ᱵᱟᱸᱠᱩᱲᱟ ᱡᱮᱸᱜᱮᱫ ᱵᱤᱨᱫᱟ.ᱜᱟᱲ ᱨᱮᱱ VC ᱥᱟᱶᱛᱮ Santali Medium ᱠᱚᱞᱮᱡᱽ ᱛᱚᱨᱟᱣ ᱨᱟᱠᱟᱵ ᱵᱟᱠᱷᱨᱟ ᱢᱚᱧᱪᱚᱣᱟᱜ ᱧᱟᱯᱟᱢ ᱨᱚᱯᱚᱲ

ᱵᱟᱸᱠᱩᱲᱟ ᱡᱮᱸᱜᱮᱫ ᱵᱤᱨᱫᱟ.ᱜᱟᱲ ᱨᱮᱱ VC ᱥᱟᱶᱛᱮ Santali Medium ᱠᱚᱞᱮᱡᱽ ᱛᱚᱨᱟᱣ ᱨᱟᱠᱟᱵ ᱵᱟᱠᱷᱨᱟ ᱢᱚᱧᱪᱚᱣᱟᱜ ᱧᱟᱯᱟᱢ ᱨᱚᱯᱚᱲ

ᱥᱮᱭᱟᱨ ᱛᱟᱵᱳᱱ ᱯᱮ

ᱫᱷᱚᱨᱚᱢᱫᱟᱥ ᱴᱩᱰᱩ

ᱯᱟᱨᱚᱢᱮᱱ ᱒᱖ ᱟᱜᱚᱥᱴ ᱵᱟᱸᱠᱩᱲᱟ ᱡᱮᱜᱮᱫ ᱵᱤᱨᱫᱟ.ᱜᱟᱲ ᱨᱮᱱ ᱵᱷᱟᱭᱤᱥ ᱪᱮᱱᱥᱮᱞᱟᱨ (Vice Chancellor) ᱜᱚᱢᱠᱮ ᱥᱟᱶᱛᱮ ᱒᱐᱒᱐ᱼ᱓᱑ ᱥᱮᱪᱮᱫ ᱥᱮᱨᱢᱟ ᱨᱮ ᱮᱛᱚᱦᱚᱵᱚᱜ ᱠᱟᱱ ᱥᱟᱱᱛᱟᱲᱤ ᱛᱟᱱᱟᱞᱟ (Santali Medium) ᱛᱮ B.A ᱟᱨ B.Sc ᱚᱞ ᱯᱟᱲᱦᱟᱣ , ᱚᱱᱟ ᱡᱟᱛᱮ ᱱᱟᱯᱟᱭ ᱛᱮ ᱞᱟᱯᱷᱟᱝ ᱥᱮᱫ ᱛᱚᱨᱟᱣ ᱨᱟᱠᱟᱵ ᱜᱟᱱᱚᱜ ᱢᱟ ᱱᱚᱣᱟ ᱵᱟᱠᱷᱨᱟ ᱨᱚᱯᱚᱲ ᱦᱩᱭᱮᱱᱟ ᱾ ᱥᱟᱶᱛᱮ ᱯᱳᱭᱞᱳ ᱮᱛᱚᱦᱚᱵᱜ ᱠᱟᱱ ᱛᱮ ᱵᱟᱦᱟ ᱛᱷᱩᱯᱱᱟ.ᱜ ᱛᱮᱭ ᱥᱟᱨᱦᱟᱣ ᱥᱟᱨᱤ ᱠᱮᱫᱮᱭᱟ west Bengal Forum for Save the Right to Santali Education ᱯᱟᱦᱴᱟ ᱠᱷᱚᱱ ᱟᱨ ᱥᱟᱱᱛᱟᱲᱤ ᱯᱟᱨᱥᱤ ᱛᱮ ᱚᱞ ᱟᱠᱟᱱ ᱢᱤᱫᱴᱟᱝ ᱥᱟᱨᱚᱠ ᱞᱤᱯᱤ ᱦᱚ ᱮᱢ ᱪᱟᱞᱮᱱᱟ᱾

ᱧᱮᱞ ᱛᱟᱵᱩᱱ ᱯᱮ ᱺ ᱵᱟ:ᱠᱩᱲᱟ ᱡᱮᱜᱮᱫ ᱵᱤᱨᱫᱟ.ᱜᱟᱲᱨᱮ ᱥᱟᱱᱛᱟᱲᱤ ᱛᱟᱞᱢᱟ ᱛᱮ ᱥᱮᱞᱮᱫ ᱮᱱᱟ ᱢᱚᱬᱮ ᱜᱚᱴᱟᱝ ᱥᱟᱛᱟᱢ

ᱚᱞ ᱟᱠᱟᱱ ᱫᱟ.ᱵᱤ ᱥᱚᱱᱚᱫ ᱠᱚ ᱥᱟᱶᱛᱮ ᱟᱭᱢᱟ ᱞᱮᱠᱟᱱ ᱞᱟᱠᱛᱤᱭᱟᱱᱟᱜ ᱯᱟᱱᱛᱷᱟ ᱠᱚ ᱜᱟᱞᱚᱪ ᱜᱚᱴᱟ ᱥᱟ.ᱛᱮᱱᱟ ᱾ ᱢᱚᱧᱪᱚ ᱨᱮᱱ ᱥᱩᱛᱨᱮᱛ ᱚᱨᱩᱱ ᱠᱩᱢᱟᱨ ᱥᱚᱨᱮᱱ ᱜᱚᱢᱠᱮ ᱢᱚᱧᱪᱚ ᱦᱚᱛᱮᱛᱮ ᱥᱟᱯᱲᱟᱣ ᱥᱟ.ᱛ ᱟᱠᱟᱱ ᱠᱟ.ᱢᱤ ᱠᱚ ᱤᱫᱤ ᱠᱟᱛᱮ chancellor ᱜᱚᱢᱠᱮᱭ ᱞᱟ.ᱭ ᱯᱟᱥᱱᱟᱣ ᱟᱫᱮᱭᱟ ᱵᱤᱥᱮᱥ ᱠᱟᱭᱛᱮ ᱠᱚᱞᱮᱡ ᱨᱮᱱᱟᱜ ᱯᱩᱛᱷᱤ ᱠᱚ ᱚᱞ ᱥᱟ.ᱛ ᱟᱠᱟᱱ ᱵᱟᱠᱷᱨᱟ ᱡᱮ ᱢᱚᱧᱪᱚ ᱫᱚ ᱯᱷᱤᱞᱚᱡᱚᱯᱷᱤ, ᱱᱟᱜᱟᱢ , ᱨᱟᱡᱽᱼᱟ.ᱨᱤ ᱥᱟᱬᱮᱥ , ᱮᱰᱩᱠᱮᱥᱚᱱ ᱮᱢᱟᱱ ᱠᱚᱫᱚ ᱛᱚᱨᱡᱚᱢᱟ ᱟᱨ ᱰᱤ.ᱴᱤ.ᱯᱤ ᱥᱟ.ᱛ ᱠᱟᱛᱮ ᱢᱮᱱᱟᱜ ᱟᱠᱟᱫᱟ ᱚᱛᱱᱚᱜ (geography) ᱫᱚ ᱟ.ᱰᱤ ᱠᱟᱡᱟᱠ ᱛᱮ ᱠᱟᱢᱤ ᱦᱚᱨᱟ ᱪᱟᱞᱟᱜ ᱠᱟᱱᱟ ᱱᱚᱣᱟ ᱠᱚ ᱭᱩᱱᱤᱵᱷᱟᱨᱥᱤᱴᱤ ᱯᱟᱦᱴᱟ ᱠᱷᱚᱱ ᱪᱷᱟᱯᱟ ᱥᱚᱫᱚᱨ ᱞᱟᱜᱤᱫ ᱱᱮᱦᱚᱨ ᱫᱚᱦᱚ ᱟᱠᱟᱱᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱢᱤᱰᱤᱭᱟᱢ ᱨᱮᱱ ᱯᱟ.ᱴᱷᱣᱟ. ᱠᱚ ᱞᱟ.ᱜᱤᱫ ᱥᱟ.ᱜᱩᱱ ᱥᱟᱸᱫᱮᱥ

chancellor ᱜᱚᱢᱠᱮ ᱫᱚ soft copy ᱠᱚ ᱮᱢ ᱪᱟᱞᱟᱭ ᱠᱷᱟᱱ ᱜᱮ ᱥᱚᱫᱚᱨ ᱥᱟᱨᱤᱭᱟ ᱢᱮᱱᱛᱮᱭ ᱞᱟ.ᱭ ᱥᱚᱫᱚᱨ ᱟᱠᱟᱫᱟ ᱾ ᱞᱟ.ᱭ ᱛᱚᱨᱟ ᱠᱮᱫᱟᱭ ᱡᱮ ᱢᱤ ᱢᱤᱫᱴᱟᱝ ᱥᱟᱛᱟᱢ ᱨᱮ ᱯᱮᱭᱟ ᱠᱟᱛᱮ professor ᱦᱟᱛᱟᱜ-ᱟᱠᱚ, ᱛᱟᱦᱮᱱ ᱞᱟᱜᱤᱫ ᱦᱳᱥᱴᱮᱞ, ᱥᱮᱯᱟᱨᱮᱴ ᱵᱤᱞᱰᱤᱝ , ᱥᱟᱛᱟᱢ ᱠᱚ ᱵᱟᱲᱛᱤᱜ ᱟ , ᱥᱤᱴ ᱨᱮᱱᱟᱜ ᱞᱮᱠᱷᱟ ᱟᱨᱦᱚ ᱵᱟᱲᱛᱤᱭᱟ ᱮᱢᱟᱱ ᱠᱚᱭ ᱠᱚᱨᱟᱣᱟ ᱢᱮᱱᱛᱮᱭ ᱢᱮᱱ ᱠᱮᱫᱟ , ᱞᱟᱠᱛᱤ ᱨᱮ ᱢᱚᱧᱪᱚᱣᱟᱜ ᱜᱚᱲᱚ ᱡᱟᱛᱮ ᱧᱟᱢ ᱢᱟ ᱚᱱᱟᱦᱚ ᱟᱸᱥ ᱮ ᱫᱚᱦᱚ ᱟᱠᱟᱫᱟ ᱟᱨ ᱥᱟᱨᱟ ᱜᱷᱟᱲᱤ ᱨᱤᱠᱟ.ᱭᱟ ᱡᱟᱛᱮ Santali Medium ᱛᱮ ᱥᱮᱪᱮᱫ ᱱᱟᱯᱟᱭ ᱛᱮ ᱞᱟᱦᱟ ᱥᱮᱱᱚᱜ ᱢᱟ ᱚᱱᱟᱭ ᱛᱚᱨᱟᱣ ᱤᱫᱤᱭᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱰᱤᱜᱽᱨᱤ ᱠᱳᱨᱥ ᱨᱮ ᱟᱨ ᱦᱚᱸ ᱵᱟᱨᱭᱟ ᱥᱟᱛᱟᱢ ᱥᱮᱞᱮᱫᱟᱜ ᱫᱟ.ᱵᱤ ᱢᱚᱦᱚᱞᱟᱜ ᱥᱮᱪᱮᱫ ᱢᱩᱱᱛᱨᱤ ᱴᱷᱮᱱ

ᱱᱚᱛᱮ ᱢᱚᱧᱪᱚ ᱦᱚᱭ ᱞᱟ.ᱭ ᱛᱚᱨᱟ ᱠᱮᱫᱟ ᱡᱮ university ᱯᱟᱦᱴᱟ ᱠᱷᱚᱱ ᱡᱟᱦᱟ ᱛᱤᱱ ᱨᱮᱭ ᱠᱷᱚᱡᱮᱭᱟ ᱩᱱ ᱨᱮᱜᱮ ᱜᱚᱲᱚ ᱮᱢ ᱞᱟᱜᱤᱫ ᱮ ᱥᱚᱦᱚᱨ ᱥᱮᱴᱮᱨᱚᱜ ᱟ ᱾ ᱜᱟᱞᱢᱟᱨᱟᱣ ᱨᱮ ᱢᱚᱧᱪᱚ ᱨᱮᱱ ᱤᱥᱤ ᱤᱨᱟ.ᱞ ᱡᱚᱱᱟ ᱢᱟᱲᱛᱮ ᱠᱚ ᱥᱟᱶᱛᱮ ᱥᱩᱛᱨᱮᱫ ᱢᱚᱫᱚᱱ ᱢᱳᱦᱚᱱ ᱢᱟᱱᱰᱤ , ᱥᱚᱱᱟᱛᱚᱱ ᱥᱚᱨᱮᱱ, ᱱᱚᱵᱤᱱ ᱢᱟᱱᱰᱤ, ᱥᱩᱠᱷᱚᱢᱚᱭ ᱦᱟᱸᱥᱫᱟ ᱮᱢᱟᱱ ᱠᱚ , ᱥᱟᱶᱛᱮ ᱭᱩᱱᱤᱵᱷᱟᱨᱥᱤᱴᱤ ᱨᱮᱱ HOD ᱯᱷᱚᱴᱤᱠ ᱢᱩᱨᱢᱩ , ᱯᱚᱨᱚᱯᱷᱮᱥᱟᱨ ᱚᱱᱡᱚᱱ ᱠᱚᱨᱢᱚᱠᱟᱨ ᱜᱚᱢᱠᱮ ᱦᱚ ᱥᱮᱞᱮᱫ ᱠᱤᱱ ᱛᱟᱦᱮ ᱠᱟᱱᱟ ᱾ ᱢᱟᱱᱚᱛᱟᱱ ᱯᱷᱚᱴᱤᱠ ᱜᱚᱢᱠᱮ ᱟᱨ ᱚᱱᱡᱚᱱ ᱜᱚᱢᱠᱮ ᱛᱟᱠᱤᱱᱟᱜ ᱥᱟᱨᱟ ᱜᱷᱟᱲᱤ ᱜᱮ ᱞᱟᱠᱛᱤ ᱡᱟᱱᱤᱡ ᱫᱤᱥ ᱦᱩᱫᱤᱥ ᱟᱨ ᱥᱟᱨᱦᱟᱣᱟᱱᱟᱜ ᱜᱚᱲᱚ ᱫᱚ ᱢᱮᱱᱟᱜ ᱟᱠᱟᱫᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ Common Eligibility Test ᱵᱟᱨᱮᱛᱮ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱢᱚᱱᱚᱛ ᱟᱨ ᱟᱜᱟᱢ


ᱥᱮᱭᱟᱨ ᱛᱟᱵᱳᱱ ᱯᱮ
x