Three Nation Online Writing competition Edit-A-Thon 2020 is over

ᱚᱱᱞᱟᱭᱤᱱ ᱚᱞ ᱦᱮᱯᱨᱟᱣ EDIT-A-THON 2020 ᱢᱩᱪᱟ.ᱫ ᱮᱱᱟ, ᱥᱮᱞᱮᱫ ᱞᱮᱱᱟᱠᱚ ᱯᱮ ᱫᱤᱥᱚᱢ ᱨᱮᱱ ᱚᱱᱚᱞᱤᱭᱟ.

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱰᱤᱡᱤᱴᱟᱞ ᱰᱮᱥᱠ: ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱵᱟᱨ ᱥᱮᱨᱢᱟ ᱯᱩᱨᱩᱱ ᱚᱠᱛᱚ ᱨᱮ ᱢᱤᱫ ᱚᱱ-ᱞᱟᱭᱤᱱ ᱚᱞ ᱥᱟᱯᱲᱟᱣ ᱦᱮᱯᱮᱨᱟᱣ ᱐᱑ ᱡᱩᱱ ᱒᱐᱒᱐ ᱠᱷᱚᱱ ᱐᱒ ᱚᱜᱚᱥᱴ ᱒᱐᱒᱐ ᱫᱷᱟᱹᱵᱤᱡ ᱛᱚᱸᱜᱮ ᱞᱮᱱᱟ ᱾ ᱱᱚᱣᱟ ᱚᱱᱚᱞ ᱦᱮᱯᱮᱨᱟᱣ ᱨᱮ ᱥᱤᱧᱚᱛ ᱵᱟᱝᱞᱟᱫᱤᱚᱢ, ᱱᱮᱯᱟᱞ ᱠᱷᱚᱱ ᱒᱐ ᱦᱚᱲ ᱚᱱᱚᱞᱤᱭᱟᱹ ᱠᱚ ᱥᱮᱞᱮᱫ ᱞᱮᱱᱟ ᱾ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱡᱟᱱᱟᱢ ᱢᱟᱦᱟᱸ ᱩᱭᱦᱟᱹᱨ ᱫᱚᱦᱚ ᱥᱟᱶ ᱣᱤᱠᱤᱯᱤᱰᱤᱭᱟ ᱨᱮ ᱚᱱᱚᱞ ᱥᱟᱸᱜᱮᱜ ᱢᱟ, ᱚᱱᱚᱞᱤᱭᱟᱹ ᱠᱚ ᱢᱩᱫᱽ ᱨᱮ ᱩᱯᱩᱨᱩᱢ ᱦᱩᱭᱩᱜ ᱢᱟ , ᱱᱟᱯᱟᱭ ᱥᱟᱹᱜᱟᱹᱭ ᱛᱟᱦᱮᱱ ᱢᱟ, ᱟᱨ ᱚᱱᱚᱞᱤᱭᱟᱹ ᱠᱚ ᱢᱟᱱ ᱟᱨ ᱥᱟᱨᱦᱟᱣ ᱮᱢ ᱡᱚᱥ ᱫᱤᱥᱟᱹᱛᱮ ᱱᱚᱣᱟ ᱦᱮᱯᱮᱨᱟᱣ ᱛᱚᱸᱜᱮ ᱞᱮᱱᱟ ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱫᱤᱱᱟᱡᱽᱯᱩᱨ ᱨᱮ ᱥᱟᱱᱛᱟᱲᱤ ᱣᱠᱤᱯᱤᱰᱤᱭᱟ ᱨᱮᱭᱟᱜ ᱫᱚᱥᱟᱨ ᱥᱮᱨᱢᱟ ᱠᱤᱭᱟ. ᱢᱟᱱᱟᱣ

ᱱᱚᱣᱟ ᱚᱞ ᱦᱮᱯᱮᱨᱟᱣ ᱨᱮ ᱡᱷᱟᱨᱠᱟᱸᱰ ᱯᱚᱱᱚᱛ ᱨᱤᱱᱤᱡ ᱨᱚᱢᱮᱥ ᱢᱩᱨᱢᱩ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱑᱗᱔ ᱜᱚᱴᱟᱝ ᱚᱱᱚᱞ ᱮ ᱚᱞ ᱟᱠᱟᱫ-ᱟ ᱚᱱᱟ ᱛᱟᱭᱚᱢ, ᱳᱰᱤᱥᱟ ᱯᱚᱱᱚᱛ ᱨᱤᱱᱤᱡ ᱨᱟᱢᱡᱤᱛ ᱴᱩᱰᱩ ᱑᱕᱘ ᱜᱚᱴᱟᱝ ᱚᱱᱚᱞ ᱚᱱᱟ ᱛᱟᱭᱚᱢ ᱡᱷᱟᱨᱠᱟᱸᱰ ᱯᱚᱱᱚᱛ ᱨᱤᱱᱤᱡ ᱵᱤᱡᱮᱱᱫᱽᱨᱚ ᱦᱟᱸᱥᱫᱟ ᱑᱒᱕ ᱜᱚᱴᱟᱝ , ᱯᱩᱪᱷᱤᱢ ᱯᱟᱝᱞᱟ ᱨᱤᱱᱤᱡ ᱵᱳᱫᱤ ᱵᱟᱥᱠᱮ ᱑᱑᱑ ᱜᱚᱴᱟᱝ , ᱳᱰᱤᱥᱟ ᱯᱚᱱᱚᱛ ᱨᱤᱱᱤᱡ ᱟᱨᱭᱚᱱ ᱢᱩᱨᱢᱩ ᱗᱕ ᱜᱚᱴᱟᱝ ᱟᱨ ᱟᱥᱟᱢ ᱯᱚᱱᱚᱛ ᱨᱤᱱᱤᱡ ᱡᱚᱭ ᱥᱟᱜᱚᱨ ᱢᱩᱨᱢᱩ ᱖᱙ ᱜᱚᱴᱟᱝ ᱚᱱᱚᱞ ᱠᱚ ᱚᱞ ᱟᱛᱮᱫ ᱪᱚᱴᱟᱛ ᱛᱩᱨᱩᱭ ᱜᱚᱴᱟᱝ ᱴᱷᱟᱶ ᱠᱚ ᱟᱢᱮᱴ ᱟᱠᱟᱫ-ᱟ ᱾ ᱱᱚᱣᱟ ᱦᱮᱯᱨᱟᱣ ᱨᱮ ᱡᱷᱟᱨᱠᱟᱸᱰ ᱨᱤᱱᱤᱡ ᱱᱚᱱᱫᱽ ᱠᱤᱥᱳᱨ ᱢᱩᱨᱢᱩ , ᱯᱩᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱫᱩᱨᱜᱟᱯᱚᱫᱚ ᱵᱟᱥᱠᱮ , ᱟᱨ ᱳᱰᱤᱥᱟ ᱯᱚᱱᱚᱛ ᱨᱤᱱᱤᱡ ᱵᱤᱡᱚᱭᱚᱞᱚᱠᱷᱤᱢ ᱥᱚᱨᱮᱱ ᱯᱩᱭᱞᱩ ᱫᱷᱟᱣ ᱣᱤᱠᱤᱯᱤᱰᱤᱭᱟ ᱦᱮᱯᱮᱨᱟᱣ ᱨᱮ ᱠᱚ ᱟᱬᱜᱚ ᱞᱮᱱᱟ ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: The story of an orphaned sibling karo and Kuili and “Gomha” the festival of kherwar community

ᱥᱮᱞᱮᱫ ᱟᱠᱟᱱ ᱒᱐ ᱦᱚᱲ ᱠᱷᱚᱱ ᱔ ᱦᱚᱲ ᱫᱚ ᱠᱩᱲᱤ ᱠᱟᱱᱟ ᱠᱚ , ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱨᱮ ᱠᱩᱲᱤ ᱦᱚᱯᱚᱱ-ᱟ ᱮᱱᱮᱢ ᱦᱚᱸ ᱥᱟᱨᱦᱟᱣ ᱟᱱ ᱠᱟᱱ ᱜᱮᱭᱟ ᱾ ᱦᱮᱯᱮᱨᱟᱣ ᱨᱮ ᱦᱟᱯᱛᱟ ᱯᱤᱪᱷᱤ ᱦᱟᱨᱟ ᱦᱟᱨᱤ ᱙᱖ ᱜᱚᱴᱟᱝ ᱚᱱᱚᱞ ᱚᱞᱚᱜ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱦᱮᱯᱮᱨᱟᱣ ᱢᱩᱪᱟᱹᱫ ᱨᱮ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱨᱮ ᱔᱒᱖᱐ ᱜᱚᱴᱟᱝ ᱚᱱᱚᱞ ᱚᱞ ᱦᱩᱭ ᱥᱟᱹᱛ ᱟᱠᱟᱱᱟ ᱾ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱵᱟᱨ ᱥᱮᱨᱢᱟ ᱯᱩᱨᱟᱹᱣ ᱚᱠᱛᱚᱨᱮ ᱥᱤᱧᱚᱛ ᱨᱤᱱᱤᱡ ᱣᱤᱠᱤᱯᱤᱰᱤᱭᱟ ᱪᱟᱪᱞᱟᱣᱤᱭᱟᱹ ᱟᱨ ᱚᱥᱣᱚᱱᱤ ᱵᱚᱱᱡᱚᱱ ᱢᱩᱨᱢᱩ ᱡᱮᱜᱮᱛ ᱨᱮ ᱢᱮᱱᱟᱜ ᱠᱚ ᱥᱟᱱᱟᱢ ᱥᱟᱱᱛᱟᱲ ᱠᱚ ᱥᱟᱶ ᱣᱤᱠᱤᱯᱤᱰᱤᱭᱟ ᱨᱮ ᱢᱮᱱᱟᱜ ᱥᱚᱦᱮᱫ ᱠᱚ ᱟᱠᱚᱣᱟᱜ ᱜᱚᱲᱚ ᱥᱚᱦᱚᱫ ᱟᱨ ᱛᱷᱩᱢ ᱠᱷᱟᱹᱛᱤᱨ ᱜᱩᱱ ᱢᱟᱱ ᱥᱟᱨᱦᱟᱣ ᱮ ᱪᱟᱞ ᱟᱠᱟᱫ-ᱟ ᱾ ᱥᱟᱱᱟᱢ ᱠᱚᱣᱟᱜ ᱜᱚᱲᱚᱥᱚᱦᱚᱫ ᱛᱚᱸᱜᱮᱨᱮ ᱛᱟᱦᱮᱱ ᱢᱟ ᱢᱮᱱᱛᱮᱫ ᱮ ᱱᱮᱦᱚᱨ ᱟᱠᱟᱫ-ᱟ ᱾ ᱱᱚᱣᱟ ᱛᱟᱠᱨᱮ ᱣᱤᱨᱤᱢᱤᱰᱤᱭᱟ ᱨᱤᱤᱱᱤᱡ ᱯᱷᱟᱶᱰᱚᱨ ᱡᱤᱢᱢᱤ ᱣᱮᱞᱥ ᱟᱨ ᱥᱤ-ᱤ-ᱳ ᱠᱟᱛᱷᱮᱨᱤᱱ ᱢᱟᱦᱮᱨ ᱥᱟᱨᱦᱟᱣ ᱵᱮᱣᱨᱟ ᱴᱣᱤᱴᱚᱨ ᱛᱩᱞᱩᱡ ᱠᱤᱱ ᱵᱟᱰᱟᱭ ᱚᱪᱚ ᱟᱠᱟᱫ-ᱟ ᱾

ᱟᱨᱦᱚᱸ ᱯᱟᱲᱦᱟᱣ ᱢᱮ: ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱵᱮᱱᱟᱣ ᱨᱮᱱᱟᱜ ᱱᱟᱜᱟᱢ


ᱥᱮᱭᱟᱨ ᱛᱟᱵᱳᱱ ᱯᱮ
x