ᱢᱟᱪᱮᱫ ᱢᱟᱦᱟ ᱩᱱᱩᱭᱦᱟ. ᱥᱟᱶᱛᱮ ᱯᱟ.ᱴᱷᱣᱟ. ᱥᱟᱨᱦᱟᱣᱱᱟ ᱟᱠᱷᱲᱟ

ᱢᱟᱪᱮᱫ ᱢᱟᱦᱟ ᱩᱱᱩᱭᱦᱟ. ᱥᱟᱶᱛᱮ ᱯᱟ.ᱴᱷᱣᱟ. ᱥᱟᱨᱦᱟᱣᱱᱟ ᱟᱠᱷᱲᱟ

ᱥᱮᱭᱟᱨ ᱛᱟᱵᱳᱱ ᱯᱮ

ᱫᱷᱚᱨᱚᱢ‌ᱫᱟᱥ ᱴᱩᱰᱩ

ᱯᱟᱨᱚᱢᱮᱱ ᱒᱗ ᱥᱮᱯᱴᱮᱢᱵᱚᱨ ᱥᱤᱸᱜᱮ ᱢᱟᱦᱟ ᱦᱤᱞᱳᱜ West Bengal Santal Teachers Association ᱯᱟᱦᱟᱴᱟ ᱠᱷᱚᱱ ᱵᱟᱸᱠᱩᱲᱟ ᱡᱮᱞᱟ ᱪᱷᱟᱛᱱᱟ ᱵᱞᱳᱠ ᱠᱚᱢᱚᱞᱯᱩᱨ ᱞᱮᱢᱯ ᱦᱟᱩᱥ ᱨᱮ ᱡᱟ.ᱛᱤᱭᱟ.ᱨᱤ ᱢᱟᱪᱮᱫ ᱢᱟᱦᱟ ᱩᱱᱩᱭᱦᱟ.ᱨ ᱞᱟᱥᱟᱲ ᱦᱮᱫ ᱛᱮ ᱡᱤᱨᱟ.ᱣ ᱢᱟᱪᱮᱫ ‘ᱦᱚᱨᱤᱫᱟᱥ ᱠᱤᱥᱠᱩ’ ᱜᱚᱢᱠᱮ ᱫᱚ ᱡᱟ.ᱛᱤᱭᱟ.ᱨᱤ ᱢᱟᱪᱮᱫ “ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ ᱥᱨᱤᱛᱤ ᱥᱚᱢᱢᱟᱱ” ᱮ ᱮᱢ ᱪᱟᱞ ᱠᱟᱛᱮ ᱟᱭᱟᱜ ᱡᱤᱭᱚᱱ ᱵᱷᱳᱨ ᱠᱟ.ᱨᱫᱷᱟᱱᱤ ᱨᱮᱱᱟᱜ ᱢᱟ.ᱱ ᱮ ᱮᱢ ᱠᱟᱣ ᱫᱮᱭᱟ ᱾ ᱟᱨᱦᱚ ᱱᱚᱛᱮ ᱱᱟᱣᱟ ᱱᱟᱜᱟᱢ ᱠᱚ ᱥᱤᱨᱡᱚᱱ ᱤᱫᱤᱭᱮᱫ ᱯᱚᱪᱷᱤᱢ ᱵᱟᱝᱞᱟ ᱥᱮᱪᱮᱫ ᱢᱟᱰᱮᱨ ᱛᱟᱨᱤ ᱨᱮᱱ ᱢᱟᱫᱽᱫᱷᱚᱢᱤᱠ ᱟᱨ ᱮᱭᱤᱪ.ᱮᱥ ᱒᱐᱒᱐ ᱥᱟᱱᱛᱟᱲᱤ ᱛᱟᱱᱟᱞᱟ Top Ten ᱯᱟ.ᱴᱷᱣᱟ. ᱠᱚ ᱥᱟᱨᱦᱟᱣ ᱟᱰᱤ ᱡᱚᱢᱚᱠ ᱛᱮ ᱦᱳᱭ ᱥᱟ.ᱛᱮᱱᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱮᱥ.ᱴᱤ ᱥᱟᱨᱴᱤᱯᱷᱤᱠᱮᱴ ᱡᱟᱞᱤᱭᱟ.ᱛᱤ ᱵᱤᱨᱩᱫᱷ ᱨᱮ ᱰᱤ.ᱮᱢ ᱰᱮᱯᱩᱴᱮᱥᱚᱱ ᱫᱩ-ᱫᱮᱞᱟ ᱯᱟ.ᱴᱷᱩᱣᱟ. ᱜᱟᱶᱛᱟᱣᱟᱜ

ᱢᱟᱪᱮᱫ ᱥᱮᱢᱞᱮᱫ ᱫᱚ ᱥᱟᱱᱟᱢ ᱯᱟ.ᱴᱷᱣᱟ. ᱠᱚᱜᱮ ᱥᱤᱫ ᱥᱟᱠᱟᱢ ᱟᱨ ᱥᱟᱨᱦᱟᱣ ᱥᱤᱨᱯᱟ. ᱟᱛᱮ ᱢᱟ.ᱱ ᱥᱟᱞᱟᱜ ᱥᱟᱨᱦᱟᱣ ᱮ ᱪᱟᱞ ᱟᱫ ᱠᱚᱣᱟ ᱾ ᱱᱚᱣᱟ ᱪᱷᱟᱰᱟ W.B.S.T.A ᱨᱮᱱ ᱡᱮᱞᱟ ᱯᱟᱨᱥᱮᱛ Babunath Tudu ᱫᱚ Madhyamik ᱟᱨ H.S ᱵᱤᱱᱤᱰ ᱚᱨᱡᱚ ᱨᱮ ᱥᱚᱨᱮᱥ ᱴᱷᱟᱶ ᱠᱤᱱ ᱦᱟᱢᱮᱴ ᱟᱠᱟᱫ ᱪᱚᱱᱫᱨᱚ ᱠᱮ.ᱮᱥ ᱦᱟᱭ ᱥᱠᱩᱞ ᱨᱮᱱ ᱯᱟ.ᱴᱷᱣᱟ. ᱵᱩᱫᱽᱫᱷᱚᱫᱮᱵᱽ ᱢᱟᱱᱰᱤ(Madhyamik), ᱚᱢᱚᱨ ᱫᱤᱯ ᱴᱩᱰᱩ(H.S) 1000/- ᱠᱟᱛᱮ ᱴᱟᱠᱟ ᱟᱨ ᱥᱤᱨᱯᱟ. ᱟᱛᱮ ᱥᱟᱨᱦᱟᱣ ᱥᱟᱨᱤ ᱠᱮᱫ ᱠᱤᱱᱟ ᱾ ᱥᱟᱶᱛᱮ ᱟᱡᱽ ᱨᱮᱱ ᱚᱲᱟᱜ ᱜᱚᱢᱠᱮ ᱢᱟᱱᱚᱛᱤᱭᱟ. ᱞᱚᱠᱠᱷᱤ ᱴᱩᱰᱩ ᱦᱚᱸ ᱥᱟᱱᱛᱟᱲᱤ ᱛᱟᱱᱟᱞᱟ ᱛᱮ ᱱᱮᱥ ᱜᱮ ᱯᱳᱭᱞᱳ ᱥᱟᱬᱮᱥ ᱪᱟᱸᱜᱟ ᱛᱮ H.S ᱠᱚ ᱯᱟᱥ ᱟᱠᱟᱫ ᱮᱭᱟᱭ ᱡᱚᱱᱟ ᱯᱟ.ᱴᱷᱣᱟ. ᱢᱟ.ᱭ ᱵᱟᱵᱩ ᱠᱚ ᱥᱤᱨᱯᱟ. ᱥᱟᱶᱛᱮ 1000/- ᱴᱟᱠᱟ ᱮᱢ ᱪᱟᱞ ᱠᱟᱛᱮᱭ ᱥᱟᱨᱦᱟᱣ ᱥᱟᱨᱤ ᱠᱮᱫ ᱠᱚᱣᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱥᱟᱱᱛᱟᱲᱤ ᱥᱟᱶᱦᱮᱫ, ᱯᱟᱹᱨᱥᱤ ᱟᱨ ᱯᱟᱹᱨᱥᱤ ᱥᱟᱬᱮᱥ ᱢᱤᱫ ᱫᱤᱱ ᱨᱮᱱᱟᱜ ᱯᱚᱱᱚᱛ ᱞᱮᱵᱮᱞ ᱳᱭᱮᱵᱤᱱᱟᱨ

ᱯᱟ.ᱴᱷᱣᱟ. ᱠᱚᱣᱟᱜ ᱢᱚᱱᱮᱨᱮ ᱨᱟ.ᱥᱠᱟ. ᱟᱨ ᱢᱚᱱᱮ ᱩᱨᱤᱡ ᱠᱟᱛᱮ ᱚᱞ ᱯᱟᱲᱦᱟᱣ ᱟᱨ ᱱᱤᱛᱨᱮᱱ ᱥᱟᱶᱛᱮ ᱛᱟᱭᱚᱢ ᱫᱟᱨᱟᱢ ᱨᱮᱱ ᱯᱟ.ᱴᱷᱣᱟ. ᱠᱚᱣᱟᱜ ᱢᱚᱱᱮᱨᱮ ᱩᱫᱽᱜᱟ.ᱣ ᱥᱤᱨᱡᱟ.ᱣ ᱞᱟᱜᱤᱫ ᱛᱮ ᱠᱩᱨᱩᱢᱩᱴᱩ ᱟᱠᱟᱫ Chandra.K.S.H.High School ᱨᱮᱱ ᱢᱟᱪᱮᱫ ᱢᱟ.ᱱ ᱫᱷᱚᱨᱚᱢ ᱫᱟᱥ ᱴᱩᱰᱩ ᱜᱚᱢᱠᱮ ᱫᱚ Madhyamik ᱟᱨ H.S ᱵᱤᱱᱤᱰ 2020 ᱨᱮ ᱥᱟᱱᱛᱟᱲᱤ ᱛᱟᱱᱟᱞᱟ ᱛᱮ 80% ᱪᱮᱛᱟᱱ ᱱᱟᱢᱵᱟᱨ ᱧᱟᱢ ᱠᱟᱛᱮ ᱯᱚᱪᱷᱤᱢ ᱵᱟᱝᱞᱟ ᱥᱮᱪᱮᱫ ᱢᱟᱰᱮᱨ ᱛᱟᱨᱤ ᱨᱮᱱᱟᱜ ᱵᱤᱱᱤᱰ ᱚᱨᱡᱚ ᱨᱮ ᱥᱚᱨᱮᱥ ᱴᱷᱟᱶ ᱦᱟᱢᱮᱴᱟᱱ ᱚᱱᱟ ᱵᱤᱨᱫᱟ.ᱜᱟᱲ ᱨᱮᱱ ᱜᱮ ᱯᱟ.ᱴᱷᱣᱟ. ᱵᱩᱫᱽᱫᱷᱚᱫᱮᱵᱽ ᱢᱟᱱᱰᱤ(M.P/577), ᱚᱢᱚᱨᱫᱤᱯ ᱴᱩᱰᱩ(H.S/440) ᱛᱟᱠᱤᱱ ᱥᱟᱨᱦᱟᱣ ᱥᱤᱨᱯᱟ. ᱟᱨ 2000/- ᱴᱟᱠᱟ ᱮᱢ ᱪᱟᱞ ᱠᱟᱛᱮᱜ ᱥᱟᱨᱦᱟᱣ ᱥᱟᱨᱤ ᱠᱮᱫ ᱠᱤᱱᱟ ᱾ ᱚᱱᱟ ᱪᱷᱟᱰᱟ ᱟᱭᱟᱜ ᱵᱤᱨᱫᱟ.ᱜᱟᱲ ᱨᱮ ᱡᱟᱸᱦᱟ ᱥᱟᱛᱟᱢ ᱮ ᱯᱟᱲᱦᱟᱣ ᱠᱚᱣᱟ ᱚᱱᱟ ᱥᱟᱛᱟᱢ ᱨᱮ ᱡᱟᱸᱦᱟᱭ ᱠᱚ 80% ᱪᱮᱛᱟᱱ ᱱᱟᱢᱵᱟᱨ ᱠᱚ ᱧᱟᱢ ᱟᱠᱟᱫᱟ ᱩᱱᱠᱩ ᱥᱟᱱᱟᱢ ᱯᱟ.ᱴᱷᱣᱟ. ᱠᱚᱜᱮ ᱢᱤᱫᱴᱟᱝ ᱠᱟᱛᱮ ᱰᱟᱭᱨᱤ ᱟᱨ ᱠᱚᱞᱚᱢ ᱮᱢ ᱪᱟᱞ ᱠᱟᱛᱮ ᱥᱟᱨᱦᱟᱣ ᱮ ᱪᱟᱞᱟᱫ ᱠᱚᱣᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱑᱔ ᱥᱮᱯᱴᱮᱢᱵᱚᱨ ᱮᱭᱟᱭ ᱜᱮ ᱢᱤᱫ ᱥᱮᱨᱢᱟ ᱫᱤᱥᱚᱢ ᱨᱚᱲ ᱢᱟᱦᱟ ᱠᱚ ᱢᱟᱱᱟᱣ ᱠᱮᱫᱟ ᱜᱚᱱᱚᱴᱷᱚᱱ

ᱱᱚᱣᱟ ᱟᱠᱷᱲᱟ ᱨᱮ ᱵᱟᱸᱠᱩᱲᱟ, ᱡᱷᱟᱲᱜᱟᱨᱟᱢ, ᱯᱩᱪᱷᱤᱢ ᱢᱮᱫᱤᱱᱯᱩᱨ ᱮᱢᱟᱱ ᱡᱮᱞᱟ ᱨᱮᱱ ᱯᱟ.ᱴᱷᱣᱟ. ᱠᱚᱠᱚ ᱥᱮᱞᱮᱫ ᱞᱮᱱᱟ ᱾ ᱥᱟᱱᱟᱢ ᱯᱟ.ᱴᱷᱣᱟ. ᱠᱚᱣᱟᱜ ᱚᱞᱚᱜ ᱡᱤᱭᱚᱱ ᱥᱟᱨ ᱥᱟᱜᱩᱱ ᱠᱚᱜ ᱢᱟ ᱱᱩᱠᱩᱣᱟᱜ ᱟᱜᱟᱢ ᱫᱚ ᱢᱟᱨᱥᱟᱞ ᱜᱮᱭᱟ ᱢᱮᱱᱛᱮ ᱜᱚᱢᱠᱮ ᱠᱚ ᱥᱚᱫᱚᱨ ᱟᱠᱟᱫᱟ ᱾ ᱱᱚᱣᱟ ᱥᱟᱜᱩᱱ ᱟᱠᱷᱲᱟ ᱨᱮ ᱢᱟᱨᱟᱝ ᱯᱮᱲᱟ ᱞᱮᱠᱟᱛᱮ ᱡᱚᱞᱚᱫᱷᱚᱨ ᱠᱚᱨᱢᱚᱠᱟᱨ, ᱵᱚᱞᱚᱨᱟᱢᱯᱩᱨ ᱯᱷᱩᱞᱪᱟᱸᱫᱽ ᱦᱟᱭ ᱥᱠᱩᱞ ; ᱢᱟ.ᱱᱟᱱ ᱯᱮᱲᱟ ᱫᱩᱨᱜᱟᱫᱟᱥ ᱢᱩᱨᱢᱩ(BJMPM), ᱱᱮᱣᱛᱟ ᱯᱮᱲᱟ Professor ᱥᱚᱥᱤᱠᱟᱱᱛᱚ ᱢᱩᱨᱢᱩ Lalpur Mahatma Gandhi Mahavidyalay; ᱚᱥᱥᱤᱱᱤ ᱠᱩᱢᱟᱨ ᱦᱟᱸᱥᱫᱟ (CDPO), ᱥᱚᱢᱤᱨ ᱠᱤᱥᱠᱩ, ᱛᱟᱨᱟᱪᱟᱸᱫᱽ ᱴᱩᱰᱩ (ᱪᱟᱰᱟ ᱴᱩᱰᱩ) , ᱯᱟᱸᱪᱩᱜᱳᱯᱟᱞ ᱦᱮᱢᱵᱽᱨᱚᱢ(W.B.S.T.A President), ᱥᱚᱛᱨᱩᱜᱷᱱᱚ ᱢᱩᱨᱢᱩ ᱥᱟᱶᱛᱮ ᱟᱨᱦᱚ ᱟᱭᱢᱟ ᱢᱟ.ᱱᱟᱱ ᱯᱮᱲᱟ ᱥᱩᱵᱩᱫᱤᱭᱟ. ᱥᱟᱶᱛᱟ ᱫᱩᱞᱟ.ᱲᱤᱭᱟ. ᱥᱩᱥᱟ.ᱨᱤᱭᱟ. ᱜᱚᱢᱠᱮ ᱟᱠᱷᱲᱟ ᱥᱟᱠᱷᱤ ᱥᱚᱵᱷᱟ ᱞᱟᱜᱤᱫ ᱥᱮᱴᱮᱨ ᱠᱚ ᱛᱟᱸᱦᱮ ᱠᱟᱱᱟ ᱾

ᱧᱮᱞ‌ ᱛᱟᱵᱩᱱ ᱯᱮ ᱺ ᱚᱱᱚᱞᱤᱭᱟ. ᱜᱟᱶᱛᱟᱣᱟᱜ ᱱᱟᱣᱟ ᱩᱪᱷᱟ.ᱱ ᱫᱟᱨᱟᱭ ᱠᱟᱱᱟ ᱛᱟᱨᱟ ᱥᱮᱨᱢᱟᱠᱤᱭᱟ. ᱯᱟᱛᱷᱟᱢ ᱥᱮᱸᱫᱽᱨᱟ


ᱥᱮᱭᱟᱨ ᱛᱟᱵᱳᱱ ᱯᱮ
x