮᱨᱟᱞ ᱢᱩᱨᱢᱩ ᱫᱚ ᱜᱷᱟᱴᱥᱤᱞᱟ, ᱡᱟᱨᱠᱷᱚᱸᱰ ᱨᱮᱱ ᱦᱚᱲ ᱠᱟᱱᱟᱭ᱾ ᱯᱩᱱᱮ FTII ᱠᱷᱚᱱ ᱰᱤᱯᱞᱚᱢᱟ ᱚᱠᱛᱚ ᱜᱮ ᱱᱚᱣᱟ ᱯᱷᱤᱞᱢ ᱫᱚᱭ ᱛᱮᱭᱟᱨ ᱟᱠᱟᱫᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ᱾

ᱟᱨᱦᱚᱸ ᱨᱟᱲᱦᱟᱣ ᱢᱮ: ᱫᱟᱨᱟᱭ ᱠᱟᱱᱟ ᱱᱟᱣᱟ ᱥᱟᱱᱛᱟᱲᱤ ᱥᱮᱴᱟᱞᱟᱭᱤᱴ ᱴᱤᱵᱷᱤ ᱪᱮᱱᱮᱞ “AdivasiTV”


ᱥᱮᱭᱟᱨ ᱛᱟᱵᱳᱱ ᱯᱮ
x