Sarna Dharam training program in occasion on Haryarh Bonga sorabon kunami

ᱥᱟᱨᱱᱟ ᱫᱷᱚᱨᱚᱢ ᱪᱮᱢᱮᱫ ᱟᱥᱲᱟ ᱫᱟᱨᱟᱭ ᱦᱟ.ᱲᱭᱟ.ᱲ ᱵᱚᱸᱜᱟ ᱵᱳᱨᱳl ᱚᱞ ᱟᱠᱟᱫᱟᱭ ᱨᱟᱢᱡᱤᱛ ᱴᱩᱰᱩ

ᱥᱮᱭᱟᱨ ᱛᱟᱵᱳᱱ ᱯᱮ

ᱛᱮᱦᱮᱧ ᱐᱓/᱐᱘/᱒᱐᱒᱐ ᱚᱛᱮ ᱢᱟᱦᱟ ᱥᱟᱱ ᱵᱚᱸᱜᱟ ᱠᱩᱱᱟ.ᱢᱤ ᱨᱮᱱᱟᱜ ᱥᱟᱜᱩᱱ ᱢᱟᱦᱟ ᱨᱮ “ᱦᱟ.ᱲᱭᱟ.ᱲ” ᱵᱚᱸᱜᱟ ᱵᱩᱨᱩ ᱫᱚ ᱩᱛᱛᱚᱨᱟ. ᱯᱤᱸᱰᱟ.ᱨᱟ.ᱥᱳᱞ ᱟ.ᱛᱩ ᱜᱚᱨᱟᱢ ᱢᱟᱺᱡᱷᱤ ᱵᱟᱵᱟ, ᱱᱟᱭᱠᱮ ᱵᱟᱵᱟ ᱜᱳᱵᱤᱱᱫᱚ ᱵᱮᱥᱨᱟ, ᱜᱚᱰᱮᱛ ᱵᱟᱵᱟ ᱥᱟᱣᱛᱮ ᱥᱟᱱᱟᱢ ᱠᱚ ᱟᱨ “The all India sarna dhoram chemet ashra” ᱛᱟ.ᱨᱤ ᱨᱮ ᱢᱮᱱᱟᱜ ᱟᱠᱟᱫ ᱪᱟᱸᱜᱟ ᱟᱯᱤᱥ ᱩᱛᱛᱟᱨᱟ, ᱯᱩᱪᱷᱤᱢ ᱵᱟᱝᱞᱟ ᱯᱟᱨᱥᱮᱫ ᱜᱳᱢᱠᱮ ᱜᱳᱵᱤᱱᱫᱚ ᱵᱮᱥᱨᱟ, ᱢᱟᱱᱚᱛᱟᱱ ᱥᱩᱛᱨᱮᱫ ᱥᱩᱢᱵᱷᱩ ᱱᱟᱛᱷ ᱠᱤᱥᱠᱩ ᱠᱚᱣᱟᱜ ᱥᱟᱦᱤ ᱡᱩᱦᱤ ᱥᱩᱛᱩᱜ ᱛᱟᱞᱟ ᱛᱮ ᱛᱮᱦᱮᱧ “ᱦᱟ.ᱲᱭᱟ.ᱲ” ᱵᱚᱸᱜᱟ ᱵᱩᱨᱩ ᱠᱟ.ᱢᱤ ᱦᱚᱨᱟ ᱥᱟ.ᱛ ᱪᱩᱠᱟ.ᱣ ᱮᱱᱟ᱾ ᱢᱚᱱᱮ ᱨᱮ ᱠᱩᱠᱞᱤ ᱨᱟᱠᱟᱵ ᱠᱟᱱᱟ ᱡᱮ ᱪᱮᱫᱟᱜ ᱛᱮᱦᱮᱧ ᱞᱮᱠᱟᱱ ᱥᱟᱜᱩᱱ ᱫᱤᱱ ᱨᱮ “ᱦᱟ.ᱲᱭᱟ.ᱲ” ᱫᱚᱵᱚᱱ ᱵᱚᱸᱜᱟ ᱵᱩᱨᱩ ᱮᱫ ᱠᱟᱱᱟ? ᱱᱚᱣᱟ ᱠᱩᱠᱞᱤ ᱫᱚ ᱟ.ᱰᱤ ᱜᱟ:ᱦᱤᱨᱟ ᱟᱨ ᱦᱟᱢᱟᱞᱟ᱾ ᱢᱤᱫ-ᱵᱟᱨ ᱠᱟᱛᱷᱟ ᱛᱟᱞᱟ ᱛᱮ ᱡᱟᱜᱮ ᱥᱟᱱᱟᱢ ᱠᱚᱧ ᱵᱟᱰᱟᱭ ᱦᱚᱪᱚ ᱫᱟᱲᱮ ᱟᱯᱮᱭᱟ ᱢᱮᱱᱛᱮ ᱟᱸᱥ ᱤᱧ ᱫᱚᱦᱚᱭᱟ᱾ ᱟᱵᱚ ᱵᱚᱱ ᱧᱮᱞ ᱞᱮᱠᱷᱟᱱ ᱟᱵᱚ ᱟᱜ ᱡᱟᱛᱤ ᱥᱟᱣᱛᱟ ᱨᱮᱫᱚ ᱪᱟᱸᱫᱳ ᱯᱤᱪᱷᱩ ᱵᱚᱸᱜᱟ ᱵᱩᱨᱩ ᱢᱮᱱᱟᱜ ᱟᱠᱟᱫᱟ ᱟᱨ ᱚᱠᱛᱚ ᱡᱟᱱᱤ ᱵᱚᱱ ᱵᱚᱸᱜᱟ ᱵᱩᱨᱩᱜ ᱠᱟᱱᱟ, ᱥᱮᱨᱢᱟ ᱨᱮᱭᱟᱜ ᱮᱛᱚᱦᱚᱵ ᱠᱷᱚᱱ ᱢᱩᱪᱟ.ᱫ ᱪᱟᱸᱫᱳ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱜᱳᱯᱤᱵᱚᱞᱞᱚᱵᱽᱯᱩᱨ-᱑ ᱨᱮᱱᱟᱜ ᱢᱟᱨᱪᱟᱜᱚᱰᱟ ᱟ.ᱛᱩᱨᱮ ᱥᱟᱨᱱᱟ ᱫᱷᱚᱨᱚᱢ ᱥᱮᱢᱤᱱᱟᱨ

ᱪᱟᱸᱫᱳ ᱯᱤᱪᱷᱤ ᱵᱚᱸᱜᱟᱵᱳᱨᱳ ᱨᱮᱱᱟᱜ ᱡᱟᱸᱦᱟ ᱵᱚᱸᱜᱟ ᱵᱩᱨᱩ ᱨᱮᱭᱟᱜ ᱱᱟᱜᱟᱢ ᱢᱮᱱᱟᱜ ᱟᱠᱟᱫᱟ ᱚᱱᱠᱟ ᱜᱮ ᱱᱚᱣᱟ “ᱦᱟ.ᱲᱭᱟ.ᱲ ” ᱵᱚᱸᱜᱟ ᱨᱮᱱᱟᱜ ᱦᱚᱸ ᱱᱟᱜᱟᱢ ᱫᱚ ᱢᱮᱱᱟᱜ ᱟᱠᱟᱫᱟ᱾ ᱚᱱᱟ ᱜᱮ ᱠᱷᱟᱴᱚ ᱢᱟᱪᱷᱟ ᱛᱮ ᱵᱟᱨ ᱠᱟᱛᱷᱟ ᱚᱞᱚᱜᱚᱜ ᱠᱟᱱᱟ᱾ ᱡᱷᱚᱱ ᱦᱳᱲᱳ ᱫᱟᱨᱮ ᱨᱚᱦᱚᱣ ᱛᱟᱭᱚᱢ ᱦᱟᱞᱤ ᱦᱟ.ᱲᱭᱟ.ᱲ ᱫᱟᱞᱠᱟᱣ ᱟᱛᱮ ᱦᱤᱸᱥᱤᱫ ᱦᱚᱭ ᱛᱮ ᱞᱮᱣᱮᱨ ᱠᱚᱫᱚᱨᱚᱜ-ᱟ ᱱᱚᱣᱟ ᱫᱟᱞᱠᱟᱣ ᱨᱟᱠᱟᱵ ᱠᱟᱱ ᱜᱟ.ᱪᱷᱤ ᱦᱩᱲᱩ ᱨᱮ ᱤᱲᱤᱡᱽ ᱠᱚ ᱤᱵᱤᱡᱽ ᱠᱚ ᱨᱳᱜ ᱟᱜ ᱵᱤᱜᱷᱤᱱᱟᱜ ᱠᱚ ᱟᱞᱚ ᱞᱟᱜᱟᱣ, ᱪᱮᱯᱮᱡ ᱢᱟᱠᱚ ᱢᱮᱱᱛᱮ ᱥᱮᱫᱟᱭ ᱠᱷᱚᱱ ᱯᱤᱛᱭᱟ.ᱣ ᱫᱚ ᱟᱵᱚ ᱛᱟᱞᱟ ᱨᱮ ᱢᱮᱱᱟᱜ ᱟᱠᱟᱫᱟ᱾ ᱚᱱᱟ ᱢᱮᱱ ᱛᱮ ᱡᱟᱦᱮᱨ ᱜᱟᱲ ᱨᱮᱱ ᱵᱚᱸᱜᱟ ᱵᱩᱨᱩ ᱵᱚᱱ ᱜᱚᱪᱟᱨ ᱮᱫ ᱠᱚᱣᱟ ᱡᱟᱛᱮ ᱦᱳᱲᱳ ᱫᱟᱨᱮ ᱠᱚ ᱱᱟᱭ ᱛᱮ ᱱᱟᱯᱟᱭ ᱛᱮ ᱜᱮᱞᱮ ᱠᱚᱜ ᱵᱤᱞᱤ ᱠᱚᱜ ᱢᱟ ᱢᱮᱱᱛᱮ᱾ ᱡᱟᱸᱦᱟ ᱫᱚ ᱵᱟᱠᱷᱮᱬ ᱠᱚ ᱛᱟᱞᱟ ᱛᱮᱜᱮ ᱚᱱᱟ ᱠᱚᱫᱚ ᱵᱚᱱ ᱵᱟᱰᱟᱭ ᱫᱟᱲᱮᱭᱟᱜ ᱠᱟᱱ ᱜᱮᱭᱟ᱾ ᱱᱚᱝᱠᱟ ᱟᱭᱢᱟ ᱞᱮᱠᱟᱱ ᱯᱤᱛᱭᱟ.ᱣ ᱫᱚᱦᱚ ᱠᱟᱛᱮ ᱜᱮ ᱟᱵᱚ ᱟ.ᱛᱩ ᱜᱚᱨᱚᱢ ᱨᱮ ᱢᱟᱺᱡᱷᱤ ᱛᱷᱟᱱ ᱨᱮ ᱫᱩᱲᱩᱵ ᱢᱤᱫ ᱜᱟᱞᱚᱪ ᱢᱤᱫ ᱠᱟᱛᱮ ᱥᱟᱶᱛᱟ ᱨᱮᱱᱟᱜ ᱥᱟ.ᱜᱩᱱ ᱠᱟ.ᱢᱤ ᱦᱚᱨᱟ ᱠᱚ ᱱᱟᱭ ᱛᱮ ᱱᱟᱯᱟᱭ ᱛᱮ ᱵᱚᱱ ᱥᱟᱨ ᱥᱟ.ᱜᱩᱱ ᱮᱫᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱨᱟᱢ ᱢᱚᱱᱫᱤᱨ ᱵᱮᱱᱟᱣ ᱨᱮ ᱡᱟᱦᱮᱨ ᱨᱮᱱᱟᱜ ᱦᱟᱸᱥᱟ ᱵᱟᱝ ᱵᱚ ᱮᱢᱚᱜ ᱟ ᱼ ᱫᱤᱥᱚᱢ ᱯᱟᱨᱟᱱᱤᱠ

ᱢᱮᱱ ᱠᱷᱟᱱ ᱫᱩᱠ ᱨᱮᱜᱟᱜ ᱠᱟᱛᱷᱟ ᱫᱚ ᱱᱚᱣᱟ ᱜᱮ ᱛᱮᱦᱮᱧ ᱟᱵᱚ ᱛᱟᱞᱟ ᱨᱮ ᱪᱮᱫ ᱪᱚ ᱪᱤᱠᱟ.ᱜ ᱠᱟᱱ ᱛᱮ ᱟ.ᱛᱩ ᱴᱚᱞᱟ ᱨᱮ ᱦᱤᱥᱟ. ᱥᱩᱭᱟ. ᱛᱮ ᱫᱤᱱ ᱵᱚᱱ ᱠᱷᱮᱢᱟᱣ ᱮᱫᱟ, ᱡᱟᱦᱟᱢ ᱠᱷᱟ.ᱛᱤᱨ ᱛᱮ ᱟ.ᱛᱩ ᱫᱤᱥᱚᱢ ᱠᱚ ᱡᱟ.ᱛᱤ ᱥᱟᱶᱛᱟ ᱠᱚ ᱦᱤᱨᱤᱡ ᱯᱟ.ᱥᱤᱨ ᱠᱟᱛᱮ ᱟᱫᱚᱜ ᱦᱚᱨ ᱨᱮ ᱢᱟᱞᱚᱴᱚᱜ ᱦᱚᱨ ᱨᱮ ᱢᱮᱱᱟᱜ ᱟᱠᱟᱫᱟ᱾ ᱟᱞᱚ ᱢᱟᱞᱚᱴᱚᱜ ᱟᱞᱚ ᱪᱷᱤᱛᱤᱨ ᱵᱤᱛᱤᱨᱚᱜ ᱢᱟ ᱢᱮᱱᱛᱮ ᱛᱮᱦᱮᱧ ᱟᱵᱚ ᱠᱚ ᱛᱟᱞᱟ ᱠᱷᱚᱱᱟᱜ ᱫᱟᱱᱟᱝ ᱟᱠᱟᱱ ᱚᱞ ᱜᱩᱨᱩ ᱜᱚᱢᱠ ᱫᱚ ᱠᱟᱭᱤ ᱵᱩᱨᱩ ᱵᱚᱸᱜᱟ ᱫᱟᱲᱮ ᱛᱮ ᱥᱤᱸᱧ ᱪᱟᱸᱫᱳ ᱞᱮᱠᱟ ᱡᱟᱱᱟᱢ ᱟᱲᱟᱝ “ᱚᱞᱪᱤᱠᱤ” ᱩᱫᱩᱜ ᱴᱷᱤᱠᱟ. ᱟᱫ ᱵᱚᱱᱟ᱾ ᱡᱟᱸᱦᱟ ᱫᱟᱲᱮ ᱥᱟᱱᱟᱢ ᱟ.ᱫᱤᱵᱟᱥᱤ ᱦᱚᱲ ᱠᱚ ᱚᱞ ᱯᱟᱲᱦᱟᱣ ᱠᱟᱛᱮ ᱡᱟ.ᱛᱤ ᱥᱟᱶᱛᱟ ᱨᱮᱭᱟᱜ ᱠᱟᱛᱷᱟ ᱠᱚ ᱫᱤᱥᱟ. ᱧᱟᱢᱟ ᱚᱱᱟ ᱚᱞ ᱠᱚᱫᱚ ᱚᱞ ᱨᱮᱜᱮ ᱛᱟᱸᱦᱮ ᱮᱱᱟ᱾ ᱮᱴᱟᱜ ᱚᱞ ᱛᱮᱜᱮ ᱚᱞ ᱯᱟᱱᱦᱟᱣ ᱠᱟᱛᱮ ᱮᱴᱟᱜ ᱰᱟᱦᱟᱨ ᱥᱮᱫ ᱜᱮᱵᱚᱱ ᱢᱚᱦᱟᱰᱟ ᱮᱱᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: The story of an orphaned sibling karo and Kuili and “Gomha” the festival of kherwar community

ᱚᱱᱟ ᱠᱚ ᱧᱮᱞ ᱠᱟᱛᱮ ᱵᱚᱸᱜᱟ ᱵᱩᱨᱩ ᱠᱚᱦᱚᱸ ᱵᱟᱝ ᱠᱚ ᱧᱮᱞ ᱥᱟᱦᱟᱣ ᱫᱟᱲᱮ ᱛᱮ ᱛᱮᱦᱮᱧ ᱫᱟᱱᱟᱝ ᱟᱠᱟᱱ ᱫᱷᱚᱨᱚᱢ ᱜᱩᱨᱩ ᱵᱟ.ᱱᱟ. ᱣ ᱢᱩᱨᱢᱩ ᱫᱚ ᱵᱟᱝᱠᱟ ᱵᱩᱨᱩ ᱵᱚᱸᱜᱟ ᱫᱟᱭᱟ ᱢᱟᱭᱟ ᱛᱮ ᱟᱵᱚ ᱠᱚ ᱛᱟᱞᱟ ᱨᱮ ᱳᱯᱮᱞ ᱛᱮ ᱦᱩᱭ ᱟᱫ ᱠᱚᱣᱟ ᱾ ᱡᱟᱸᱦᱟ ᱫᱚ ᱚᱞ ᱜᱩᱨᱩ ᱚᱞ ᱟᱠᱟᱫ ᱯᱩᱛᱷᱤ ᱨᱮᱭᱟᱜ ᱠᱟᱛᱷᱟ ᱛᱮᱛᱮᱡ ᱯᱷᱤᱫᱞᱤ ᱠᱟᱛᱮ ᱫᱤᱥᱚᱢ ᱦᱚᱲ ᱠᱚᱭ ᱵᱟᱰᱟᱭ ᱦᱚᱪᱚ ᱟᱠᱟᱫ ᱵᱚᱱᱟ᱾ ᱱᱩᱭ ᱫᱚ ᱵᱷᱟᱨᱚᱛ ᱡᱟᱠᱟᱛ ᱥᱟᱨᱱᱟ ᱫᱷᱚᱨᱚᱢ ᱪᱮᱢᱮᱫ ᱟᱥᱲᱟ ᱧᱩᱛᱩᱢ ᱛᱮ ᱢᱤᱫ ᱜᱚᱱᱚᱴᱷᱚᱱ ᱛᱮᱭᱟᱨ ᱨᱟᱠᱟᱵ ᱠᱟᱛᱮ ᱫᱤᱥᱚᱢ ᱦᱚᱲ ᱠᱚ ᱡᱟ.ᱛᱤ ᱥᱟᱶᱛᱟ ᱨᱮᱭᱟᱜ ᱠᱟᱛᱷᱟ ᱡᱟᱦᱮᱨ ᱜᱟᱲ ᱨᱮᱭᱟᱜ ᱠᱟᱛᱷᱟ ᱟᱯᱟᱱ ᱟ.ᱯᱤᱱ ᱯᱟ.ᱨᱤᱥ ᱨᱮᱱ ᱚᱲᱟᱜ ᱵᱚᱸᱜᱟ, ᱜᱚᱲᱟ ᱵᱚᱸᱜᱟ, ᱴᱟᱺᱰᱤ ᱵᱚᱸᱜᱟ, ᱡᱚᱢᱥᱤᱢ, ᱠᱟᱨᱟᱢ ᱵᱚᱸᱜᱟ ᱠᱚᱭ ᱞᱟ.ᱭ ᱟᱠᱚ ᱠᱟᱱᱟ ᱾ ᱛᱮᱦᱮᱧ ᱟᱫᱚᱜ ᱠᱟᱱ ᱦᱚᱨ ᱨᱮ ᱢᱮᱱᱟᱜ ᱟᱠᱟᱫ ᱵᱚᱱ ᱚᱱᱟ ᱧᱮᱞ ᱛᱮ ᱑᱙᱗᱗ ᱥᱟᱞ ᱨᱮ ᱡᱷᱟᱲᱜᱨᱟᱢ ᱵᱮᱛᱠᱩᱸᱫᱽᱨᱤ ᱰᱟ.ᱦᱤᱨᱮ ᱨᱮ ᱫᱤᱥᱚᱢ ᱦᱚᱲ ᱜᱚᱴᱟ ᱨᱮᱱ ᱵᱚᱸᱜᱟ ᱵᱩᱨᱩ ᱯᱟᱨᱟᱵᱽ ᱯᱩᱱᱟ.ᱭ ᱨᱮᱭᱟᱜ ᱠᱟᱛᱷᱟ ᱡᱟᱸᱦᱟ ᱫᱚ ᱢᱤᱫ ᱫᱤᱱ ᱛᱮ ᱢᱤᱫ ᱥᱟᱶᱛᱮ ᱢᱤᱫ ᱵᱮᱲᱟ ᱛᱮ ᱥᱟᱱᱟᱢ ᱫᱤᱥᱚᱢ ᱦᱚᱲ ᱵᱚᱱ ᱵᱚᱸᱜᱟ ᱵᱩᱨᱩ ᱟᱜ ᱢᱮᱱᱛᱮ ᱥᱟᱱᱟᱢ ᱠᱟᱛᱷᱟ ᱜᱚᱴᱟ ᱥᱟ.ᱨᱤ ᱞᱮᱱᱟ ᱮᱱ ᱟᱱᱟᱝ ᱥᱚᱨᱠᱟᱨ ᱦᱚᱸ ᱟᱵᱚᱣᱟᱜ ᱵᱚᱸᱜᱟ ᱵᱩᱨᱩᱜ ᱨᱮ ᱪᱷᱩᱴᱤ ᱵᱚᱱ ᱧᱟᱢ ᱠᱚᱭᱮ ᱢᱮᱱ ᱛᱮ ᱠᱟᱛᱷᱟ ᱦᱚ ᱜᱚᱴᱟ ᱞᱮᱱᱟ ᱾ ᱫᱩᱠ ᱨᱮᱱᱟᱜ ᱠᱟᱛᱷᱟ ᱫᱚ ᱱᱚᱣᱟ ᱜᱮ ᱚᱱᱟ ᱠᱟᱛᱷᱟ ᱠᱚᱫᱚ ᱥᱟᱱᱟᱢ ᱜᱟᱶᱛᱟ ᱠᱚᱜᱮ ᱠᱚ ᱦᱤᱲᱤᱧ ᱥᱟᱺᱜᱤᱧ ᱠᱮᱫᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱥᱟᱱᱛᱟᱲᱤ ᱢᱤᱰᱤᱭᱥᱢ ᱠᱚᱞᱮᱡᱽ ᱨᱮᱭᱟᱜ ᱫᱟ.ᱵᱤᱛᱮ ᱥᱮᱪᱮᱫ ᱢᱩᱱᱛᱨᱤ ᱴᱷᱮᱱ ᱚᱱᱚᱞᱤᱭᱟ. ᱜᱟᱶᱛᱟ-ᱟᱜ ᱪᱤᱴᱷᱤ

ᱟᱯᱟᱱ ᱟ.ᱯᱤᱱ ᱟ.ᱛᱩ ᱨᱮ ᱟᱯᱟᱱ ᱟ.ᱯᱤᱱ ᱨᱟᱭ ᱵᱚᱱ ᱛᱚᱞ ᱡᱚᱝ ᱠᱟᱱᱟ ᱾ ᱡᱩᱢᱤᱫ ᱫᱟᱲᱮ ᱪᱷᱤᱛᱤ ᱵᱤᱛᱤ ᱮᱱᱟ᱾ ᱡᱟ.ᱛᱤ ᱥᱟᱶᱛᱟ ᱴᱚᱞᱚ ᱢᱚᱞᱚ ᱪᱟᱵᱟ ᱮᱱᱟ ᱟᱛᱩ ᱫᱤᱥᱚᱢ ᱨᱳᱜᱽ ᱟᱡᱟᱨ ᱛᱮ ᱯᱮᱨᱮᱡ ᱮᱱᱟ᱾ ᱦᱤᱥᱟ. ᱥᱩᱭᱟ. ᱛᱮ ᱫᱤᱱ ᱵᱚᱱ ᱠᱷᱮᱢᱟᱣ ᱮᱫᱟ᱾ ᱚᱱᱟ ᱧᱮᱞ ᱡᱟ.ᱛᱤ ᱥᱟᱶᱛᱟ ᱴᱚᱞᱚ ᱢᱚᱞᱚ ᱧᱮᱞ ᱛᱮ ᱵᱟ. ᱱᱟ. ᱣ ᱢᱩᱨᱢᱩ ᱫᱷᱚᱨᱚᱢ ᱜᱩᱨᱩ ᱵᱟᱵᱟ ᱫᱚ ᱫᱤᱥᱚᱢ ᱦᱚᱲᱛᱮ ᱜᱚᱴᱟ ᱞᱮᱫ ᱢᱟᱦᱟ ᱢᱟ.ᱦᱤᱛ ᱠᱚ ᱥᱟᱵ ᱩᱨᱤᱡ ᱠᱟᱛᱮ ᱫᱤᱥᱚᱢ ᱦᱚᱲ ᱫᱷᱚᱨᱚᱢ ᱰᱟᱦᱟᱨ ᱛᱮ ᱨᱩᱭᱟ. ᱲ ᱞᱟ.ᱜᱤᱫ ᱛᱮ ᱑᱙᱗᱗ ᱥᱟᱞ ᱨᱮᱱᱟᱜ ᱨᱮᱡᱩᱞᱮᱥᱚᱱ ᱞᱮᱠᱟᱛᱮᱜᱮ ᱛᱮᱦᱮᱧ The all India sarna dhoram chemet ashra ᱟᱨ Branch office ᱠᱚᱫᱚ ᱚᱠᱛᱚ ᱱᱟᱯᱤᱫ ᱠᱚ ᱵᱚᱸᱜᱟ ᱵᱩᱨᱩᱜ ᱠᱟᱱᱟ ᱾ᱡᱟᱸᱦᱟ ᱛᱮ ᱟ.ᱛᱩ ᱫᱤᱥᱚᱢ ᱠᱚ ᱱᱟᱭ ᱛᱮ ᱱᱟᱯᱟᱭ ᱛᱮ ᱱᱟᱭᱠᱮ ᱵᱟᱵᱟ ᱟᱜ ᱥᱩᱱᱩᱢ ᱥᱤᱸᱫᱩᱨ ᱴᱤᱰᱟ.ᱜ ᱛᱮᱜᱮ ᱟᱛᱩ ᱫᱤᱥᱚᱢ ᱠᱚ ᱱᱟᱱᱟᱭ ᱜᱮ ᱢᱮᱱᱟᱜ ᱟᱠᱟᱫᱟ᱾ ᱥᱮᱫᱟᱭ ᱱᱟᱜᱟᱢ ᱠᱟᱛᱷᱟ ᱥᱚᱛ ᱟᱜ ᱥᱟᱨᱤᱭᱟᱜ ᱫᱤᱥᱚᱢ ᱦᱚᱲ ᱛᱟᱞᱟ ᱨᱮ ᱯᱟᱥᱱᱟᱣ ᱞᱮᱱ ᱫᱚ ᱡᱟᱛᱮ ᱫᱤᱥᱚᱢ ᱨᱮᱱ ᱟᱵᱚ ᱦᱚᱲ ᱠᱚ ᱵᱟᱰᱟᱭ ᱫᱟᱲᱮᱭᱟᱜ-ᱟ ᱢᱟ ᱢᱮᱱᱛᱮ ᱾

ᱟᱸᱥᱚᱜ ᱤᱧ ᱱᱚᱣᱟ ᱵᱮᱣᱨᱟ ᱫᱚ ᱥᱟᱱᱛᱟᱞᱤ ᱱᱤᱭᱩᱡᱽ ᱪᱮᱱᱮᱞ ᱛᱟᱞᱟ ᱛᱮ ᱯᱟᱨᱥᱟᱞ ᱞᱮᱱᱠᱷᱟᱱ ᱫᱤᱥᱚᱢ ᱨᱮᱱ ᱦᱚᱲ ᱠᱚ ᱡᱟᱥᱛᱤ ᱠᱷᱚᱱ ᱡᱟᱥᱛᱤ ᱠᱚ ᱵᱟᱰᱟᱭ ᱫᱟᱲᱮᱟᱜᱟ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱚᱱᱞᱟᱭᱤᱱ ᱚᱞ ᱦᱮᱯᱨᱟᱣ EDIT-A-THON 2020 ᱢᱩᱪᱟ.ᱫ ᱮᱱᱟ, ᱥᱮᱞᱮᱫ ᱞᱮᱱᱟᱠᱚ ᱯᱮ ᱫᱤᱥᱚᱢ ᱨᱮᱱ ᱚᱱᱚᱞᱤᱭᱟ.


ᱥᱮᱭᱟᱨ ᱛᱟᱵᱳᱱ ᱯᱮ
x