ᱮᱥ.ᱴᱤ ᱥᱟᱨᱴᱤᱯᱷᱤᱠᱮᱴ ᱡᱟᱞᱤᱭᱟ.ᱛᱤ ᱵᱤᱨᱩᱫᱷ ᱨᱮ ᱰᱤ.ᱮᱢ ᱰᱮᱯᱩᱴᱮᱥᱚᱱ ᱫᱩ-ᱫᱮᱞᱟ ᱯᱟ.ᱴᱷᱩᱣᱟ. ᱜᱟᱶᱛᱟᱣᱟᱜ

ᱮᱥ.ᱴᱤ ᱥᱟᱨᱴᱤᱯᱷᱤᱠᱮᱴ ᱡᱟᱞᱤᱭᱟ.ᱛᱤ ᱵᱤᱨᱩᱫᱷ ᱨᱮ ᱰᱤ.ᱮᱢ ᱰᱮᱯᱩᱴᱮᱥᱚᱱ ᱫᱩ-ᱫᱮᱞᱟ ᱯᱟ.ᱴᱷᱩᱣᱟ. ᱜᱟᱶᱛᱟᱣᱟᱜ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱮᱥ.ᱴᱤ ᱥᱟᱨᱴᱤᱯᱷᱤᱠᱮᱴ ᱡᱟ.ᱞᱤᱭᱟ.ᱛᱤ ᱤᱥᱩ ᱨᱮ ᱟ.ᱰᱤ ᱫᱤᱱ ᱠᱷᱚᱱ ᱜᱮ ᱯᱚᱱᱚᱛ ᱠᱷᱮᱨᱣᱟᱲ ᱦᱚᱯᱚᱱ ᱠᱚ ᱞᱟ.ᱭ ᱟ.ᱜᱩᱭ ᱫᱟ ᱾ ᱱᱤᱭᱟ. ᱫᱷᱟᱣ ᱡᱟᱞ ᱮᱥ.ᱴᱤ ᱥᱟᱨᱴᱤᱯᱷᱤᱠᱮᱴ ᱞᱟ.ᱭᱛᱮ ᱥᱚᱨᱠᱟᱨ ᱵᱟᱰᱟᱭ ᱚᱪᱚ ᱞᱟ.ᱜᱤᱫ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲ ᱯᱟ.ᱴᱷᱩᱣᱟ ᱜᱟᱶᱛᱟ ᱦᱚᱛᱮᱡᱛᱮ ᱞᱟᱲᱟᱣᱱᱟ ᱥᱟᱯᱲᱟᱜ ᱠᱟᱱᱟ ᱾ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲ ᱯᱟ.ᱴᱷᱣᱟ ᱜᱟᱶᱛᱟ ᱯᱩᱨᱩᱞᱤᱭᱟ. ᱤᱭᱩᱱᱤᱴ ᱦᱚᱛᱮᱡᱛᱮ ᱵᱟᱰᱟᱭ ᱚᱪᱚ ᱦᱩᱭ ᱠᱟᱱᱟ ᱫᱟᱨᱟᱭ ᱠᱟᱱ ᱒᱕ ᱥᱮᱯᱴᱮᱢᱵᱚᱨ ᱡᱟ.ᱨᱩᱢ ᱢᱟᱦᱟ ᱮᱥ.ᱴᱤ ᱥᱟᱨᱴᱤᱯᱷᱤᱠᱮᱴ ᱡᱟ.ᱞᱤᱭᱟ.ᱛᱤ ᱞᱟ.ᱭ ᱛᱮ ᱯᱩᱨᱩᱞᱤᱭᱟ. ᱰᱤ.ᱮᱢ ᱴᱷᱮᱱ ᱰᱮᱯᱩᱴᱮᱥᱚᱱ ᱛᱟᱞᱟᱛᱮ ᱞᱟ.ᱭ ᱞᱟ.ᱯᱟ.ᱭ ᱠᱚ ᱥᱟᱢᱟᱝ ᱥᱚᱫᱚᱨ ᱦᱩᱭᱩᱜ ᱟ ᱾

ᱧᱮᱞ ᱛᱟᱵᱩᱱ ᱯᱮ ᱼ ᱯᱤᱮᱥᱥᱤ ᱴᱷᱮᱱ ᱢᱤᱥᱞᱮᱱᱤᱭᱟᱥ- ᱮᱥᱴᱤ ᱠᱚᱣᱟᱜ ᱵᱟᱪᱷᱚᱱ ᱤᱫᱤᱠᱟᱛᱮ ᱥᱮᱢᱞᱮᱫᱟᱜ ᱞᱟ.ᱞᱤᱥ

ᱯᱟ.ᱴᱷᱣᱟ. ᱜᱟᱶᱛᱟᱣᱟᱜ ᱫᱟ.ᱵᱤ ᱞᱮᱠᱟᱛᱮ ᱮᱭᱟᱭ ᱜᱚᱴᱟᱝ ᱫᱟ.ᱵᱤ ᱟᱛᱮᱜ ᱰᱤ.ᱮᱢ ᱴᱷᱮᱱ ᱰᱮᱯᱩᱴᱮᱥᱚᱱ ᱮᱢ ᱦᱩᱭᱩᱜ ᱟ ᱾ ᱡᱟᱸᱦᱟᱨᱮ ᱢᱮᱱᱟᱜ ᱟ ᱡᱟᱞ ᱮᱥ.ᱴᱤ ᱥᱟᱨᱴᱤᱯᱷᱤᱠᱮᱴ ᱟᱛᱮᱜ ᱠᱚᱞᱮᱡᱽ ᱠᱚᱨᱮ ᱠᱚ ᱯᱟᱲᱦᱟᱜ ᱠᱟᱱᱟ, ᱥᱚᱨᱠᱟᱨᱤ ᱫᱚᱯᱛᱚᱨ ᱨᱮ ᱠᱚ ᱠᱟ.ᱢᱤ ᱠᱟᱱᱟ , ᱩᱱᱠᱩ ᱯᱟᱸᱡᱟ ᱧᱟᱢ ᱟᱨ ᱵᱷᱟᱨᱚᱛᱤᱭᱚ ᱦᱚᱠᱤᱛ ᱞᱮᱠᱟᱛᱮ ᱩᱱᱠᱩ ᱥᱟᱥᱮᱛ ᱮᱢ ᱾ ᱡᱟᱞ ᱥᱟᱨᱴᱤᱯᱷᱤᱠᱮᱴ ᱮᱢᱞᱮᱱ ᱥᱚᱨᱠᱟᱨᱤ ᱟᱯᱤᱥᱟᱨ ᱠᱚᱣᱟᱜ ᱦᱚᱸ ᱡᱚᱛᱷᱟᱛ ᱪᱷᱟᱱᱵᱤᱱ ᱦᱩᱭᱩᱜ ᱢᱟ ᱾ ᱮᱥ.ᱴᱤ ᱥᱟᱨᱴᱤᱯᱷᱤᱠᱮᱴ ᱪᱟᱞ ᱢᱟᱲᱟᱝ ᱯᱟᱵᱽᱞᱤᱠ ᱰᱳᱢᱮᱱ ᱳᱭᱮᱵᱽᱥᱟᱭᱤᱴ ᱨᱮ ᱥᱟᱨᱴᱤᱯᱷᱤᱠᱮᱴ ᱧᱟᱧᱟᱢᱤᱡ ᱧᱩᱛᱩᱢ ᱥᱚᱫᱚᱨ ᱥᱟᱢᱟᱝ ᱾ ᱡᱟᱞ ᱥᱟᱨᱴᱤᱯᱷᱤᱠᱮᱴ ᱟᱛᱮᱜ ᱥᱚᱨᱠᱟᱨᱤ ᱠᱟ.ᱢᱤ ᱨᱮ ᱵᱟᱦᱟᱞ ᱟᱠᱟᱱ ᱠᱟ.ᱢᱤᱭᱟ. ᱠᱚ ᱪᱟ.ᱠᱨᱤ ᱠᱷᱚᱱ ᱵᱟᱦᱮᱨ ᱾ ᱱᱤᱭᱟ. ᱥᱮᱨᱢᱟ ᱠᱚᱞᱮᱡᱽ ᱠᱚᱨᱮ ᱵᱷᱩᱨᱛᱤᱜ ᱟᱠᱟᱱ ᱠᱩᱠᱞᱤ ᱨᱟᱠᱟᱵ ᱯᱟ.ᱴᱷᱣᱟ. ᱠᱚ ᱤᱫᱤ ᱠᱟᱛᱮᱜ ᱡᱚᱛᱷᱟᱛ ᱪᱷᱟᱱ ᱵᱤᱱ ᱦᱩᱭᱩᱜ ᱢᱟ ᱮᱢᱟᱱ ᱠᱚ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱯᱤ.ᱮᱥ.ᱥᱤ ᱞᱤᱥᱴ ᱨᱮ ᱱᱚᱱ ᱮᱥ.ᱴᱤ – ᱯᱟᱨᱜᱟᱱᱟ ᱢᱚᱦᱚᱞᱟᱜ ᱢᱮᱢᱳᱨᱮᱱᱰᱟᱢ

ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲ ᱯᱟ.ᱴᱷᱣᱟ. ᱜᱟᱶᱛᱟ ᱨᱤᱱ ᱥᱚᱦᱮᱫ ᱢᱟ.ᱱ ᱥᱳᱭᱞᱮᱱ ᱵᱮᱥᱨᱟᱣᱟᱜ ᱠᱟᱛᱷᱟ ᱞᱮᱠᱟᱛᱮ ᱰᱤ.ᱮᱢ ᱰᱮᱯᱩᱴᱮᱥᱚᱱ ᱨᱮ ᱥᱮᱴᱮᱨ ᱠᱚ ᱛᱟᱸᱦᱮᱱᱟ ᱡᱤᱞᱟ. ᱠᱩᱢᱩᱴ ᱨᱤᱱ ᱑᱕ ᱜᱚᱴᱟᱝ ᱪᱟᱸᱜᱟ ᱠᱩᱢᱩᱴ ᱠᱚ ᱾ ᱥᱟᱶᱛᱮ ᱜᱚᱲᱚ ᱞᱮᱠᱟᱛᱮ ᱥᱮᱴᱮᱨ ᱠᱚ ᱛᱟᱸᱦᱮᱱᱟ ᱵᱷᱟᱨᱚᱛ ᱡᱟᱠᱟᱛ ᱢᱟ.ᱡᱷᱤ ᱯᱟᱨᱜᱟᱱᱟ ᱡᱩᱣᱟ.ᱱ ᱢᱚᱦᱚᱞ ᱟᱜ ᱯᱩᱨᱩᱞᱤᱭᱟ. ᱡᱤᱞᱟ. ᱨᱟ.ᱥᱭᱟ. ᱠᱚ ᱾ ᱯᱟᱴᱷᱣᱟᱹ ᱜᱟᱶᱛᱟ ᱛᱟᱞᱢᱟ ᱠᱩᱢᱩᱴ ᱨᱮᱱ ᱯᱟᱨᱥᱮᱫ ᱢᱟ.ᱱ ᱱᱨᱤᱯᱮᱱ ᱠᱩᱢᱟᱨ ᱢᱟᱱᱰᱤ ᱥᱮᱴᱮᱨ ᱮ ᱛᱟᱸᱦᱮᱱᱟ ᱾ ᱥᱟᱶᱛᱮ ᱛᱟᱸᱦᱮᱱᱟ ᱠᱚ ᱯᱩᱨᱩᱞᱤᱭᱟ. ᱡᱤᱞᱟ. ᱠᱩᱢᱩᱴ ᱯᱟᱨᱥᱮᱫ ᱟᱫᱤᱛᱛᱚ ᱠᱩᱢᱟᱨ ᱢᱩᱨᱢᱩ ; ᱡᱩᱣᱟᱹᱱ ᱢᱚᱦᱚᱞ ᱯᱟᱨᱥᱮᱫ ᱨᱟᱡᱮᱱᱫᱨᱚᱱᱟᱛᱷ ᱴᱩᱰᱩ ; ᱯᱩᱨᱩᱞᱤᱭᱟ. ᱱᱟᱜᱟᱨ ᱯᱟᱨᱜᱟᱱᱟ ᱚᱱᱚᱞ ᱦᱮᱢᱵᱽᱨᱚᱢ ᱜᱚᱢᱠᱮ; ᱥᱤᱫᱷᱩ ᱠᱟᱱᱦᱩ ᱡᱮᱜᱮᱫ ᱵᱤᱨᱫᱟ.ᱜᱟᱲ ᱨᱮᱱ ᱥᱟᱱᱛᱟᱲᱤ ᱥᱟᱛᱟᱢ ᱨᱮᱱ ᱮᱭᱤᱪ.ᱳ.ᱰᱤ ᱢᱟ.ᱱ ᱥᱨᱤᱯᱚᱛᱤ ᱴᱩᱰᱩ ᱮᱢᱟᱱ ᱠᱚ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱚᱨᱠᱟ.ᱨᱤ ᱫᱚᱯᱛᱚᱨ ᱨᱮ ᱮᱥ.ᱴᱤ ᱠᱚᱣᱟᱜ ᱩᱯᱨᱩᱢ ᱵᱟᱰᱟᱭ ᱞᱟ.ᱜᱤᱫ ᱪᱤᱴᱷᱤ ᱠᱷᱮᱨᱣᱟᱲ ᱜᱟᱶᱛᱟᱼᱟᱜ


ᱥᱮᱭᱟᱨ ᱛᱟᱵᱳᱱ ᱯᱮ
x