Yellow Model Pritibala Soren Photoshoot Session

‘ᱥᱟᱥᱟᱝ ᱥᱟᱲᱤᱛᱮ ᱥᱚᱲᱚᱜ ᱩᱨᱜᱩᱢ’ ᱥᱳᱥᱟᱞ ᱢᱤᱰᱤᱭᱟᱨᱮ ᱥᱮᱞᱮᱵᱽ ᱯᱨᱤᱛᱤ ᱵᱟᱞᱟ

ᱥᱮᱭᱟᱨ ᱛᱟᱵᱳᱱ ᱯᱮ

ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱥᱟᱱᱛᱟᱲᱤ ᱤᱱᱰᱟᱥᱴᱨᱤ ᱨᱮ ᱠᱟ.ᱢᱤ ᱫᱚ ᱢᱤᱫᱴᱟᱝ ᱜᱮ ᱛᱟᱭ ᱾ ᱥᱤᱝᱨᱟ.ᱭ ᱥᱚᱨᱮᱱᱟᱜ ᱦᱤᱴ‌ ᱥᱮᱨᱮᱧ ᱼ ‘ᱚᱠᱟ ᱟᱸᱛᱩ ᱨᱤᱱᱤᱡ ᱚᱠᱚᱭ ᱦᱚᱯᱚᱱᱮᱨᱟ ‘ ᱟᱛᱮᱫ ᱰᱮᱵᱤᱩ ᱾ ᱒᱐᱑᱙ ᱨᱮ ᱦᱮᱡ ᱞᱮᱱ ᱛᱟᱭᱟ ᱚᱱᱟ ᱥᱮᱨᱮᱧ ᱾ ᱤᱱᱟ. ᱛᱟᱭᱚᱢ ᱟᱨ ᱵᱟᱭ ᱧᱮᱞ ᱟᱠᱟᱱᱟ ᱤᱱᱰᱟᱥᱴᱨᱤ ᱨᱮ ᱾ ᱮᱱᱛᱮ ᱨᱮᱦᱚᱸ ᱯᱷᱮᱱ ᱠᱚᱣᱟᱜ ᱢᱚᱱᱮᱨᱮ ᱵᱟᱥᱟ ᱢᱮᱱᱟᱭ ᱜᱮᱭᱟ ᱮᱠᱴᱨᱮᱥ ᱯᱨᱤᱛᱤ ᱵᱟᱞᱟ ᱥᱚᱨᱮᱱ ᱾

ᱯᱨᱤᱛᱤ ᱵᱟᱞᱟ ᱥᱚᱨᱮᱱᱟᱜ ᱡᱟᱱᱟᱢ ᱫᱤᱥᱚᱢ ᱫᱚ ᱛᱟᱭ ᱡᱟᱢᱥᱮᱫᱽᱯᱩᱨ ᱾ ᱚᱸᱰᱮ ᱜᱮ ᱢᱟᱩᱱᱴ ᱵᱷᱤᱩ ᱵᱤᱨᱫᱟ.ᱜᱟᱲ ᱨᱮ ᱯᱟᱲᱦᱟᱣ ᱟᱠᱟᱱᱟᱭ ᱾ ᱤᱱᱟ. ᱛᱟᱭᱚᱢ ᱮᱢ ᱮᱥ ᱨᱟᱢᱟᱭᱦᱟ ᱠᱚᱞᱮᱡᱽ ᱚᱯᱷ ᱟᱨᱴᱥ ᱥᱟᱭᱮᱱᱥ ᱮᱱᱰ ᱠᱚᱢᱟᱨᱥ ᱠᱚᱞᱮᱡᱽ ᱠᱷᱚᱱ ᱯᱟᱥ ᱜᱨᱮᱡᱩᱭᱮᱴ ᱟᱠᱟᱱᱟᱭ᱾

ᱧᱮᱞ ᱛᱟᱵᱩᱱ ᱯᱮ ᱺ ᱫᱟᱨᱟᱭ ᱠᱟᱱᱟ ᱱᱟᱣᱟ ᱥᱟᱱᱛᱟᱲᱤ ᱥᱮᱴᱟᱞᱟᱭᱤᱴ ᱴᱤᱵᱷᱤ ᱪᱮᱱᱮᱞ “AdivasiTV”

ᱯᱨᱤᱛᱤ ᱵᱟᱞᱟ ᱥᱚᱨᱮᱱ ᱱᱤᱛ ᱫᱚ ᱯᱩᱱᱮ ᱨᱮ ᱛᱟᱸᱦᱮᱱ ᱠᱟᱱᱟᱭ ᱾ ᱚᱸᱰᱮ ISB&M ᱨᱮ ᱵᱤᱡᱽᱱᱮᱥ ᱟᱨ ᱢᱤᱰᱤᱭᱟ ᱟᱛᱮᱫ ᱮ ᱯᱟᱲᱦᱟᱜ ᱠᱟᱱᱟ ᱾ ᱤᱱᱟ.ᱛᱮ ᱥᱟᱱᱛᱟᱲᱤ ᱤᱱᱰᱟᱥᱴᱨᱤ ᱥᱟᱶ ᱮᱠᱴᱤᱵᱷᱞᱤ ᱵᱟᱭ ᱡᱚᱯᱲᱟᱣ ᱛᱟᱦᱮᱸ ᱫᱟᱲᱮᱭᱟᱜ ᱠᱟᱱᱟ᱾ ᱮᱱᱛᱮ ᱨᱮᱦᱚᱸ ᱥᱳᱥᱟᱞ ᱥᱟᱭᱤᱴ ᱨᱮ ᱯᱷᱮᱱ ᱠᱚ ᱥᱟᱞᱟᱜ ᱡᱚᱯᱲᱟᱣ ᱨᱮ ᱢᱮᱱᱟᱭ ᱜᱮᱭᱟ ᱾

ᱯᱨᱤᱛᱤ ᱵᱟᱞᱟ ᱫᱚ ᱢᱤᱫ ᱥᱮᱫ ᱮᱠᱴᱨᱮᱥ ᱢᱚᱰᱮᱞ ᱠᱟᱱᱟᱭ ᱾ ᱤᱱᱟ. ᱵᱮᱜᱚᱨ ᱜᱞᱟᱥ ᱥᱠᱮᱪ , ᱢᱟᱜᱽ ᱯᱮᱱᱴᱤᱝ ᱮᱢᱟᱱ ᱛᱮᱭᱟᱜ ᱨᱮ ᱠᱩᱥᱤ ᱥᱟᱱᱟ ᱢᱮᱱᱟᱜ ᱛᱟᱭᱟ ᱾ ᱞᱚᱠᱰᱟᱣᱩᱱ ᱚᱠᱛᱚ ᱟᱡᱟᱜ ᱠᱟ.ᱢᱤᱦᱚᱨᱟ ᱠᱚᱭ ᱦᱟ.ᱴᱤᱧ ᱥᱚᱫᱚᱨ ᱞᱮᱫᱟ ᱟᱡ ᱨᱮᱱ ᱯᱷᱮᱱ ᱠᱚ ᱛᱟᱞᱟ ᱾

ᱧᱮᱞ ᱛᱟᱵᱩᱱ ᱯᱮ ᱺ ᱡᱤᱛᱠᱟᱹᱨ ! ᱢᱤᱫ ᱥᱟ.ᱲᱤᱢ ᱩᱢᱩᱞ ᱨᱮ ᱥᱟᱱᱛᱟᱲᱤ ᱥᱤᱱᱮ ᱤᱱᱰᱟᱥᱴᱨᱤ

ᱛᱚᱵᱮ ᱱᱤᱭᱟ. ᱡᱚᱦᱚᱜ ᱥᱟᱥᱟᱝ ᱥᱟ.ᱲᱤ ᱛᱮ ᱱᱮᱴ ᱫᱤᱥᱣᱟ. ᱠᱚᱣᱟᱜ ᱢᱚᱱᱮ ᱜᱟᱵᱟᱱ ᱟᱠᱟᱫ ᱛᱟᱠᱚᱣᱟᱭ ᱯᱨᱤᱛᱤ ᱵᱟᱞᱟ ᱾ ᱡᱮᱸᱜᱮᱫ ᱦᱚᱲᱢᱳ ᱞᱮᱸᱡᱮᱨ ᱠᱤᱪᱨᱤᱡ ᱨᱮ ᱩᱨᱜᱩᱢ ᱥᱚᱸᱫᱷᱟᱲ ᱥᱚᱵᱷᱟᱭᱮ ᱠᱟᱱᱟ ᱮᱠᱴᱨᱮᱥ ᱾ ᱯᱷᱮᱥᱵᱩᱠ ᱯᱷᱤᱰᱥ ᱨᱮ ᱡᱟᱣ ᱜᱮ ᱥᱮᱭᱟᱨᱚᱜ ᱠᱟᱱᱟ ᱯᱨᱤᱛᱤᱣᱟᱜ ᱯᱷᱚᱴᱳ ᱾ ᱤᱱᱟ.ᱛᱮ ᱯᱷᱮᱱ ᱠᱚᱣᱟᱜ ᱪᱟᱯᱮ ᱜᱟᱵᱟᱱ ᱫᱩᱞᱟ.ᱲ ᱥᱚᱫᱚᱨ ᱥᱟᱶᱟᱭ ᱵᱷᱟ.ᱜᱤ ᱴᱷᱤᱠ ᱟᱴᱠᱟᱨᱚᱜ ᱠᱟᱱᱟ ᱾

ᱯᱨᱤᱛᱤ ᱵᱟᱞᱟᱣᱟᱜ ᱤᱱᱥᱴᱟ ᱨᱮ ᱒᱓ ᱜᱮᱥᱟᱥᱟᱭ ᱠᱷᱚᱱ ᱦᱚᱸ ᱵᱟ.ᱲᱛᱤ ᱯᱷᱚᱞᱳᱣᱟᱨᱥ ᱢᱮᱱᱟᱜ ᱠᱚᱣᱟ ᱾ ᱯᱷᱮᱥᱵᱩᱠ ᱨᱮᱦᱚᱸ ᱯᱷᱮᱱ ᱵᱮᱥ ᱟ.ᱰᱤ ᱩᱛᱟ.ᱨᱠᱚ ᱛᱟᱭᱟ᱾ ᱡᱚᱛᱚ ᱯᱷᱮᱱᱟᱜ ᱢᱚᱱᱮ ᱥᱟᱨᱮᱲ ᱚᱪᱚ ᱠᱟᱛᱮᱫ ᱵᱷᱤᱰᱤᱣᱳ ᱯᱞᱟᱴᱯᱷᱚᱨᱢ ᱨᱮ ᱛᱤᱥᱮ ᱫᱟᱨᱟᱭ ᱠᱟᱱᱟ ᱯᱨᱤᱛᱤ ᱚᱱᱟ ᱛᱟᱸᱜᱤ ᱛᱟᱸᱲᱟᱜ ᱨᱮ ᱯᱷᱮᱱ ᱠᱚ ᱾


ᱥᱮᱭᱟᱨ ᱛᱟᱵᱳᱱ ᱯᱮ
x