Santal Pargana University Dumka student's are not garlanding Sidhu Kanhu statue

ᱵᱤᱱ ᱢᱟᱞᱟ ᱟᱨᱟᱣ ᱟᱛᱮᱫ ᱜᱮ ᱢᱟᱱᱟᱣ ᱮᱱᱟ ᱦᱩᱞ ᱢᱟᱦᱟᱼ ᱥᱟᱱᱛᱟᱲ ᱯᱟᱨᱜᱟᱱᱟ ᱢᱟᱦᱟ ᱵᱤᱨᱫᱟ.ᱜᱟᱲ ᱨᱮ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱓᱐ ᱥᱟ ᱡᱩᱱ ᱜᱚᱴᱟ ᱫᱤᱥᱚᱢ ᱞᱮᱠᱟ ᱜᱮ ᱥᱟᱱᱛᱟᱲ ᱯᱟᱨᱜᱟᱱᱟ ᱢᱟᱦᱟ ᱵᱤᱨᱫᱟ.ᱜᱟᱲ ᱨᱮ ᱦᱩᱞ ᱢᱟᱦᱟ ᱢᱟᱱᱟᱣ ᱦᱩᱭᱮᱱᱟ ᱾ ᱵᱤᱨ ᱵᱟᱱᱴᱟ ᱥᱤᱫᱷᱩ ᱠᱟᱱᱦᱩᱣᱟᱜ ᱜᱷᱟᱨᱚᱧᱡᱽ ᱯᱟᱦᱴᱟ ᱠᱷᱚᱱ ᱦᱩᱞ ᱢᱟᱦᱟ ᱵᱟᱝ ᱢᱟᱱᱟᱣ ᱨᱮᱱᱟᱜ ᱟᱨᱫᱟᱥ ᱫᱚᱦᱚ ᱦᱩᱭ ᱞᱮᱱᱟ ᱾ ᱚᱱᱟ ᱟᱨᱫᱟᱥ ᱫᱚᱦᱚ ᱠᱟᱛᱮᱫ ᱜᱮ ᱢᱟᱦᱟ ᱵᱤᱨᱫᱟ.ᱜᱟᱲ ᱯᱟᱦᱴᱟ ᱠᱷᱚᱱ ᱥᱤᱫᱷᱩ ᱠᱟᱱᱦᱩᱣᱟᱜ ᱢᱩᱴᱷᱟ.ᱱ ᱨᱮ ᱵᱟᱦᱟ ᱢᱟᱞᱟ ᱵᱟᱝ ᱟᱨᱟᱣ ᱦᱩᱭ ᱠᱟᱱᱟ ᱾ ᱫᱩᱢᱠᱟ. ᱥᱤᱫᱷᱩ ᱠᱟ.ᱱᱦᱩ ᱪᱚᱠ ᱨᱮ ᱯᱟ.ᱴᱷᱣᱟ. ᱠᱚ ᱛᱷᱤᱨ-ᱡᱚᱦᱟᱨ ᱟᱛᱮᱫ ᱦᱩᱞ ᱢᱟᱦᱟ ᱠᱚ ᱢᱟᱱᱟᱣ ᱠᱮᱫᱟ ᱾ ᱛᱚᱵᱮ ᱱᱚᱝᱠᱟ ᱦᱩᱞ ᱢᱟᱦᱟ ᱢᱟᱱᱟᱣ ᱫᱚ ᱨᱟᱢᱮᱥᱥᱚᱨ ᱢᱩᱨᱢᱩᱣᱟᱜ ᱡᱚᱛᱷᱟᱛ ᱵᱤᱪᱟ.ᱨ ᱧᱟᱢ ᱞᱟ.ᱜᱤᱫ ᱾ ᱯᱟ.ᱴᱷᱣᱟ ᱠᱚ ᱯᱟᱦᱴᱟ ᱠᱷᱚᱱ ᱥᱮᱴᱮᱨ ᱠᱚ ᱛᱟᱸᱦᱮ ᱞᱮᱱᱟ ᱥᱟᱢᱫᱮᱵᱽ ᱦᱮᱢᱵᱽᱨᱚᱢ, ᱤᱢᱟᱱᱩᱭᱮᱞ ᱦᱮᱢᱵᱽᱨᱚᱢ, ᱡᱳᱥᱮᱯᱷ ᱵᱟᱥᱠᱮ , ᱴᱷᱟᱠᱩᱨ ᱦᱟᱸᱥᱫᱟᱜ, ᱥᱤᱵᱽᱞᱟᱞ ᱢᱟᱨᱟᱱᱰᱤ, ᱵᱤᱵᱮᱠ ᱠᱩᱢᱟᱨ, ᱥᱤᱢᱳᱱ ᱢᱩᱨᱢᱩ ᱮᱱᱟᱱ ᱠᱚ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱵᱟᱸᱥᱲᱟ ᱨᱮ ᱰᱮᱵᱷᱞᱚᱯᱢᱮᱱᱴ ᱠᱞᱟᱵᱟᱜ ᱰᱟᱦᱟᱨ ᱡᱟᱸᱜᱮ ᱩᱱᱩᱫᱩᱜ ᱦᱩᱞ ᱢᱟᱦᱟ ᱢᱟᱯᱟᱱᱟᱣ

ᱪᱟᱞᱟᱣᱮᱱ ᱑᱒ ᱡᱩᱱ ᱥᱤᱫᱷᱩ ᱠᱟᱱᱦᱩ ᱨᱮᱱ ᱱᱟᱦᱟᱜ ᱯᱤᱲᱦᱤ ᱨᱟᱢᱮᱥᱥᱚᱨ ᱢᱩᱨᱢᱩ ᱜᱚᱡ ᱟᱠᱟᱱᱟᱭ ᱾ ᱡᱷᱟᱨᱚᱸᱡ ᱦᱚᱲᱟᱜ ᱢᱮᱢᱮᱱ ᱩᱱᱤ ᱫᱚ ᱜᱚᱡ ᱟᱠᱟᱫᱮᱭᱟ ᱠᱚ ᱾ ᱪᱷᱟ.ᱛᱤᱠ ᱠᱚ ᱯᱟᱦᱴᱟ ᱠᱷᱚᱱ ᱚᱱᱟ ᱜᱷᱚᱴᱚᱱ ᱫᱟᱵᱟᱣ ᱨᱮᱱᱟᱜ ᱠᱩᱨᱩᱢᱩᱴᱩᱭ ᱫᱟᱠᱚ , ᱚᱱᱟ ᱦᱚᱛᱮᱡ ᱛᱮ ᱥᱤᱫᱷᱩ ᱠᱟᱱᱦᱩ ᱜᱷᱟᱨᱚᱧᱡᱽ ᱠᱷᱚᱱ ᱥᱤ.ᱵᱤ.ᱟᱭ ᱛᱩᱝᱠᱷᱤ ᱛᱚᱞᱟᱥ ᱞᱟ.ᱜᱤᱫ ᱫᱟ.ᱵᱤ ᱫᱚᱦᱚ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱥᱟᱶ ᱦᱩᱞᱜᱟ.ᱨᱤᱭᱟ. ᱵᱚᱝᱥᱚ ᱥᱩᱨᱚᱠᱥᱟ, ᱨᱟᱢᱮᱥᱥᱚᱨ ᱟᱡ ᱵᱟ.ᱦᱩ ᱥᱚᱨᱠᱟᱨᱤ ᱠᱟ.ᱢᱤ ᱮᱢ ᱮᱢᱟᱱ ᱫᱟ.ᱵᱤ ᱠᱚ ᱦᱚᱸ ᱨᱟᱠᱟᱵ ᱟᱠᱟᱱᱟ ᱾ ᱛᱚᱵᱮ ᱯᱚᱱᱚᱛ ᱥᱤᱨᱟ. ᱢᱩᱱᱛᱨᱤ ᱦᱮᱢᱚᱱᱛ ᱥᱚᱨᱮᱱ , ᱨᱟᱢᱮᱥᱥᱚᱨ ᱟᱜ ᱜᱚᱡ ᱤᱫᱤ ᱠᱟᱛᱮᱫ ᱞᱟ.ᱭ ᱟᱠᱟᱫᱟᱭ – ‘ᱤᱧ ᱫᱚ ᱥᱤ.ᱵᱤ.ᱟᱭ ᱪᱷᱟᱱ ᱵᱤᱱ ᱞᱟ.ᱜᱤᱫ ᱛᱮᱧ ᱛᱮᱭᱟᱨ ᱜᱮᱭᱟ ᱾ ᱱᱚᱣᱟ ᱤᱫᱤ ᱠᱟᱛᱮᱫ ᱤᱧᱟ.ᱜ ᱚᱠᱟ ᱟᱱᱟᱴ ᱜᱮ ᱵᱟ.ᱱᱩᱜ ᱟᱱᱟ ᱾ ᱥᱟᱱᱟᱢ ᱫᱤᱥᱣᱟ. ᱴᱷᱮᱱ ᱟᱨᱫᱟᱥ ᱫᱤᱞᱞᱤ ᱥᱤ.ᱵᱤ.ᱟᱭ ᱴᱷᱮᱱ ᱪᱷᱟᱱᱵᱤᱱ ᱞᱟ.ᱜᱤᱫ ᱢᱮᱱ ᱟᱨ ᱥᱟ.ᱨᱤᱭᱟᱜ ᱯᱟᱨᱥᱟᱞ ᱾’

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱜᱟ.ᱠᱷᱩᱲᱤᱭᱟ. ᱢᱚᱨᱩᱱᱟ ᱢᱩᱨᱢᱩᱣᱟᱜ ᱫᱟᱨᱮ ᱨᱚᱦᱚᱭ ᱦᱩᱞᱜᱟ.ᱲᱤᱭᱟ. ᱯᱷᱩᱞᱚ ᱡᱷᱟᱱᱚ ᱩᱭᱦᱟ.ᱨᱛᱮ


ᱥᱮᱭᱟᱨ ᱛᱟᱵᱳᱱ ᱯᱮ
x