ᱞᱟᱞᱜᱚᱲ ᱠᱚᱞᱮᱡᱽ ᱨᱤᱱ ᱯᱨᱤᱱᱥᱤᱯᱟᱞ ᱥᱟᱶ ᱵᱮᱝᱜᱚᱞ ᱯᱷᱳᱨᱟᱢ ᱥᱟᱱᱛᱟᱲᱤ ᱮᱰᱩᱠᱮᱥᱚᱱ ᱟᱜ ᱫᱩᱯᱲᱩᱵ

ᱞᱟᱞᱜᱚᱲ ᱠᱚᱞᱮᱡᱽ ᱨᱤᱱ ᱯᱨᱤᱱᱥᱤᱯᱟᱞ ᱥᱟᱶ ᱵᱮᱝᱜᱚᱞ ᱯᱷᱳᱨᱟᱢ ᱥᱟᱱᱛᱟᱲᱤ ᱮᱰᱩᱠᱮᱥᱚᱱ ᱟᱜ ᱫᱩᱯᱲᱩᱵ

ᱥᱮᱭᱟᱨ ᱛᱟᱵᱳᱱ ᱯᱮ

ᱫᱷᱚᱨᱚᱢ ᱫᱟᱥ ᱴᱩᱰᱩ

ᱞᱟᱞᱜᱚᱲ ; ᱑᱔.᱐᱙.᱒᱐᱒᱐ ᱺ- West Bengal Forum for Save the Right to Santali Education ᱯᱟᱦᱟᱴᱟ ᱠᱷᱚᱱ Lalgarh Govt. Degree College ᱨᱮᱱ ᱯᱨᱤᱱᱥᱤᱯᱟᱞ ᱥᱟᱶᱛᱮ ᱦᱚᱞᱟ ᱚᱛᱮ ᱢᱟᱦᱟ ᱦᱤᱞᱳᱜ ᱫᱩᱲᱩᱵ ᱧᱟᱯᱟᱢ ᱦᱳᱭᱮᱱᱟ ᱾ ᱢᱚᱧᱪᱚ ᱨᱮᱱ ᱢᱟᱬᱛᱮ ᱠᱚ ᱵᱟᱦᱟ ᱛᱷᱩᱯᱱᱟ.ᱜ ᱟᱨ ᱜᱩᱨᱩ ᱜᱚᱢᱠᱮᱭᱟᱜ ᱯᱷᱳᱴᱳ ᱪᱟᱞ ᱠᱟᱛᱮᱜ ᱥᱟᱨᱦᱟᱣ ᱟᱨ ᱢᱟ.ᱱ ᱠᱚ ᱪᱟᱞ ᱟᱫᱮᱭᱟ; ᱚᱱᱟ ᱥᱟᱶᱛᱮ ᱱᱤᱛ ᱥᱟᱢᱟᱝ ᱨᱮ ᱥᱮᱴᱮᱨ ᱟᱠᱟᱱ ᱥᱟᱱᱛᱟᱲᱤ ᱛᱟᱱᱟᱞᱟ ( Santali Medium ) ᱛᱮ College ᱨᱮ admission ᱚᱜ ᱠᱟᱱ ᱯᱟ.ᱴᱷᱣᱟ. ᱠᱚᱣᱟᱜ ᱟᱭᱢᱟ ᱞᱮᱠᱟᱱ ᱟᱱᱟᱴ ᱵᱟᱠᱷᱨᱟ ᱛᱮ ᱫᱟ.ᱵᱤ ᱥᱟᱠᱟᱢ ᱪᱟᱞ ᱠᱮᱫᱟ ᱟᱨ ᱜᱟᱯᱟᱞᱢᱟᱨᱟᱣ ᱦᱚ ᱦᱳᱭ ᱟᱠᱟᱱᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱵᱟᱸᱠᱩᱲᱟ ᱡᱮᱸᱜᱮᱫ ᱵᱤᱨᱫᱟ.ᱜᱟᱲ ᱨᱮᱱ VC ᱥᱟᱶᱛᱮ Santali Medium ᱠᱚᱞᱮᱡᱽ ᱛᱚᱨᱟᱣ ᱨᱟᱠᱟᱵ ᱵᱟᱠᱷᱨᱟ ᱢᱚᱧᱪᱚᱣᱟᱜ ᱧᱟᱯᱟᱢ ᱨᱚᱯᱚᱲ

ᱱᱤᱛ ᱯᱟ.ᱴᱷᱣᱟ. ᱠᱚᱴᱷᱮᱱ ᱥᱟᱢᱟᱝ ᱟᱠᱟᱱ ᱟᱱᱟᱴ ᱠᱚ ᱢᱩᱫ ᱨᱮ ᱟᱭᱢᱟ ᱯᱟ.ᱴᱷᱣᱟ. ᱜᱮ Form fillup ᱚᱠᱛᱚ Hons. course ᱛᱮᱜᱮ ᱠᱚ fillup ᱟᱠᱟᱫᱟ Pass course ᱛᱮᱫᱚ ᱵᱟᱝ, ᱟᱫᱚᱢ ᱫᱚ ᱵᱷᱩᱞ ᱠᱟᱛᱮ Bengali Medium ᱛᱮᱠᱚ fillup ᱟᱠᱟᱫ ᱠᱷᱟᱛᱟᱨ admission ᱨᱮ ᱟᱱᱟᱴ ᱥᱤᱨᱡᱟ.ᱣᱚᱜ ᱠᱟᱱ ᱛᱟᱠᱚᱣᱟ ᱡᱟᱛᱮ Hons. ᱛᱮ fillup ᱟᱠᱟᱫ students ᱠᱚᱦᱚ pass ᱨᱮ admission ᱨᱮᱱᱟᱜ ᱫᱟᱣ ᱠᱚ ᱧᱟᱢ ᱢᱟ , Santali Medium ᱨᱮᱱ ᱯᱟ.ᱴᱷᱣᱟ. Bengali Medium ᱨᱮ ᱵᱷᱩᱞ ᱛᱮ fillup ᱟᱠᱟᱫ ᱠᱚ Santali Medium ᱩᱪᱟ.ᱲ ᱨᱮᱱᱟᱜ ᱫᱟᱣ ᱮᱢᱟᱠᱚ ᱦᱳᱭᱳᱜ ᱢᱟ ᱾ Principal ᱜᱚᱢᱠᱮᱭ ᱢᱮᱱ ᱠᱮᱫᱟ ᱨᱤᱠᱟ.ᱭᱟ.ᱧ ᱡᱟᱛᱮ ᱚᱠᱚᱭ ᱯᱟᱴᱷᱣᱟ. ᱟᱜ ᱦᱚᱸ admission ᱨᱮ ᱟᱱᱟᱴ ᱟᱞᱚ ᱦᱳᱭᱳᱜ ᱢᱟ ᱟᱨ ᱱᱩᱠᱩ ᱫᱚ October ᱪᱟᱸᱫᱚ ᱨᱮᱱᱟᱜ ᱯᱳᱭᱞᱳ ᱥᱮᱫ ᱨᱮᱜᱮ admission ᱥᱟ.ᱛ ᱠᱚᱣᱟ ᱾ ᱡᱩᱫᱤ Hons. ᱨᱮ ᱥᱤᱴ ᱥᱟᱨᱮᱡᱚᱜ ᱟ pass ᱛᱮ admission ᱟᱠᱟᱱ ᱯᱟ.ᱴᱷᱣᱟ. ᱠᱚ ᱛᱟᱭᱚᱢ ᱫᱟᱨᱟᱢ Hons. ᱨᱮ ᱩᱪᱟ.ᱲ ᱨᱮᱱᱟᱜ ᱫᱟᱣ ᱤᱧ ᱮᱢᱟ ᱠᱚᱣᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱢᱤᱰᱤᱭᱟᱢ ᱨᱮᱱ ᱯᱟ.ᱴᱷᱣᱟ. ᱠᱚ ᱞᱟ.ᱜᱤᱫ ᱥᱟ.ᱜᱩᱱ ᱥᱟᱸᱫᱮᱥ

ᱱᱚᱣᱟ ᱠᱚ ᱪᱷᱟᱰᱟ ᱥᱟ.ᱜᱤᱧ ᱨᱮᱱ ᱯᱟ.ᱴᱷᱣᱟ. ᱠᱚ ᱡᱟᱛᱮ ᱛᱟᱸᱦᱮ ᱠᱟᱛᱮᱜ ᱚᱞ ᱯᱟᱲᱦᱟᱣ ᱠᱚ ᱫᱟᱲᱮᱭᱟᱜ ᱢᱟ ᱚᱱᱟ ᱞᱟᱜᱤᱫ Hostel (Boys & Girls ) , ᱥᱟᱛᱟᱢ ᱨᱮᱱ ᱢᱟᱪᱮᱫ , ᱯᱩᱸᱛᱷᱤ , ᱟᱨᱦᱚᱸ ᱟᱭᱢᱟ ᱞᱮᱠᱟᱱ ᱜᱟᱞᱚᱪ ᱦᱳᱭ ᱥᱟ.ᱛᱮᱱᱟ ᱢᱮᱱᱠᱷᱟᱱ ᱱᱚᱣᱟ ᱠᱚᱫᱚ ᱩᱥᱟ.ᱨᱟ ᱜᱮ ᱠᱚᱨᱟᱣ ᱨᱮᱱᱟᱜ ᱮ ᱨᱤᱠᱟ.ᱭᱟ ᱢᱮᱱᱛᱮ ᱞᱟ.ᱭ ᱥᱚᱫᱚᱨ ᱟᱠᱟᱫᱟ ᱾ ᱟᱨᱦᱚ ᱞᱟ.ᱭ ᱛᱚᱨᱟ ᱠᱮᱫᱟ ᱡᱮ Santali Medium ᱛᱮ ᱚᱞ ᱯᱟᱲᱦᱟᱣ ᱦᱟᱨᱟ ᱵᱩᱨᱩ ᱞᱟᱜᱤᱫ ᱤᱪᱪᱷᱟ. ᱢᱮᱱᱟᱜ ᱛᱟᱭᱟ ᱨᱤᱠᱟ.ᱭᱟᱭ ᱡᱟᱛᱮ ᱱᱟᱯᱟᱭ ᱛᱮ ᱱᱚᱣᱟ ᱚᱞ ᱯᱟᱲᱦᱟᱣ ᱞᱟᱦᱟ ᱪᱟᱞᱟᱜ ᱢᱟ , ᱢᱚᱧᱪᱚᱣᱟᱜ ᱜᱚᱲᱚ ᱥᱚᱯᱚᱦᱚᱫ ᱦᱚᱭ ᱠᱷᱚᱡ ᱟᱠᱟᱱᱟ ᱾ ᱜᱟᱯᱟᱞ ᱢᱟᱨᱟᱣ ᱨᱮ ᱥᱮᱴᱮᱨ ᱠᱚ ᱛᱟᱦᱮ ᱠᱟᱱᱟ ᱢᱚᱧᱪᱚ ᱨᱮᱱ ᱡᱤ.ᱮᱥ ᱚᱨᱩᱱ ᱠᱩᱢᱟᱨ ᱥᱚᱨᱮᱱ, ᱯᱨᱚᱯᱷᱮᱥᱟᱨ ᱥᱩᱱᱤᱞ ᱠᱤᱥᱠᱩ , ᱢᱤᱴᱷᱩᱱ ᱴᱩᱰᱩ. , ᱯᱨᱚᱫᱤᱯ ᱠᱩᱢᱟᱨ ᱢᱩᱨᱢᱩ, ᱥᱤᱨᱡᱚᱱ ᱦᱟᱸᱥᱫᱟ , ᱚᱱᱟ ᱠᱚᱞᱮᱡ ᱨᱮᱱ ᱜᱮ ᱮᱥᱤᱥᱤᱴᱮᱱ ᱯᱨᱚᱯᱷᱮᱥᱟᱨ ᱯᱨᱵᱚᱛᱤ ᱦᱮᱢᱵᱽᱨᱚᱢ ᱮᱢᱟᱱ ᱾ ᱯᱨᱤᱱᱥᱤᱯᱟᱞ ᱢᱚᱧᱪᱚ ᱨᱮᱱᱟᱜ ᱥᱟᱨᱦᱟᱣ ᱟᱛᱟᱝ ᱫᱟᱨᱟᱢ ᱟᱨ ᱯᱟ.ᱴᱷᱣᱟ. ᱠᱚᱣᱟᱜ ᱟᱱᱟᱴ ᱤᱫᱤ ᱠᱟᱛᱮ ᱡᱚᱛᱷᱟᱛ ᱚᱠᱛᱚ ᱨᱮ ᱜᱟᱯᱟᱞ ᱢᱟᱨᱟᱣ ᱨᱮᱱᱟᱜ ᱫᱟᱣ ᱮᱢ ᱟᱠᱟᱫ ᱠᱷᱟ.ᱛᱤᱨ ᱢᱚᱧᱪᱚ ᱨᱮᱱ ᱢᱟᱬᱛᱮ ᱠᱚ ᱨᱟ.ᱥᱠᱟ. ᱠᱚ ᱥᱚᱫᱚᱨ ᱟᱠᱟᱫᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱛᱟᱱᱟᱞᱟ ᱠᱚᱞᱮᱡᱽ ᱫᱟ.ᱵᱤᱨᱮ ᱰᱟᱦᱟᱨ ᱡᱟᱸᱜᱮ ᱞᱟᱲᱟᱣᱱᱟ ᱥᱟ.ᱜᱩᱱ ᱥᱟ.ᱨᱤ ᱢᱟ


ᱥᱮᱭᱟᱨ ᱛᱟᱵᱳᱱ ᱯᱮ
x