ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱫᱚᱥ ᱟᱠᱟᱫᱟᱢ ! ᱟᱢ ᱫᱚ ᱢᱩᱨᱢᱩ, ᱟᱢ ᱫᱚ ᱥᱟᱱᱛᱟᱲ, ᱨᱚᱲ ᱛᱟᱢ ᱥᱟᱱᱛᱟᱲᱤ ! ᱦᱩᱭ ᱫᱟᱲᱮᱭᱟᱜ-ᱟ ᱟᱢ ᱫᱚ ᱢᱟᱪᱮᱫ, ᱵᱷᱟᱨᱚᱛ ᱨᱮᱱᱟᱜ ᱯᱩᱭᱞᱩ ᱛᱷᱚᱠ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱱ ᱯᱨᱚᱯᱷᱮᱥᱟᱨ ᱾ ᱢᱮᱱᱠᱷᱟᱱ ᱟᱢᱟᱜ ᱯᱟᱹᱨᱤᱥ ᱜᱮ ᱥᱚᱫᱚᱨ ᱥᱟᱢᱟᱝ ᱮᱫᱟᱭ ᱟᱢᱟᱜ ᱥᱮᱪᱮᱫ ᱥᱮᱬᱟ ᱫᱚ ᱵᱟᱹᱱᱩᱜ ᱟᱱᱟ ᱾ ᱟᱢ ᱫᱚ ᱢᱩᱨᱢᱩ ᱚᱱᱟᱛᱮ ᱢᱟᱪᱮᱫ ᱥᱮ ᱯᱨᱚᱯᱷᱮᱥᱟᱨ ᱠᱟᱱᱟᱢ ᱚᱱᱟ ᱨᱮᱱᱟᱜ ᱢᱟᱹᱱ ᱦᱚᱸ ᱵᱟᱹᱱᱩᱜ ᱟᱱᱟ ᱾ ᱤᱧ ᱡᱟᱦᱟᱧ ᱢᱮᱱᱟ , ᱟᱞᱮ ᱡᱟᱸᱦᱟ ᱞᱮ ᱢᱮᱱᱟ ᱚᱱᱟ ᱜᱮ ᱥᱟᱹᱨᱤ ᱥᱟᱹᱨᱭᱟᱹᱲ ᱚᱱᱟ ᱜᱮ ᱵᱷᱟᱨᱚᱛ ᱞᱮᱠᱟᱱ ᱢᱟᱨᱟᱝ ᱜᱚᱱᱚᱛᱚᱱᱛᱨᱚ ᱨᱮᱱᱟᱜ ᱟᱹᱱ ᱟᱹᱨᱤ ᱵᱤᱪᱟ.ᱨ ᱫᱷᱟᱨᱟ ᱾ ᱟᱫᱚ ? ᱫᱤᱥᱚᱢ ᱦᱚᱲ ᱥᱟᱢᱟᱝ ᱨᱮ ᱟᱢᱟᱜ ᱢᱟᱹᱱ, ᱩᱯᱨᱩᱢ ᱤᱧ ᱥᱚᱞᱚᱢ ᱞᱚᱴᱚᱢ ᱛᱟᱢᱟ ᱾ ᱦᱩᱭ ᱫᱟᱲᱮᱭᱜ-ᱟ ᱟᱢ ᱫᱚ ᱯᱨᱯᱷᱮᱥᱟᱨ ᱤᱧ ᱫᱚ ᱯᱟᱴᱷᱣᱟᱹ , ᱩᱢᱮᱨ ᱨᱮᱱᱟᱜ ᱮᱞ ᱢᱟᱹᱱ ᱫᱚ ᱟᱨ ᱦᱚᱸ ᱛᱟᱭᱚᱢ ᱨᱮᱱᱟᱜ ᱦᱩᱫᱤᱥ ᱾
ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱜᱟ.ᱠᱷᱩᱲᱤᱭᱟ. ᱢᱚᱨᱩᱱᱟ ᱢᱩᱨᱢᱩᱣᱟᱜ ᱫᱟᱨᱮ ᱨᱚᱦᱚᱭ ᱦᱩᱞᱜᱟ.ᱲᱤᱭᱟ. ᱯᱷᱩᱞᱚ ᱡᱷᱟᱱᱚ ᱩᱭᱦᱟ.ᱨᱛᱮ
ᱜᱷᱚᱴᱚᱱ ᱫᱚ ᱡᱟᱫᱚᱵᱽᱯᱩᱨ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱱ ᱱᱟᱜᱟᱢ ᱥᱟᱛᱟᱢ ᱨᱤᱱᱤᱡ ᱯᱨᱚᱯᱷᱮᱥᱟᱨ ᱢᱚᱨᱩᱱᱟ ᱢᱩᱨᱢᱩ ᱥᱟᱶ ᱾ ᱵᱟᱰᱟᱭ ᱧᱟᱢ ᱟᱠᱟᱱᱟ ᱠᱤᱪᱷᱩ ᱫᱤᱱ ᱞᱟᱦᱟ ᱢᱟᱱᱚᱛᱟᱱᱤ ᱢᱩᱨᱢᱩ ᱟᱡᱟᱜ ᱯᱷᱮᱥᱵᱩᱠ ᱜᱟᱛᱮ ᱜᱟᱫᱮᱞ ᱨᱮᱱ ᱢᱤᱫ ᱦᱚᱲᱟᱜ ᱯᱳᱥᱴ ᱨᱮ ᱠᱚᱢᱮᱱᱴ ᱠᱷᱚᱱ ᱜᱮ ᱜᱷᱚᱴᱚᱱ ᱨᱮᱭᱟᱜ ᱮᱛᱚᱦᱚᱵ ᱫᱚ ᱾ ᱠᱚᱨᱳᱱᱟ ᱞᱟᱥᱟᱲᱦᱮᱫ ᱛᱮ ᱢᱩᱪᱟᱹᱫ ᱥᱮᱱᱤᱥᱴᱟᱨ ᱨᱮᱱᱟᱜ ᱵᱤᱱᱤᱰ ᱦᱟᱛᱟᱣ ᱩᱪᱤᱛ ᱵᱟᱝ ᱛᱟᱸᱦᱮ ᱠᱟᱱᱟ ᱢᱮᱱᱛᱮ ᱞᱟᱹᱭ ᱥᱚᱫᱚᱨ ᱞᱮᱫᱟᱭ ᱢᱟᱱᱚᱛᱟᱱᱤ ᱢᱩᱨᱢᱩ ᱾ ᱯᱷᱩᱨᱜᱟᱹᱞ ᱟᱠᱟᱱ ᱵᱷᱟᱨᱚᱛ ᱫᱤᱥᱚᱢ ᱨᱮ ᱚᱠᱚᱭ ᱢᱤᱫ ᱦᱚᱲ ᱥᱮ ᱜᱟᱸᱛᱟᱠ ᱠᱚ ᱫᱩᱠ ᱵᱟᱝ ᱮᱢ ᱠᱟᱛᱮᱜ ᱨᱚᱲ ᱥᱟᱰᱮ ᱨᱮᱱᱟᱜ ᱟ.ᱭᱫᱟ.ᱨ ᱮ ᱮᱢ ᱠᱟᱱᱟ ᱵᱷᱟᱨᱚᱛᱤᱭᱚ ᱦᱚᱠᱤᱛ ᱾ ᱛᱚᱵᱮ ᱠᱚᱢᱮᱱᱴ ᱤᱫᱤ ᱠᱟᱛᱮᱜ ᱜᱮ ᱵᱮᱛᱷᱩᱱ ᱠᱚᱞᱮᱡᱽ ᱨᱮᱱ ᱢᱩᱪᱟᱹᱫ ᱥᱮᱢᱤᱥᱴᱟᱨ ᱨᱮ ᱯᱟᱲᱦᱟᱜ ᱠᱟᱱ ᱢᱤᱫ ᱯᱟᱴᱷᱣᱟᱹ ᱢᱟᱱᱚᱛᱟᱱᱤ ᱢᱩᱨᱢᱩᱣᱟᱜ ᱡᱟᱹᱛ ᱯᱟᱹᱨᱤᱥ ᱤᱫᱤ ᱠᱟᱛᱮᱜ ᱢᱮᱢᱮᱱ ᱮ ᱛᱷᱚᱵ ᱠᱮᱫᱟ ᱾ ᱯᱟᱨᱚᱢᱤ ᱜᱷᱳᱥ ᱧᱩᱛᱩᱢᱟᱱ ᱩᱱᱤ ᱠᱩᱲᱤ ᱜᱤᱫᱽᱨᱟ. ᱢᱚᱨᱩᱱᱟ ᱢᱩᱨᱢᱩ ᱛᱩᱧ ᱠᱟᱛᱮᱜ ᱢᱮᱛᱟ ᱫᱮᱭᱟ ᱼ ‘ᱡᱟᱛᱮᱨ ᱫᱳᱣᱞᱚᱛᱮ ᱮᱜᱤᱭᱮ ᱟᱥᱟ ᱠᱤᱪᱷᱩ ᱡᱳᱜᱽᱜᱚᱛᱟᱦᱤᱱ ᱚᱯᱚᱫᱟᱨᱛᱷ’.. ( ᱡᱟ.ᱛᱤ (ᱠᱳᱴᱟ) ᱥᱩᱛᱩᱜ ᱛᱮ ᱞᱟᱦᱟᱣ ᱟᱠᱟᱱ ᱵᱮᱼᱟ.ᱠᱤᱞᱟᱱ ᱞᱟᱛᱟᱨ ᱜᱟᱸᱛᱟᱠ ᱦᱚᱲ) ᱾ ᱟᱨ ᱦᱚᱸ ᱢᱤᱫ ᱯᱳᱥᱴ ᱨᱮ ᱩᱱᱤ ᱠᱩᱲᱤ ᱜᱤᱫᱽᱨᱟ ᱢᱚᱨᱩᱱᱟ ᱢᱩᱨᱢᱩ ᱛᱩᱧ ᱠᱟᱛᱮᱜ ᱯᱳᱥᱴ ᱠᱟᱫᱟᱭ ‘ᱛᱚᱛᱷᱟᱠᱛᱷᱤᱛᱚ ᱚᱫᱽᱫᱷᱟᱯᱤᱠᱟ ᱫᱮᱨ ᱵᱮᱛᱚᱱ ᱪᱚᱨᱵᱤᱨ ᱥᱛᱚᱨ ᱚᱱᱮᱠ ᱯᱩᱨᱩ ᱠᱚᱨᱮ ᱫᱤᱭᱮᱪᱷᱮ’ ( ᱯᱨᱚᱯᱷᱮᱥᱟᱨ (ᱢᱚᱨᱩᱱᱟ ᱢᱩᱨᱢᱩ) ᱠᱚᱣᱟᱜ ᱵᱮᱛᱚᱱ ᱤᱛᱤᱞ ᱫᱟ.ᱨᱭᱟᱣ ᱠᱟᱜ ᱛᱟᱠᱚᱣᱟ) ᱾ ᱡᱟᱸᱦᱟ ᱨᱮ ᱠᱚᱨᱳᱱᱟ ᱦᱚᱛᱮᱡᱛᱮ ᱥᱠᱩᱞ ᱠᱚᱞᱮᱡ ᱵᱚᱱᱫᱚ ᱚᱸᱰᱮ ᱱᱚᱝᱠᱟ ᱢᱮᱢᱮᱱ ᱫᱚ ᱚᱠᱟ ᱠᱚᱬ ᱛᱮᱦᱚᱸ ᱡᱚᱛᱷᱟᱛ ᱫᱚ ᱵᱟᱝ ᱟ ᱾ ᱟᱨ ᱢᱤᱫᱴᱟᱝ ᱢᱩᱨᱢᱩ , ᱟ.ᱫᱤᱵᱟ.ᱥᱤ ᱮᱢᱟᱱ ᱡᱟ.ᱛ ᱤᱫᱤ ᱠᱟᱛᱮᱜ ᱨᱚᱲ ᱯᱟᱨᱚᱢ ᱫᱚ ᱦᱚᱠᱤᱛ ᱵᱤᱨᱩᱫᱷ ᱦᱚᱸ ᱠᱟᱱᱟ ᱾
ᱧᱮᱞ ᱛᱟᱵᱩᱱ ᱯᱮ ᱺ ᱟᱥᱮᱠᱟ ᱡᱷᱟᱨᱠᱷᱚᱸᱰ ᱵᱳᱠᱟᱨᱳ ᱪᱟᱸᱜᱟ ᱥᱮᱢᱞᱮᱫ ᱫᱟᱨᱟᱭ ᱚᱞ ᱪᱤᱠᱤ ᱤᱛᱩᱱ ᱟᱥᱲᱟ
ᱥᱟ.ᱨᱤ ᱠᱟᱛᱷᱟ ᱢᱮᱱᱛᱮ ᱫᱚ ᱱᱤᱭᱟ. ᱜᱷᱚᱴᱚᱱ ᱫᱚ ᱢᱤᱫᱴᱟᱟᱝ ᱥᱩᱢᱩᱝ ᱜᱷᱚᱴᱚᱱ ᱫᱚ ᱵᱟᱝ ᱠᱟᱱᱟ ᱾ ᱢᱤᱫ ᱛᱷᱚᱠ ᱨᱮᱱ ᱦᱚᱲ ᱟᱨ ᱢᱤᱫ ᱛᱷᱚᱠ ᱨᱮᱱ ᱦᱚᱲ ᱫᱟᱵᱟᱣ ᱫᱚᱦᱚ ᱞᱟ.ᱜᱤᱫ ᱡᱟᱭ ᱡᱩᱜᱽ ᱜᱮ ᱠᱚ ᱠᱟ.ᱢᱤ ᱟ.ᱜᱩᱭ ᱫᱟ ᱠᱚ ᱾ ᱯᱷᱩᱨᱜᱟ.ᱞ ᱵᱷᱟᱨᱟᱛ ᱨᱮᱦᱚᱸ ᱚᱱᱟ ᱨᱮᱱᱟᱜ ᱵᱚᱫᱚᱞ ᱵᱟ.ᱱᱩᱜ ᱾ ᱢᱤᱫ ᱢᱩᱨᱢᱩᱣᱟᱜ ᱵᱟᱸᱴᱩᱞ ᱛᱮ ᱥᱟᱥᱮᱛᱤᱭᱟ. ᱠᱞᱤᱵᱷᱞᱮᱱᱰ ᱜᱚᱡ ᱱᱟᱭ, ᱢᱮᱱᱠᱷᱟᱱ ᱯᱷᱩᱨᱜᱟ.ᱞ ᱞᱟ.ᱲᱦᱟ.ᱭ ᱨᱮᱱ ᱯᱩᱭᱞᱩ ᱥᱚᱦᱤᱫ ᱢᱮᱱᱛᱮ ᱧᱩᱛᱩᱢ ᱵᱟᱭ ᱧᱟᱢ ᱞᱮᱫᱟ ᱾ ᱵᱟᱨ ᱢᱩᱨᱢᱩ ᱵᱚᱭᱦᱟ ᱦᱩᱞ ᱦᱩᱞ ᱢᱮᱱᱛᱮ ᱵᱨᱤᱴᱤᱥ ᱮ ᱠᱟ.ᱦᱤᱞ ᱠᱮᱫᱮᱭᱟᱠᱤᱱ ᱢᱮᱱᱠᱷᱟᱱ ᱱᱟᱜᱟᱢ ᱥᱟᱠᱟᱢ ᱨᱮ ᱧᱩᱛᱩᱢ ᱫᱚ ᱵᱟ.ᱱᱩᱜ ᱛᱟ.ᱠᱤᱱ ᱾ ᱵᱷᱚᱸᱡᱽ ᱨᱮ ᱢᱤᱫ ᱢᱩᱨᱢᱩ ᱡᱟᱱᱟᱢ ᱮᱱᱟᱭ ᱾ ᱡᱟᱸᱦᱟᱭᱟᱜ ᱚᱱᱚᱬᱦᱮᱸ, ᱠᱟ.ᱦᱱᱤ, ᱥᱮᱨᱮᱧ, ᱜᱟᱭᱟᱱ, ᱯᱷᱤᱞᱚᱡᱚᱯᱷᱤᱠᱟᱞ, ᱯᱟ.ᱨᱥᱤ ᱜᱟ.ᱠᱷᱩᱲᱤᱭᱟ. ᱮᱢᱟᱱ ᱟ.ᱰᱤ ᱟᱢᱫᱟ ᱥᱟᱛᱟᱢ ᱨᱮ ᱜᱮᱭᱟᱱ ᱨᱤᱱᱤᱡ ᱢᱩᱨᱟ.ᱭ ᱾ ᱩᱱᱤ ᱦᱚᱸ ᱵᱷᱟᱨᱚᱛ ᱡᱟᱠᱟᱛ ᱢᱟ.ᱱ ᱮ ᱧᱟᱢ ᱠᱟᱫᱟᱭ ᱠᱤ ?
ᱧᱮᱞ ᱛᱟᱵᱩᱱ ᱯᱮ ᱺ ᱤᱝᱞᱤᱥ ᱥᱟᱶᱦᱮᱫ ᱛᱟᱞᱟ ᱠᱷᱮᱨᱣᱟᱲ ᱦᱚᱯᱚᱱ ᱮᱨᱟ ᱚᱱᱚᱞᱤᱭᱟ.; ᱥᱣᱟᱯᱱᱟ ᱥᱚᱨᱮᱱ
ᱟᱥᱚᱞᱮ ᱩᱱᱠᱩ ᱫᱚ ᱢᱩᱨᱢᱩ ! ᱚᱱᱟᱛᱮ ᱱᱟᱜᱟᱢ ᱨᱮᱱᱟᱜ ᱥᱟᱠᱟᱢ ᱨᱮ ᱩᱱᱩᱣᱟᱜ ᱧᱩᱛᱩᱢ ᱵᱟ.ᱱᱩᱜ ᱢᱟ.ᱱ ᱵᱟ.ᱱᱩᱜ ᱾ ᱩᱱᱠᱩ ᱞᱟ.ᱜᱤᱫ ᱫᱚ ᱢᱮᱱᱟᱜ ᱮᱠᱷᱮᱱ ᱦᱤᱨᱠᱷᱟ. ᱾ ᱢᱟᱱᱚᱛᱟᱱᱤ ᱢᱚᱨᱩᱱᱟ ᱢᱩᱨᱢᱩᱣᱟᱜ ᱜᱷᱚᱴᱚᱱ ᱫᱚ ᱱᱚᱣᱟ ᱦᱤᱨᱠᱷᱟ. ᱨᱮᱱᱟᱜ ᱱᱟᱣᱟ ᱥᱮᱞᱮᱫ ᱾ ᱛᱚᱵᱮ ᱞᱟ.ᱭ ᱡᱚᱝ ᱞᱮᱠᱟ ᱠᱟᱛᱷᱟ ᱫᱚ ᱱᱚᱣᱟ ᱦᱤᱨᱠᱷᱟ. ᱵᱤᱨᱩᱫᱷ ᱛᱮ ᱞᱟᱦᱟ ᱦᱤᱡᱩᱜ ᱠᱟᱱᱟ ᱠᱚ ᱠᱷᱮᱨᱣᱟᱲ ᱦᱚᱯᱚᱱ ᱾ ᱯᱷᱮᱥᱵᱩᱠ ᱨᱮ ᱯᱟᱥᱱᱟᱣ ᱠᱟᱱᱟ AdivasiTeachers matter #StandwithDrMaroonaMurmu ᱾ ᱞᱟᱥᱮᱨ ᱠᱚᱞᱚᱢ ᱟᱛᱮᱜ ᱚᱞ ᱠᱚ ᱦᱚᱸ ᱠᱚ ᱥᱟᱯᱲᱟᱣ ᱮᱫᱟ ᱠᱷᱮᱨᱣᱟᱲ ᱦᱚᱯᱚᱱ ᱾ ᱟ.ᱰᱤ ᱟᱢᱫᱟ ᱫᱤᱠᱩ ᱦᱚᱯᱚᱱ ᱥᱟᱶ ᱫᱤᱠᱩ ᱜᱟᱶᱛᱟ ᱠᱚ ᱦᱚᱸ ᱱᱚᱣᱟ ᱵᱤᱨᱩᱫᱷ ᱛᱮ ᱠᱚ ᱢᱮᱱ ᱮᱫᱟ ᱾ ᱯᱟᱞᱮᱱ ᱵᱟ.ᱭ ᱵᱟ.ᱭ ᱛᱮ ᱱᱚᱝᱠᱟ ᱠᱟᱛᱮᱜ ᱜᱮ ᱞᱟᱜᱟ ᱥᱟ.ᱜᱤᱧᱚᱜ ᱟ ᱡᱟ.ᱛᱤᱭᱟ.ᱨᱤ ᱦᱤᱨᱠᱷᱟ. ᱾ ᱵᱮᱛᱷᱩᱱ ᱠᱚᱞᱮᱡᱽ ᱨᱮᱱ ᱵᱟᱝᱞᱟ ᱪᱟᱱᱟᱪ ᱨᱮᱱ ᱢᱟᱨᱟᱝ ᱯᱨᱚᱯᱷᱮᱥᱟᱨ ᱱᱚᱣᱟ ᱜᱷᱚᱴᱚᱱ ᱵᱟ.ᱲᱤᱡ ᱦᱩᱭ ᱠᱟᱱᱟ ᱢᱮᱱᱛᱮ ᱞᱟ.ᱭ ᱥᱚᱫᱟᱨ ᱟᱠᱟᱫᱟᱭ ᱾ ᱛᱟᱵᱮ ᱟ.ᱱ ᱞᱮᱠᱟᱛᱮ ᱩᱱᱤ ᱠᱩᱲᱤ ᱪᱮᱛᱟᱱ ᱯᱟ.ᱣᱲᱤ ᱫᱚ ᱵᱟᱝ ᱦᱟᱛᱟᱣ ᱦᱩᱭ ᱠᱟᱱᱟ ᱾ ᱦᱚᱠᱤᱛ ᱞᱮᱠᱟᱛᱮ ᱱᱚᱣᱟ ᱜᱷᱚᱴᱚᱱ ᱛᱩᱞᱟ. ᱡᱚᱠᱷᱟ ᱞᱮᱠᱷᱟᱱ ᱜᱮ ᱵᱷᱟᱨᱚᱛᱤᱭᱚ ᱦᱚᱠᱤᱛᱟᱜ ᱡᱤᱛᱠᱟ.ᱨ ᱫᱚ ᱾
ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱢᱟᱪᱮᱫ ᱵᱟᱦᱟᱞ ᱵᱟᱠᱷᱨᱟ ᱟᱭᱥᱮᱠᱟᱜ ᱡᱷᱟᱨᱠᱷᱚᱸᱰ ᱥᱮᱪᱮᱫ ᱢᱩᱱᱛᱨᱤ ᱴᱷᱮᱱ ᱪᱤᱴᱷᱤ
