ᱤᱝᱞᱤᱥ ᱥᱟᱶᱦᱮᱫ ᱛᱟᱞᱟ ᱠᱷᱮᱨᱣᱟᱲ ᱦᱚᱯᱚᱱ ᱮᱨᱟ ᱚᱱᱚᱞᱤᱭᱟ.; ᱥᱣᱟᱯᱱᱟ ᱥᱚᱨᱮᱱ

ᱤᱝᱞᱤᱥ ᱥᱟᱶᱦᱮᱫ ᱛᱟᱞᱟ ᱠᱷᱮᱨᱣᱟᱲ ᱦᱚᱯᱚᱱ ᱮᱨᱟ ᱚᱱᱚᱞᱤᱭᱟ.; ᱥᱣᱟᱯᱱᱟ ᱥᱚᱨᱮᱱ

ᱥᱮᱭᱟᱨ ᱛᱟᱵᱳᱱ ᱯᱮ

ᱟᱨᱭᱟᱱ ᱢᱩᱨᱢᱩ; ᱵᱟᱞᱮᱥᱥᱚᱨ: ᱢᱟᱱᱣᱟ ᱥᱤᱨᱡᱚᱱᱮᱱ ᱠᱷᱚᱱᱟᱜ ᱛᱮᱦᱮᱧ ᱫᱷᱟ.ᱵᱤᱡ ᱵᱩᱥᱟ.ᱲ ᱠᱟᱣᱫᱮ ᱫᱷᱤ, ᱜᱮᱭᱟᱱ, ᱫᱤᱥᱟ. ᱛᱮ ᱢᱟᱬᱟᱝᱥᱮᱱ ᱞᱟᱦᱟᱜ ᱨᱮᱭᱟᱜ ᱮ ᱨᱤᱠᱟ. ᱟ.ᱜᱩᱭᱮᱫᱟ ᱾ ᱢᱮᱫ ᱢᱩᱴᱷᱟ.ᱱᱮᱱ ᱟᱨᱵᱟᱝ ᱦᱚᱲᱢᱚ ᱨᱮᱭᱟᱜ ᱨᱚᱝ ᱦᱩᱭᱮᱱ ᱥᱮ ᱟᱯᱱᱟᱨᱟᱜ ᱞᱟᱠᱪᱟᱨ ᱮᱱᱟᱡ ᱥᱮᱨᱮᱧ ᱠᱚ ᱤᱫᱤᱠᱟᱛᱮ ᱫᱤᱠᱩᱯᱩᱥᱤ ᱠᱚ ᱞᱟᱸᱫᱟ, ᱨᱚᱲ ᱯᱚᱥᱲᱟ ᱠᱮᱫᱵᱚᱱ ᱠᱚ ᱨᱮᱦᱚᱸ, ᱟᱵᱚ ᱥᱟᱶᱛᱟ ᱨᱤᱱ ᱢᱟᱱᱣᱟ ᱡᱟ.ᱛᱤ ᱵᱟᱵᱚᱱ ᱩᱠᱩ ᱫᱟᱱᱟᱝ ᱠᱟᱱᱟ ᱾ ᱟᱵᱚ ᱥᱟᱶᱛᱟ ᱨᱤᱱ ᱛᱤᱨᱤ ᱯᱩᱨᱩᱥ ᱥᱟᱱᱟᱢ ᱠᱚᱜᱮ ᱚᱞ ᱯᱟᱲᱦᱟᱣ ᱠᱟᱛᱮ ᱫᱤᱠᱩ ᱯᱩᱥᱤ ᱠᱚ ᱴᱷᱮᱱ ᱧᱩᱛᱩᱢ ᱥᱚᱫᱚᱨ ᱠᱟᱱ ᱨᱮᱦᱚᱸ ᱟ.ᱛᱩ ᱫᱤᱥᱚᱢ ᱨᱮᱱ ᱱᱟᱦᱟᱜ ᱡᱩᱣᱟ.ᱱ ᱯᱟ.ᱴᱷᱩᱣᱟ. ᱫᱚᱵᱚᱱ ᱥᱩᱛᱩᱜ ᱛᱟᱨᱟ ᱠᱚ ᱜᱮᱭᱟ ᱟᱨ ᱢᱟᱨᱥᱟᱞ ᱰᱟᱦᱟᱨ ᱵᱚᱱ ᱩᱫᱩᱜ ᱟᱠᱚᱣᱟ ᱾ ᱱᱚᱠᱟ ᱜᱮ ᱛᱤᱦᱤᱧ ᱟ.ᱛᱩ ᱫᱤᱥᱚᱢ ᱠᱷᱚᱱ ᱩᱰᱩᱠ ᱠᱟᱱ ᱟᱨ ᱥᱟᱱᱟᱢ ᱠᱚ ᱴᱷᱮᱱ ᱵᱟᱰᱟᱭ ᱦᱚᱪᱚ ᱨᱮᱭᱟᱜ ᱰᱟᱦᱟᱨ ᱨᱮ ᱢᱮᱱᱟᱭ ᱢᱤᱫ ᱡᱩᱣᱟ.ᱱ ᱵᱤᱴᱤ, ᱢᱟᱱᱚᱛᱟᱱᱤ ᱥᱣᱚᱯᱱᱟ ᱥᱚᱨᱮᱱ ᱵᱟᱵᱚᱫ ᱛᱮ ᱵᱚᱱ ᱵᱟᱰᱟᱭᱟ ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱵᱤᱫᱽᱞᱟ.ᱭᱤᱡ-ᱟᱜ ᱜᱮ ᱡᱤᱛᱠᱟ.ᱨ ᱦᱩᱭᱩᱜᱼᱟ; ᱳᱰᱤᱥᱟ ᱨᱮᱭᱟᱜ ᱢᱤᱫ ᱟ.ᱫᱤᱵᱟ.ᱥᱤ ᱟ.ᱛᱩ ᱠᱷᱚᱱ ᱡᱟᱛᱤᱥᱚᱝᱜᱷᱚ ᱫᱷᱟ.ᱵᱤᱡ ᱛᱮᱭᱟᱜ ᱥᱟᱸᱜᱷᱟᱨ

ᱚᱱᱞᱤᱭᱟ. ᱥᱣᱟᱯᱱᱟ ᱥᱚᱨᱮᱱ

ᱥᱣᱚᱯᱱᱟ ᱥᱚᱨᱮᱱ ᱵᱤᱴᱤ ᱫᱚ ᱳᱰᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱡᱮᱞᱞᱟ ᱵᱷᱮᱞᱮᱭᱰᱤᱦᱤ, ᱛᱤᱨᱤᱝ ᱨᱤᱱᱤᱡ ᱑᱙ ᱵᱚᱪᱷᱚᱨ ᱟ.ᱫᱤᱵᱟ.ᱥᱤ ᱦᱚᱯᱚᱱ ᱮᱨᱟ ᱠᱟᱱᱟᱭ ᱾ ᱥᱣᱚᱯᱱᱟ ᱫᱚ ᱵᱷᱩᱵᱽᱱᱮᱥᱚᱨ ᱨᱮᱭᱟᱜ ᱥᱟᱭᱤ ᱤᱱᱴᱚᱨᱱᱮᱥᱱᱟᱞ ᱥᱠᱩᱞ ᱠᱷᱚᱱ ᱯᱟᱲᱦᱟᱣ ᱨᱟᱠᱟᱵ ᱠᱟᱛᱮ, ᱭᱩᱱᱟᱭᱴᱮᱰ ᱠᱤᱝᱰᱚᱢ ᱨᱮᱭᱟᱜ ᱴᱨᱮᱸᱴ ᱡᱮᱜᱮᱛ ᱵᱤᱨᱫᱟ.ᱜᱟᱲ, ᱱᱳᱴᱤᱝᱜᱷᱚᱢ ᱨᱮ ᱰᱟᱴᱟ ᱥᱟᱭᱤᱱᱥ ᱨᱮ ᱯᱚᱲᱦᱚᱱᱚᱜ ᱠᱟᱱᱟᱭ ᱾ ᱥᱣᱚᱯᱱᱟ ᱫᱚ ᱜᱮᱞᱯᱩᱱ ᱥᱮᱨᱢᱟ ᱠᱷᱚᱱ ᱚᱱᱚᱞ, ᱚᱱᱚᱲᱦᱮ ᱠᱚ ᱚᱞ,ᱯᱟᱲᱦᱟᱣ ᱨᱮ ᱢᱚᱱᱮ ᱢᱮᱱᱟᱜ ᱛᱟᱭᱟ ᱾ ᱱᱩᱭ ᱟᱭᱢᱟ ᱜᱟᱱ ᱤᱝᱜᱽᱞᱤᱥ ᱚᱱᱚᱲᱦᱮ ᱠᱚᱭ ᱚᱞ ᱡᱟᱣᱨᱟ ᱠᱟᱫᱛᱮ ᱚᱯᱨᱮᱞ ᱒᱐᱑᱙ ᱨᱮ ᱢᱤᱫ ᱯᱚᱛᱚᱵ ᱮ ᱪᱷᱟᱯᱟ ᱥᱚᱫᱚᱨ ᱟᱠᱟᱫᱟ ᱾ ᱚᱱᱟ ᱯᱚᱛᱚᱵ ᱨᱮᱭᱟᱜ ᱧᱩᱛᱩᱢ ᱫᱚ “Of Myriad Minds” (Collection of poems) ᱠᱟᱱᱟ ᱟᱨ ᱱᱚᱶᱟ ᱫᱚ ‘Notion press, Chennai’ ᱯᱟᱦᱴᱟ ᱠᱷᱚᱱ ᱩᱪᱷᱟ.ᱱ ᱞᱮᱱᱟ ᱾ ᱥᱣᱚᱯᱱᱟ ᱚᱞ ᱟᱠᱟᱫ ᱯᱚᱛᱚᱵ ᱫᱚ ᱡᱮᱜᱮᱛ ᱡᱟᱠᱟᱛ ᱑᱕ ᱜᱚᱴᱟᱝ ᱠᱷᱚᱱ ᱡᱟ.ᱥᱛᱤ ᱫᱤᱥᱚᱢ ᱨᱮ ᱟ.ᱠᱷᱨᱤᱧᱚᱜ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱟᱢᱟᱡᱚᱱ(Amazon), ᱯᱷᱞᱤᱯᱠᱟᱨᱴ(Flipkart), ᱤᱱᱯᱷᱤᱵᱤᱢ(Infibeam) ᱟᱨ ᱟᱢᱟᱡᱚᱱ ᱠᱤᱸᱰᱤᱞ(Amazon Kindle) ᱮᱯ‌ ᱨᱮ ᱤ-ᱵᱳᱠ(E-book) ᱞᱮᱠᱟᱛᱮ ᱦᱚᱸ ᱧᱟᱢᱚᱜ ᱠᱟᱱᱟ ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱥᱟᱱᱛᱟᱲᱤ ᱢᱟᱪᱮᱫ ᱵᱟᱦᱟᱞ ᱵᱟᱠᱷᱨᱟ ᱟᱭᱥᱮᱠᱟᱜ ᱡᱷᱟᱨᱠᱷᱚᱸᱰ ᱥᱮᱪᱮᱫ ᱢᱩᱱᱛᱨᱤ ᱴᱷᱮᱱ ᱪᱤᱴᱷᱤ

ᱥᱣᱚᱯᱱᱟ ᱫᱚ ᱒᱐᱑᱙ ᱨᱮ ᱟᱡᱟᱜ ᱯᱚᱛᱚᱵ “Of Myriad Minds” ᱠᱷᱟ.ᱛᱤᱨ ᱚᱱᱞᱟ.ᱭᱤᱱ ᱞᱤᱴᱮᱨᱮᱪᱚᱨ ᱯᱷᱮᱥᱴ NE8X (Online literature fest NE8X) ᱯᱟᱦᱴᱟ ᱠᱷᱚᱱ ᱚᱱᱟ ᱥᱮᱨᱢᱟ ᱨᱤᱱᱤᱡ ᱚᱱᱚᱞᱤᱭᱟ.(Author of the year) ᱢᱮᱱᱛᱮ ᱠᱚ ᱵᱟᱪᱷᱚᱱ ᱞᱮᱫᱮᱭᱟ ᱾ ᱟᱨ ᱒᱐᱒᱐ ᱡᱮᱜᱮᱛᱟ.ᱨᱤ ᱛᱤᱨᱞᱟ. ᱢᱟᱦᱟᱸ ᱟᱠᱷᱲᱟᱨᱮ ᱥᱣᱚᱯᱱᱟ ᱫᱚ Online literature fest NE8X ᱯᱟᱦᱴᱟ ᱠᱷᱚᱱ “Sheforeword” ᱢᱮᱱᱛᱮ ᱠᱚ ᱧᱩᱢ ᱥᱟᱨᱦᱟᱣ ᱞᱟᱫᱮᱭᱟ ᱾ ᱛᱚᱵᱮ ᱟ.ᱛᱩ ᱫᱤᱥᱚᱢ ᱠᱷᱚᱱ ᱩᱰᱩᱠ ᱠᱟᱱ ᱢᱤᱫ ᱟ.ᱫᱤᱵᱟ.ᱥᱤ ᱡᱤᱣᱟ.ᱱ ᱛᱤᱨᱞᱟ. ᱞᱮᱠᱟᱛᱮ, ᱟᱡᱨᱤᱱ ᱟᱭᱚ ᱵᱟᱵᱟ ᱟᱨ ᱵᱟᱝᱢᱟ ᱟ.ᱛᱩ ᱫᱤᱥᱚᱢ ᱦᱚᱲ ᱟ.ᱰᱤ ᱜᱚᱨᱚᱵᱽ ᱠᱚ ᱟ.ᱭᱠᱟ.ᱣᱮᱫᱟ ᱟᱨ ᱛᱟᱭᱚᱢᱥᱮᱱ ᱨᱮ ᱢᱮᱱᱟᱜ ᱠᱚ ᱯᱟ.ᱴᱷᱩᱣᱟ. ᱠᱚ ᱞᱟ.ᱜᱤᱫ ᱢᱤᱫ ᱢᱟᱨᱥᱟᱞ ᱰᱟᱦᱟᱨᱮ ᱩᱫᱩᱜ ᱠᱟᱱᱟ ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱒᱕ ᱥᱮᱨᱢᱟᱠᱤᱭᱟ. ᱠᱟᱨᱟᱢ ᱯᱚᱨᱚᱵᱽ ᱢᱟᱱᱟᱣ ᱦᱩᱭᱮᱱᱟ ᱵᱟᱝᱞᱟᱫᱮᱥ ᱨᱮ


ᱥᱮᱭᱟᱨ ᱛᱟᱵᱳᱱ ᱯᱮ
x